المساعد الشخصي الرقمي

مشاهدة النسخة كاملة : باترول موديل 91 صالون توي شاريه ^_^


آبوعزآم
04/02/2007, 10:50 AM
السلام عليكم ورحمة الله وبركاته

ياشباب شلونكم وشخباركم عساكم بخير

ياجماعه انا على قد قروشي طبعاً :p شريت لي مويتر باترول صالون مكيفين 91 نظيف الموتر مررة ماشاء الله تف تف تف :D

المهم بصراحه الموتر كان مع شايب ويبي شغل ومن كثر الأشغال عجزت ابدا

مادري ارفعه مادري اركب بالون مادري اخليه مسلق

الأشغال كثيرة واللي عنده تجارب الله يخليكم يا اخوان يتحفنا فيها

تانكي الما شراع

شبك

عطوني تجاربكم الله لا يهينكم خلوني اصطانص بالموتر هالشتويه

وجزاكم الله خير
أبوأحمد98
04/02/2007, 12:03 PM
وعليكم السلام ورحمة الله
حياك الله اخوي (ولد بريدة)عضو جديد معنا
والله يبارك لك بالموتر الله يطعمك خيره ويكفيك شره
اما بالنسبه لتعديل والشغل بالموتر
اممممممممممم
لو الجيب معي على طول اركب به (يايات استراليه)ورا وتكلف والله العالم 550 الى 600 ما تتعداه
وجنوط برزيلي وهي معرفه ببريده منتشره وكفرات بالون مقاس 900
وبعض المسات الخفيفه مثل شراع ورا مكان المرتبه الاخيره ..الخ
والله يبارك لك بالموتر
عاد نبي تطلع تدور بنا بالطرفيه عقب هالحركات
سلام
ع.ف.الدرويش
04/02/2007, 12:54 PM
ولد بريدة وش بغيت سم آمر.. وطبعاً الله يطعمك خير هالموتر ويكفيك شره
النيســان الله يسلمك حلو على حاله وحلو لما تغير شكله وأحلى لما يدخل فيه شغلات عبث
لكن في البداية شيك على الزيوت كلها وغيرها + البواجي والأسلاك + الكربريتر + البطارية
بعد كذا إن كنت تبغى الشكل فـ عندك مثل ما تفضل مشكوراً الاخ أبو أحمد بذكر.. اليايات + المساعدات + جنوط برازيلي أو باجيرو + كفرات 900 + مساعد دركسون غير كذا تفصل شنطة خلفية تكون مثل العزبة اللي تشيل الاغراض كلها
طبعاً كل هالشغل بيكون مكلف لذلك أنت حدد وش الاهم عندك وتوكل على الله وانجزه..
والله يطعمك خير هالموتر ويكفيك شره
وأي إستفسار عن أي شيء حتى بالتعديل تفضل وأنا بالخدمة..
أخوك..( أبو فهد )..
m666
04/02/2007, 03:37 PM
ماشاء الله والله يعطيك خيره ويكفيك شره
الا اخوي بكم اخذت الموتر وكم ماشي
آبوعزآم
05/02/2007, 02:37 PM
معليش على التاخير وتسلمون والله على الردود

الله يجزاكم الف خير حقيقه والله استفدت مثل المساعدات الاستراليه

لكن الجنوط البرازيليه ؟؟ وشهي ؟ طيب وش فرقها عن جنوط المروحه اللي طايحين فيها الناس انا ابركبها وش رايكم والله داخلات مزاجي

الكفرات البالون ياجماعه انا معكم نظرة الموتر تصير روعه بس ثقيلات على الموتر
بعدين انا ماراح الاحق حباري او جوني يارجال انا ان وصلت الركيه زين ههههههههه
بس اعلمكم ترا كل يوم بالبر
لكن اللي مرتبط بدوامين يبلش ماودك يباعد عن الديره

المهم شورو علي كفرات بالون او اطق له كفرات دنلوب عريض مع الجنوط المروحه
وش رايكم ياجماعه

هو فيه تانكس الشايب الله يخليه حاط به تانكي بس وشهو العصفور ووشي ورقته

تانكي صغيرووون ياقلبي هههههههههههه تنصحون بالفيبر ولا تانكي حديد والسلام عليكم ؟؟

طبعا انا اهمق ولا معي فلوس يعني زين ان وصلت 2000 بالتعديلات

ياشباب وشهو المهم ؟؟

وجزاكم الله الف الف خير


أخوي m666

والله الموتر طلع علي بـ 21500

وماشي 200 حسب العداد والظاهر انه صحيح لآنه كل شي فيه وكاله ^_^ الحمد لله



اوووه شباب نسيت به حره لازم اركب فرارات

وشي الفرارات الزينه

<< يقول الله يعين على الشغل ^_^