أريد تركيب مفتاح سنترلوك لقفل وفتح الأبواب

[kanas999]

السلام عليكم ورحمة الله ,,,

أخواني .. عندي برادو 2013 وأرغب بتركيب مفتاح سنترلوك يقفل ويفتح أبواب السيارة .
لأنه ضروري جدا لقفل وفتح الأبواب والتحكم بها من جهة الراكب
خاصة اذا كانت السيارة في وضع التشغيل ..

أتمنى من عنده معلومة أو تجربة يفيدنا , أو محل معروف فاهم .
وسبق سألت كذا محل في الغرابي ولكن دون جدوى ..!!

بانتظاركم

ربي يحفظكم جميعاً

[المميـز]

وعليكم السلام ورحمة الله وبركاته
الاشياء اللي تحتاجها : فيش قفل وفتح وسلك طوله مترين
وتركب الفيش بالوسط عند القير مكان الاغطيه الفاضيه وتوصل السلك للعلبه الموجوده عند باب السواق
طريقة التوصيل ماعرفلها بالضبط لكن الاكيد ان السلك خطين ويشبكها مع زر التحكم عند السواق
واسلاك زر التحكم مثل ماقلت بالعلبه اللي تجي تحت عند باب السواق
لكن سبق سويت هذي الحركه عند كهربائي لكذا سياره
والزر اللي يركبه زر رفع وتنزيل قزاز حق المرسيدس القديم
والتكلفه بسيطه

[kanas999]

الله يجزاك اخير يالمميز×

اذا تقدر تفيدني بالكهربائي والمحل اللي عنده الفيش ؟

لاني عجزت أحصل الفيش اللي يناسب×

شاكر لك ومقدر مساعدتك

[المميـز]

معذره على التأخير
الفيش نفس الكهربائي جابه من عنده
انت في اي مدينه ؟

[kanas999]

في الرياض طال عمرك

[المميـز]

اسمع بورشة السوافي والمنديل بالرياض لعلهم يفيدونك ان شاء الله
مالي علم بالرياض والا كان دليتك على محل
الله ييسر امرك

[kanas999]

الله يبيض وجهك
ماقصرت

[السلمو]

دور بالتشليح سنتر لوك نظيف وخذه واغلب محلات الزينه يركبونه لك
المشكله اللي يركبونه محلات الزينه يقعد فتره ويخرب يصير ناشب ولا تقدر تفك القفل حق الباب (من تجربه شخصيه واكثر من نوع وكل نوع يقولون لي انه ممتاز)
قيمة التجاري نسيت كم بالضبط بس كان رخيص مره بدون الريموت
الطريقه تكون اذا انت قفلت باب السواق بيدك او بالمفتاح تتقفل باقي البيبان