طريق الرياض .. الرين .. بيشه [الأرشيف]

مشاهدة النسخة كاملة : طريق الرياض .. الرين .. بيشه

علووووم الحيا

01/02/2007, 02:26 PM

احد من الاخوان عنده معلومات عن هذا الطريق

وين وصل وهل الوصلة اللي من عند المزاحميه

من مخرج وزن الشاحنات شبكت معه .

الرجاء من عنده معلومات لايبخل علينا الله لايهينه

علووووم الحيا

04/02/2007, 10:23 PM

للرفع لعل وعسى نجد اجابه لمن عنده علم

عن هذا الطريق المهم .

ضلع الرقيبه

04/02/2007, 10:29 PM

ابشر بها العلوم تجيكم هذا ياطويل العمر وصل الى الرين ومن الجهه الشماليه ماوصل الا الى النفود اللى موازي لأرض بن زياد المعروفه في جنوب الخراره

وطريقه اذا انتهى الزفلت حق الخراره اللى يمر بك عل ام دكه اذا انقطع تقطع لك شعيب ثم تجيك ارض بن زياد وفي جنوبيها الغربي تطلع النفود وتمسك الخط وهو الى الان واقف عند القطعه هاذي وماوصل الى الكوبري وانا جايه من اسبوعين

ارجو ان اكون قد افدتكم ادعو لي

علووووم الحيا

05/02/2007, 06:31 AM

علووووم الحيا

16/12/2007, 04:13 PM

ماآخر اخبار الطريق ؟

اللي عنده خبر يفيدنا الله يسلمه

maz

17/12/2007, 05:35 AM

صباح الخير
الصيف الماضي كلمت واحد يشتغل في الخط عند الكبري يقول يبيله ثلاث سنين علشان نخلص
والله خزي ما اعتقد ان الخط فيه صعوبات تأخر العمل فيه الى هذا الحد

براوننق

17/12/2007, 01:49 PM

و الله اني ماعندي خلفيه عن هذي المناطق

علووووم الحيا

17/12/2007, 09:02 PM

الاخ .. maz ..شاكر على مرورك الكريم ..الله يعين ثلاث سنين طول مره .

الاخ .. براوننق.. شكرا لمرورك الكريم .. الله يعطيك العافيه .

سعد777

18/12/2007, 12:51 PM

ماآخر اخبار الطريق ؟

اللي عنده خبر يفيدنا الله يسلمه

سم وابشر :::

الطريق من الرين الى الرياض حوالي 120 كيلو اسفلت جاهز وبعد يوقف في الطعوس وعند مزرعه واحد كبير يا امير يا شيخ او حوله المهم الطريق يشتغلون فيه من الكبري بأتجاه الجنوب ويبقى وصله ماهي طويله بس انها حقنه كبيره ما أدري بيدفنونها او بينزلون معها مدري بس لحد الآن ماسو فيها شي بس خذ حساب 6 شهور وتجهز من الكبري الى الرين

من الرين الى بيشه لا زالت شركه آرتك تعمل وبعدد ضخم من المعدات والعماله
ويمكن هلحين لهم سنه وشوي وقد خلصو بأتجاه بيشه من الرين مايقارب خمسين كيلو جاهز لطبقه الأسفلت
ومهها حوالي 15 عباره وكبري العمق الرئيسي بطول يمكن 700 متر او اقل بشوي

وعندهم من الجبال الين يدوخون

علووووم الحيا

18/12/2007, 01:25 PM

الاخ سعد 777 .. الله يعطيك العافيه على المعلومات الوافيه.. وبيض الله وجهك يالنشمي

وماهي غريبه منكم ياهل الرين .. يامال العمار ذيك الديار

صقرنجد.

24/01/2008, 11:33 PM

و الله اني ماعندي خلفيه عن هذي المناطق

علووووم الحيا

01/10/2008, 07:19 PM

ماآخر اخبار الطريق ؟

اللي عنده خبر يفيدنا الله يسلمه

سعد777

22/02/2009, 12:56 AM

السلام عليكم

آخر الأخبار

الطريق جاهز من المخرج الرئيسي له حتى مدينه الرين وخلاص انسوا طريق الخراره والمغامرات مع الطعوس

المسافه من نقطه التفتيش القديه إلى الرين 156 كيلو عن نفسي ساعه وربع وانا في الرين او في الرياض

المخرج صحيح فيه بعض الصلاحات التي لا تمنع مرور السيارات وفي غضون شهر تكون جاهزه للمرور كامل

المخرج يقع بعد الميزان على طريق الحجاز قبل مزرعه العزيزيه

من الرين لبيشه امامهم عقبات عده وديان ومن اشهرها وادي العمق وتم عمل كبري بطول 600 متر وكذلك من العقبات جبال حويمضه الشاهقه نوع ماء وصعوبه دكها ولآكن الحقيقه شغالين على قدم وساق
المسافه الجاهزه من الرين بأتجاه بيشه يمكن حوالي 60 كيلو اسفلت وللعلم خدم قرى كانو يحلمون بشي اسم اسفلت حضهم زين
وسلامتكم

إبراهيم222

22/02/2009, 05:24 AM

السلام عليكم ورحمة الله وبركاته :
أنا حالياً في بيشة وسألت عن الطريق
ووجدت أن هناك بعض المشاكل

كانت المشكلة أن فيه ناس معتدين على الطريق (حاطين حلالهم هناك)
وتم حل هذه المشكلة

لكن لايزال هناك ناس معتدين على حرم الطريق (المسافات على يمين ويسار الخط)

وصراحة أذا تبي الحق أعتقد أن الطريق بيطول
(حنا من يومنا صغار وهم يقولون أن الطريق بيخلص بعد سنتين وإلى الأن ماخلص أي أكثر من18 سنة)

