إتفاقية توزيع مناطق البر في منطقة الرياض على كشاتة المملكة أثناء عطلة الربيع

[د.قمر الزمان]

شوفوا ..اول شي سلام عليكم..
نظراً لأن الربيع متركز تقريبا هالسنه في منطقتنا الحبيبة منطقة الرياض واللي تشمل الأماكن: خريم, الخفس,نوره ( الحين بيطبون ببطني اهل سدير),الطيري,التنهات, نساح, ضرما, فياض الصمان كلها..
فإننا بصدد استضافة جميع أهالي المملكة وجيراننا من الخليج أثنا عطلة الربيع الأسبوع الجاي, لذا فمن الحكمة توزيع الناس على المناطق حتى لاينزحم مكان على مكان ثاني...


أهل القصيم والشمال: لكم من الطيري وطالع شمال شرق ( الصمان)

أهل الشرقية والخليج: لكم الصمان من اولها لآخرها

أهل الخرج و مناطق جنوب منطقة الرياض: لكم نساح وضرما الى الحجاز

أهل الغربية: لكم الخفس وخريم عشانها قريبة من الرياض على طول من المطار كخخخخخخخ

أما أنتم يا أهل الرياض فلكم كل ماسبق ذكره.. ونصيحه لا أحد يتعدى نجد هالسنه مافيه ربيع أحسن منها..

وياويله ياسواد ليله اللي يجي ويترك المكان وصخ..:director: هذا بنجلده لين يعاف يجي للرياض مره ثانيه..:dance:
وحلحلتم أهلا وسهللتم سهلا..:D :D


ترى الموضوع عبارة عن مزحة لا احد يجي يهاوش الحين يقول وش بلاك انت كانك ملكت البر..ههههههه..

الله يحيي الجميع على خيرات ربنا..

وعلى ماقالوا اللبنانيين:

يكتر خير الله :D :D



{كُلُوا وَارْعَوْا أَنْعَامَكُمْ إِنَّ فِي ذَلِكَ لَآيَاتٍ لِّأُوْلِي النُّهَى }طه54

اللهم لك الحمد كله

[الســـاري]

مهوب على كيفك :mad:

اهل القصيم عندهم صعافيق و جال المستوي و جراب والسبله
اهل الشرقيه لهم الحسا و ما جاورها
اهل الخليج لهم النعيريه
اهل حايل و الشمال لهم الاراضي اللي شمال غرب القصيم
اهل شرق الرياض و الخرج و ما جاورها لهم خريم و وشعبان الحلال و الوسيع
اهل جنوب الرياض وغربه و اهل الحجاز و الجنوب لهم الاراضي اللي حول ضرمى و القويعيه والرين

اهل شمال الرياض فقط ..لهم التنهات و الخفس و الصمان كاملا بدون نقصان

اعتقد بكذا نحقق اكبر قدر من العداله :j

[متألق دائما]

مهب على كيفك أنت وياه :(

سكان شرق الرياض لهم الخفس و محارق والطيري وخريم والصمان و...و...و..الخ .

[مشغول]

التوزيع ممتاز اخوي د. قمر الزمان ..

جايز لي مررررة


لكن على فكرة من وين اخذت الدكتوراة بروح اشتكيهم ..

مزحه حلووووه منك

[فتى الدهناء]

والله لو انك ( مدير عام المملكة ) :D :D :D

[عزيز نجد]

كفكرة , حلوه , لكن بالتطبيق مستحيل,

لا تزملون الا على شي واحد (نظافة الفياض من المخلفات خاصة غرش الماء الكبار)

ماعندك مشكلة بكثرت الناس اذا كانوا رجال اقروم (لا يحصل اهبال ولا مهايط) والحمد لله ان فيه فياض بالصمان ما تا صلها السيارات الصغار كان اعلوم

[OtherProduct]

هذي "امبرياليه" مرفوضه يادكتور , اطاب عبر هذا المنبر بتطبيق"الاشتراكيه" عندما تتعلق المسأله بالكشته والبران.

[د.قمر الزمان]

شكرا على التعليق يالربع..وهمتكم بنصح المخالفين من المتخلفين.. الذين يفسدون في الأرض ولا يصلحون ..من الوسخين..والوسخات..والمحتطبين والمحتطبات..الجائرين منهم والجائرات..:D

أقول يالســـاري
تراني من شمال الرياض..وش هقيتني الله يهديك..:heart:

أقول يامتألق دائما..
شرق الرياض على العين والراس.. بس المهم النظافة.. شرق الرياض غرب الرياض .. فوق الرياض تحت الرياض مايهم..:redcar:

أقول يا مشغول
تراني دكتوراتي ماخذها من أمريكا..:p بس المفروض تكرموني بدل ما تعلق عليها..وعلى فكره .. مالها اي صله بالبيئة ..خخخخخخخخخخخخ

أقول يافتى الدهناء
ألعب بعيد ..:no2: وشذا الهرج..حنا مديرنا تاج الراس ( ابو متعب الله يخليه:heart: )..

