نبي اكثر عدد من المشاركات بخصوص التويوتا والنيسان!!!!!

[نجمة سهيل]

السلام عليكم ورحمة الله وبركاته.كيف حال الشباب.حبيت في هالمضوع نطرح وش افضل :
اللاندكروزر ام السفاري((الباترول))
من حيث القوه والتحمل و............كل شيئ.

[القماري]

أخوي نجمة سهيل أنت تسأل عن الأفضل بين السيارتين وتريد رأي المشاركين
أولا كثرة الآراء ليس مقياس للأفضلية فكثير من المستخدمين يمدحون مالديهم بغض النظر عن المواصفات والقوة.
ثانيا إذا كان الهدف من معرفة الأفضل هو شراء سيارة يحدد افضليتها الأخرون قد لا تفيدك أو قد تخيب ظنك ولا تتوافق مع متطلباتك.
ثالثا للمقارنة بين سيارتين يجب أن تكون السيارتان من نفس الفئة والقوة والسعر إن أمكن وخدمة الصيانة وسعر بعد البيع وهو مايحدد مستواها الأجتماعي.
هذه ملاحظات حتى تكون لديك فكرة أشمل
بالنسبة لي فأنا أفضل نيسان باترول على تويوتا لاندكروزر رغم معرفتي بأن الطلب في السوق على التويوتا أفضل نوعا ما من نيسان ، لكن من الناحية العملية بالنسبة لي فباترول أفضل من اللاندكروزر وتستطيع أن تلاحظ في البر أي سيارة متواجدة أكثر وإيهما يناور أكثر . هذا الكلام لا أقوله تعاطف مع الباترول أو تنقيص في اللاندكروزر ( كلاهما جيد) لكن بالنسبة لي الباترول أجود في هذه الناحية فقط.
هذا الموضوع تكرر في أكثر من مشاركة

[ولد روضة سدير]

طبعا النسيان طيب واللاند طيب بس بالتطعيس والخفه السفاري ازين من اللاند بس عيبه تقرقع البيبان بعد سنتين وله ثلاث من شراءه وصرفية البنزين امام اللاند فهو اكثر تحمل او نقدر نقول عمره الافتراضي اطول من السفاري وعيبه انه ثقيل .....وهذا رأي وكل شخص له رأي آخر وتقبلو اطيب تمنياتي لأعضاء هذا المنتدى........................................... .................................................. .................................................. ...........................................ولد روضة سدير.............................................. ................

[الاجودي]

اقول اخوي

السيارتين كلهن قويات مع الباترول اقوي واحسن مواصفات

واذا تبي رايي

اذا كنت تشري تبي تستخدم توكل على الله وخذ باترول

واذا كنت ناوي تبيع خذ لاند


ما الي يقولون تقرقع البيبان موب صحيح وانا مجرب:confused:

[Y&Y_4X4]

انا اشوف والله اعلم

الباترول اخف وزن علشان كذا في الطعوس هو احسن .
الباترول يهرقل بسرعة لاندكروزر اقوى بدي واكثر تماسك.
صرف الوقود الباترول اكثر صرف.
من ناحية الشكل لاندكروزر اجمل.
من ناحية البيع لاندكروزر ابيع اما الباترول يطيح سعره بقوه حتى لو هو نظيف.
الراحة الباترول اريح عند الركوب في البطانيج وخلافه.
طول العمر والمكدة فالنوعين يستويان في ذلك.
يستويان بعد في القوة والسرعة.
الفخامه لاندكروزر افخم وانصب.
السعه الداخلية لاندكروزر اوسع شوي.
في الجبال والطلوع والنزول مثل جبال فيفا مثلا لاندكروزر افضل لأن قيره اقوى خصوصا في النزول .

ما ادري انا نسيت شي ولا لا.

[الاجودي]

اخوي Y&Y_4X4

اسمحلي انت تقول يتساويان في القوة

وين حنا عايشين

الباترول اقوى ولابالفرق

الباترول 270 حصان
الاند 250 حصان

الباترول 4800 cc
الاند (على ما اضن) 4500 cc

وشلون متساويات

ولاتنسى ان الباترول الجديد قير مزدوج

ولاتنسى فرق السعر



تحياتي للجميع

[نجمة سهيل]

مشكورين شباب على الرد والله يعطيكم العافيه.

[Y&Y_4X4]

اليوكون 5700 CC

لاكن هل هو مثل الباترول او الاندكروزر في البراري والقفار طبعا لا،،،،،،،،،

ان تحدثنا فنحن نتحدث عن،

هندسة الهيكل .
هندسة القياس مابين الماكينة والقير .
والهندسة الميكانيكية والحركية في المجمل .

اما عن السعر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اليوكن ارخص منهم كلهم .

[الاجودي]

جل بعد الاكس بدشن اقوى منهن كلهن

وارخص بعد

بس زين اذا انه يمشى مع الاسفلت