شوركم و هداية الله

[جي بس اس]

السلام عليكم ورحمة الله و بركاته
اخواني منتدى مكشات
انا قررت اشتري سيارة دفع رباعي أن شاء الله
وابي رائيكم في ( الاندكروزر - الباترول - التاهو )
بنسبة لسعر حدي 180 الف ،
وبنسبة لدفع الرباعي ما احتاجة كثير لكن يتطلب ان يكون في السيارة (دبل) بعض الاحيان احتاجه
السيارة اللي معي حاليا من نوع نيسان ارمادا ، عشان كذا متخوف من الباترول
لان الارمادا طقت كبدي منها :mad: بسبب الاصوات و تفكك السياره .
اهم شيئ السياره تكون شبة عائلية و قوية تعطيني عمر لاني من النوع اللي مايبيع ،
وبنسبه لي مابي مستعمل لاني شايل فكره المستعمل من راسي .
وابي شوركم :good:
/
/
/
شكراً لكم

[capricorn99]

سلام عليكم اخوي
راح اعطيك "رأيي الخاص" انا عندي باترول 2016 ولله الحمد بعد مشوار 10 سنوات بدون مشاكل مع سيارتي القديمة "باترول 2006" ال2016 سيارة رائعة فعلا بكل المقاييس. عندي عليها ملاحظة وحدة بس "استهلاك البنزين" داخل البلد عالي لكن على الخط اقل بكثير طبعا راح يفرق معاك اذا انت من النوع اللي رجله حارة راح تصرف معاك

لكن العزم بسم الله ما شاء الله...هذي نصيحتي وبالنسبة للفئة انا اخذت SE لأن البلاتينيوم يفرق معاي حول 55000 على مواصفات فوق حاجتي وكلها كماليات وهي نفس المكينة ونفس القير ونفس مواصفات وازرار الدفع الرباعي كلها. الموتر سعره كاش 186600 والله يكتب لك اللي فيه الخير

تحياتي

[سليمان الصقر]

انا معي لاند كروزر جي اكس آر ظ¢ظ×ظ×ظ، كديت ابو جده بالبر والمشاوير له معاي ظ،ظ¢ سنه ولافكرت استبدله او اشتري غيره ماشاء الله عليه مجملني وين ماروح

[عبدالله......]

الله يعينك على كثرة الآراء
صدقني انت من يحدد وانت من بيستخدم
شف ايجابيات وسلبيات كل سيارة وانت قرر بنفسك
لا تسمع للي يقول انحش وانتبه وووو
شف كل الايجابيات والسلبيات ثم قرر يالغالي

[patrol vtc]

انصحك تجرب أي سيارة بتشتريها , صدقني ممكن تتغير نظرتك عن السيارة إما سلبياً أو إيجابياً (عن تجربة)

[المميـز]

كل الخيارات اللي كتبتها سيارات ممتازه وعملاقه بالسوق
كل ماعليك تختار الشكل الانسب لك وتحرب تستأجر الموتر يومين من محلات التأجير وتحكم بنفسك على السياره
وانا ارشح الباترول se2 سعره الان 176 الف تقريبا 2016
عليك بالاستخاره بعد الاستشاره والله يكتب لك اللي فيه الخير