أزين خرازه [الأرشيف] - منتديات مكشات

عاشق النحم

16/03/2003, 09:50 PM

هلا والله بأعضاء مكشات ياحيا الله يالوجيه :cool: به طلب وانتم قده انشاء الله
باذن الله جزمت على خرازه بس أبشوف وش أزين نوع وشركه وتحمل للرمي ومن هالمعلومات
اللي تبرد التسبد وانتم قده وقدود ولا نبي نكلف عليكم
الرجاء سرعة الرد ;)

عاشق النحم

دخيل67

17/03/2003, 12:11 AM

ازين خرازه عندى الامانيه
تجى اتماتكيه وعاديه (ام اصبع )
بس عيبهن قطع الغيار صعب التحصيل ( بس ما تخرب الا بالشديد القوى باهمال التنظيف والتخرين السىء)
تراها بالرمى تنعش

الخبير

17/03/2003, 09:19 AM

أيضاً من أشهر الخرازات و إلي أثبتت جدارتها هي البرنو
و أفضل أنواع البرنو يقال لها جاكور

وطبعاً الخيار لك

دخيل67

17/03/2003, 01:57 PM

الخبير مساك الله بالخير
البرنو الى تقول عنها الى اعرفه انها مالها فشق متوفرنهائى
سالت عنها بعض الربع الى عندهم النوع هذا بس يشكون من عدم توفر الفشق
بس عليها نظره عجيبه والجديده منها جت نفس شكل القديمه بس اصغر حجم
وملمومه
ترا معلوماتى عندنا بالكويت ما ادرى بالمملكه

عاشق النحم

17/03/2003, 02:32 PM

هلا والله ماقصرتوا والظاهر انه الالمانيه:D

الخبير

17/03/2003, 02:43 PM

السلام عليكم
الخرازة إلى أتكلم عنها رصاصها متوفر عياره 22. ملم
و فشق البرنو الجاكور هو نفسه لخرازة البرنو 98 و ما قبل

عاشق النحم

17/03/2003, 04:24 PM

داري بس الألمانيه أرخص

سعود مسعود

25/03/2003, 01:10 PM

اثبت المزارع العراقي جداره البرنو وصاد صيد د سسسسسسسسسسسسسسسم
الصيا د اسمه منقاش او ابو منقا ش والصيده كا نت ابا تشششششششششششي امريكيه
وهذا اكبر دليل على قوتها......والصور كانت اكبر دليل

دغيم

27/03/2003, 09:02 PM

ألالمانيه القديمه والجديده
والبرنو وهي ثلاث أنواع
الجاكور وهي الفخمه
البرنو العاديه
والبرنو الطويله
وجميعها رصاصها 22ملي وهو عده أنواع على حسب الطريده

جارمن

07/04/2003, 04:19 AM

مرحبا

اذا تبي رايي ياعاشق النجم مالك الا الالمانيه وبس وبس وبس وبس وبس
احسن خرازه وادق خرازه بالرمي

وشكر ا

عاشق النحم

08/04/2003, 02:38 PM

مشكور بس أسمي عاشق النحم
مهب النجم بس ماعليه أهلا بك في موضوعي شرفتنا

تحياتي يالغالي

الهارف

09/04/2003, 01:15 PM

اخوي سعود مسعود

مشكور على المعلومات

يس اخونا عاشق النحم يبي خرازة للصيد

واللي صاد فيها المزارع العراقي نوع من انواع البرنو بس ماهي الخرازة اللي عندنا

هذي نسميها عندنا بالمملكة (( شاخوفة ))حقت المزارع

وفشقها تقريبا يجي مثل طول فشق الرشاش الجثري

واللي يشوفها ما يقول هذي خرازة

واذا كان في كلامي اي خطأ ارجو تعديله

وانت يا عاشق النحم

ما اوصيك بالبرنو 97

تراها زينة وتتحمل معك اذا كنت محافظ عليه

وتروح مسافة ما بين 1000 متر _ الى 1500متر

وانا اعرف واحد من اخويايله سنة كاملة يرمي فيهاولا زيتها ولا شي والى الحين مضبوطة (( يدل على تحملها))

اتمنى اني اكون افدتك

عاشق النحم

09/04/2003, 07:37 PM

الشاخوفه مجربه من عدد من الاخوان اللي أعرفهم ويمدحونه من ناحية الرمي والدربيل مظبوط وقوة التحمل
ومشكور يالغالي أفدتن ونص

داير حدعش

10/04/2003, 01:29 PM

جاكور

عاشق النحم

10/04/2003, 05:20 PM

الجاكور هو البرنو وهو فخم وعليه دقه بالرمي ما تتصوره بس عبه أنه غالي
ولا تلقى منيبيعه مستعمل واذا لقيته تلقاه مكروف حيه وميته
ومشكور على المشاركه
أخوك عاشق /النحم

ابووليد

11/04/2003, 04:08 AM

حياك الله اخوي عاشق النحم

تبي الصراحة من ناحيتي ازين خرازة هي البرنو الالمانيه

ام ختمين لان بعضها يجي ختم واحد والموديل عندك 94-96-97

هذي اللي جربته وشفته نصيحه لا تاخذ الجديد يراه مهب طيب

واحد من ربعي شرا وحده موديله 2001

والله وتحسف صار القير خربان اذا دخل الرصاصه وطلق وعشق

عشان يبي يدخل الثانيه المفروض تطلع توماتيك المسكين صارة تعلق عنده

ما تطلع الى بسحب وانشاء الله ابوريكم صور للخرازه عما قريب ان الله يسر

وتقبوا تحياتي.....