ما أقصد أحطمكم لكن الحق يقال

ولكم مني أطيب الأمنيات

علووووم الحيا

22/02/2009, 06:08 AM

سعد777

22/02/2009, 06:55 AM

بيض الله وجهك اخوي سعد 777

مشكووور وماقصرت على التوضبح الجميل

الله يعطيك العافيه

الله يعافيك ياعلوووم الحياء

وادي عبيه

11/09/2009, 02:18 AM

للرفع يا اخوان

اهتموا لنا لاهنتوا بأخبار هالطريق

طريق بيكون حيوي و بيفيد أهل الجنوب كااافة

لا هنتوا

اخوكم/ زياد

11/09/2009, 05:55 AM

يالربع من بيشه الى الرين

كم تبعد المسافة بينهم ؟

صالح الغفيلي

12/09/2009, 07:47 AM

وسعوابالكم يالاخوان الدعوى توهههههههههههههههههههههههههههههها وهذا الدليل
تثمين ملكيات معترضة طريق (الباحة - بيشة - الرين)

http://www.mekshat.com/images/fontSm_r_g.gif
http://www.mekshat.com/images/fontbig_r_g.gif
الخرمة - ربح السبيعي:

باشرت لجنة التقدير والتثمين المشكلة من فرع وزارة المالية بمنطقة مكة المكرمة وإدارة الطرق والنقل والبلدية بمحافظة رنية مهام عملها في تثمين الأملاك المعترضة لمشروع تنفيذ طريق (الباحة - بيشة - الرين) الجديد وإعداد محاضر تثمين بذلك تمهيداً لتعويض أصحابها مستقبلاً.

يذكر أن الطريق قد تم اعتماده قبل نحو عامين ويجري العمل به لربط أربع مناطق هي منطقة الباحة مع منطقة الرياض ومنطقة مكة المكرمة ومنطقة عسير, حيث يربط هذا الطريق جميع هذه المناطق ويختصر مسافات كانت طويلة ومتعبة على سكانها ومن المتوقع أن تشهد هذه الطرق كثافة مروريه بعد افتتاحها قريباً.

راعي بيشة

12/09/2009, 03:02 PM

من بيشة يبدأ الخط من خط تثليث الجديد الذي يربط بيشة بتثليث

طبعاً هذا لا يعني أن هل بيشة لازم يبدون من خط تثليث فالخط يمر من جهة جميع ممكن ينزل له من جميع

وجهة الصايرة البيضاء المعدات الآن تدك دك وعدد كبير من المعدات

ومن جهة الجنينة حيث العيوني هناك يعمل

شغلهم أزين بكثير وقد هنا مزفلت طويل ينقطع عن الجسور ويرجع الحقيقة ما أدري كم طول المزفلت أبجيب لكم العلم إن شاء الله تعالى

يمكن سنة ويشتغل الخط كله والله العالم

راعي بيشة

13/09/2009, 12:02 PM

نعم

من الجنينة " قرية أسفل بيشة شمال "

الزفلت موجود وطوله قرابة 100 كلم

إلى منطقة يقال لها حدا

وهي زواية الخط إلى وادي الدواسر حيث 70 كلم منها حتى الوادي

ومن حدا حتى الوادي زفلت يعني إلى الدواسر ياسلام

طيب مش موضوعنا الدواسر

المهم حدود 100 كلم من الجنينة زفلت في كم قطعة لم تزفلت إما جسور أو كباري أو نحوها

تقبلوا تحياتي

dr.mekshat

13/09/2009, 01:00 PM

مساء الخير ياشباب
اسمحو لي بهالمداخله
الطريق هذا وشو بالضبط ويبدا من وين ويوصل وين وكم مسافته
واسمحوا لي على الازعاج
تحياتي

الساهر2003

13/09/2009, 01:21 PM

السلام عليكم ورحمة الله
يا اخوان ارفقو علينا الموضوع كبير شوي
ممكن خريطة تبين الطريق ونقطة البداية والنهاية ومسافاته
والمناطق التى يمر بها هذا الطريق بحسب كلامكم الرين قريب من الرياض وبسرعة تقولون الرين بيشة وش جاب بيشة لرين والقويعية والمناطق اللي حولها
يعني ممكن تكون المسافى حدود 700 كيلو
مع جزيل الشكر للجميع

راعي بيشة

14/09/2009, 04:25 AM

اخوكم/ زياد

15/09/2009, 04:03 AM

ماش كلا يكتب دون توضيح مفصلا
الله يهديكم نحن من المنطقة الشرقيه
محتاجين ان نستفيد منكم اكثر

صقرحايل

15/09/2009, 04:35 AM

ودى افيدك بشى بس ماعندى خلفيه عن الموضوع

هاوي نفود

15/09/2009, 11:51 AM

المسافة بين بيشة والرين قرابة 500

هذي المسافة من الرين إلى بيشة ( قطر )

http://dc03.arabsh.com/i/00507/tf2x590y2x4g.JPG

أما المسافة من الرياض ( القدية ) إلى الرين ( أيضاً قطر )

http://dc03.arabsh.com/i/00507/ut4g9i9il5ui.JPG

لمجرد التوضيح

راعي بيشة

15/09/2009, 01:06 PM

هاوي نفود بيض الله وجهك

الدخول

27/09/2009, 01:20 PM

لكن سمعت قبل فترة أن فيه شركة تشتغل في الوسط تقريبا عند منطقة تسمى العبدة خلف حصاة قحطان
ما ادري هل هو صحيح؟

علووووم الحيا

08/10/2009, 03:56 PM

اشكر الجميع على مداخلاتهم الجميله

واضافاتهم القيمه للموضوع

غازينهو

08/10/2009, 04:54 PM

السلام عليكم
اسمحولي على الخطمه ..! :D
توني متخرج من الجامعه وأنا من أهل الرياض وأبشركم الحمد لله تم اليوم توجيهي من قبل وزارة التربيه والتعليم لبيشه :no: .. وأبي أعرف الدرب (الطريق) .. لأني ماعمري رحت لبيشه ..!
تكفون يالأجاويد أبي أعرف الخط صح منيب ناقص أضيع باتسر إن شاء الله ..!:good:
وإن شاء الله نردها لكم في الأزمات :D .. واللي عنده معلومات عن بيشه من ناحية السكن والمساحه لا يبخل على أخوه الضعيف إلى الله ..!

