المساعد الشخصي الرقمي

مشاهدة النسخة كاملة : سؤال عن تزويد مكينه 350


أبو فهد بليزر
16/10/2016, 12:34 PM
السلام عليكم ورحمة الله
سيارتي بليزر موديل 79 عندي استفسار بسيط جدا
المكينه 350 حمرا
والقير عادي دبل
ودي اركب لها كربريتر و ثلاجه و ديلكو و كويل وبواجي و اسلاك بواجي و فلتر طبعا كلها رياضيه او من النوع اللي يسمونه ايدك بروك او هولي
هل فيه ضرر على المكينه لو ركبت هالاشياء فقط او لازم اغير معها أشياء ثانيه ياليت تعطوني بالتفصيل الاسامي و المقاسات
وكم تكلفني تقريبا ؟
MSAN
16/10/2016, 03:09 PM
وعليكم السلام ورحمة الله وبركاته

عندي حوض 1990 مخصر, قد ركبت عليه:
كربريتر هولي 640 اوف رود، ثلاجة هولي ستريت دومنيتر، طقم كهرب من شركة ام اس دي (كويل، ديلكو، ام اس دي، اسلاك وبواجي)، هدرزات تفصيل الصفدي في الرياض، فلتر رياضي.. طرمبة بنزين كربريتر هولي ورقليتر هولي، كلفتني حول عشرة الاف.. والفرق كان بسيط.. ما عجبني

قشعتها كلها وركبت مكينة كابرس 2006 LS1 5.7 افضل بكثييير.. عزم وصرفية بنزين وصفاوة وخط



أنصحك.. لاتخسر مرتين



بالتوفيق
أبو فهد بليزر
16/10/2016, 10:11 PM
والله وانا اخوك المكينه اللي قلت عنها انت متقطع قلبي عليها لاكن الشكوى على الله غاليه بالحيل توصل 15 مع القير هذا اذا توفقت ولقيت مكينه نظيفه وقير نظيف
لاكن اليوم كنت فالتشاليح لقيت مكينه 454 بقير تماتيك و الدبل معها ومع الرجيع ب 6500 عليها ضمان يومين يقول اشغلها قدامك وتفحصها والفك و التركيب علي و احترت هاللحين وش اسوي
MSAN
17/10/2016, 02:58 PM
هلا بك
مكينة ال454 وزنها ثقيل جدا وحرارتها عالية وصرفية بنزين عالية وفي الاخير الفرق مايستاهل.. ما أنصحك تركبها ابدا ابدا

وترا تركيب مكينة الكابرس ممكن يوصل 15 بس مايحتاج تغير القير.. أنا مركبها على قير شد بلد قير عايدي ثلاث تعاشيق :D
أبو فهد بليزر
17/10/2016, 11:58 PM
ماشاء الله تبارك الرحمن الله يعطيك خيرها ويكفيك شرها
وين ركبتها فيه أي مدينه
بدر دبي111
28/12/2016, 04:33 PM
فعلا صح كلام MSAN ابتعد عن المكاين القديمه هو 454 من افضل المكاين حق التطعيس للبترول ومن اقوى المكاين الامريكيه تعتبر بق بلوك بس نصيحه اذا انته تبي الراحه والتوفير ركب مكينة 5.7 او 5.3