طلب بسيط من الأخوان القناصين وعشاق الأسلحة

[قناص الجنوب]

السلام عليكم ورحمة الله وبركاته ------ وبعد

الأخوة الكرام دائماً صاحب المقناص يرغب أن تكون اشهر البنادق متوفرة عنده فكل طلعة قنص يناسبها

سلاح معين-

وكثير مأقوم بشراء ساكتون هوائي بأحجام مختلفة مرة خمسة ونصف ومرة اربعة ونصف ولكن سرعان

ما يحصل فيها خلل ما 0

السؤال/ ماهي افضل هذه الانواع وكم يتراوح سعره ؟

ارجوا السرعة في الرد( القمري وصل ) الحمام المعنق موجود

والله يعطيكم الف عافيه ومنكم نستفيد

[عليان الليل]

اهلا بك قناص الجنوب

بالنسبة للساكتون او البندق الهوائي
افضل شي الالماني وارد الرميح ماركة فايروخ
غيره لا تدور لك وللزمن
لكن صيد القميري بالسكتون ؟ صعبة شوي
وماله طعم ما يصلح له الا ام خمس والله
اخوك عليان الليل

[فــزاع]

هلا واله اخوي ( قناص الجنوب ) انا والهل اييد اخوي عليان الليل وصج انه الام خمس لها طعم بالقمري وكل الصيد :D
بس مدامك انحديت على الستكون والي هي انسمهيا عندنا ( ام صجمه ) فـ تراها مبروكه ماشالله وانا يعني من محبي هالبندق ..
والله انصحك ياخوي بالستكون ( الديانا ) المانيه ينقالها ( ديانا سبعه وعشرين (27) ) هاذي اخف بندق واقوى بندق الي جربتها وصارلها عندي ماشالله اكثر من ثلاث اسنين واسأل امجرب :good: تذبحلك القمري اذا كنت بمسافه اقريبه عالراحه واذا كنت بعيد عنه وجبتها براسه انشهد انك تبي تطرحه

والراي الاول والاخير لك

تقبل تحياتي



اخوك قناص خيطان

[عاشق النحم]

اذا انحديت على أم صتمه مالك الا الــ(45)لأن الـ(27)ما تصلح دوبد دوب أم سويد
وانت ماشي والقميري لا تفكربه لكان معك (27 الا براسه)
والراي رايك

عاشق النحم

[قناص الجنوب]

مشكورين والله يعطيكم الف عافية

وأنتظر المزيد

[جرناس]

انا مع كلام اخوي قناص خيطان
ديانا 27 احسن ام صجمه :good:
للحمام وغيرها من الطيور الصغار بس الشوزن احسن للحمام
ولك القرار:D

[الرّماي]

اخوي قناص الجنوب تري انا انصحك اذا لك بالساكتون تاخذ الديانا نوع( الماغنوم)
وهذي تري نوع جديد اول مره شفته في الامارات بس ما قدرت اشريه بعدين حصلته
بالكويت.
وبصراحه نوع فعلا قوي وناعم بالرمي وسرعه الطلقه ( 360 ) متر بالثانيه
حتي اقوي من الباتريوت اللي يسمونها عندنا الوبلي .
وهي علي القمه وموجوده بالسعوديه بس تري فيها شوي ثقل ولكن مايضر .
وكسره السبطانه خفيفه.

والله يعطيكم العافيه
وسلامي للنشيط قناص خيطان والله يعطيه العافيه .
اخوكم الرّماي

[نعم]

عندي ديانا 25 الصغيره لها حول 20 سنه عندي واستخدامها كثير لاني استخدمها في البيت ممتازة جدا للرمايه القريبه الى 20 متر
وجودتها اكثر من ممتازه

[نجمة سهيل]

حياك الله اخوي قناص الجنوب:heart:
انت تبي شي لك وللزمن.
عندك ام صتمه نوع اسباني تسمى600جامو gamo600 وهي بندق خفيفه مره اخف من ال27ديانا ومدى اصابتها 120متر وجربتها ان اتقريبا على 90متر وصوبت على هالبعد.
والي اعجبني فيها انها خفيفه مره وتسوق. واحد من عيال عمي عنده وحده لها تقريبا 6سنوات ماغير لها لاسسته ولاجلبه ورميها ممتاز مره . وهذي صورة النوع الجديد منها:
http://es.gamo.com/products/images/Carabina-%20%202002%20-%20610.jpg
ووكيلها الوحيد بالمملكه هو الرمايه . ونزلوا هلحين وحده جديده من نفس الشركه المشاف حقها يجي لونه فسفوري وخفيفه مره في الوزن.
واذا انت مااقتنعت فيها خذ لك ديانا35 للطيور الصغيره والكبيره تصلح بس الطيو رالصغيره تقطعها .
والقميري خذلك مقاس80ااو85 الماني. بس تبي الصراحه صيد القميري ماله متعه غير بالشوزن.