مهيلان

08/10/2009, 05:00 PM

مبروك التعيين اخوي
بالنسبه لبيشه فانت مخير بين طريقين لا ثالث لهما
الاول مع طريق مكه السريع اذا تعديت المويه تفرق يسار مع طريق رنيه حتى تجي بيشه
والطريق الثاني مع طريق الوادي وتدخل لتثليث وتطلع منه لبيشه
اما طريق الرين فهو تحت الانشاء ويوقف في الرين ولا ينفذ الى بيشه وبقي قرابة 400كلم كلها صحراء

ولك مني احلى تحيه

غازينهو

08/10/2009, 05:06 PM

مهيلان

يعطيك العافيه على التوضيح .. بس كم المسافه التقريبيه للطريقين ..؟

الساهر2003

11/10/2009, 04:47 AM

الف مبروك وعقبال الشهادات العليا والتعيين قبال بيتكم في ديرتكم
نصيحة
انتبه من مفاجاءت الطرق ولا تسرع
حفظ الله الجميع من كل مكروه

إبراهيم222

11/10/2009, 11:01 AM

أخوي غازينهو
ممكن أنك تروح عن طريق مكه و إذا وصلت ساسكو ظلم بعدها كبري الفويسه (إذا مانيب غلطان)
إذا طلعت الكبري رح يسار وأمش طوالي يوديك إلى دوار الخرمه
ومن الدوار يسار إلى رنيه ثمن بيشه
وهذا الخط يختصر عليك 90-100كم وسيدين مخططه وعيون قطط

(المسافه من الكبري إلى الخرمه 90كم )

دكتور بر

11/10/2009, 01:08 PM

هذا الموضوع بيفيدك
http://www.mekshat.com/vb/showthread.php?t=232545

الرويضة

02/11/2009, 12:07 AM

الطريق حتى الان تحت الانشاء

من المزاحمية حتى الرين جاهز

من الرين مسافة 130 كم جاهزة حتى كبري السِّره والكبري شبه جاهز ينقصه التركيب لانه صبات مسبقة الصب و قواعد و اعمدته جاهزه

بعد كبري السِّره 15كم شغالين فيها و فيها ازاله لبعض الجبال و العمل قائم فيها من قبل شركة ارتك حتى هجرة الرقميه

بعد الرقمية ليس هناك اي اعمال و انما ترسيم فقط للطريق

طبعا انا مشيت الطريق يوم الاربعاء و الخميس 9-10 / 11 / 1430هـ حتى هجرة ابا الاكوان مرورا بصيحة و العبدة وهجرة ابا الاكوان تبعد عن الرقمية تقريبا 140 كم تقريبا

و ان شاء الله احد الاعضاء سوف ينزل تقريرا مصورا عن هذه الرحلة

أبو خالد900

02/11/2009, 01:58 AM

الله يعطيك ألف عافيه على العلومات جهد تشكر عليه
ماقصرت يأخوي لاتعبت إن شاء الله ....

علووووم الحيا

09/11/2009, 06:53 PM

[quote=jaak;3358775]الطريق حتى الان تحت الانشاء

من المزاحمية حتى الرين جاهز

من الرين مسافة 130 كم جاهزة حتى كبري السِّره والكبري شبه جاهز ينقصه التركيب لانه صبات مسبقة الصب و قواعد و اعمدته جاهزه

بعد كبري السِّره 15كم شغالين فيها و فيها ازاله لبعض الجبال و العمل قائم فيها من قبل شركة ارتك حتى هجرة الرقميه

بعد الرقمية ليس هناك اي اعمال و انما ترسيم فقط للطريق

طبعا انا مشيت الطريق يوم الاربعاء و الخميس 9-10 / 11 / 1430هـ حتى هجرة ابا الاكوان مرورا بصيحة و العبدة وهجرة ابا الاكوان تبعد عن الرقمية تقريبا 140 كم تقريبا

و ان شاء الله احد الاعضاء سوف ينزل تقريرا مصورا عن هذه الرحلة

الله يعطيك العافيه اخي الفاضلjaak

زانت علووومك وماقصرت على التوضح الرااااااائع

mango30

19/06/2010, 01:09 AM

حبيت ارفع الموضوع بعد هالفترة لانني اتمنى ان يكون جد جديد بهذا الطريق

الضارب

19/06/2010, 06:06 PM

طريق اكثر من رائع

مغلي

19/07/2010, 01:13 PM

السؤال

متى يرى النور هذا الطريق

وكم ستكون المسافه من الرياض الى النماص من خلال هذا الطريق

الشرمة

21/07/2010, 01:21 PM

و الله اني ماعندي خلفيه عن هذي المناطق

سبتان

10/09/2010, 01:56 PM

أبو خالد900

11/09/2010, 01:38 AM

هذه منافصة طرحتها وزارة النقل الأيام الماضية ولا أعلم من أستلمها

من الشركات .

استكمال طريق الرياض/الرين/بيشة بطول (147) كلم بمنطقة الرياض .

وبتحديد بعد الرين 160كم تقريبا

بتاع بر

11/09/2010, 01:55 AM

ياخوان حنا فعلا عرب كل واحاد يكتب كلمتين بدون معلومه كامله فصار الموضوع كلمات متقاطعه!!! ياليت واحد يشرحلنا الطريق من الرياض الى عسير والى الباحه عشان الموضوع واضح وياليت يكون خريطه اذا امكن

أبو خالد900

11/09/2010, 12:11 PM

من المزاحمية إلى الرين 120كم جاهز

من الرين إلى هجرة صاحه أو صيحه تتبع لحصاة قحطان 125كم جاهز يتخللها بعض التحويلات التي لاتعيقك من التقدم

وبعد هجرة صاحه مسافة 147كم مسكتها شركة

وإلى الآن لم تعمل فيها

ومن عند بيشه 140كم جاهزة أغلبها

عسى الله يكفي سالكي هذا الطريق مخاطره
( ضيق + مرتفعات ومنحدرات مفاجئه + الأبل السائبه + الخدمات معدومه فيه )

الطرشي

11/09/2010, 12:47 PM

عسى الله يكفي سالكي هذا الطريق مخاطره

( ضيق + مرتفعات ومنحدرات مفاجئه + الأبل السائبه + الخدمات معدومه فيه )

أخي الكريم أبو خالد أنا لا أوافقك الرأي في بعض النقاط وهي كالتالي:

الضيق: انا مشيت معه من بعد المزاحمية لين وصلت (حصاة قحطان ) ممتاز وجديد صحيح انه سيد واحد بس أشوف انه واسع على سبيل المثال ومقياس بطريق اللي يطلع من رماح للصمان (اوسع ) ومقياس بطريق حرض الامارات (أوسع )

المنحدرات والمرتفعات : في أوله فقط وليست بتلك الخطورة , يعني من الكوبري الجديد لمسافة تقريبا 30 أو 40 كلم تقريبا وهي منقطة النفــود وبعده حدباء مستوية مد النظر زي مايقولون لين تأصل الحصاة مروراً بالرين وهي منطقة مستوية لاشجر ولاجبل ولدرجة أنك تحس بالملل من تشابة التضاريس ,, بأستنثاء اللي ذكرت أنت وطلعة مش ولا بد قبل الرين بــ 15 كلم اللي عند مفرق الحريق والسيح ,, وأتوقع ( وانا ماجيتها ) أن التضاريس من الحصاة الى بيشة سهل ممتد ولا فيه أي معوقات طبيعية.

