أحسن قدر كاتم [الأرشيف] - منتديات مكشات

مشاهدة النسخة كاملة : أحسن قدر كاتم

مخاوي الليل

11/03/2003, 01:16 PM

فيه انواع كثيره من قدور الكاتم
لاكن ياليت واحد يتكرم ويدلنا على الزين منها واسعارها ان اكن ما عليه كلافه يشرح لنا طريقة الكبسة فيه

وياجعلكم سالمين كلكم

شاهد عيان

11/03/2003, 02:11 PM

أفضل قدر كاتم هو SEB الفرنسي ويتميز بأنه مطلي من الداخل بطبقة تعمل على عدم لصق الأطعمة فيه يعني تنظيفه سهل ولا يستهلك مياة كثيرة لغسله ، وهو قوي جداً ومتين وذو بلف تأمين .. وسعره أذكر على حسب علمي بأنه 350 ريال ... لكن قدر عليه القيمة ...

تحياتي ...

مخاوي الليل

12/03/2003, 10:57 AM

تسلم يالغالي ما قصرت

laith

12/03/2003, 11:15 AM

اخي العزيز / مخاوي الليل.....

اشتريت قبل اسبوع قدر سب seb وحقيقة القدر متين ويمدحونه كان سعره حوالي 260 او حولها..

لاكن بيني وبينك جبت فيه العيد..احترق.!!! :mad: تدري اول مره لابد من هالامور.. وذالحين مع الشغاله قيد العلاج..:(
وهذه صورته ^...

http://www.mekshat.com/pix/upload/images/seb.jpg

و فيه قدر نفس الحجم وسعره 120 ريال لاكنه تقول قدر عادي مامن متانه ومجهول الصنع...سعة 4.5 لتر..

عموما الله يوفقك بقدر زين يطيب خاطرك وخاطر معازيمك..

ليث.....

اسير الصمان

13/03/2003, 10:33 AM

فيه قدر صيني طايحين فيه العالم وسعره رخيص جدا ووكيله السيف علي كيفك غريبة ما سمعتو عنه رغم انه اكثر الناس طايحين فيه ذاليام ومجرب ما عليه خطر لاا وازيدك من الشعر بيت اسرع من السب واسعاره الوسط من بستين ريال يا بلاش قال ايش قال سب 360:what:

محبوب الجميع

23/03/2003, 11:13 PM

هناك انواع كثيره من قدور الكاتم مثل ما تفضل الاخوان منها ماهو فرنسي مثل الseb وهونوع ممتاز ومشهور لدى الكثير ويتراوح احجامه من 6 لتر اصغر نوع الى 10لتر وهذه الانواع مصنوعة من السن استيل وهو معدن ممتاز وهناك انواع من السب تصل الى 15 لتر لكن مصنوعة من الالمنيوم وهو اقل كفائة من السن استيل واقل سعر
نوع اخر من القدور رهيب بس غالي هو ( التربو ) الماني الصنع
انواع صينية تتميز بالرخص وهناك احجام صغير منها تصلح للعزوبي 3 لتر
هناك نوع الماني ممتاز ورخيص مقارنة بالسب والتربو واسمهة تقريبا ( تلسلر) له ممسك جانبي مثل التربو

ابو بالود

07/06/2003, 05:15 PM

مازود على كلام اسير الصمان الصراحه ارخص ولاتخاف عليه ون خرب طق جديد

نجمة سهيل

08/06/2003, 03:05 PM

الحين هالي تقولون سعره ب60ريال ؟؟

وش المواد الي مصنوع منها!!!

وش صناعته بالاصل؟؟

اذا تبي تلاحظ الفرق.

اطبخ في هالقدر الي تقول ب60ريال .

واطبخ في قدر تيربو او سب وشف الفرق في الطعم والرائحه.

الشركات المشهوره والمعرموفه بين الناس ماتبي تخسر سمعتها عشان شوية حديد او المنيوم.

تصنع لك القدر ومضمون لك .

لكن الي ب60ريال لو تقولي خذه ببلاش واطبخ فيه والله الي ماطبخت فيه .

تراه كله موااد ساااااامه. اصلا حتى من سعره تعرف ان القدر ماهوب زين.

قدر كاتم(((ضغط)) ب60 ريال.:p

على العموم انا قلت هالكلام لفائده الجميع وعشان الي غافل عن هالشي يتنبه له.

تقبلوا تحياتي،،

...الطوقي...

