المساعد الشخصي الرقمي

مشاهدة النسخة كاملة : مشكلتي مشكله يأهل (الجيوب) ... تكفون ياربعي ..أبي الحل عاجلاً!!!!


أبوطلال2007
02/02/2007, 01:22 PM
أخواني الكرام ... عندي مشكله كبيره في موتري (جيب برادو 2004/فل كامل) .. وهي:
بعد أن أنعم الله علينا ليلة البارح وقبله بالأمطار الغزيره (الرياض) وكما هو معروف السيارة أمام المنزل لاحظت عندما جيت أركب وجود رائحة (ماء داخل السيارة بعد وأثناء نزول المطر) والريحة وأنت بكرامه زي (العفن) قمت بعدها أتفقد السيارة من الداخل لا يكون فيها شيء.... وإذا بالمصيبه التي جعلتني وحتى هذه اللحظات لا أعرف ماذا أفعل وهي ( وجود تسرب للماء من خلال التنده العلويه للسياره (سقف السياره من الجوانب بالتحديد من عند الابواب بجانب فتحات التكييف العلوية للمراتب الخلفيه ) علماً أن تفقدت التنده من فوق ولم الاحظ أي شيء من حيث فتحات بالسقف أوم (خروم) فهل من الممكن أن يكون الماء قد تسرب من خلال فتحات الأبواب عن طريق الربلات العلويه أو الجانبيه ... تكفون يالربع أنا زهقات وطفشان وأبي حل عاجل ( هل ممكن ربلات الابواب العلوية أو الجانبية تسمح بدخول الماء بهذه الطريقة ) ، أنجدوني يا أخواني ترى النفسيه رايحه فيها (( وكرهت الموتر )) من الي صار فيه ...
( أرجو من الله الكريم أن لا يحرمني وأياكم الأجر )
فساعدوني في مشكلتي ،،، رعاكم الله .،،،،،
هاوي الله
02/02/2007, 05:54 PM
غير الربلات وشوف
ابن بدران
02/02/2007, 06:57 PM
ما ادري عن البرادو ياخوي
لكن صار مع واحد من الربع مثل مشكلتك بجيب gx مديل 98 كل ماامطرت أو غسل السيارة يلقى الماء داخل بالغمارة يوم قلب السيارة صارت المشكلة من السلة .. السلة اللي مركبها (السوداء البلاستيك) اللي تجي بالفكس ار والجكس ار المشكلة تحديدا إن اللي ركب السلة له ركبها مقلوبة (عاكسها وحاط اللي قدام وراى) والمسامير ما ركبت زين وصار الماء يدخل معها يوم عدل السلة وشد المسامير ماعاد شاف الماء داخل السيارة .. الكلام هذا قبل سنتين أو ثلاث والسيارة معه للحين مافيها الا العافية ..
تأكد من السلة ياغالي ومن مساميرها إذا كان بالموتر سله
المقراة
02/02/2007, 09:39 PM
ما ادري عن البرادو ياخوي
لكن صار مع واحد من الربع مثل مشكلتك بجيب gx مديل 98 كل ماامطرت أو غسل السيارة يلقى الماء داخل بالغمارة يوم قلب السيارة صارت المشكلة من السلة .. السلة اللي مركبها (السوداء البلاستيك) اللي تجي بالفكس ار والجكس ار المشكلة تحديدا إن اللي ركب السلة له ركبها مقلوبة (عاكسها وحاط اللي قدام وراى) والمسامير ما ركبت زين وصار الماء يدخل معها يوم عدل السلة وشد المسامير ماعاد شاف الماء داخل السيارة .. الكلام هذا قبل سنتين أو ثلاث والسيارة معه للحين مافيها الا العافية ..
تأكد من السلة ياغالي ومن مساميرها إذا كان بالموتر سله


كلام سليم 100%%
أبوطلال2007
02/02/2007, 10:39 PM
أخواني الكرام ... اشكر لكم تجاوبكم ... وإن شاء الله من بكره الصباح بحاول أغير السله والربلات الى فوق ..
شاكراً لكم تعاونكم مجدداً ... رعــــــــــــــــــــــــــــــــــــــــــــــــ ــــــــــــــــــاكم الله .،،
ابن بدران
02/02/2007, 10:48 PM
العفو ابو طلال
لا تتعب نفسك وتخسرها وانت ما تأكدت
أحسن شي تفك السلة وترجع المسامير بمكانها بتندة الموتر وتجرب هو يدخل الماء أو لا
احتمال يكون السبب ثاني وتخسر بتغيير السلة بلا فود وانا اخوك
الكاسر23
03/02/2007, 10:57 AM
ابو طلال

السلام عليكم

الشباب ما قصروا جابوا كل شي:
فاذا انت مركب سلة ، فعليك تشييك المسامير اللي مثبته بقاعدة السلة وسقف السيارة، وحط حول المسامير سيليكون.

اما إذا انك مانت مركب سلة، فشيك ربلات الأبواب، وفيه لفه تباع في الغرابي، قيمتها (25) ريال، عبارة عن ربل الجهه الثانية منه فيها صمغ يلصق في جدار الباب اللي في جسم السيارة، بحيث يلتقي ربلات الباب بهذه الربلات وتسد التنسيم (خصوصا تنسيم الهواء).
هذه اللفه رخيصة بـ25 ريال، بدلا من تغيير ربلات الأبواب، وفي الاخير ما تطلع منها.

لكن انت الحكم، فهل تسمع صوت نسيم هواء وانت مسرع ، فهذا من ربلات الأبواب. وتأكد منها بعد تركيب هذه اللفه.

وسلامتكم جميع
أبوطلال2007
04/02/2007, 10:52 PM
تحياتي وشكري لكم ... ودمتم بخير ... أخوتي الكرام .،،،
الباثفايندر3
06/03/2007, 12:00 AM
ياااااااااااااا ابو طلال ابشر بالحل من واقع تجربه شف التصريف حق الفتحه يمكن مسدود من الرمال واذا ما عرفت حط جوالك واكلمك