المساعد الشخصي الرقمي

مشاهدة النسخة كاملة : التغبيرة


yaser_2000
07/02/2007, 07:00 PM
السلام عليكم ياشباب:
قبل يومين كنت عندكم في الرياض كان الجو جميل وبارد
خلصت اشغالي في الرياض ورجعت بلدي الحبيب الامارات , في طريق الخرج شفت الجو تغير وبدى الهوا والغبار قلت زين وصلت الخرج خلني احط في وجه السيارة فيري وشامبو من الغبار والحصى . قال لي راعي البقالة(( سوي تغبيرة احسن من شامبو)) رحت محل الزينة وسويتها ونفعتني والشكر الجزيل لراعي النصيحة 0
ياريت ياشباب حد يعلمني ايش مكونات الخلطة العجيبة لانه في الامارات ماحد يسويها وانا كثير اسفار لبلادكم الكريمة والعج بهذلني وسيارتي مسكينة مالها صبر على كثر الصبغ ودمتم سالمين:)
yaser_2000
07/02/2007, 10:52 PM
مشكوور على تعاونكم يالكشيته والسكووت من ذهب
hle col
07/02/2007, 11:04 PM
والله اعذرني يالطيب

بس المعروف انه بخاخ مثل البخاخات

عادية بس اللون اللي يؤثر على الشكل العام
القناص
07/02/2007, 11:36 PM
ولا تزعل

جهز موادك وعدتك

http://www.assayyarat.com/forums/showthread.php?t=42881

http://efi4500.com/vb/showthread.php?p=2236

http://www.jeddahboys.com/vb/showthread.php?t=16506&page=10

وعلمنا وش يصير معك
متعب الكواويخ
08/02/2007, 07:23 AM
خذ النصيحه من ولد أبلادك
ينباع في المحلات صبغ لشعر يخوز بالغسيل
وفي منه ألوان
طبعا أحسن لون البني الفاتح
وماعليك ألا أن تغطي الكشافات وترش مقدمه السياره وبعد ماترجع بالسلامه تغسله

أتمن أني افدتك
يازين الجو
08/02/2007, 09:01 AM
والله ماعندي خبره ياللغالي

الظاهر انك تقصد التغبيره اللي يجي لونها رملي

اصبر يجيك واحد من الاخوان الفاهمين ويفيدونك ان شاء الله ..
العسيلي 2007
08/02/2007, 10:01 AM
السلام عليكم
انا عندي محلات زينة سيارات واعرف التغبيرة
التغبيرة الاصلية تجي اكثر شي من القصيم وهي الغبار الناعم ومعه نسبة ديزل بسيطة وهذي ما تأثر على دهان السيارة
اما اذا شفت في المحل بنقالي ( انحشششش) ترى تغبيرته عباره عن تروبية بلاط وسيراميك وهذي الوانها حلوه وصافية بس ما تطلع الا بالتلميع وتأثر على الدهان وبعضها ما يطلع بعد.
والسلام عليكم
ع.ف.الدرويش
08/02/2007, 11:53 AM
مشكوور على تعاونكم يالكشيته والسكووت من ذهب

:)..

تصدق مع إني أحط التغبيره على سيارتي إن رحت للشرقية.. لكن ما فكرت بيوم كيف ومن إيش إلين سألت.. طبعاً قبل ما أسأل شفت العامل يكنس أرضية المحفطة كلها ويجمع الله يكرمكم التراب الناعم أو الغبار اللي يكون على الأرض ويبدأ يفرغه في علب مشابه اللي يحطون فيها البوية لما يرشونها ويحط معها شمع خاص بالسيارت وهو سائل متماسك نوعاً مّا ويبدأ يخلط وبعد كذا تبدأ عملية الرش..ولما سألت عن فائدة الشمع قيل لي علشان تمسك بالبودي..طبعاً وللأسف في هالحالة لازم تغسل السيارة في مغسلة يدوية يعني عمالة تفرك البودي مره ومرتين.. وهذا كل ما حصل معي..طبعاً بعده خلاص ما عاد صرت أحطه ورجعت للفيري أسلم وأنظف حتى بالإزالة..:good:

;) وهذا كل مالدي..
أخوك..( أبو فهـد )...