عاشق النحم

11/04/2003, 01:05 PM

مشكور وحياك الله أي نوع قصدك يالغالي يعني اي موع من البرنو الجاكور ولا الطويل ولا العادي وعلى فكره أزين جاكو مديل 97 من جميع النواحي من الشكل والتخشيبه والتحمل ومشكورين على تفاعلكم منعي والظاهر أن الخرازه لها شعبية أكثر من الشوزن

داير حدعش

12/04/2003, 08:44 PM

مساك الله بالخير
اعتذر على هذا الرد المختصر جداً و لكن كما تعلم كانت مشاركتي الاولى في المنتدى و كانت للتجريب فقط و لا اوصيك بالبرنو جاكور ترى لم و لن تلقى مثلها و آسف على هالمشاركة العجلة .

عاشق النحم

14/04/2003, 01:28 PM

مشكور

هاوي

23/08/2003, 01:34 AM

طيب يالربع وش ازين الساكتون الناري ومواصفاته والاختام اللي عليه حتى نعرف

نشتري يقال البرنو بس وش هو الدليل على الجودة وما تكون تقليد

ومشكورين الف شكر

عاشق النحم

23/08/2003, 08:48 AM

يا اخوي هاوي البرنو من وجة نضري أنسب شي
من ناحية الجوده ومن ناحية التحمل ومن جانب المظهر
للبندق بعدين يسدك انها المانيه
بعدين البندق لها سنتين معي والله ومستانس عليه
بس ترا يبيله اهتمام وحرص وعنايه
أتمنى اني أفتدك
أخوي واذ تبي أجمعلك معلومات واحطها بموضوع
لا يردك الا لسانك

أخوك عاشق النحم

عاشق النحم

23/08/2003, 09:00 AM

البرنو

http://www.mekshat.com/pix/upload/images2/brno.gif

عين الرطريط

30/08/2003, 12:38 PM

السلام عليكم ورحمة الله وبركاته هلا وغلا أخوي عاشق النحم

أزين خرازه البرنو أم ختمين موديل 97

وهي اللي عندي و ما أوصيك بغيره

وتراه تحمل وقطع غياره متو فر ورخيص

هذا اللي عندي

وان كان تبي شي الماسنجر عندك (:

أحلى تحية ,,,,,,,

عاشق النحم

30/08/2003, 01:05 PM

هلا والله أخي الغالي عين الرطريط

مشكور على المشاركة

وابدائك الرأي انشاء الله نعمل بنصيحتك في المرات المقبلة

أخوك عاشق النحم"

صعافيق

30/08/2003, 02:41 PM

مالك الا الجاكور البرنو تراه يهبل فخم
وقوه ويسوق والله الصراحة لا يفوتك

عزالخوي

31/08/2003, 07:27 AM

الاخوة الاعزاء
اعتقد ان الخرازة البرنو هي افضل الموجود بالسوق وخصوصا اذا نظرنا الى ان سعرها معقول وكذلك قله احتياجها الى الصيانه-وعلى فكرة لاحظت ان كثير من الاخوة يعتقدون انها صناعه المانيه-وهي ليست كذلك بل هي تصنع في مدينه برنو (Brno)-التشيكيه.
تحياتي للجميع.

عاشق النحم

31/08/2003, 07:28 AM

" السلام عليكم "

هلا والله وغلا أخوي صعافيق

تشكر على ايدائك الرأي ومشاركتك فخر لنا

عاشق النحم

عاشق النحم

31/08/2003, 07:31 AM

هلا والله وغلا بعز الخوي

تسلم والله على شورك علينا يالغالي

ومشكور على ملا حظتك المهمه

تعليقك شرف لنا

عاشق
النحم

الكاشت . كوم

31/08/2003, 01:07 PM

طيب عطونا الزبدة؟؟؟

عاشق النحم

31/08/2003, 02:08 PM

الزبده انت اللي تدوره
طال عمرك :D

الكاشت . كوم

31/08/2003, 02:29 PM

والله ياخيي ابترم راسي الي يقول كلن له راي:confused:

عاشق النحم

31/08/2003, 08:02 PM

صفت على الخرازه البرنو الشتيكيه 97 أم ختمين

بس

وسلامت راسك

بن نشار

31/08/2003, 10:35 PM

مساكم الله بالخير
احسن خرازه وجربتها وبصراحه لايعلى عليها
هي خرازه من نوع رمنقتون

عاشق النحم

01/09/2003, 09:33 AM

السلام عليكم ورحمة الله وبركاتة

هلا والله وغلا أخوي ابن نشار مشكور على المشاركه

الله لا يهينك اذا توفر صوره ولا نبي نكلف عليك

تقبل تحياتي
عاشق النحم

بن حرمل

03/09/2003, 01:31 AM

تراها ياجماعة الخير خرازة وبس يعني لاهيب ببندقية قنص ولا برشاش يعني ين بغيت خرازة فاخرة فعليك بالالمانية وتحمل فرق السعر وين بغيت خرازة ممتازة وعملية عليك بالبورنو التشيكية والردية تجي من الصين لا تاخذها ولو عطوك اياها ببلاش، وسلامتكم.

نسيت اقولك انه التفق براعيه، واذا انت مثل حلاتي تصيب بطلقة من عشر فلا والله عليك بالدربين الزين وان ما حصل في بلادك خبرني ادزلك واحد من الامارات، بس لا تنسى العمولة

عاشق النحم

04/09/2003, 02:45 AM

هلا والله وغلا أخوي بن حرمل

مشكور يابعدي على هالرد

ومشكور على هالمشاركة

تقبل عاشق النحم

ابو نجود

07/09/2003, 03:56 PM

اسمحو يا اخوان ابدي رأيي..الالمانية خصوصا القديمة موديل 75 وما قبل لاتقارن بالبرنو ابدا والسبب انك لو ترمي بها الى الصبح ما تغيرابدا.. اما البرنو فتتسع ماسورتها من كثرة الرمي ويختلف الرمي بها وهذا من واقع تجربة وسعرها غالي جدا اذا لقيت واحد يبيعك بندقه..
اما البرنو فهي جيدة بالنسبة لسعرها والذي لايستخدمها بكثرة وتقدر تعطيها لأي واحد لانها رخيصة ومتوفرة اما الالمانية فلا تعطى لاحد ابدا لانها نادرة وغالية..
اخوكم ابو نجود....