الابل السائبة: أوافقك الرأي وللأسف أغلب خطوطنا فالمملكة زي كذا , لكن مع ستر الله وممشى النهار وعدم السرعة بتزول هالمشكلة

الخدمات: أوافقك الرأي وأتوقع بعد قيام الخط بنشوف محطــات وأمن طرق بس يبي لها وقت شوي وهذى فرصة لأهل ( الحصاة ) للمطالبة بمستشفى ومركز أمن طرق ودفاع مدني

==

الطريق يختصر مسافة ليست سهلة وهذى نقطة قوووية وكفيلة بتطويره وكثرة عابريه أجل معقولة بيشة بتصير من الرياض قرابة 600 كلم ,, بعد ماكانت فوق الـ 800 كلم فرق كبير جدا ,,

علووووم الحيا

16/09/2010, 01:53 PM

الأخ / علووووم الحيا كل عام وأنتم وجميع أعضاء وزوار مكشات بخير ، وبعد
أعطني فكرة عن طريق الرياض بيشه الجديد الذي يمر من الرين ، ماهو الجديد فيه ؟ ولامانع من مشاركة غيرك مما يفيدني في هذا الموضوع ... لأن طريق الدلم الوادي أبها مزدحم ويمر على عدة مدن وهجر , ولك تحياتي

مرحبا اخي.. الكريم سبتان .. كل عام وانت بخير وصحه وسلامه .. وجميع الاخوه الكرام

جديد الطريق ماذكره الاخوين( ابوخالد 900 ) و ( الطرشي ) الله يعطيهم العافيه

الشكر موصول لجميع الاخوه الذين شرفوا الموضوع بمرورهم الكريم واضافتهم المفيده

وان شاء الله نتابع الطريق في الموضوع حتى يكتمل ولو بعد سنوات

الصقر المهاجر

16/09/2010, 06:47 PM

اخواني الاعزاء كل عام وانتم بخير جميعاً !!
اسمحوا لي بالمرور السريع على الموضوع والحقيقة المحزنة في كثير من طرق بلادنا العزيزة انه يتم تسليمها لشركات غير مؤهلة وعديمة الامكانيات وووو ... الخ ويتم تنفيذ المشروع على 20-30 مرحلة وحنا نناظر المشروع وننتظر سنين وسنين وفي الاخير يطلع لك طريق والله العظيم انه بالبلدي يفشل بمعنى الكلمة واضرب مثال بطريق الرياض وادي الدواسر ابها من اكثر من 10 سنوات شغل وتحويلات وفي الاخير طريق سيئ وبدون حواجز ولا كباري وتمشي انت والابل والمعدات الزراعية بطريق واحد مافيه مشكلة والحوادث شبه يومية والمشكلة من المسئول الله اعلم ... والله يا اخوان الكلام كثير والواحد وده يتكلم ويتكلم ولكن وش النهاية والله ما ينقصنا شي الفلوس وموجوده والمعدات وموجوده لكن ؟؟؟؟؟؟؟؟ وهذا الطريق اللي هو المزاحمية الرين بيشة فأتوقع والله اعلم ان يلحق المشاريع الباقية في الشمال والجنوب واللي تاخذ لها عشرات السنين حتى يتم تنفيذها والله اعلم !!!
هذي مشاركة بسيطة وابداء راي لا اقل ولا اكثر وعسى الله يزينها من عنده يارب ياكريم !!!

أبو خالد900

17/09/2010, 02:37 AM

الصقر المهاجر كلامك سليم

وزارة النقل مزانيتها بالمليارات وإذا طرحة مناقصة تشوف أقل عرض يجيها (الحمدلله والشكر )

وتتفق معها 3سنوات بالمبلغ الفلاني قدام الملاء لكن من تحت لتحت يحدث غير ذلك

يقومون ويسون بينهم عقد 6سنوات وبمبلغ أقل من الظاهر لنا
( أجل وش اللي مخليهم ما يجبون شركات أجنبية )

تريد الصراحة خلنا ساكتين ( تحت الطاولة نروح علوم وتجي علوم )....

saadqc

17/09/2010, 03:01 AM

الله يعطيك ألف عافيه على العلومات

العيد

18/09/2010, 10:12 AM

اخوي الطرشي
كم المسافة اللي مشيتها من الرياض الى الحصاة مع هالطريق المبروك ؟

علووووم الحيا

10/10/2010, 09:08 PM

يوم الخميس الماضي 11/6/1431هـ قام مجموعة من شباب خشرم برحلة استكشافيه لطريق الرياض-بيشه عن طريق "الرين" والذي لا زال العمل فيه جارياً حتى اللحظه
استمرت الرحله من الساعه السابعة صباحاً وحتى العاشره مساء

وقد اجتمع مسبقاً الأستاذ سلطان بن حسن الخشرمي مع بعض المهندسين ومدير بلدية بيشه وبلدية الرين ..وقد توصلوا إلى المعلومات التاليه

أولا :
طريق الحجاز القديم = 1600كلم تقريبا
طريق الطائف ( الرياض – الطائف - الباحة – العلاية – حلباء ) = 1250 كلم تقريبا
مسافة الطريق القديم ( الرياض – الخرمة - رنيه – بيشة – العلاية – حلباء ) = 1100 كلم
مسافة الطريق الجديد ( الرياض – الرين – بيشة – القوباء – حلباء ) = 610 كلم تقريبا