أقول ياعزيز نجد
أنت شفت انها فكره زينه.. انا مايجي من الا الزين..:D :D لكن زي ماقلت الموضوع كله مزحة الا.. النظافة.. ترانا مانمزح.. والله ياللي يترك مكانه وصخ ..انه يهين كل الناس .. وان سكتنا لهم ترانا ماعندك احد..هههه:no2: :hot: .

أقول يا OtherProduct
لا اشتراكية ولا امبريالية ولا راسمالية.. وش رايك نخليها ( مكشاتية)..

وسلالالالالالالالالام

[فتى الدهناء]

أقول يافتى الدهناء
ألعب بعيد ..:no2: وشذا الهرج..حنا مديرنا تاج الراس ( ابو متعب الله يخليه:heart: )..



هلا بك

يبدو ان عندك حساسيّة مفرطة يادختور :)

تشاااااو

[د.قمر الزمان]

هلا بك

يبدو ان عندك حساسيّة مفرطة يادختور :)

تشاااااو

فعلا انت أثرت محاسيسي..ههههههههههههه

بريقو..

[سعد الاحمد]

الله يعطيك العافية اخوي د. قمر الزمان على هذا التوزيع الجغرافي والتاريخي وجميع المواد الدراسية <<< متعقد
انا ضد الاحتكار <<< قاهرته الاي ار تي ... كل واحد يكشت في المكان اللي يعجبه واللي ما تطوله برجلك تطوله بالجيب ...:D

بس عندي سؤال يا دكتور قمر الزمان هل ممكن يقرب لك الدكتور قمر الدين اللي يشربونه في رمضان بعد صلاة المغرب مباشرة يعني بعد الاذان :D ...

لك خالص تحياتي ومكاشيتي ؛؛؛؛

[Mohammad]

اعوذ بالله من الشيطان الرجيم ((( يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِير)))



الحمد لله كلنا من منطقة اسمها :

المملكه العربيه السعوديه



حلوه ودائما خضـــــــــــــراء وجميله

[د.قمر الزمان]

اعوذ بالله من الشيطان الرجيم ((( يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِير)))



الحمد لله كلنا من منطقة اسمها :
المملكه العربيه السعوديه



حلوه ودائما خضـــــــــــــراء وجميله



أخي الحبيب محمد سلمه الله:
أرجو ان تكون قد قرأت نهاية الموضوع:
ترى الموضوع عبارة عن مزحة لا احد يجي يهاوش الحين يقول وش بلاك انت كانك ملكت البر..ههههههه..
الله يحيي الجميع على خيرات ربنا..
وعلى ماقالوا اللبنانيين:
يكتر خير الله :D :D
{كُلُوا وَارْعَوْا أَنْعَامَكُمْ إِنَّ فِي ذَلِكَ لَآيَاتٍ لِّأُوْلِي النُّهَى }طه54
اللهم لك الحمد كله



والقصد أولا وأخيرا هو التنبيه على المحافظه على الطبيعه نظيفه..

[ابوقاسم]

بارك الله في كل مكان لاهله والناس لو تتفق ما تتفق على كل شي
بس التوزيع حلو
الله يجعلك دكتور من جد

[سام123]

يالله هذا كرم حاتمي يأ هل نحد

[د.قمر الزمان]

يالله هذا كرم حاتمي يأ هل نحد

ولو ياسام..
الناس شركاء في ثلاثه: الماء والكلاء .. ونسيت الثالثة..ههههههههههههه

[فـــــلاح]

هع هع

والله لو إنك وزير الربيع

والا ذاك اللي اسمه شبكشي

[sohib]

الاابى افلل الموتر من بنزين 91 وابي ادوج الربيع بكل مكان مملكتكم لحالكم والا مملكتكم مابقي لا هالحتسي الى ماله سنع يوم رخص ابو متعب البنزين قلة المشاوير

[د.حكم]

حيّاك الله يا سعادة الزميل..




وتحية لروحك المرحة..





أهلا بالجميع بأرض الجميع..ولكن..



أحترم دائماً شعور ومشاعر الاخرين..ودع المكان أحسن مما كان..



تحية لكل من مرّ من هنا ونثر عبيره..





لكم صادق مودتي..








د. حكم..










.

[سام123]

شكرا على ردك المحترم وان نم انم ينم عن شدة احترامك للاخرين ولكن ماذا تقصد بـ( دع المكان احسن مماكان)

[rehaam88]

الله اكبر ياهل الرياض رزقكم الله بالربيع هالسنه وقمتوا تحكمون بالعالم... والا نسيتوا مطامركم كل سنه للشمال والشرق ماخليتوا رضمه ما وطيتوها ماحد قالكم روحوا يمين او يسار لكن عسى اللي رزقكم الربيع يرزقنا الجنه وكل مسلم.......آآآآآآآآآآآمين