دغيم

07/09/2003, 07:11 PM

أخوي عاشق النحم
أنا مع الاخ أبو نجود المانيه لو كانت غاليه بس بندق زين رمي وقل خراب صحيح هي غاليه لاكن مثل ماقال أبونجود لاتتغير أبد وهناك أنواع من الالمانيه القديمه وهي k,krico وهذه المشهوره منها وإذا أردت زياده معلومات فيمكن أي شخص ألاشتراك في مجموعه الياهو22LR لاكن هو بالغه الانجلزيه وتقدر تتعرف على كل الانواع الامريكيه ونشستر وغيرها من الماركات العالميه وكلها خرازه(ام عبرود) وتستخدم الرصاص مقاس 22ملي.

عاشق النحم

08/09/2003, 09:10 PM

السلام عليكم ورحمة الله وبركاتة

الاخ العزيز ابو نجود مشكور يابعدي على
المشاركة
---------------------------------------

اخي الغالي دغيم
مشكور يابعدي على المشاركة
ولوسمت توضح وشي ( وإذا أردت زياده معلومات فيمكن أي شخص ألاشتراك في مجموعه الياهو22LR )وشو ذا الله يحفظك بس ولو توضح
يكون احسن :)

--------------------------------------------
اشكر جميييييييييييييع الاخوان الذين شاركو وابدوا اّرائهم
ونصحوا فلهم جزيل الشكر والعرفان

تقبلو تحياتي
عاشق النحم

ابو نجود

09/09/2003, 04:13 PM

العفو اخوي ما سوينا شي
اخوك ابو نجود

بــرق الشمال

09/09/2003, 05:08 PM

هلا اخوي عاشق النحم باالنسبه للخرازه افضل نوع عندي وجربته البرنو تراه جيده :good:
ولاتنسى الناضورسانك من ربع الضبااااان:D

دغيم

09/09/2003, 08:51 PM

الغالي عاشق النحم
أيضاح ماطلبت هناك في الانتر نت yahoo gorub وهذا مجموعات من الناس تتبادل المعلومات مع بعضها
من أماكن مختلفه من العالم ويكونو جماعه و هي مجموعه22LR تهتم بالخرازه مقاس 22ملي ويتبادلون المعلومات عنها وعن قطعها ومشاكلها واغلب القطع تتم تأمينها بمساعده المجموعه كل حسب دولته وأزيدك من الشعر بيت اذا بحثت في النت مستخدم أسم خرازه ومن بعده تكتب 22LR
سوف تجد المحلات التي تبيعها اولها علاقه بها وللجميع التحيه.

عاشق الصفاري

17/09/2003, 03:28 PM

صحيح كلام الاخ دخيل

الالمانية

المقدام

21/09/2003, 08:52 PM

ما شاء الله عليكم يا اخوان على هذه النصائح
و التوجيهات بس ناقصها شيء بسيط لو تكرمتوا
وهو
(( ذكر الاسعار ))

ودي اعرف عن البرنو ام ختمين بكم

الله لا يهنكم

العود الازرق

16/03/2004, 09:57 AM

اسئل مجرب البرنو الطويله الالمانيه القديمه غاليه جدا جدا ولك تحياتي

SilverSniper

18/03/2004, 11:15 PM

من ناحيتي أنا أفضل الروجر الأمريكية... نصف أوتوماتيك.. تحمل 11 طلقة... أتحدى بها أي واحد معه برنو

دغيم

21/03/2004, 04:26 PM

أخوي SilverSniper
أنا عندي المانيه krica LR
منذ كنت في الابتدائي موديل 72 شراها لي الوالد رحمه الله جديده
وبصراحه أستعملت جميع أنواع الرصاص وبكميات كبيره
والحمد لله لم تتغير دقه أصابه وقل خراب ولايمكن ان تخطاء أبدا الى مشاء الله

aflaj12

22/03/2004, 10:54 PM

الحقيقة معلومات وافية وشافية ولاقصرتوا

ذهلان 1

06/04/2004, 02:50 AM

عاشق النجم

أنا من وجهة نظري إن الألمانية ( أم خدّة ) هي سنايدي وكلٍ يروّح لاهله

تحياتي

حريب الردى

هملان

06/04/2004, 02:04 PM

السلام عليكم ورحمة الله وبركاته
الحقيقه انا اميل لالالمانيه ام خده عيار200 وفيه المانيه عيار 150 اقل جوده
لكن ودي اسأل الي جربو البرنو التشيكيه ايهم احسن الطويله او القصيره
تحياتي

العودالازرق

18/10/2004, 01:03 PM

الالمانيه ام خده مسكته والبرنو غيرها لاتوهق نفسك وسلامتكم.

فاضي

25/10/2004, 01:52 PM

السلام عليكم ورحمة الله وبركاته
الله يعطيكم العافية على ذا الموضوع صراحة انا إنشاء الله ناوي اشتري خرازة وكنت أبي اسأل بس كفيتوني
بذا الموضوع والعلم عند الله إن احسن نوع البرنو =الجاكور

فاضي

25/10/2004, 01:55 PM

السلام عليكم ورحمة الله وبركاته
جزاكم الله خيرا ابي اسأل افضل انواع فشق الخرازه والمتوفر

أخو منيرة

30/10/2004, 06:47 AM

أنا معي برونو تشيكية عادي ، وصار لها معي مدة طويلة حول 8 سنوات
وما شفت منها خلاف

أخو منيرة

30/10/2004, 06:51 AM

أخوي فاضي
أنا أستخدم (أم أرنب)
ومتوفرة
وكرتونها مرة أشتريه على 25 ، ومرة وحدة شريته بـ 50 ريال ، والسبب إني كنت محتد له ، وكان غير متوفر
والله إني خابرٍ شايب في سوق الزل بالديرة ، كان يبيع ، لكن ما عاد شفناه
الله يستر عليه بس لا يكون راح في خرايطها

