كيف أضبط الهايلكس الــ 2006

[ربيق]

بسم الله الرحمن الرحيم

السلام عليكم ورحمة الله وبركاته

كيفكم يا شباب

الهايلكس الــ 2006 بصراحة حلوة ووسيعة

بس توهقت بخشتها
طايحة
ودايم برطمها منتفخ من الحكات في الأرض والطعوس

والمشكلة أنها ما هي مثل الهايلكسات الأولات >>> ياحليلهن

تفك ( اللحية )
لأن هذي يروح الصدام واللحية يعني كل الوجه

والأمر الآخر الأولات لها صيخ للرفع ما يكلف شي ترفع وتنزل على كيفك
أما هذي يايات
قالوا نركب لك كعكات بس هذي تطلع صوت وتكلف الكعكات تقريبا 80 ريال أو 100 ريال تقريبا
وشغ يديهم أقل واحد لقيت بعد مكاسر بــ 120 ريال
يعني بتكلف علي من الــ 200 ريال إلى الــ 300 ريال
مايهم السعر أهم شي إني ارتاح في تجوالي في البر

وفيه ناس يقولون ركب يايات
وهذي والله ما سألت عنها ولا أدري كم تكلف

مع العلم إن كفراتها وكالة

ويقولون إن الكفرات الكبيرة ما تناسب السيارة حتى لو رفعت السيارة

ياليت تفيدوني

وإذا فيه تجهيزات ثانية علمونا
ننتظركم

[برنس777]

أخوي ربيق السلام عليكم ورحمة الله وبركاته :
أولا الله يطعمك من خيرها ويكفيك شرها
ثا نيا : إقتراحي لك من نا حية الوجه إنك ما تسوبيبها شي مثل بعض الشباب يقص الصدام من النصف ولكن بس أرفعها بكعكات ومساعد غاز وبعدين حط لها صاجه من تحت عل شان الكارتير وإذا كانت ديزل علشان التيربو ويكون عرض الصاجه 2مل وتبدا من تحت الرديتر إلى ما تحت الكرتير وتفتح فتحه لغيار الزيت هذا من الا مام وتحط سسته تح المقصات على تثبت وشهها ما تهابد في المطينات والجلد ومن الخلف تسحب سستتين وتحط لها 21 سم وتركب لها مسا عد فكس أر غاز وتانك من تحت عند الستبنه علشان مايروح عليك الصندوق وأيضا أثبت لسياره من النطات وعند الملاف بسرعه .
هذا إقتراحي ولكم تحياتي برنس 777

[ربيق]

ما قصرت يا برنس 777
وجزاك الله خير
اقتراحات مفيدة
تمنيت إنك ذكرت الأسعار تقريبية
والمحلات اللي تزبط هالأمور
.
الكفرات ( العجلات ) ما شوفك جبت لها طاري
هل عجلات الوكالة مناسبة أو لا

[ربيق]

وش دعوى
ما فيه إلا البرنس
طبعا هو كفى ووفى ما قصر
بيض الله وجهه
بس نبي زيادة
تكفون يا شباب

[sameer_1798]

يا هلا والله يا أخوي لو أني مكانك أغير الصدام كامل و أركب صدام حديد مثل اللي في الصورة هذه :
http://www.alganasah.com/test/up/ar/hulux1.jpg