يا اهل الزلفي وما حولها فزعتكم ولا نستغني عن راي الجميع

[هاوي_رحلات]

اسعد الله اوقاتكم بكل خير
انا واعوذ بالله من كلمة انا ومجموعة من الربع ناوين نحرك يوم الخميس الجاي باذن الله الى روضة السبلة بالزلفيكاقصى نقطة وناخذ باقي الويك اند رجوع للرياض.
المطلوب لمن له علم بالمنطقة ينورنا وش افضل المناطق او الفياض او الشعبان .... الخ اللي ينصح نمر عليها وهل هناك طرق سواء قطوع او اسفلت ينصح بها؟
واذا بالامكان احادثيات المناطق اللي تنصحون بها.
ولكم جميعاً جزيل الشكر والتقدير مقدماً

[باحث بأمره]

الله يحييك بالزلفي والدار دارك والمحل محلك

ولو كنت متواجد كان قمت معك بالواجب واكثر

لكن بعطيك الاماكن التي تستحق الذهاب اليها وخصوصا لهوات البر والكتشات

عندك مثلا روضة السبلة ولو انها مابعد كساها الربيع بشكل كامل
الكسر مانصح فيه حاليا على الاقل لان مافيه مويه ابد

عندك شمال الزلفي بنفود الثويرات اماكن حلوه وهاديه ونظيفه والحطب متوفر بشكل كبير بس خذ على قدك وحق جلستك عشان ماتعرض نفسك للعقوبة وتحافظ على البيئة والاشجار خاصة شجرة ( الارطاء ) مع التنبيه ان منطقة نفود الثويرات فيها نقر حلوه مررره ومثل ماقلت لك نظيفة ومافيها زحمات ولا ازعاج زي الثمامة بس يلزمك ان سياراتكم دفع رباعي لانك بتدخل النفود والنفود اللي فيها سهل ومهوب وعر

وتقبل تحياتي ورحلة سعيدة

[كهربان]

ماقصرت ياباحث بامرة فانا كذلك موجودة النية لذيك المناطق وماهو اكيد:)

[هاوي_رحلات]

ماقصرت يا باحث بامرة وجزاك الله خير
بس ان كان بالامكان توضح اكثر بخصوص نفود الثويرات من حيث الوصف وان كان عندك احداثيات تكون سويت خير.
غير كذا هل جاك ولا يهون الجماعة علم عن جراب،
القاعيه، الشحمه، الارطاويه؟

[مخ الكشتات]

السلام عليكم ورحمة الله وبركاته
بصراحة مانصح هالايام بزلفي مافيه شء يسوي العنوة انصحك بروضة العكرشية بين القصب وشقراء والنفود اللي حولها حيث مرتوية من الماء والعكرشية صايرة بحر وسط الصحراء في منظر لايتكرر ولا يتعوض وقريبة من الرياض يمكن 120 كيلو فقط وكذلك قريبة من القصب وشقراء وشعبان شقراء حيث جميعها سايلها والجلسة بها ترد الروح والنفود هناك مثري ورويان ماء والباذر ف بداياته .وكذلك عندك محافظة شقراء فيها جميع الخدمات .بخلاف الزلفي التى لايوجد بها فياض بها ماء الان