تواق

30/10/2004, 12:18 PM

اخواني خذوها مني الالمانيه ام خده دواء دواء انا املك وحده رميه واحد مايختلف

ورشح بعدها من واقع تجربه البراونق الاتماتيك تاخذ 16 طلقه ممتازه

لاكن ام خده كريكو مافي الحكي فايده

اخوكم/ تواق

Eagle

30/10/2004, 01:54 PM

انا شايف انه من الظلم الحكم على خرازه بسرعه
لانك ترمي رصاص ولا ترمي خرطوش فتطلب دقه عاليه
فيجب عند المقارنه بين سلاحين مراعاة نوعية الرصاص المستعمل من حيث الجوده والتساوي وايضا نوعية الدربيل وضبط وزنيته
وطبعا السلاح طايح بايد واحد يرمي او كمخه
:)

ابوحاشي

05/11/2004, 07:29 PM

تبي الكلام اللي يجمد على الشارب******************************************** **********
خذ((((((((((((((((((ألأمانية***أم خدة***))))))))))))))
وأنت مغمممممممممض..............................******** *******:

طويل خطام

05/11/2004, 11:41 PM

كلام ............ silver

هو الصحيح

وسعرها معقول نسبياً .

البنتلي

24/11/2004, 09:13 PM

لسلام عليكم ياليت فيه احد يفيدنا عن الروجر الامريكيه وشلون نصف تماتيكيه وشكرا

طويل خطام

28/11/2004, 04:43 PM

اخوى البنتلي

الروجر امريكيه الصنع ... ومداها معقول وممتاز وخاصه اذا عليها دربيل ممتاز

ام من ناحية كيف انها نصف اتوماتيكيه ,,,,,,,, فمعناها أنها ترمي وحده وحده بدون اعادة

تعميرها اي فلكها وشحنها مثل الخرازات ام اصبع

يعني ترمي مثل الشميزر اذا كان انك تعرفه زين

يعني ماترمي اللي في بطنها بضغطة زناد واحد مثل الرشاش ,,, يلزم عليك ان تظغط على الزناد كل مره تبي ترمي فيها

ارجوا ان الشرح يكون واضح

واذا كان تخبر لي وحده روجر اكون ممتن لك وكذلك الاعضاء الكرام

أخوك / طويل خطـــــــــــــــــــــام

البنتلي

29/11/2004, 05:02 PM

مشكور يا طويل الخطام على الشرح انا ما اعرف الروجر الامريكيه لاكن اعرف الامر يكيه الي تعبى من فوق مع الما صوره الي تحت البندق تشيل 16 طلقه وفيه النوع الامريكه الثانيه الي تعبى من كعب البندق وبالماريه تعشيقتها نفس تعشيقة الرشاش مع الجنب سحب هل هي الروجر ولا غيرها.

ولد سليمان

10/05/2005, 02:43 PM

السلام عليكم ورحمه الله وبركاته
ياجماعه الخير انا عندي المانيه اسمها انشوتز مشتريها قبل 8 سنين بحدود **** ريال ومركب عليها دربيل
ورميها عزالله انه يبرد القلب
بس ماادري وشو ترتيبها مع باقي الخرازات
وسؤالي للجميع وياليت القناص الفضي والخبير يدلون بدلوهم

SilverSniper

11/05/2005, 01:15 PM

حياك الله يابوسليمان..
أنشوتز.. ألمانية رياضية.. أفضل بكثير من البرنو والروجر والريمنجتون وغيرها من الخرازات الموجودة في الدقة.. تتميز بدقتها المتناهية في الرمي وتميزت بذلك كبندقية يستخدمها المتسابقون في ميادين الرماية الأولومبية.. ولكن لا تتحمل الذخائر القوية.. مثل الستينجر مثلاً.. ولا تتحمل ظروف اللاستخدام القاسية..
في رأيي أن هذه البندقية جوهرة .. حافظ عليها

ولد سليمان

11/05/2005, 01:57 PM

مشكور اخوي SilverSniper
اخيرا تطمنت وعرفت قدر الخرازه الي معي .....الله يجزاك خير
وازيدك من الشعر بيت من يوم شريتها وهي بكرتونها وقبل شهر اخذتها للمزرعه علشان اجربها واوزن الدربيل
وبعد ماوزنتها رميت بها ضب من مسافه 50 او 60 متر وجت الرميه بالراس وبدون مبالغه لقيت ملامح رأس الضب مختفيه العين وجزء من الفك العلوي طاير وباقي الراس متهشم
وعلى فكره الرصاص الي استعمله نوعه ليزر متفجر

Mohammad

11/05/2005, 03:06 PM

الاخوه الاعزاء
السلام عليكم وبعد شريت دربيل قولد من الرمايه تقريبا 400 ريال كبير وما يصلح ابد ابد وهذه اول تجربه لاستخدام الدرابيل...عندما تناظر من خلال الدربيل كل شى يهتز مابه استقرار...عجزت وانا اوزنه وحقيقه تجربه محبطه! وفاااااااااااشله

هناك نوع اسمه زايس اعتقد المانى صغير الحجم ولكن غالى بالحيل.

نتمنى ان تصحونا بدربيل راكد وحجمه معقول وسعره معقول ومجرب مجرب مجرب وجزاكم الله عنا الف خير

!$ابوفرج$!

