هل اسلاك الكهرباء الخاصة بالمنازل نفس الاسلاك الخاصةبالسيارة ؟ ارجو النوضيح وشكرا

[™Lexus™]

اسلاك الكهرباء الخاصة بالبيت ودي استفيد منها في بعض الامور في السيارة مثل اضافة لمبات وكشافات وحركات بعلبة فيوز خاصة طبعا خارج كهرابء السيارة وفيوزاتها

[الصيادالمليح]

أسلاك الكهرباء في السيارة تتناسب مع كهرباء الـ 12 فولت

اما أسلاك الكهرباء في البيت فتتناسب مع كهرباء 110 - 220 فولت

الأفضل إنك تخصص مولد كهربائي بدلاً من استخدام بطارية السيارة مع المحول

[م.سعيد]

اسلاك الكهرباء الخاصة بالبيت ودي استفيد منها في بعض الامور في السيارة مثل اضافة لمبات وكشافات وحركات بعلبة فيوز خاصة طبعا خارج كهرابء السيارة وفيوزاتها

اسلاك السيارات تمتاز بالمرونة والعزل الحراري ومقاومة الزيوت وخصوصاً تحت غطاء المحرك..
ان كان ولا بد من استخدامك لاسلاك البيت في السيارة فتأكد انها تحمل مواصفة THHN او XHHW..

دمت بود

[™Lexus™]

ماقصرتوا وبيض الله وجيهكم

لكن السؤال عن اسلاك السيارة كيف معرفة المقاس المناسب للوات او الامبير يعني كم تحتاج اللمبة او السنارة من ملم من السلك الخاص بالسيارة سمعت ان فيه مقاس امريكي وغيره وضعنا ووين احصل الاصلي لاهنتم بالرياض

[سدير]

تباع في الغرابي لدى محلات الكهرباء في الجهه الشرقيه من محلات بيع الخيام
وتباع باللفه وتباع بالمتر
والصناعه فيه وطني وتركي وهندي
وتمتاز كيابل السيارات بالمرونه عكس كيابل المخصصع للمنازل تكون غير مرنه

[™Lexus™]

بيض الله وجهك

[كشته وشاهي]

سلام عليكم
اللي اعرفه ومتأكد منه ان اسلاك السياره تختلف
لازم تكون حراريه يعني تتحمل الحراره إضافه إلى انك تحتاج الى عزلها بالجرجور لانه تدري لو انكشف السلك ولمس حديد على طول التماس ويحتر السلك ويشب لا سمح الله

وبالنسبه لرقم السلك 1 ملم مثلا
فهذا حجم الاسلاك النحاسيه الموصله للكهرباء فكلما كان الجهاز يعمل على امبير عالي يحتاج اسلاك كبيرة عشان يوصله تيار يشغله مثل لمبه ليد 1 ملم كافيه لها ,,, ثلاجه 8 ملم على الاقل عشان يوصلها تيار قوي

[ابو نايوفيتش]

اسلاك السيارة تختلف عن اسلاك البيت

ماتقدر تمدد باسلاك الكهرب لسياراتك ، بسبب خشونه الاسلاك وقساوتها ولايمر التيار فيها بشكل طبيعي
لان الفولت 12 ، فاسلاك البيت فيها مقاومة عالية فشيء طبيعي انها ما توصل كهرب 12 فولت بشكل ممتاز

ففرق بين التيار المتردد والتيار الثابت

والاسلاك مهما كانت تجي تحت 3 تصنيفات ، لان والله ما اتذكر الاسماء كلها
واحد هذه الانواع خاصة بالتيار 12 فولت

واذا على الحماية من الشمس فكلها فيهم حماية من الشمس والحرارة فما فيه فرق بين انواع الحماية
لكن الماء عدو كل شيء حتى لو حاط لو حاميها بشكل كبير فمع الوقت لازم تتقطع الاسلاك اذا ماكان فيها حماية ضد الماء
وفيه اسلاك ضد المواد الكيميائية وتتحمل اي مادة كيمائية هذا غير السوائل اللي تتحملة

والا الحرارة حتى لو انت بالبيت بعز الصيف رح المس الطبلون من داخل تلقى فيه حرارة من الشمس

اما مقاس الاسلاك والامبير كيف تعرفة فهذا يعتمد على الجهاز مثل
قوة الكهرباء
وكم يعطي واط
وكم المسافة بين البطارية والجهاز اللي تركب

فلازم يكون عندك هذه الاشياء عشان تحدد عرض السلك وكم امبير
لان اذا ركبت اي شيء مع اي جهاز فمع الوقت راح تخترق الاجهزة ولكن اذا تبي تعيش لاطول مدة لازم تكون وازن الثلاث امور

[فتك الجنوب]

يعطيك العافيه اخوي على الموضوع
نفس السوال ناوي اجهز موتري بنفسي ياليت تفيدوني با اسلاك الكهرب المستخدمة
الي عنده خلفيه عن نوعها ياليت يرفق صور او اسم الشركة وين ممكن احصلها

[ابو نايوفيتش]

يعطيك العافيه اخوي على الموضوع
نفس السوال ناوي اجهز موتري بنفسي ياليت تفيدوني با اسلاك الكهرب المستخدمة
الي عنده خلفيه عن نوعها ياليت يرفق صور او اسم الشركة وين ممكن احصلها


بالغرابي عند محلات الكيابل ، مثل الموسى