ثانيا :
من نقطة تفتيش الرياض الى مخرج الرين قبل المزاحمية = 30 كلم جاهز

http://up.arab-x.com/Feb10/UBR98506.jpg (http://up.arab-x.com/)

من مخرج الرين قبل المزاحميه الى الرين = 120 كلم جاهز

http://www.khashram.net/forums/uploads/1266830346/gallery_475_110_10044.jpg

من الرين الى بيشة = 380 كلم أنجز أكثر من النصف
وتتقاسم هذا المشروع 3 شركات (شركة آرتك وقد أنجزت 56 كلم بعد الرين باتجاه بيشه والباقي 94 ممهد جاهز وتتم سفلتته هذه الأيام – شركة العيوني 150كلم في الوسط تتم سفلتته هذه الأيام – شركة الدوسري 80 أنجزت تماما الى بيشه )

ثالثا :
(طريق بيشة – القوباء – حلباء ) العمل جار فيه لكن ليست لدينا معلومات دقيقة عنه
من بيشه إلى القوباء = 35 كلم تقريبا
من القوباء الى حلباء = 45 كلم تقريبا

رابعا :
سلبيات الطريق
1 - الطريق الجديد غير مزدوج : في مرحلته الأولى لكن الإقبال الشديد عليه سيجعله كذلك لا حقا إن شاء الله لأنه يخدم مئات القرى والهجر لأنه يخترق قلب نجد .
2- لا توجد عليه خدمات كثيره حتى الآن لكنها ستبدأ عند إكتماله .
3- لم يوضع سياج الحماية حتى الان من الرين الى بيشه .
4- يوجد عليه بعض الجمال .

http://up.arab-x.com/Feb10/vxl98506.jpg (http://up.arab-x.com/)

ولكن كل هذه المخاطر موجوده أصلا في طريق الخرمه – رنيه – بيشه والذي يساويه في المسافة إضافة الى سوء طبقة الاسفلت التي لم تجدد منذ عشرات السنين .
خامسا :
الفترة الزمنية المتوقعة حسب إفادة المهندسين في الموقع ( من سنة إلى سنتين كحد أقصى ) لأن جميع العبارات والكباري قد إنتهت وهي الجزء الأهم في هذا المشروع والتمهيد كذلك إنتهى وكل ما بقي هو مد طبقة الإسفلت .

منقوووول

من

منتديات الرين

جنوبي 07

02/11/2010, 06:58 PM

جزاك الله خير اخي علوم الحيا الايضاح
وكثر الله من امثالك

علووووم الحيا

11/11/2010, 11:13 AM

جزاك الله خير اخي علوم الحيا الايضاح
وكثر الله من امثالك

مرحبا اخي الكريم جنوبي 07

شرفت الموضوع بمرورك الجميل ودعواتك الطيبه

علووووم الحيا

29/11/2010, 09:13 PM

السلام عليكم ورحمه الله وبركاته

في ثالث ايام العيد قررت اسوي لكم تقرير عن طريق الرين بيشه وقلت لازم انا اطلع على هالطريق

واعرف كل صغيره وكل كبيره عن هالطريق

عزمنا وشدينا الرحال واغراض الرحله متكامله وركبنا السيارات انا وبعض من الاخوان

والاصحاب

كانت الانطلاقه مع اشراقه الشمس

انطلقنا من مدينه الرين على طريق الرين بيشه باتجاه الجنوب { بيشه } وكان الطريق كما

يعرف الكثير منا انه مزفلت وبعد ان قطعنا مسافه 115 كيلو متر وتحديدا عند هجره الرقميه

بدا الطريق في التحويلات بسبب العمل على ازاله الجبال وبعد ذلك وصلنا تقاطع طريق بيشه

الرين مع الحصاه ولذك بعد مرور 125 كيلو متر

وهذا هو تقاطع الحصاه

http://filaty.com/i/1011/94638/1.gif

ومن بعذ لك هناك تحويلات بعد كل 10 كيلو متر بسبب الجبال والعمل جاري على الزالتها

http://filaty.com/i/1011/19277/Image00010.gif

وبعد ان قطعنا مايقارب 135 كيلو متر بدات الرادميه او التمهيد بهذا الشكل

اصر الشباب اننا نمر على اهل الابل اللي كانت قريبه من الطريق ناخذ منهم بعض المعلومات

التي قد تفيدنا

اخيرا وبعد ان قطعنا 150 كيلو متر من مدينه الرين وصلنا الى نهايه الطريق

والذي كانت نهايته عند تقاطع طريق صيحه مع طريق بيشه

http://filaty.com/i/1011/79201/Image00015.gif

http://filaty.com/i/1011/31407/Image00016.gif

قررنا ان نتجه الى مركز صيحه مع هذا الازفلت للتزود بالوقود وشراء بعض الاغراض

وطبعا مركز صيحه على يسار طريق بيشه واتجهنا يسارا الى صيحه

http://filaty.com/i/1011/89941/Image00018.gif

وبعد الخروج من صيحه اتجهنا الى مركز عسيله والذي يبعد مايقارب 120 كيلو متر برا

ومرورا بهجره العيينه وهجره قمران والعديد من الهجر وبعد مسافه ليست بقليله

وصلنا الى مركز عسيله والذي يطلق عليه مركز{ ابا الاكوام }

http://filaty.com/i/1011/61950/Image00024.gif

ووصلنا الى محطه وقود في مركز عسيله ومحل تموينات واخذنا من تحناجه من البقاله

وعند الخروج من المحطه التقينا بالكثير من اهالي مركز عسيله

وافادونا بان نهايه التمهيد او الرادميه القادمه من بيشه بعد 10 كيلو من مركز عسيله باتجاه

الجنوب وفعلا بعد ان قطعنا 10 كيلو متر من مركز عسيله وجدنا نهايه الرادميه القادمه من بيشه

عند قريه النميص والتي هي قريبه من مركز عسيله

والطريق كما تعلمون تحت تنفيذ شركه العيوني وبعد حساب المسافه بين نهايه اعمال الشركه

القادمه من الرين والشركه القادمه من بيشه وجدنا ان المسافه لاتزيد عن 100 كيلو متر تقريبا