09/06/2003, 02:19 PM

مشكووور اخوي على الموضوع
انا بصراحه جربت الاثنين
جربت سب وجربت الصيني
السب ماعليه كلام طعم وفن بالطبخ بس عيبه غالي شوي
ولايلصق الاكل فيه لو احترق مجررررررررررب
وسعره بحدود 250الى 300 ريال
والصيني
عادي مثل اي قدر
يصلح للضبان مرق بعد بس هذا حده
لان الاكل يلصق فيه
وسعره حليل فيه الكبير بـ140ريال 10لتر
وفيه صغيربـ60ريال 5 لتر
اتمنى اكون افدتكم بشي

تحياتي لكم
...الطوقي...

الأشهـــــب

10/06/2003, 02:06 AM

أخوي مخاوي الليل.
شف الرابط هذا ويبي يفيدك بإذن الله .
http://www.mekshat.com/vb/showthread.php?s=&threadid=4489
وتقبل أطيب تحياتي ،،،،،،،،،،،،

الجمس

10/06/2003, 08:06 AM

اخواني الاعزاء
السلام عليكم ورحمة الله وبركاته
عزالله انكم ماخليتو شي , لكن السالفه اذا كان ناسي القدر وانت فالبر ولا حولك ديره ! خذ هالقصه:
في يوم من الايام طلعنا للبر واتكلنا على واحد قلبه ابرد من الثلج مسميه (ابوحليب ) لايمكن يطلع معنا الا وقوطي النيدو على ظهره. المهم , يوم وصلنا ونزلنا المعاميل والا الماخوذ ناسي القدر ! نعنبو ابليسك وشلون تنسى اهم شي فالطلعه قال عاد نسينا بابرد ما عنده, تعشينا نواشف , والحمد لله . يوم اصبحنا ذبحنا ذبيحتنا وشوينا . جاء الغداء , قلنا وش رايكم مشوي يحبه قلبك , قالوا هو عندنا خيار , (ادري تقلون وش علاقه هاالسالفه بالموضوع) لاتستعجلون جايكم ( تعلمنا من هالماخوذ البروده ) . فيه اثنين من الربع مفطومين على كبسه ان ماكلوها نكدو علينا طلعتنا حتى الفطور لو يحصل كبسه ما عندهم مانع . اصروا على الكبسه لو نرجع للديره بلحمنا, وش السوات ياربي , يوم التفت ولا خوينا ابوحليب يضبط براده . وخطرت لي فكره يوم شفت قوطي الحليب , قلت ناخذ قوطي الحليب ونطبخ فيه الكبسه, وفعلا كبيت الحليب بكيس لبو حليب واخذت العلبه وشقيت الغطاء شقين صغار على قد عود الكبريت وحطيت اللحم والذي منه وغطيت الغطاء زين وقصرت النار وسديت الشقوق بعيدان كبريت ويوم تش وخرت واحد من العيدان وصدقوني في النهايه طلعت كبسه ولا اتخن قدر كاتم . الهدف من القصه هو ان النوع او السعر ليس مهم بقدر ماهو شي يؤدي الغرض. واخيرا العبره ليس في اللقدر ولكن من يحوفه. وشكرا للجميع .

أيمن

16/06/2003, 12:51 PM

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8667) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

هواوي

22/12/2003, 03:07 AM

بسم الله الرحمن الرحيم

السلام عليكم ورحمة الله وبركاته
اخواني الاعزاء
بالنسبه لي فانا افضل السب او التيربو الالماني حتى لو هي غاليه فهي افضل بالف مره من الرخيص الي ما تضمن انه ينفجر في اي لحضه

قبل فتره شريت قدر كاتم ايراني شكله رهيب منجد ولكن كبير مره مره يعني 24 لتر يطبخ نص ذبيحه ورهيب ولكن ما ادري ليش متخوف منه يمكن لان اول طبخاه بخ علينا لان الربله خربت او يمكن عشانه ايراني وانا صراحه ما احب الايرانيين ولكن نرجع ونقول الالماني وخاصه القديم الي صناعه المانيا الغربيه او السب كلها حلوه ونصيحه لا تقربون من الرخيص ابدا

مطحن

22/12/2003, 08:19 AM

اخوي اطرب عمرك وخذلك صيني السيف يجي منوه مقاسات الى قبللللللللللل

ال11 لتر ب85 ريال ومجربينوه ........ لا وازيدك من الشعر بيت المطاعم الحين طايحتن بوه

وانا قال لي راعي المحل انوه ياصل الى 23 لتر انكان منب واهم وواحدن من الشباب يقول والعهده على الرااوي انه ياصل الى 27 لتر (اويلاااااااااااااه لو يحصل مليتوه قميري ) المهم خل عنك سب وما سبب

