المساعد الشخصي الرقمي

مشاهدة النسخة كاملة : يا أهل الباث ... ( هذا ما حصل لي اليوم عند مدخل الجامعة )


ابو فضلي
01/02/2007, 05:38 PM
السلام عهيكم يا شباب ..

الصراحة أهني نفسي بتسجيلي في هالمنتدى المتميز ، وللعلم هذي اول مشاركة لي ,,,

ابي شوركم ورأيكم في اللي صار لي صباح اليوم ..

أنا رجال معي باث فيندر 2005 والصراحة اني حريص عليه مرة ، الشاهد اني اليوم الصبح كنت طالع مشوار ومع هالمطر والخير والسيول ، جاء راعي كامري (الله يهديه ) وكان مسرع سقط علي من اليمين وأول ما تعداني هجت به السيارة وقامت تلعب يمين ويسار( سيارته ) الين فرت به حتى صار وجه سيارته بوجه سيارتي فحاولت اتفادى اني اصدمه مع الوجه لفيت على الرصيف اللي على يساري وصدمته مع الكفر اللي على اليسار قدام ( أي الرصيف )يمكن بسرعة (40) كان الرصيف عالي شوي (عند مدخل جامعة الملك سعود ) !!! وانعفط المقص اللي على اليسار والمساعد حق الدركسون ( والحمد لله على كل حال )

سؤالي لأهل الباث : ( طبعا السيارة ما قدرت امشي عليها ) وشلتها بسطحة لبيتنا ، هل يسوى ادخلها للوكالة او تنصحوني بورشة معينة وكم بتكلفني تقريبا ؟؟؟ وهل اقدر احصل قطع اصلية من غير الوكالة ؟؟؟


أنتظر ردكم يا شباب ولا تفشلوني على اول مشاركة ؟؟؟

ابو فضلي ...
بدوي جنوبي
01/02/2007, 09:45 PM
عليكم السلاااااااام

هلا وغلا اخي ابو فضلي

اولا الحمد لله علي السلامه وسلمت من الحادث

الاضرار اللي لحقت السياره ان شاء الله انها بسيطه

اي ورشه ممتازه تسويها .... انت عارف ان الوكاله بتكلف كثير

بالتوفيق ...
الأسمري 2009
01/02/2007, 09:45 PM
الحمداللة على السلامة اولا
ثانيا انصحك بلوكالة افضل وتضمن شغلهم
شيخ نجد
01/02/2007, 10:12 PM
اخوي السيارة جديدة .. ولا بد تحافظ عليها .. نصيحتي لك الوكالة .. واذا مانت راعي وكالات ..شف ورشة نجمة الخبراء بصناعية النهضة فلابنه محترفيين على كيفيك وادارة ممتازة..
smod227
01/02/2007, 10:28 PM
الحمد للة على السلامة

الاضرار خفيفة وماتحتاج لا وكالة ولا شي
خذ قطع واي ميزان بيسويها ماتحتاج مهارة الشغلة . بس لا تقتنع من اول واحد ترى لفة خمس دقايق توفر لك دراهم واجد
ابو فضلي
02/02/2007, 12:40 AM
بدوي جنوبي .. الجراح 555 .. smod227 ...

يعطيكم العافية على شوركم .. وما قصرتو ( كم تتوقعون تكلف ) معلييييش طولتها !!!

عاشق السراب ..

الورشة اللي قلت عنها وينها فيه ؟؟؟ من اسمها في حي النهضة ؟؟؟ وبالله اذا ممكن رقمها .. مشكووووور يالغالي
دم الغزال
02/02/2007, 12:52 AM
حمدلله على السلامة تصدق اني شايفك عند مدخل الجامعة ناوي اوقف بس وراي اختبار دفعة بلا انشاالله
شيخ نجد
02/02/2007, 01:11 AM
بدوي جنوبي .. الجراح 555 .. smod227 ...

يعطيكم العافية على شوركم .. وما قصرتو ( كم تتوقعون تكلف ) معلييييش طولتها !!!

عاشق السراب ..

الورشة اللي قلت عنها وينها فيه ؟؟؟ من اسمها في حي النهضة ؟؟؟ وبالله اذا ممكن رقمها .. مشكووووور يالغالي
رقمها لا اعرفه ولاكن الورشة بصناعية النهضة أو (صناعية الخليج) وعنوانها : شارع سلمان الفارسي بحي النهضة تجيك على يدك اليسار تبعد عن اشارة خريص ثلاثة كيلو.. وشارع سلمان هو امتداد لشارع النخيل بالنسيم .. يفرق بينهم طريق خريص فقط..

جربتهم اكثر من مره على فكسار وباث فايندر وصراحة اكسبوني الثقة ولك الخيار..