13/05/2005, 02:37 PM

يالسلفر
ممكن مواصفات (ام خده )
ولا عليك امر

عاشق النحم

30/05/2005, 12:20 PM

أشكر جميع من شارك واتشرف برد المشرف سلفر
والمطلوب من الموضوع هو النقاش وابداء الرأي
تحياتي للجميع

عاشق النحم

حافي

08/06/2005, 04:36 PM

اخوي لاتعدى ام خده التريكو الالمانيه القدبمه
او البرنو عيار 100 ام رموش
او انشز المانيه وحلوه بس النوع القديم الجديد لو يقالك بريال

عاشق الكروزر

09/06/2005, 10:38 AM

انا قد صارت معي برنو والله ابداع بس شكل لك عليها
والثانية تشيكية شكل حلو ورمي ممتاز بس يبيلها عناية تشحيم ونحوه

قناص القرائن

17/06/2005, 01:57 PM

السلام عليكم ورحمة الله وبركاته
اخوان نبي السعر لاهنتوا والفشق متوفر ولا ماتلقاه الابطلعة الروح

قناص القرائن

عاشق الأشهب

21/07/2005, 02:20 PM

السلام عليكم ورحمة الله وبركاتة
أفضل أنواع الخرزات وأدقها هي البرنو التشيكية وخاصة موديل 97
أما الجاكور فمن واقع تجربه أقول أنها ممتازه ولكن تحتاج إلى وزن في كل رحلة قنص

ابوعرجات

24/07/2005, 10:23 PM

انتبه من الشاخوفة هذي من البنادق الكبيرة ( اسمها قناصة)
عليك بالخرازة الالمانية او الانجليزية والانجليزية قليلة .

القرم

31/07/2005, 02:43 PM

السلام عليكم ورحمة الله ...

البندق الزينة (خرازه او غيرها) هي الي تحس انها تخدمك وتؤدي الغرض وانك ترتاح وانت تصيد فيها.. طبعا الشركات تختلف والصناعات تفرق...انا عندي برنو من 4 سنوات استخدمها وماشي حالها.. رخيصه وفشقها رخيص.. مع قل الخراب والله الحمد وعسى الله يكفينا شر السلاح.

اخوكم القرم

قاطع

04/08/2005, 02:41 PM

البرنو والالمانيه اكثر الصيادين جربوهن ومدحو استعمالها وتحملهن ودارجه عند البيع أما الشاخوفه فحسب علمي أنها القناصه الروسيه الطويله وليست برنو وبنادق البرنو ثلاث عيارات وهي الخرازه والجثري وأم سكستين بس يمكن فيه أنواع ثانيه مامرت علي

ابوعسيب

06/08/2005, 02:49 AM

بس عندي سؤال !
من وين تبي تشتريها ؟ عجزت القى احد يبيعها

حنيجر

07/08/2005, 02:18 PM

السلام عليكم
الصراحه ماقصرتو بس لو امكن وضع صور
شكر خاص لصاحب الموضوع عاشق النحم .

القنيص

09/08/2005, 02:29 AM

البرنو واقطع خبر
أو الالمانيه

ـــــــــــــــــــــــ
ــــــــــــــــــــــ

LEGEND

28/10/2005, 07:22 AM

بسم الله الرحمن الرحيم
السلام عليكم ورحمة الله

هذه اول مشاركة لي بهذا المنتدى وأسأل الله سبحانه وتعالى أن يوفقنا للخير في ذلك ..

أخي الهارف ..( الشاخوفه هي بندقيه حربيه تستخدم لقنص العدو ...وأسمها العلمي ..دراقانوف ..ولكنهم عندنا في السعوديه وفي اليمن يسمونها شاخوفه أو شاخوف ..) وهي روسية الصنع وليست كما تقول أنها نوع من انواع البرنو فالبرنو تشيكية الصنع وتصنعها شركة .. سيسكازيبروجيفكا التشيكيّه في مدينة برنو .. ولهذا سُميت البندقيه بسم المدينه التي صُنِعت فيها ..) أما الشاخوفه ..الدراقانوف.. فهي من حيث النوع والقوه ممتازه جداً ...ولكنها لا تستخدم في الصيد فهي ليست مخصصةً للصّيد ..بل للحرب ...

أخي عاشق النجم .. لا يوجد برنو المانيه أبداً ومن قال ذلك فقد افترى ... عموماً البرنو هي تشيكيةالصنع ولها عدة أشكال وأنواع ولكن هنا عندنا في السعوديه لا يأتينا منها إلا نوع أو نوعين فقط وهي ممتازه ... هنااااك أنواع أخرى من أسلحة الصيد أفضل من البرنو ولكنها لا تأتي إلينا في السعوديه ..
آمل أن لا تكون مشاركتي هذه قد ازعجتكم ولكنّي تحدثت عن ذلك من وااااقع خبره في هذا المجااال
ولكم تحيااااااااتي
Legend

LAND CRUSER

30/10/2005, 12:46 AM

افضلهاااا الالمانيه الموديل 66 و67 مايبى لها نشده بس وين تلقى النضيفه مره شبه الجديده ماتنزل عن العشرة الالف ويووازى الالمانيه فى السووق وهذى شىء مجرب عملى البرنو الجاكووار فهى تنقص عن نووز الالمانيه قفله اوقفلتين يعنى اصبع او اصبعين ولا ننساا البرنوو القديمه جدا التى يوجد على ماصورتهاا كتابتة برنوو وتختلف عن النووع الحديث ممتاازه لاكنهاا ناادره خذ الكلام وبااقى الهرج خله

حنشولي

04/11/2005, 06:59 AM

السلام ومن العايدين
انا افضل المارلين الأمريكيه لأنها تجي فيبر قلاص وقصيره وخفيفه ويوجد بها 16 حلزون وهذا دليل على السوق والدقه . وهذا الكلام من واقع تجربه لأننا تساوقنا بالمارلين والبرنو التشيكيه فأثبتت النظريه ان المارلين اسوق

عاشق الظبي

30/11/2005, 05:58 AM

احسن نوع والله الجاكور على جولت الشباب

عاشق الرملة

15/12/2005, 03:07 AM

الله يحفظنا ويحفظكم جميعا وكل مؤمن ومؤمنه من أي مكروه .

