المساعد الشخصي الرقمي

مشاهدة النسخة كاملة : لا تروحوا بعيد!! الفقع لقيناه في الرياض!!!


مزيريرة
06/02/2007, 08:30 AM
السلام عليكم ورحمة الله وبركاته أعزائي المكشاتيون
أمس العصر وصّلت الأهل لأهلهم ثم اتجهت للإستراحة في شمال الرياض لأني مواعد الأخوان فيها. ولأني وصلت الأول فقلت أسوبل (اللي يعرف معنى أسوبل يفلقني - أسوبل=أتمشى كعّابي على مهلي). إيه قلت أسوبل شوي إلى أن يصل الشباب فمشيت مع الشارع المزفت (بالفصحى زفت وليس اسفلت وهذا قول الطنطاوي الله يرحمه) في المخطط الفاضي والشوارع الخالية. وبعد هنيهة (حلوة هنيهة صح) لفت نظري مجيري (تصغير مجرى) سيل يبعد أمتار قليلة عن الشارع ولم تصله عوامل التعرية فقلت أشوف هو فيه إرقة (رقروق) ولا ذعلوق. وبينما أنا أمشي فيه لفت نظري هذا المنظر

http://www.mekshat.com/pix/upload/images27/mk41453_image_000011.jpg

فقلت في نفسي أيعقل أن يكون هذا فقع؟ فردت علي نفسي بقولها إحفر وشف فحفرت ويا للمفاجأة

http://www.mekshat.com/pix/upload/images27/mk41453_image_000021.jpg

كان هذا زبيدي بحجم البيضة تقريبا. ولأن المكان مأمون في نظري من الآفات البشرية فقلت أترك هذا الزبيدي في مخبأه وأعود إليه بعد أسبوع لأنظر هل سيكبر أم لا فواريته التراب كما ترون

http://www.mekshat.com/pix/upload/images27/mk41453_image_000031.jpg

وأعدكم إنشاء الله أني أعلمكم بالتطورات على الساحة الزبيدية في القريب. وترى الصور من جوال يعني لك عليها ولكن في المرة القادمة سأحضر الكمرة إنشاء الله.
واعذرونا على التفلسف الزايد
والسلام عليكم
مشغول
06/02/2007, 08:51 AM
الله يعطيك العافية

وبتقصر علينا العنوة

ننتظر الاسبوع القادم
رسلان
06/02/2007, 09:03 AM
ماشاء الله تبارك الله ...
عافاكم الله أخي على الموضوع الجميل والأخبار المفرحة ...
وترككم لها فيه نظر عند الكثير :) ...
مايصدق يراها وأنتم تريدون تربيتها ماشاء الله :) ...
بورك فيكم ...



__________________

http://www.mekshat.com/pix/upload/images15/mk10587_rslan-singh27.gif
من مواضيعي :
من أجمل ما رأت عيناي(ربيع الخفس- خريم) 14-16/1/1428هـ (http://mekshat.com/vb/showthread.php?t=73742)
جولة في السر والمستوي..صقيع..ربيع..زحام28-29/12/1427هـ (http://www.mekshat.com/vb/showthread.php?t=71388)
رحلتي إلـى فـَـدَك (الحائط) (http://www.mekshat.com/vb/showthread.php?t=69972)
رحلتي إلى الجنوب(1-2-3-4)1427هـ (http://www.mekshat.com/vb/showthread.php?t=60048)
رحلة سريعة للرايس وينبع (http://mekshat.com/vb/showthread.php?t=50397)
رحلتي إلى حرة خيبر(حزم خضراء،خفس الشويمس(شعيفان),آثارالمنجوروراطا) (http://mekshat.com/vb/showthread.php?t=48639)
في الرس:مسجد من رمل،بلاحيطان،بلاسقف،بلا أعمدة! (http://www.mekshat.com/vb/showthread.php?t=41428)
رحلتي إلى ساحل الشمال الغربي وماحوله (http://www.mekshat.com/vb/showthread.php?t=37184)
رحلتي إلى صلالة1426هـ (http://www.mekshat.com/vb/showthread.php?t=35305)
راعي المقناص
06/02/2007, 09:06 AM
ماشاء الله وغطه عن الشمس وحط لها نقاط ماء ههههآآآآآآ
معليش امزح مع الفقعه قصدي معك
طير شلوا
06/02/2007, 09:31 AM
ماشاء الله والله يزيد ويبارك ويرزق السلمين
جرير
06/02/2007, 10:20 AM
جبت العيد ياطير شلوا ارجع خذها قبل تخرب ..
لو لقيت حبارى اجل بتطلقها لين تفرخ ويكبرون عيالها وبعدين تجيبها امزح
يارجال العالم ملي هالشعبان هالايام اللي يلقى واللي مايعرف الفقع الا بالذكر .لو لقو جحر نمل حفروه .
الفهد11
06/02/2007, 10:51 AM
ماشاء الله تبارك الله بداية خير ان شاء الله
وجزاك الله خير وماقصرت.
منصور 1
06/02/2007, 10:52 AM
مزيريرة الله يعطيك العافية و حلوتها بتفلسف الزايد

