الله لايهينكم استفسار وخاصة أهل الرياض

[عاشق الضلعان]

السلام عليكم ورحمة الله وبركاته

صبحكم/مساكم الله بالخير جميعاً

أنا إن شاء الله أبروح للرياض يوم الجمعه 21/1/1428هـ

وودي أعرف أماكن الربيع والفقع

( على الرغم من أن الروحه لمتابعة علاج الوالده بمستشفى التخصصي شفاها الله ومرضى المسلمين )

لكن ودي أونسها بالربيع وأخليها تستانس

ودي تدلوني على أماكن الربيع القريبه والزينه وإذا فيه مكان فيه فقع وقريب ياليت توصفونه مشكوريــــــــــــن

مع العلم إني ما أدل بالرياض إلا حي النسيم والخليج والروضه وشارع التخصصي

وطريق خريص وطريق الملك فهد

هذي فرصه لي لأقدم لها جزءاً لايتجزأ من برها الواجب علي

وأنا رايح أقول جزاكم الله خير يالنشامى وعسى الله يدخل السعاده على قلوبكم

الله لايهينكم ويكتب لكم الأجر إن شاء الله

[صوت الحجاز]

اخوي عاشق الضلعان
اللة يعجل في شفاء والدتك والمسلمين اجمعين انة سميع مجيب
ومن ناحية الربيع لاتشيل هم الوصف الاخوان يساعدونك

[دغيم]

السلام عليكم

أسأل الله العلي القدير ان شفي والدتك - ويمتعها بالصحة والعافية على طاعته .
بالنسبة للأماكن القريبة والربيع فيها لابأس .
روضة خريم - طريق الدمام - مفرق رماح - اسلك الطريق حتى يأتيك مفرق الروضة يمين .
روضة أم القطا : طريق الدمام - مخرج الوسيع - اطلع يسار - ثم اتجه شمال مع محطات الضخ لأبار الوسيع - حرف تي - خذ يمين - اول تقاطع ( + ) خذ يسار - سيده - حرف تي - خذ يسار - اسلك الطريق حتى ينتهى في كسارة قديمة وشعيب - اسلك الطريق حتى يأتيك مفترق طريق ترابي ( اكرمك الله ) خذ الاتجاه الأيمن - اسلك الكريق حتى يأتي مفترق طريق آخر - اسلك الاتجاه الأيسر - تابع مع شحن ترابيه - ( صغيرة ) تابع معها حتى تصل الى الروضة ( قريبة ) .
الدهنا بالقرب من الوسيع : مخرج الوسيع - طريق الدمام - خذ اليسار واتجه شمال الى مضخات الوسيع - حرف تي - خذ اليمين - اتجه على طول - تشاهد امامك الدهنا والسيول .

تقبل تحياتي دغيم

[شـهـاب]

الله يشافي ميمتك ويطول بعمره ويخليه لك


والاخوان يوصفون لك ماني من الرياض

[عاشق الضلعان]

أخوي صوت الحجاز / أخوي شهاب

جزاكم الله خير والله يسمع منكم


أخوي بر بك دغيم

مشكور يالغالي وماقصرت

الله يجزاك خير ويجعله في موازين حسناتك