واليكم بعض الصور عند نهايه الردميه القادمه من بيشه

http://filaty.com/i/1011/68359/Image00030.gif

ويمينا ويسارعن الطريق نجد بعض الصخور التي خلقها اللي باشكال جميله

ولله في خلقه شوؤن التقطت تلك الصخره التي خلقها الله وكانها سمكه

http://filaty.com/i/1011/26683/Image00029.gif

وبعد ان راينا تلك المناظر الجميله والتي خلقها الله ققرنا ان ان نقف في احد تلك الهضاب

التي يكون لها طابع خاص وانت تتظلل في ظلالها لعمل وجبه الغداء وايضا لنتذوق طعم القهوه

البريه ولا ننسى الشاهي الجمري الذي له طعم لا يقاوم في هذا الابريق الخاص

http://filaty.com/i/1011/16072/Image00037.gif

وهذه بعض المناظر الجميله والتي فيها بعض الاشكال الرائعه

وبعد الانتهاء من وجبه الغداء وبعد اصلينا صلاه العصر

انطلقنا من بدايه الرادميه بتجاه الجنوب { بيشه } والتي بدات من قريه النميص

http://filaty.com/i/1011/38124/Image00044.gif

بدات الرادميه تتحسن كثير ونقترب من الازفلت

http://filaty.com/i/1011/32366/Image00051.gif

كان هناك الكثير من التحويلات بسبب عمل كباري وازاله جبال

http://filaty.com/i/1011/16261/Image00052.gif

وبعد ان قطعنا مايقارب 45 كيلو متر من نهايه الردميه من مركز عسيله وصلنا الى نهايه الازفلت

القادم من بيشه

http://filaty.com/i/1011/60578/Image00058.gif

http://filaty.com/i/1011/88556/Image00060.gif

هناك بعض الحوادث بسبب التحويلات

ومع اصوات عذبه يرددها الجميع وقطعنا 20 كيلو متر من نهايه الازفلت وصلنا الى مقر شركه

العيوني والذي يتمركز في تقاطع طريق الرين بيشه مع طريق رنيه وبذلك تكون المسافه من تقاطع
رنيه الي نهايه الرادميه او التمهيد 20 كيلو ازفلت + 45 كيلو تمهيد وتكون المسافه كاملا

65 كيلو متر

http://filaty.com/i/1011/19021/Image00061.gif

وهذا تقاطع رنيه مع طريق الرين بيشه وجاري العمل على انشاء دوارات وكباري لهذا التقاطع

http://filaty.com/i/1011/31194/Image00063.gif

وبعد ان تجاوزنا التقاطع وجدنا ان الطريق الذي من بيشه الى مفرق رينه جاهز ومكتمل

وقد وضع عليه الخطوط واللوحات وكل شي

وعند التقاطع وجدنا هذه اللوحه التي تفيد بانه متبقي على بيشه 150 كيلو متر

وعلى الاتجاه الاخر وجدنا انه بعد تقاطع رنيه الى الرين 400 كيلو متر

http://filaty.com/i/1011/78518/Image00071.gif

http://filaty.com/i/1011/98131/Image00070.gif

وبعد ان قطعنا 130 كيلو متر من تقاطع رنيه باتجاه بيشه انقطع الازفلت وكان هناك تمهيد

بحوالي 6 كيلو متر وبعدها وصلنا الى العمل في كبري وادي الجنينه والذي يقع عند جبل كما يعرف

عند الكثير من الناس جبل خشيم الذيب

http://filaty.com/i/1011/16206/Image00075.gif

ومع غروب الشمس ونحن في الجنينه والتي تقع على يمين طريق الرين بيشه وقد يعرفها الكثير منكم وهي ديره الشاعر

الكبير ابن جدلان والتي هي واضحه في احد قصائده عندما قال :
يا اللي تقولون ابن جدلان وينه؟؟ أخذوا دليله واضحه يا المناعـيـــر

عانوه نازل في ظهرة الجنينــــــه؟؟ بين النخل والعايدي والمغاتيـــــــر

قررنا ان يكون نقطه الوقوف في احد شعاب الجنينه والتي لها طابع خاص جدا

وقبل الوقوف التقينا ببعض اهالي الجنينه وهم من الهواجر وافادونا بان طريق الرين بيشه سوف

يمتد الى خميس مشيط وسوف يكون خط منفرد لا يتصل باي خطوط ثانيه

وفي اليوم الثاني وبما انا نقطه وقوفنا عند كبري الجنينه عدنا اليه واتجهنا الى بيشه مع طريق

الرين بيشه والتي تبعد عن كبري الجنينه 34 كيلو متر

وجدنا ان الطريق مزفلت بالكامل وجعل بيشه على اليمين ولم يدخلها بل متجهه الى خميس مشيط

وقد تجاوز بيشه وصل العمل مايقارب 60 كيلو متر من كبري الجنينه

وبعد ان وصلنا الى نهايه الطريق قررنا ان ندخل بيشه ونتسوق في سوق بيشه الشعبي

وسوق التمور وقررنا ان يكون هذا اليوم في بيشه والتسوق فيها

ووجدنا هذا المكان لنحتسي طعم القهوه والشاي

http://www.almlf.com/get-11-2010-almlf_com_38q4h2gt.gif

وبعدها قررنا ان نذهب الى خميس مشيط للتسوق في سوق خميس مشيط الشعبي

والذي يعد اكبر رابع سوق في الممكله وسوف اوافيكم به في تقرير اخر

وبهذا وصلت الى نهايه هذا التقرير وعساه ان ينال اعجابكم وان يكون فيه الفائده

للجميع

وتقبلوا تحياتي وتحيات الاخوان ومن كان معنا في هذه الرحله الجميله والممتعه

اخوكم / ابو خالد

منقوووول من منتديات الرين

أبو خالد900

30/11/2010, 12:03 PM

رأيي الشخصي طريق الرياض _ الخرمة _ رنية _ بيشه ...

ومسافته بتحديد هي 910 كم

سيكون أفضل وآمن وغير متعب للسائق المركبة ...

وخاصة بعد ما سمعنا أنه الآن يجري تنفيذ المرحلة الأولى

لإزدواجية طريق الخرمة _ رنية _ بيشه حتى إلتقائه مع طريق الرياض الطائف ....

_______________________

طريق الرياض _ الرين _ بيشه ...

سيد واحد ولا يوجد شبك عليه ..

