المرور والغرامات الجديده (كـ الشد * كفرات البلون * التبريزة * تغيير جنوط البلد )

[.ابومالك]

السلام عليكم

مرة ابني علي نقطة تفتيش سيارتة شاص تويوتا وقالو لة بالحرف الواحد كفرات البلون عليها مخالفة ولكن هذه المرة لن نعطيك قسيمة لانها اول مرة
اتصلت علي احد الاقرباء ضابط بالمرور وقال الشد والجنوط وكفرات البالون واي اضافة علي السيارة قسيمة علي طول
ومن اراد اضافة شىء علي السيارة اخذ تصريح من المرور حتي الشد لـ اهل البر
من سمع هذا الكلام

[2yed]

دخلت موقع المرور قسم المخالفات المروريه
مافي شيء من الي تفضلت
يمكن فاضي العسكري وطفشان
قال ب ادق سالفه :D

[ابو نايوفيتش]

صحيح ، الليدات والصدامات وحتى السلات الخلفية عليها مخالفة

والبالون عليه مخالفة حالياً مع انهم ماصرحوا او اعلنوا

لكن شغالين المرور

[ناصح]

وعليكم السلام ورحمة الله وبركاته

نعم حاليا عليها مخالفة

[abdullah-vtc]

عطونا مصدركم ياللي تقولون عليها مخالفه ؟؟

لم يتم اعلان اي شيئ عن هالموضوع الى الان .. وبحثنا في موقع الداخليه ولم نجد شيئ..

اتمنى ذكر المصدر يامسرفنا العزيز ( ناصح )
وشكرا

[أبو شيري]

من المفترض منع دخولها الجمرك وتسويقها وبعد ذلك خالف من يركبها

لكن راح تكون مثل التضليل يباع بمحلات الزينه واذا ضللت مخالفه

[قليقلان]

نسمع كلام منقول ولافيه شي رسمي
وكفرات البالون لازم تفكهن اذا دخلت الديره
يعني اللي يسوي بنشري بالبر ربحاااان

[ssas1919]

في موقع المرور لا يوجد شيء ولكن حالياً فيه كم شخص بالرياض جته مخالفات على البوالين

[هارون97]

خرطي كلة كلام فاضي وش عليه مخالفه

[ابو نايوفيتش]

بالنسبة للشي هذا تكلمت مع واحد يشتغل بالمرور وفي مكان قريب مرة
وسالته عن اللي طلع بالسناب الامني وبين المخالفات اللي تتكلم عنها الناس

فقالي ان الكلام كله غير صحيح ولا عليهن مخالفة مثل رفع السيارة وتركيب سلة وبالون وغيرة
لكن اللي مسكوهم في السناب كان موقعم في شارع رشوش والشارع كان فيه جمهرة وعشان يأدبونهم عطوا كل واحد مخالفة
فشافوا اي عذر عشان يعطونهم مخالفة اللي كانوا في الشارع

لكن اللي ماهو ممنوع من كلامه ، البالون والترفيع والمساعدات والسلات والصدامات اللي ماتشبه اشكالهن مثل صدامات المرور

وسالته عن الليدات فقالي نظاماً ممنوعة لكن محد يلتفت لها لكن بالفترة الاخيرة صارت تجينا شكاوي من الناس بسبب راعينها
انهم يشغلونها ويكبسون في وجه الناس داخل المدينة فعشان كذا راح يتشددون ، لان فيه ناس تخرب على ناس


اما الزنون فهو ممنوع من الاساس فلا تفكر تركب وحتى التظليل الكاتم


والسالفة طويلة حتى حبيت اكتب بعض اللي صار بيننا من كلام

[AZ WAEL]

السلام عليكم ورحمة الله وبركاته
بعد الاطلاع على اللوائح التنفيذيه الخاصه بالمخالفات المروريه
استنتجت انه فيه مخالفه ممكن يلزقون فيها اي شي اللي هي هذي


ثانيا: مخالفات الفئة الثانية والتدابير الإضافية التي يمكن إتخاذها حيالها


مخالفات الفئة الثانية


1
إجراء أي تعديل أو إضافة على هيكل أو جسم المركبة بدون اتخاذ الإجراءات النظامية (مع حجز المركبة حتى إزالة المخالفة).

[YUKON_GMC]

والله اخيذة ضحى ان كان بيعطوننا مخالفات على البالون والزنون كل الشعب مركب بالون وزنون

[ناصح]

عطونا مصدركم ياللي تقولون عليها مخالفه ؟؟

لم يتم اعلان اي شيئ عن هالموضوع الى الان .. وبحثنا في موقع الداخليه ولم نجد شيئ..

اتمنى ذكر المصدر يامسرفنا العزيز ( ناصح )
وشكرا

إن شاء الله أني لست مسرف..!!
لكن كلامي من خلال الواقع الذي حصل
والمرور لو ترجع لبنود المخالفات فهي كثيرة لكن إذا شدو طبقوها على الناس
واحيانا يتراخون ولا يطبقون شيء ..

[ابو نايوفيتش]

مثال : اذا السيارة مافيها طفاية حريق بابشر بالمخالفة ...

لو طبقوا النظام 100% كان كل واحد باع سيارته ..