هل الليد بار ممنــــــــوع !!

[john silver]

سلام عليكم

يا جماعة الخير بغيت اركبك ليد بار وناس حذروني من التفاتيش انهم يحجزون ويعطون مخالفات سالت كذا واحد قالي احذر تركبه مع اني محتاجه للسفر فالليل المشكله اني اسال ناس فالمرور يقولون عادي اسال ناس ركبوه ثم فكوه يقولون الا وقفونا واحجزوا مواترنا نبي نعرف القول الفصل يا جماعه ووش البديل المسموح به ويعطي قوته !!

[almutllaq]

وعليكم السلام ورحمة الله وبركاته .

بتكلّم عن تجربتي فقط وهي ليست الحكم بالموضوع .

موتري عليه 2 ليد بار واحد 50 انش والثاني 43 انش واروح بموتري للرياض والغربية والشرقية وأمر على تفاتيش الخط السريع وتفاتيش المرور داخل الديرة ولا واجهت معهم اي مشكله

اتوقع السبب اني مغطيهن بشراع , فاذا شافوا ان الليد عليه شراع ما يقولون لك شي والله اعلم .

أما البديل فأتوقع لو ترهم لك عدسات بموترك من النوع القوي احتمال يغنيك عن الليد ( واعتقد مافيه بديل بقوة وانتشار الليد ) لكن يمكن يوفي حاجتك .

واذا الله يسر لك وركبت ليد او عدسه قوية ( اتق الله بدعوات الناس ولا ترفع عليهم النور ) فدعوته دعوة مظلوم , والله يوفقنا وياك

تحياتي .

[ابو نايوفيتش]

نظاماً ممنوع ، لكن على حسب العسكري

[saleh20609]

السلام عليكم ورحمة الله وبركاته
اخوي لا تركب ابدا .. موتري انحجز قبل رمضان بأسبوعين في الدمام علشان اللد بار كان راكب فوق التندة مقوس
وتم فك الليد في الحجز .. بعد المناوشات والشد والتفاهم يقولون تعديل على هيكل المركبة ,, الله يسامحهم

نصيحة لا تركب ابد..

شكرا لك.