لاصحاب الخبره

[الرّماي]

السلام عليكم اخواني انا عندي (سوبر بنللي بلاك ايغل ) وبصراحه احس انها ما تسوق ابعيد

حتي وانا مركب عليها الوصله السادسه ( الاكسترا فول ) هل هذا عيب بالبندق .

وياليت منهو جرب ال ( سوبر ماغنوم رمنقتون ) يقول رايه .

الله يعطيكم العافيه

[الخبير11]

السلام عليكم
الاخ الرمادي

البينيللي و الرمنغتون شوازن مصنوعه في شركات معروفه و محترمه.

اما عن المدى فهذا موضوع اّخر, والذخيره لها العلاقه الكبرى في الموضوع.

نصيحه انك تجرب انواع مختلفه من الفشق وعلى اهداف كبيره ومسافات معروفه لمعرفة احسن تركيز

للحبات علشان ترمي وانت عارف بامكانيات سلاحك. اتمنى اني افدتك وتقبل تحياتي

[الخبير]

يا الرماي ممكن سؤال؟

كم تتوقع مدي الشوزن؟؟؟؟؟

[الرّماي]

اخوي المشرف اتوقع 150 متر الي 200 وعلي قوه الفشق وللسبطانه دور كبير بالمدي

ولكن انا اسئل الاخوان اللي مجربين عن احسن تجاربهم مع البنلي ومزاياها وعيوبها

وملاحظاتهم علي الرمي وعن افضل الوصلات في الرمايه .

[نجمة سهيل]

اخوي :heart:الرماي:heart:
حياك الله . وبالنسبه لسؤالك عن الرمينغتون تفضل هالمعلومات عنها:
بالنسبه لي اول كان البراونينج افضل لانه اول ام خمس رميت فيها بحياتي هي البراونينج القديمه((بلجيكي قديم)) وكنت اعتبرها في المقدمه والى الحين اعتبرها في المقدمه. بس يعيبها شي واحد وهو الثقل. ولما فكرت اقتني شوزن خاصه لي احترت في البدايه وفكرت بام بطنين وهونت . ودورت ام خمس منا ومنا وسألت عنهن قعدت تقريبا مده استفسر. وطحت في الرمينغتون ومميزاتها الي اعجبتني فيها:
1/البندق خفيفه مره فوق ماتتصور .
2/الماصوره ماهيب طويله مره ولاهيب قصيره مره . يعني تصلح للقريب وللبعيد ((رامي بها قوقسيه بيني وبينها يمكن 7 امتار تقريبا والله ماتقطعت ))
3/الراس الي في اخر الماصوره واضح كبير .((ماهوب مثل البنللي صغير واحمر ياله ينشاف))
4/مزايا تأمين فيها ممتازه جدا ((الي تعشق به البندق الي بارز هالصغير تقدر تشيله وتركبه باي وقت))ماعرف وش اسمه.
5/الندف((الرجف)) والله انك ترمي فيها ولا تحس برميتها رجفها خفيف مررررررره.
اما العيوب:
1/انها جديده عندنا بالسعوديه فلذلك اغلب القناصين يخافون انها تكون خراباتها كثيره او مايلقون لها قطع غيار.
2/الروس((التشوك)) النوع القديم شوي مافيه روس اما الجديد فيه روس وسعر البندق النوع الجديد نااار.
3/ ماتتحمل ضغط عالي يعني تقدر ترمي بها الى 42 جرام((هذي البندق الي عندي اما البنادق الثانيه الجدد من نفس النوع تتحمل ضغط عالي مره ماعليها))
والي جرب البندق من مدحه لها تقول انه يكذب.
اتمنى اني اكون افدتك. واسف على الاطاله.