مجهد ذهنين ...

ومسافته 640 كم ليست قصيره ...

جنوبي 07

11/12/2010, 11:17 PM

اخوي علوم الحيا بيض الله وجهك
ولكن يتفرع من الطريق طريق الى الباحة لكن من اين ؟

علووووم الحيا

17/12/2010, 08:16 PM

اخوي علوم الحيا بيض الله وجهك
ولكن يتفرع من الطريق طريق الى الباحة لكن من اين ؟

مرحبا اخي العزيز جنوبي 07

أعلنت وزارة النقل عن مشروع ربط منطقة الباحة بطريق الرياض - الرين - بيشة ابتداء من جرب حتى يتصل بطريق الرياض - الرين - بيشة بطول إجمالي (218.325) كيلو متر ، وتنفيذ مشروع ازدواج طريق العقيق - جرب بمنطقة الباحة بطول إجمالي (45.500) كيلو متر.

جيبي جايزلي

21/01/2011, 07:03 PM

وش صار علي الخط ياجماعه الخير هل انتهى انتهاء كامل ولا فيه تحويلات

جيبي جايزلي

22/01/2011, 11:39 AM

0000000000000000000000000

العقارب

11/04/2011, 07:43 PM

السلام عليكم
وش صار يالربع على الطريق .. وش اخر التحديثات عليه ...
وكم المسافه من الرياض الى ابها..

العقارب

20/04/2011, 07:58 AM

السلام عليكم
وش صار يالربع على الطريق .. وش اخر التحديثات عليه ...
وكم المسافه من الرياض الى ابها..

مخايل البروق8

06/05/2011, 07:34 PM

السلام عليكم
وش صار يالربع على الطريق .. وش اخر التحديثات عليه ...
وكم المسافه من الرياض الى بيشة..

العقارب

09/05/2011, 05:17 PM

للرفع ...............

العقارب

24/05/2011, 02:29 AM

للرفع ...............

جنوبي 07

22/06/2011, 06:09 PM

وش الجديد في الطريق يالربع ؟؟

am2006m

12/07/2011, 03:08 PM

الجديد في الخط لو سمحتو

علووووم الحيا

29/07/2011, 02:20 PM

الاخوه الكرام

ليس هناك جديد يذكر لازال العمل مستمر ببطء في تنفيذ الطريق

واتوقع على هذا الحال ان يحتاج من 2 - 3 سنوات حتى يكتمل

والله اعلم

مشعل العيسى

29/07/2011, 04:02 PM

للرفع ..........

عاشق ترابها

04/08/2011, 03:31 PM

يا شباب هل الطريق من الرياض إلى الرين إلى الحريق ثم الحوطه

ابو سمر

06/08/2011, 12:59 AM

يا شباب هل الطريق من الرياض إلى الرين إلى الحريق ثم الحوطه

الرين نقطة التقاء.

والطريق سيستمر إلى بيشة وما زال العمل جار فيه منذ سنتين أو ثلاث، لكن بإمكانك الاتجاه جنوب شرق إلى الحريق ومن ثم تأخذ طريق الرياض وادي الدواسر، أو تعود قبل الحريق للرياض عبر حفيرة نساح ..

م ك ش ا ت ي 1

19/08/2011, 05:32 AM

يرفع الموضوع للفائده

لاتكب البيالة

01/10/2011, 11:47 PM

السلام عليكم
يا جماعة هل الطريق يختصر المسافة لوادي الدواسر لاني شفت تقاطعه مع طريق الوادي- رنية اعتقد قريب للوادي لكن ما ادري كم غير ان طريق الوادي يدخل مناطق به اشارات ومطبات

لاتكب البيالة

01/10/2011, 11:49 PM

الرين نقطة التقاء.

والطريق سيستمر إلى بيشة وما زال العمل جار فيه منذ سنتين أو ثلاث، لكن بإمكانك الاتجاه جنوب شرق إلى الحريق ومن ثم تأخذ طريق الرياض وادي الدواسر، أو تعود قبل الحريق للرياض عبر حفيرة نساح ..
اخوي ابو سمر طريق الحريق حفيرة نساح لا يمكن السير معه

عليم العطش

19/11/2011, 12:42 PM

http://www.mekshat.com/pix/upload01/prof021/mk6390_hhjjkk;.jpg
هذه الصوره من عند جبل خشيم الذيب بالقرب من الجنينه
يعني ليس 380كيلو بل 480كيلو للرين و645كيلو للرياض

هذا رابط يفيدكم بالموضوع
http://www.alrahalat.com/vb/showthread.php?t=14389 (http://www.alrahalat.com/vb/showthread.php?t=14389)

دمتم بود

صقر الحوطه

26/02/2012, 04:20 PM

أخواني جزاكم الله خير هل الطريق من بيشة الى الرين سينتهي خلال ستة شهور قادمة..؟

البرهاوي

29/02/2012, 10:05 PM

الله يعافيكم جميع

mmma123

15/04/2012, 07:58 AM

وش صار علي الخط ياجماعه الخير هل انتهى انتهاء كامل ولا فيه تحويلات

علووووم الحيا

18/04/2012, 09:57 PM

مرحبا بالجميع

هنا اخر مستجدات الطريق للعضو القدير( راعي بيشه)

http://www.mekshat.com/vb/showthread.php?t=492639

kanjar

07/05/2012, 01:54 PM

بارك الله فيكم جميعا

علووووم الحيا

14/09/2012, 01:56 PM

شكرا لإدارة مكشات ضم الطرق في هذه الخيمه وتطويرها

لما تمثله الطرق البريه من اهميه لعامة الناس وللمكشاتية بشكل خاص

اتمنى التوفيق للجميع

الشوق بحر

30/09/2012, 08:56 PM

السلام عليكم ورحمة الله وبركاته

هل الطريق مزفلت كامل للعقيق او باقي فيه اجزاء ردميات

ابو البر

25/04/2013, 01:58 AM

اخر اخبار الطريق يا جماعة الخير

البواردي17

25/04/2013, 02:36 AM

هل اكتملت السفلته ام لا

بموقع وزارة النقل لازال مدرج ضمن المشاريع الحاليه
https://www.mot.gov.sa/ar/Pages/H_Projects_Current.aspx