بس بيني وبينك لالالا تعلم احد وين المكان مو علشان شي عشان احرسها بسسسسسسسسسسس لين تجي المره الجاية وتجيب معك الكامره

ومشكور يا ذيب

اخوك ابو عمر
دغيم
06/02/2007, 11:01 AM
السلام عليكم
يعطيك العافية أخوي مزيريرة
بشرى سارة واخبار مفرحة
الله يجيب الدفا وابشروا بالخير
تقبل تحياتي دغيم
حمد الذكي
06/02/2007, 11:12 AM
عطنا الاحداثية الله لا يهينك
هههههههههههههه
مزيريرة
06/02/2007, 01:23 PM
مشرفنا العزيز رسلان

الله يثيبك على مجهودك في إظهار الصور. أخوك عليمي علمه أو اصبر عليه.
ومشكور على تشريف الموضوع.
مزيريرة
06/02/2007, 01:37 PM
الأخوان

مشغول - راعي المقناص - طير شلوا - جرير - الفهد 11 - منصور1 - بربك دغيم - حمد الذكي
شاكر ومقدر لكم مروركم وشرطتكم أقصد وتشريفكم للموضوع وتقبلوا امتناني
أخوكم مزيريرة
مشعل_1001
06/02/2007, 01:46 PM
اخ مزيريرة ولو اني مادري وش حدك علي اسم مزيريرة بس كل انسان حر
عموماً تشكر علي الصور بس الصورة اول وحده اشوف فيها زفلت (زفت) علي ماقال الطنطاوي الله يرحمة
معقول زفلت ولا وش
راعي جمس 450
06/02/2007, 02:11 PM
الله يعافيك

هذي فاتحة خير
انشاء الله
عريدان
06/02/2007, 02:33 PM
والله الفقع بالسلي وخشم العان.
بحور الأمل
06/02/2007, 03:45 PM
يعطيك العافيه على هيك صور



عز الله .. بكرى راح نلقى الأراضي في الرياض كلها محفره
خيال نجد
06/02/2007, 04:58 PM
الله يعافيك

هذي فاتحة خير
انشاء الله
ابوعزيزm
06/02/2007, 05:59 PM
الله يعطيك العافية
ولد الخاتله
06/02/2007, 06:17 PM
وين استراحتكم فيه؟

وماني معلم احد ( لن اخبر احدا).:no2: :D
مزيريرة
07/02/2007, 07:41 AM
اخ مزيريرة ولو اني مادري وش حدك علي اسم مزيريرة بس كل انسان حر
عموماً تشكر علي الصور بس الصورة اول وحده اشوف فيها زفلت (زفت) علي ماقال الطنطاوي الله يرحمة
معقول زفلت ولا وش

أخوي مشعل ربي يسلمك
مزيريرة اسم جبل في ديرة واحد من ربعي في الإستراحة (دوّر وين ذا الجبل)
وبالنسبة للزفت فهذي الله يسلمك شجيرة بس كمرة الجوال ماهنا زود
وشاكر لك مرورك
مزيريرة
07/02/2007, 09:55 AM
الأخوان

راعي جمس 450 - عريدان - بحور الأمل - خيال نجد - ابو عزيز m - ولد الخاتلة
شاكر لكم مروركم الكريم. الله يعم بالخير كل المسلمين
مزيريرة
18/02/2007, 08:07 AM
السلام عليكم يا شباب

أنا وعدتكم إني أرد لكم خبر الزبيدي بعد أسبوع ولكن الظاهر (مهوب الظاهر بل أكيد) أن واحد أو أكثر منكم لسبني بعين حارّة جابت أجل الزبيدي.

تصدقون أن المكان له حوالي أربع سنين ما جاه أي عامل من عوامل التعرية وبعد ما لقيت الزبيدي بثلاثة أيام بس (يوم الخميس) أجي للمكان عشان أدور زبيدي غيره إلا والعجة طايرة وعوامل التعرية (التراكتورات) تشتغل والزبيدي في خبر كان وصار.

لكن الحمد لله اللي جت في الزبيدي ما جت في اللي لقاه.
وإلى موضوع آخر الله يكفينا الشر.
عريدان
18/02/2007, 08:17 AM
لعل الله يعوضك بأبرك منه.
الهوعخع
18/02/2007, 08:26 AM
الخير عام ولله الحمد والمنه وهالخير يستوجب علينا شكر المنعم لأنه بالشكر تدوم النعم
مزيريرة
18/02/2007, 09:17 AM
الأخوان عريدان والهوعخع (يا صعب اسمك)

شاكر لكم مروركم وجزاكم الله خير
كان الهدف الأساسي إني أشوف وش أكبر حجم يوصل له الزبيدي لو ما أحد جاه لكن مالله كتب.