ويوفقنا وياكم اللهم اااااااااااااااااااااااامين .

ألف شكر لكم جميعا على الإفاده والنصيحه ...

لدي سؤال لو تكرمتم :

* كيف نعرف خرازة البرنو التشيكيه 97 أم ختمين ؟

هل يوجد بها علامات واضحه وكتابات محفوره ... وأين نجد الختمين والرقم 97 ؟

وشكرا لكم جميعا .

الطبيب

15/12/2005, 12:14 PM

عاشق الرمله

السلام عليكم

الله يحفظنا ويحفظكم جميعا وكل مؤمن ومؤمنه من أي مكروه .

ويوفقنا وياكم اللهم اااااااااااااااااااااااامين .

ألف شكر لكم جميعا على الإفاده والنصيحه ...

لدي سؤال لو تكرمتم :

* كيف نعرف خرازة البرنو التشيكيه 97 أم ختمين ؟

هل يوجد بها علامات واضحه وكتابات محفوره ... وأين نجد الختمين والرقم 97 ؟

وشكرا لكم جميعا

الرقم 97 يجي محفور على بيت النار من فوق يسار وانت ماسك البندق كنت تبي ترمي

ولاي استفسار آخر ترانا بالخدمه

هذا والله اعلم

والسلام ختام

عاشق الرملة

16/12/2005, 03:54 AM

ألف شكر لك أخي العزيز الطبيب ...

أين نجد أيضاً مكان الختمين ... اذا أمكن أخي الغالي تضع صوره للمكان .

لأني بإذن الله سوف أشتري واحده الأسبوع القادم ......

وشكرا لك مقدما .

عاشق النحم

20/12/2005, 02:09 PM

أشكر جميع من اثرى الموضوع

عاشق النحم

12/04/2006, 10:51 PM

ub>>>>>>>>>>>>>>>>>>>>>>>>>>>

سعود التميمي

15/04/2006, 01:19 AM

أفظل خرازة عندك أم ختمين البرنو وترا أم ختمين الي عليها الكلام تشيكوسلوفاكية czichoslovakeia وهي من بعد 93معاد وردت لأن الدولتين استقلن عن بعض بعد سقوط الاتحاد السوفيتي وتراها عندي ((وشكراً لكم))وترا الختوم يجي واحد على مجرى الدربيل الثاني والثاني يجي بعد كتابة البرنو على الماصورة في نهاية الخشاب وترا الختوم تختلف عن ختوم سنة الصنع وعليكم با لسبعة وتسعين تراها مكتوب عليها برنو

والرجاء التفرقة ترا انواع البرنو واجد ولها اوصاف واجد..............

هاااوي الصيد

15/04/2006, 03:33 AM

السلام عليكم يالاخوان الله لا يهينكم السعر تبع اليتشيكيه البرنو جديده ...

قسوره2006

15/04/2006, 03:41 AM

السلام عليكم

هلا اخي ( هاوي الصيد )

انت تسأل كم تسوى التشيكيه الجديده

يتراوح سعرها ما بيه 3000 الى 4000 حسب النوع والمنطقه في الوقت الحالي فقط ..... ؟؟؟؟؟؟ وشكرا

ولا تدور وحده جديده

ارجو التوضيح

وشكرا

قسوره2006

15/04/2006, 03:51 AM

السلام عليكم ورحمة الله وبركاته

لكي تعم الفائده ارجو زيارة هذا الرابط وشكر متواصل للجميع

منقول

http://www.megnas.com/vb/showthread.php?t=7129

وشكرا

سعود التميمي

15/04/2006, 10:34 AM

ازين خرازة هي البرنو ام ختمين تشيكوسلوفاكية czichoslovakea والختوم واحد يجيعلى مجرى الدربيل والثاني على الماصورة امام اسم الشركة برنو آخر الخشاب والرجاء التفريق بين الختوم الاصلية وختوم سنة الصنع الي على جنب وترا 97 ماهيب شينة عليها ختم واحد واسم الشركة برنو .... والبرنو انواعها اكثر من اربعة انواع وفيها ردي:confused:

الصياد المحترف

15/04/2006, 04:36 PM

ازين خرازة هي :

1-والثر المانية وهذي صورتها:http://www.mekshat.com/pix/upload/images16/mk15249_g22_scope.jpg

2- انشيز مونتي كارلو المانية:

http://www.mekshat.com/pix/upload/images16/mk15249_anschutz1730d.jpg

3-ونشستر امريكية:

http://www.mekshat.com/pix/upload/images16/mk15249_2005mar_s.jpg

كبريت

20/05/2006, 01:27 PM

مشالله عليكم كفيتو ووفيتو

لكن بغيت اسال وشلون افرق بين التقليد والاصلي للبرنو الجاكور (( وياليت بالصور))

والالمانيه اكثر من نوع وش النوع الزين وممكن صور له وكيف اعرف انها الاصليه من القليد (( لاتنسو الصور ))

وتروني عليمي لابعد حد في الخرزات يعني اي شي تعلموني فيه تكفون

والاسعار حتى ما ننغش (( واتمنى المشرفين مايزعلون )) لاكن خوفي انغش

واسف على الاطاله

كبريت

30/05/2006, 06:10 PM

ارجو الرد على الاساله

كبريت

10/06/2006, 11:53 AM

وينكم يا عوال مكشات؟؟

عـــمـــر 11

11/06/2006, 10:23 PM

اخوي عاش النحم
انصحك بالبرنو دقه في التصويب خفه في الوزن من الموديل 90-98لان الخشب عالي الجوده
ابو محمد
الفرق هي علامه الصنع في السبطانه علامه مسدس
ولان كثر التقليد في السوق احرص على علامه المسدس
وعدرنا مافيه صور