موفق
ماجد_الزلفي
02/02/2007, 01:32 AM
السلام عليكم .. اخوي اول شي الحمد لله على السلامه وثاني شي بسياره ولا فيك .. في احد من الزملاء حصل معه نفس سالفتك وقيمة العكس اليسار على حسب كلامه ميتين وشوي من صناعية الخليج وركبه هناك مع الوزن ماكلف 300 يعني السالفه ماهي مكلفه بس انا اقول غيرها برى احسن من صلخ الوكاله دور اي ميزان صح وانتهت السالفه
كن مع الله
02/02/2007, 01:36 AM
نصيحت مجرب نفس حادثك
إذا دراهمك واجد رح للوكاله وبس
القناص
02/02/2007, 01:56 AM
انا مع راي اخوي كن مع الله

الوكاله اضبط خصوصا لسيارات الدفع الرباعي
يازين البر
02/02/2007, 02:04 AM
لكن من يثق بالوكالات الغشاشين اليوم حسبي الله عليهم


السعر يدبل أربع مرات



والحمد لله على سلامتك أولا وآخرا
ا بو بندر
02/02/2007, 01:50 PM
الحمد الله على السلا مه
بنسبه المحل قطع الغيا ر ابن ماضي في الصنا عيه القديمه دوار الخرج
ابو فضلي
02/02/2007, 11:30 PM
ما قصرتو يا شباب ...

وفيتو وكفيتو !!!

يعطيك العافية عاشق السراب .. مريت الورشة اليوم وعرفت وصفها وبكرة انشاء الله هي عندهم ( واعدت راعي السطحة 8 صباحا )

الوكالة تاخذ عندهم تقريبا 4 أيام ( كلمت موظف عندهم بالجوال سبق تعاملت معه يقول عندنا ضغط هاليومين وبتاخذ اربعة ايام )
لذلك ابصرف النظر عنهم ...

الجراح555 : ياخي اسمك معجبني !!! وعساك من عائلة ( آل جراح ) من (حرمة )
لي رفيق لي من هالعائلة ، ياخي ماشاء الله خلق ودين وتواضع بشكل رهييييب وفبهم حبابة غير طبيعية ( وتراهم حلوين
بعد )!!!!! (ربي يحفظك واياهم )


محبكم ابو فضلي ...
نمر بن حثلين
03/02/2007, 05:51 AM
انا مدري وش معجبكم بالوكاله يا اخوان

انا سبق وحصل لي تجربه مريرة معهم

دخلت الموتر للصيانه
ويوم طلعته ووصلت البيت واشوف زيت يقطر من تحت
واروح لبنشر قال هذا زيت القير ما ربطو صرته زين !!!!!!!!!!!!!!

طنشت وقلت له غلق قال زين

وطلعت للبر بعد كم يوم وصار الموتر الا كان بطلعه او نزول يفصل القير !!!!!!!!!!!


ما بلعتها ورجعت وسويت لهم مشكله


ووش كان العذر !!!!!

قالوا والله عندنا شباب سعوديين خريجين المعهد الياباني الى على طريق مكه جده وحايسيين الشغل علينا !!!!

طيب ناس متدربين وما يندرى من الجاد فيهم من اللاعاب تخلونه يتعود بموتري ؟؟؟؟؟؟؟

وعقبها وانا مشطب على الوكاله
الكونترولCONTROL
03/02/2007, 06:20 AM
بالنسبة للوكالة يعتبر شغلهم متخلف عن كثير من الورش في صناعية الرياض القديمة
============
انتبه لا يحوسون سيارتك تراهم حبيبين !!!!! و افهم يا فهيم !!!!!!!!!
========================================
عندك العضيب لا تتعداهم تراهم متخصصين بما تحت السيارة !!!!!! و شغلهم مضمون و أمينين !!!
==========================================
ع.ف.الدرويش
03/02/2007, 10:31 AM
السلام عهيكم يا شباب ..

الصراحة أهني نفسي بتسجيلي في هالمنتدى المتميز ، وللعلم هذي اول مشاركة لي ,,,

ابي شوركم ورأيكم في اللي صار لي صباح اليوم ..

أنا رجال معي باث فيندر 2005 والصراحة اني حريص عليه مرة ، الشاهد اني اليوم الصبح كنت طالع مشوار ومع هالمطر والخير والسيول ، جاء راعي كامري (الله يهديه ) وكان مسرع سقط علي من اليمين وأول ما تعداني هجت به السيارة وقامت تلعب يمين ويسار( سيارته ) الين فرت به حتى صار وجه سيارته بوجه سيارتي فحاولت اتفادى اني اصدمه مع الوجه لفيت على الرصيف اللي على يساري وصدمته مع الكفر اللي على اليسار قدام ( أي الرصيف )يمكن بسرعة (40) كان الرصيف عالي شوي (عند مدخل جامعة الملك سعود ) !!! وانعفط المقص اللي على اليسار والمساعد حق الدركسون ( والحمد لله على كل حال )

سؤالي لأهل الباث : ( طبعا السيارة ما قدرت امشي عليها ) وشلتها بسطحة لبيتنا ، هل يسوى ادخلها للوكالة او تنصحوني بورشة معينة وكم بتكلفني تقريبا ؟؟؟ وهل اقدر احصل قطع اصلية من غير الوكالة ؟؟؟


أنتظر ردكم يا شباب ولا تفشلوني على اول مشاركة ؟؟؟

ابو فضلي ...