لاااااااااا وقطع الغيار ببلااااااااااش البلف قبل امس انا عند حقين المواعين جا واحد وشراوه ب15 ريال

وان ما جاز لك ولاك ما تحسف ........ احلتوه وخذ الماني

الحاتمي

22/12/2003, 11:20 AM

السلام عليكم ورحمة الله وبركاته
لاشك ياشباب ان السب افضل قدر وانا عندي قدر هندي لو يقال لي بعشر قدور سب ماوافقت!!!!!! صراحه قدر يبرد الكبد وسريع ولو تجيب اكبر عليمي طبخ من ثاني مره يبي يطبخ يبي يحوف لك الكبسه
وهو من النوع اللي مايربط.
له غطا ابو يد اللي يدخل بمجاري ويكبس.
وفكة الغطا باقل من ثانيه وتركيبها ايضا
وبلفه مايدور واذا تش البلف كانك تسمع لي البنشري حق الهواء. صوته قوي ويكفيه اول تشتين للحم وتشه للرز.
المشكله اني عجزت القا وكيل له لقطع الغيار علما بانه ممتاز للبر. اما السب عندي استخدمه في البيت وذلك لانه آمن.
ياليت ياشباب اللي يعرف وكيل القدور الهنديه يدلني عليه واكون له ممنون.
الحااااااااااااتمي

ساقان

01/01/2004, 11:46 AM

ويقول الشيخ ابو ملاك:D
أنه الألمونيوم افضل من الستيل للرز يعني الرز يصلحله المونيوم واللحمه ستيل وباالهنا والعافيه يم يم

مناحي

26/01/2004, 08:12 PM

السلام عليكم
بصراحه انا عندي سب 10 لتر استيل و عندي قدر السيف الصيني 50 لتر
وبصراحه كلها تمام
اما الصيني يشيل له ذبيحه كامله وماتشيل همه
اسئل مجرب
ونسئل الله لكم التوفيق

الضاري

07/02/2004, 11:55 PM

والله ياشباب القدر اللي أستخدمة أنا صيني وما أشتريتة الا بعد ماشفت فعلة وكثير من الشباب نصحني فية واللي محلية أن سعرة رخيص مقارنة بالفرنسي والألماني وغيرهن يعني اذا خرب شي فية طق واحد جديد.. والله لايخسر.

اذا خذيت واحد جديد حط نصفة ماء وأطبخة… علشان ينظف داخلة.

والزين فية بعد أنة يوجد فية صمام أمان أذا سكر الأول ينفتح الصمام الثاني (( يعني أطبخ وأنت مطمأن ))

المستوي

16/02/2004, 11:25 AM

بالنسبة لأخوي أسير الصمان وباقي الشباب لايحوشكم القدر الصيني .. الله يقطع الصينيين وصناعتهم
انفجر علي قدر صيني في اجازة العيد وفكنا الله ... عليك بالفرنسي أو ألماني

تالي الاولين*

16/02/2004, 11:31 AM

.

بالنسبه لي استخدم الصيني حق السيف ابو بلف احمر

منذ مبطي وما عندي احسن منه وسعره معقول

.

* ضب *

16/02/2004, 12:04 PM

اذا تبغى النصيحة
الكاتم الاصلي عندك
1 الماني لكن غالي سعرة فوق >500<
بعده
2الفرنسي سب SEB ممتاز فيه نوعين ستيل مريح من ناحية الغسيل 10 لتر سعرة >350 <
الامنيوم سعرة >300<
فيه نوع مقارب شكلة ل SEB اسمة SER على ماظن انه اسباني جيد
بعد ذلك يجيك الدقاق من الكواتم
ايراني
صيني اتركه لا يحوشك انفجر مع ناس كثير لو فية خير ماصار ب 60 ريال

اما انا شخصياً عندي سبSEB ستيل ممتاز جداً
طبخ ولا احلا

مشعل العيسى

23/12/2007, 02:55 AM

كادر

23/12/2007, 10:12 AM

االسلام عليكم
انا يأخوان من اكثر المعتقدين بسب والاستيل فقط وعندي حجم 6لتر وهو المفضل لدي ولكن قبل شهر احتجت لقدر صغير مريت العويس ولقيت عند السيف استيل 4.5 لتر مفروش (مغري للرز) ومعدن ثقيل وسعر مناسب (120 ريال) صراحة ماقدرت اقاوم اني ماشتريه او اعذربه جربته يمكن خمس مرات روعه درجه اولى ولولا انه مكتوب عليه السيف ماتصدق انه مب انتاج سيب تقليد درجه اولى ويقولون لاتمدح عروس قبل سنه
تحياتي