كبريت

12/06/2006, 08:39 AM

مشكور ياعمر

لكن بغينا صور تكفون

عـــمـــر 11

12/06/2006, 11:32 AM

ابومحمد شف الرابطه اعلى الصفحه ل(قسوره 2006 )

نسناس

12/06/2006, 10:38 PM

اللماني بعدها الجكور البرنو

كبريت

13/06/2006, 07:59 PM

تسلم ياعمر

ابوماضي

14/06/2006, 01:00 AM

السلام عليكم ....
في البدايه ابارك لك في الاشراف اخوي عاشق النحم ... وتستاهل كل خير
والله اذا كنت صامل على الشريه ..... عطي الله الشتاير .... الموووووت
تفضخ راس الوبر فضخ ...
وهذا رايي تحياتي لك

zafr7432

15/06/2006, 01:55 PM

اخوي عاشق النحم
السلام عليكم ورحمة الله وبركاته
انصحك بالخرازه الالمانيه الكريكو الطويله النوع القديم ولا البرنو من موديل 89الى 90 ولا البرنو الجاكور
هذه من واقع تجربه والله يوفقك وتحصل اللي تبغاه ومقصروا الاخوان بالردود
ولكم تحياتي جمعياً

الجنوبي2000

17/06/2006, 02:58 AM

أولا يا شباب البندق إللي قيل أن العراقي رمى فيها الهيلوكوبتر نوع من أنواع البنادق أم خمس وتسمى البرنوا ومن ميزاتها إنها طويله عن البلجيك ورصاصها رصاص أم خمس أو ما يسمى بالنيمس هذا شي الشي الثاني ترون المعلومه هاذي خاطئة وكانت مجرد دعاية من الجيش العراقي لتحميس الشعب وقد ورد التكذيب في التلفاز .
بالنسبة للخرازات المتعارف علية أن الأفضلية للألمانية لأنها الأقدم والأشهر والتي اثبت جدارتها واتكلم عن الأنواع القديمة منها بالذات
يليها البرنوا ومنها الجاكور ثم البرنوا الطويله ثم البرنوا العاديه وأفضل موديل في البرنوا العادية مو ديل 90 كما هو معروف وأغلب الخرازات تستخدم رصاص 22 مل وتوجد خرازات تاخذ نوع أطول من الرصاص ( نفس رصاص لاخرازه العادية لكن الطول دبل ) وهي قليلة الأن وذلك لندرة رصاصها أرجوا أن اكون أفدت أسف على الاطالة.

هـآوٍي

25/09/2006, 08:24 PM

اخوي عـآشـق آلنجـم عليـك بـآلخرٍآزٍه موٍديـل 97 وٍبس
تحيــآتـي

جي اكس أر 3

28/02/2007, 10:15 AM

السلام عليكم ورحمه الله
شكرأ لاخوان علي هذه المعلومات الجميله لكي تعم الفائده للجميع ،،
انا جربت الخرازه الالمانيه القديمه ام خده لا يعلو عليها شئ ممتازه وقل ماتخطي فيها اما البرنو الجاكور موديل 89 ام ختمين لا تقل جوده عن الامانيه وسبق ان رميت فيها اكثر من 50 طلقه متواصله ويعلم الله لا حراره ولا شي والجكور تعتبر بعد الالمانيه ام خده من واقع تجربتي لهم وفق الله الجميع

الهنتر

04/03/2007, 10:31 AM

ازين خرازه هي كوخ الالمانيه نصف اتمتيك

قناص شدا

05/03/2007, 04:15 PM

عندكم بعد الانشز الالمانية مونت كارلو من افضل الخرازات كحلو عيونكم فيها
http://www.alramay.com/up/03-2007/alramay_10795344.JPG

BlueSky

06/03/2007, 01:29 PM

http://www.mekshat.com/vb/images/avatars/46.gif (http://www.mekshat.com/vb/member.php?u=9490)أخو منيرة (http://www.mekshat.com/vb/member.php?u=9490) http://www.mekshat.com/vb/images/statusicon/user_offline.gif vbmenu_register("postmenu_182027", true);

عضو مكشاتي

راجع الخاص طال عمرك

دغيم

07/03/2007, 06:59 AM

أخواني
أزين خرازه بكلام الصيادين هي الالمانيه كريكو موديل 71
في السعوديه وهي المتميزه وتجدها عند البوارديه
الي يعرفون السلاح .بس المشكله الزينه محد يبيعها.

thwayni

12/05/2007, 11:21 PM

يحسرت وين الخرازه الي شهر ادور محصلة
thwayni@hotmail.com

البدر900

12/05/2007, 11:30 PM

من خلال تجربتي البسيطه في الخرازات مامر علي مثل خرازه تشيكيه موديل 94
وهي نادره جدا وعلامتها صاموله تاتي في مقدمة البندق من اجل تركيب كاتم الصوت اللي عنده مثل هانوعيه يرسلي على الخاص وشكرا

علاوي مجدر

18/05/2007, 10:15 AM

[quote=سعود مسعود]اثبت المزارع العراقي جداره البرنو وصاد صيد د سسسسسسسسسسسسسسسم
الصيا د اسمه منقاش او ابو منقا ش والصيده كا نت ابا تشششششششششششي امريكيه
وهذا اكبر دليل على قوتها......والصور كانت اكبر دليل[/quote

هذا غير صحيح -- عندما سقط حكم صدام الله يرحمه -- ضهر الشيبه ابو منقاش وقال التصريح اللي ذكرته غير صحيح

((الخالدي))

19/05/2007, 03:02 PM

أفضل أنواع البرنو يقال لها جاكور

سرااب

20/05/2007, 10:41 AM

السلام عليكم
ما طلعت الصورة طالع مربع بوسطه اكس

صلفان.نجد

20/05/2007, 10:47 AM

افضل خرازه على الاطلاق هي الونشيستر العاديه خمس طلقات وسعرها فوق خمسة الاف.