صالح الغفيلي

27/04/2013, 09:32 PM

السلام عليكم ورحمة الله وبركاته
مساكم الله بالخيرات ومبارك عليكم هالامطار
اخر المستجدات فالطريق يبغى له مابين سنتين وثلاث سنوات
مشيت معه الخميس الماضي من جهة الرين حتى انتهى الاسفلت شرق حصاه قحطان وبالظبط بجبال السواده حيث تعترض الطريق سلسله من الجبال تحتاج هالوقت وقد كتب في لوحة المشروع تمديد مده المشروع الى عام 1437 شركة منوه

علووووم الحيا

02/07/2013, 09:30 PM

أحمد البراهيم– الرياض– : في إطار متابعته وجولاته التفقدية لمتابعة مشاريع الخير والنماء، قام الأمير خالد بن بندر بن عبدالعزيز، أمير منطقة الرياض، منذ صباح اليوم، ورافقته "سبق"، بجولة تفقدية لمشروع تنفيذ طريق الرياض إلى الرين، وصولاً إلى بيشة بمنطقة عسير، الذي سيكون له الأثر الكبير في خدمة المدن المجاورة، وكل العابرين والمسافرين من الرياض إلى بيشة ومنطقة عسير عامة، ومنطقة الباحة ومنطقة مكة المكرمة، مروراً برنية وما جاورها؛ ما سيساهم في التخفيف عن المواطنين، ويختصر المسافة لما يقارب 300 كيلو.

ويبلغ إجمالي أطوال المشروع كاملاً 679 كيلو، ويجري تنفيذه بأحدث التجهيزات ووفق المواصفات؛ إذ يشق الطريق قلب نجد باتجاه الجنوب الغربي، وقد مهد له الكثير من العوائق والعقبات من رمال ومناطق جبلية وصخور وتضاريس، كانت من العقبات لهذا الطريق.

وسيكون المشروع العملاق مصدر راحة واطمئنان للمواطن، ودافعاً لعجلة التنمية في كل ما يلامس المواطن ويخدم مصالحه.

وحرص أمير الرياض على الوقوف بنفسه على المراحل التي وصل لها المشروع، وسير العمل للشركات المستلمة تنفيذ المشروع؛ إذ يعمل على إنجازه شركات عدة، ولكل شركة مرحلة تقوم على إنهائها.

وقد تم سفلتة معظم المشروع، ولم يتبقَّ منه سوى ما يقارب المائة كيلو دون سفلتة، وجار العمل فيها.

وكان أمير الرياض حازماً مع الشركات المنفذة، واشترط أن يكون الطريق صالحاً للعمل خلال العام المقبل، وأن يُسلم المشروع مكتملاً من جميع الجوانب والخدمات.

وفي رده على سؤال لـ"سبق" عن ندرة وجود خدمات على امتداد الطريق من استراحات ومحطات ومطاعم، قال أمير الرياض: "لقد سعينا ليكون هذا الطريق مكتمل العناصر والتجهيزات، وهذه كلها كذلك، غطيناها -إن شاء الله- ونسقنا بالنسبة للوجود الأمني، والخدمات الصحية والإسعافية -إن شاء الله- ستكون متوافرة".

ورداً على أسئلة الإعلاميين حول المشروع وتعثراته ذكر الأمير أن هناك بعض الأجزاء التي لم تكتمل، وإن شاء الله سيكتمل هذا الطريق في النصف الثاني من العام القادم 1435هـ "وقد نسقنا واجتمعنا بالإخوان في وزارة النقل، وكذلك المقاولون المهتمون بهذا المشروع، ووعد الجميع بأن ينفَّذ ويتم تسليمه في حينه".

وأضاف: "ومن يقصر من المقاولين والشركات التي تعمل في المشروع سوف يسحب المشروع منه، ويُسلَّم إلى مقاول آخر لإنجازه في التاريخ المحدد -بإذن الله تعالى-؛ لما له من أهمية؛ إذ يخدم هذا الطريق منطقة الرياض ومنطقة عسير ومنطقة الباحة وجزءاً من منطقة مكة المكرمة، ونأمل -إن شاء الله- أن يكون مهيَّأ للاستخدام في نهاية العام القادم -بإذن الله تعالى- مع أن غالبية الطريق الآن منجزة، ولكن هناك بعض الوصلات التي يجب الاهتمام بها، والعمل على إنجازها -إن شاء الله".

وردّ أمير الرياض على سؤال يتعلق بمدى تقبل إمارة منطقة الرياض تعثر أو تعطيل المشاريع الحيوية، قائلاً: "بالنسبة للتعثر فإنه وارد من بعض ما يصادف بعض المقاولين، ولكن نعمل مع الجهات الحكومية المعنية بالمقاولات والمشاريع التي تشرف على المقاولات والمهتمة بهذه المشاريع على تجاوز الملاحظات كافة التي تعثر المشروع، والعمل على تجاوزها -بإذن الله تعالى".

وعن ملاحظاته خلال جولته على المشروع قال: "والله هناك ملاحظات، ونسقنا مع الإخوان، ومع معالي المهندس عبدالله المقبل أمين مدينة الرياض، وكذلك مع وكيل وزارة النقل المهندس هذلول الهذلول لتجاوز بعض الملاحظات، وإن شاء الله في النهاية ينجز هذا الطريق كما نتطلع إليه وكما يتطلع له سيدي خادم الحرمين الشريفين بأن يخدم هذا الطريق مواطني السعودية ".

وقد رافق أمير الرياض في الجولة المهندس عبدالله بن عبدالرحمن المقبل، ووكيل وزارة النقل للطرق المهندس هذلول بن حسين الهذلول، ووكيل إمارة الرياض المساعد للشؤون التنموية سليمان القناص، والمدير العام لإدارة المراسم بالإمارة فيصل بن سعد السديري، ومنسوبو الشركات المنفذة للمشروع.

am2006m

02/07/2013, 10:30 PM

خبر مهم من سبق عن الطريق

http://sabq.org/0I7fde

الخلاصة الصيفية الجاية والناس مسافره عليه ان شاء الله الى عسير

علووووم الحيا

22/02/2015, 04:36 PM

السلام عليكم

ما اسرع الايام مضى على الموضوع

8 سنوات والطريق لم ينتهي بعد