:).. قبل كل شيء الحمد لله على سلامتك

;) يليــه نصيحة الموتر ما شاء الله تبارك الله 2005 والباثفايندر معروف إن وضعه حساس شوي لذلك أنصحك بانك تتوجه للوكالة وتتستبدل القطع المتضررة عندهم.. :p الحل الآخر إن كنت لا تثق بالوكالة إنك تشتري القطع من قسم الصيانة أو من المراكز المعتمدة وتشوف مراكز الصيانة أو الورش في الصناعية القديمة.. فـ عندك ميزان اليرموك شغلهم ولله الحمد تمام ((منذ مبطي صار علي حادث وكان الموتر كروزر الدفرنس الأمامي مال وما شاء الله عليهم عدلوه وكان شغلهم نظيف جداً))..

مرة أخرى حمداً لله على سلامتك..
وكان الله بعونك
أخوك..( أبو فهد )..
escape_man
03/02/2007, 10:51 AM
الحمد لله على سلامتك

اي موتر جديد انا ما احبذ انه يتعبث فيه اي ورشه

وطبعا لسلامتي وسلامة الموتر ,, اي صامولة او مسمار تاكد ان اطلق مكنيكي ماراح يرجعه كما كان

الشكوى لله وادفع 1000 ريال زود ولا يضيق صدري باكر اذا سمعت طقطقة ولا قامت السيارة تحذف

هذا رايي الشخصي وربي يعينا ويعنك وكل مسلم
}{التميمي}{
03/02/2007, 02:20 PM
ميزان المجد
صناعيه الخرج
shaheenshah
03/02/2007, 02:41 PM
السلام عليكم

الحمد لله على السلامة

حتى وان كانت دراهمك واجد ما انصحك بالوكالة :no2: لانهم اولا وأخيرا نصابين وما عندهم سالفة "من واقع تجربة" وبعدين العمالة اللي عندهم تلقاهم بنشرية في ديرتهم وجايبينهم على انهم مهندسين والخ.. ويتعلمون في المواتر اللي تجيهم.

في رأيي انك تروح لاكثر من ورشه وتشوف القطع اللي تحتاجها وتشتريها انت بنفسك من الصناعية (على فكرة قطع الغيار اللي بالوكالة كلها لا تهمك جايبينها من دبي يعني وسع صدرك) وشف اي ورشة وصلحها عنده لاني اتوقع العمليه عندك كلها يمكن ذراع وعكس يعني ما هو في مكينه او قير لا سمح الله :good2:
بس نصيحتي لك اذا غيرت القطع قل لراعي الورشه يعطيك القطع اللي غيرها عشان تتأكد لان بعض الورش يقولك غيرت كذا وكذا وهو تلقاه صلح الخربان وركبه لك :D.
كن مع الله
03/02/2007, 02:47 PM
الوكاله ونم يكفيك الضمان وجودت القطع
والدقه في العمل والاختصاص
برق بني خالد
03/02/2007, 03:35 PM
واللـه إنـي مـاافتـيك لكـن داخل اتـحمد لك بالسـلامة..

والشـي الثـاني انـا معي بـاث وعنـد الجامعة واحـد حـكن من ورا وانـا بالمحاضرة واللي يقـهر مدري منهوو.

بس كـان من المفرووض يكـتب ورقة اسـف اقـل شي..
برج الخير
03/02/2007, 04:15 PM
والله ما اقول الا سلامتك والله

والحديد يتعوض في الوكالة والا غيرها
ابو ناصر2020
03/02/2007, 06:47 PM
الوكاله:no2: لا لا لا لا تقربك العضيب:good: وبس وخلك على روسهم وشف وشيفكون وش يركبون
الوكاله دخلت الموتر خربان بوه طرمبة البنزين وغيرته عندهم وبعد ماستلمت الموتر ورحت
للبيت تفاجات ان البطاريه مفضينه هاذا يدل على عدم حرصهم على لمبات الموتر اثناء الصيانه
ومن بعد ماطلعت الموتر من عندهم اذ رقيت طلعه او نزله تفوح ريحت البنزين شكلهم ماطبقو المسامير صح .