معي سوناتا 2006 وابي اركب تانكي ماء...^_^

[GL2006]

بسم الله الرحمن الرحيم
ودي اركب تانكي موية على موتري سوناتا 2006
بس ما ادري وين المحل الزين ووين اركبه؟ وكم يكلف
مع العلم اني بالرياض...
..
..
وثاني شي ابي اسألكم عن افضل محول كهرباء الي يشبك في ولاعة السيارة
وكم سعره؟

[أبو الفارس]

الله يهديك يا خوي ..

تانكي ماء مرة وحدة ..

يا خي بعها وا شتر هايلوكس ..

انا من ناحيتي غير مؤيد للفكرة .. وأنت حر في موترك ..

لكن نصيحة الموتر ما صنع لها الشيء .. الي هي البران .. والمكاشيت ..

علما إن معي نفس الموتر ..


تحياتي لك يالغالي

[GL2006]

8_8
والله لو معي فلوس كان شريت جيب
لاكن انا ابي اعبر نفسي الحين بالسوناتا وبعدين نشري جيب
بس الحين ابي تانكي

[abo lafi]

وين تركبه فيه :confused:







:no2: لا تتهور:no2:

[جفيل]

هههههه سوناتا مره وحده الله يهديك.. بس شكلك تمزح

على العموم أفضل الورش لتفصيل التوانك شفها بالزلفي(صناعية الزلفي) ..ممتاز شغلهم واسم المحل مااعرفه بس اذكر ان على بوابة جيب رافعينه فوق

[المميز 2006]

السوناتا ماهيب حقة بر وانا ما أيد هذه الفكرة

[ابو سمر]

شف أخوي ، يوم معي سيارة صغيرة و أنا أحط جالون ماء مربع وقصير ، يعني لو تلف وأنت تمشي 200 كم ما ينكب ولا شىء ، وإذا خلصت الرحلة تنزله للبيت ..

أما أن تضع لسيارتك الصغيرة تانكي فهذا خطأ ..

إنقز لراعين البلاستيك اللي بالبروة او ساكو وتلقى عندهم جوالين عريضة وقصيرة تأخذ بحدود 25 لتر تكفي لرحلة عصرية ..

أما المحول فتجده عند ساكو قبل فترة أخذت واحد كان ب 160 ريال نزلوه ل 120 ريال ، صيني لكن جيد ومجرب .. تقدر تركبه على البطارية مباشرة ، بواسطة المشبك ، أو تركبه على الولاعة ، وحجمه صغير نصف حجم علبة المنديل أو أصغر شوي .. وتقدر تثبته بشكل دائم بالسيارة ..

وبالتوفيق إن شاء الله ..

[القنيصان]

عندي تانكي بس ما ادري يدخل شنطه السوناتا ولالا

[هاوي الله]

يارجااااااال كملها وطق لها يايات استراليه وكفرات بالون :D :D ولاتنسى تركب الفرارات :p :D

مشكووووووووووور,, :good:

[البيـرق]

انصحك تشيل هالفكرة من راسك......لانه بعد التانكي يبيلك ترفع موترك........

وان كانك ملزم خذلك نوفا ام 3 ريال فيها 5لتر..........

[almobd3]

ههههههههههههههههه

[L I M I T E D]

يارجال خذ لك جركل مويل 50 لتر يكفي وويوفي

موتر مايتحمل توانكي ومن هالطقه