البّري

23/12/2007, 12:05 PM

أخواني

الكبسة (((نفس))) ما يقدره كل واحد ... تلقى أحد متميز بهالشغلة
لكن بالنسبة للقدور خذ عندك
1-التيربو ....... الماني
2-الseb ........ الفرنسي
3-الصيني

- بالنسبة للمتانه حسب الترتيب

- وبالنسبة لاحكام قفل الغطاء رقم واحد التيربو والالماني عموما لوضعهم مجرى للغطاء وهالطريقة لا يعلى عليها
بعدين الفرنسي والصيني واحد في قفل الغطاء

- بالنسبة للمعدن الظاهر والله أعلم انها حسب الترتيب لكن لا أجزم

- بالنسبة للسعر عكس الترتيب
ملاحظة .. اشتهر بالفترة الماضية وطرح موضوع بهذا الخصوص أن الالمينيوم خطير صحيا لذلك الستيل أحسن بس يبي له ضبط وملاحظة حيث انه على طول يحكك ويحرق

هذا ما لدي تقبلوا مرور أخوكم البرّي

رحال عمان

23/12/2007, 01:01 PM

ما عليكم إلا بالغالي وتراه المادة المصنع منها فرق بينه وبين الرخيص بكل انواعة وايضا السلامة والطعم ...

ضيف محب

23/12/2007, 01:45 PM

بيض الله وجيهكم ياجماعة على هذه المعلومات المفيدة
بس ما طلعنا بنتيجة في المشورة

مرصدجوي

23/12/2007, 10:53 PM

سب الفرنسي الافضل..ونصيحتي ابعد عن الانواع الهنديه رخيصه الثمن وذلك لانها رديئه وتطول وعامل السلامه غير موجود.

ابوالاصايل

25/12/2007, 05:50 PM

طب وش رايكم في قدر ضغط السيف مليان في السوق على 110 ريال و 120 ريال

الزعـMـيم

25/12/2007, 06:14 PM

اخوي مخاوي الليل انت حدد رغبتك في القدر انت تبيه للبر او للبيت ,,,
اذا للبيت فعليك بالاصلي التيربو او seb واذا للبر خذ الصيني .

عرقوب

25/12/2007, 07:28 PM

جربت كل انواع قدرور الضغط الي في السوق غير ذا القدر لاتدور .. من شركة تيفال الفرنسية .. ابو عراوي برتقالية

http://upload.9q9q.net/image/KnJmMiuTR43/c.jpg.html

جنتلمان نجد

25/12/2007, 08:48 PM

قدر الضغط ,, أهم شئ صناعته .. لان عامل السلامه مهم جداً .. وتراه خطر جداً .. للي يسئ استخدامـ ـه

أبو المقانيص

26/12/2007, 11:33 PM

الفرنسي تراه كايف

راعي بيشة

27/12/2007, 02:22 AM

فيه كاتم لونه من الخارج رصاصي ومن داخل أسود كأنه مصنوع من مادة الزهر

بصراحة شكله خيال وهو صحي جدن يعني ما فيه مادة الكرووم اللي يقولون

بس غالي جداً

فتى احد

27/12/2007, 02:37 AM

السلام عليكم ...

مشكور اخي على الموضوع الجميل لكن من تجربتي الشخصية أفضل شىء التيربو الالماني وحتى الطعم يفرق فيه خاصة اللحم بالذات يغير طعمها من قدر الى آخر .

جوالة

29/12/2007, 08:11 PM

رأيي تبي الشغل العدل عندك السب والألماني ... للبيت والبر لكن السعر غالي
وإذا تبي شيء يمشيك ورخيص خذ لك الصيني اللي وارد من السيف وانتبه ترا فيه صيني يجيك مضروب من تحت يعني غير مستوي أو مسطح من الأسفل ابتعد عنه .

وبصراحة أنا عندي الاثنين :
1- سب وما عليه كلام في البيت شريته فوق 500 ريال .
2- صيني وارد باصرة وحليل مهب شين للبر وعزبة البر شريته 7 لتر بـ 90 ريال يطبخ تقريبا 3 دجاجات .

بالنسبة للي انفجر عليه الكاتم تراك زايد النار عليه وانسدت عليك الفتحة اللي فوق بقشر بصل والا طماط لذلك انفجر .
عندي كاتم صيني صغير من ست سنوات تقريبا لشخصين تقريبا للحين حي وزي الحلاوة معي .

ومثل ما قالوا الشباب الكلام باللي يحوف القدر .

وبالتوفيق إن شاء الله