ابوفهدالعماري

06/06/2007, 11:59 PM

السلام عليكم ورحمة الله وبركاته
اخواني اريد رأيكم في الخرازه الالمانيه م525 والقيمه المعقوله لها

حب الوطن

07/06/2007, 12:02 PM

ازين خرازه عندي ( ام خده ) القديمه وقريبا

انزل لها صوره ان شاالله

خالد555

21/08/2007, 12:52 PM

الله يعطيكم العافية

saad7770

20/09/2007, 12:35 AM

السلام عليكم ورحمة الله وبركاته

انا عندي خرازه امريكيه ام 10 مخزنها مثل الرشاش لها عندي اكثر من 13 سنه لاصيانه ولا يحزنون

جاك العلم

22/09/2007, 02:39 AM

افضل الخرازات هي الالمانيه ام خده هذي هي التوب

اهم شي تكون الماني

الان نزل نوع جديد منها ممتاز ومجرب رميها مايتغير ابد وخفيفه جدا

بن فلاح

02/01/2008, 04:40 PM

معروض علي خرازة المانية anschtuz موديل 1451 وش رايكم زينة بمخسة الاف

mddrrra

19/01/2008, 08:46 PM

انا عندي خرازه الماني بخده نيشانها صغير ينطبق على الماسوره بعد الرمي ويقال لها قناصه ترمي سريع وبطي لها طارقين بهذلوني الربع عنده تنصحوني ابيعها وبكم والا اعتذرهم

info

20/01/2008, 09:28 AM

hr
أيضاً من أشهر الخرازات و إلي أثبتت جدارتها هي البرنو
و أفضل أنواع البرنو يقال لها جاكور

وطبعاً الخيار لك

وين يبيعونها في الرياض

رصاصة طائشه

22/01/2008, 09:45 PM

والله تبي الكلام اللي يجمد على الشارب

اذا انت ولد نعمه فعليك بالالماني ام خده قديم بس وين تلاقي وترى سعرها نار ياحبيبي نار لكن خذلك سلاح 0

او اذا انت سوداني ومافيك حيله كل شوي تعبي مخزن مالك الا الامريكي 16 طلقه عادي وابعد عن التوماتيك منظر و خدمه و على الناظور شياكه اوي اوي اوي وعليها بعد في المدى و حديدها من النوع القوي ولا تاخذ الا القديمه منها يعني تقريبا 20 سنه ولا تتردد ابد سعرها التقريبي 4000

واذا انت حق جبال وطلعات ونزلات وشيل وحط فمالك الا البرنو ام ثلاث اختام 94-97 خفيفه وقويه ودقيقة الاصابة بدون ناظور (( تلقط عين الحنش )) على قولتهم 0 وسعرها تقريبا مابين 3500 -4500

واذا تبي شغل نظيف ورخيص فلا تبتعد عن حدود البرنو اقل من 97 سعرها مابين 2400-3000

وعقلك براسك وتعرف خلاصك واهم شي الاخلاق

وخير الكلام ماقل ودل واخر القول القول الفصل

اتمنى اني افدتك ولا هانوا الاخوان اللي ردوا قبلي فردودهم جميله جدا ومفيده كلا حسب خبرته واقتناءه للسلاح واعذرني على الاطاله

شكرا اخوي

الكدري

21/03/2008, 10:35 PM

السلام عليكم ورحمة الله وبركاتة
مشكلتي بخرزاتي برنو 98 ركبت عليها دربيل ألماني وصارت مرة تصيب وعشرمرات ماتصيب ماهو الحل وهل لهاصيانة دوريه

حسين2002

22/03/2008, 12:02 AM

افضل خرازة برنو جاكوار 98 ريشة ذهبية

taag1

22/03/2008, 12:18 AM

اخوي الكدري حياك الله البرنو مثل الددسن على قولتهم ماتبيد ولها صيانه اذاكانت فيها مشكله اما الدربيل يبيبله موضوع طويل نتكلم فيه عن الدربيل
(مقاس وماركه وقواعده وطريقة تركيبه)وبعدين الدربيل وانت ابخص مني حساس يبيله واحد يداري عليه ويحافظ عليه بقوه ولايهمله وماتتغير وزنته ..
اتمنى اكون افدتكم والله تعالى اعلى واعلم ....

نجم الوادي

22/03/2008, 12:26 AM

برنووووووووووووووووووووووووو وبس والدربيل ترى يبيله واحد مختص يوزنه

taag1

22/03/2008, 12:31 AM

اما من ناحية افضل الخرازات فهي الأولى وبجداره الكريكو الألمانيه ام اصبع وموديلها 302....
يليها الأنشيز الألمانيه وهي ماطرحت في الأسواق الا من فتره ليست بالبعيده ...
ويليها الروجر الأمريكيه الصنع فهي سلاح مميز وخفيف وقصير وذات جوده عاليه ودقه في التصويب ...
ثم يليهم البرنو واما ادراك ما البرنو والموضوع فيها يطول .....
والله تعالى اعلى واعلم فوق كل عالم .. التمنى اكون وفقت في هذا الطرح واعتذر على الإطاله ....
تقبلوا تحيتي وتقديري .......
اخوكم / ابوابراهيم

أقلط

30/04/2008, 02:50 PM

يرفع للفائدة . مع الشكر لصاحب الموضوع

اما بالنسبة لي . افضل خرازة بعد ام خدة

الفرنسية أم عشر

تحياااااااااااتي

ولد عوف

27/06/2008, 04:01 PM

السلام عليكم ورحمة الله وبركاته
أريد أن أعرف أزين دربيل للخرازه لجل طفشت من كثر أخذ طربيل وأوزنه ويخرب أريد أزين دربيل
والله يعطيكم العافيه

عاشق تمير

27/06/2008, 07:42 PM

ازين خرازه عندى الامانيه
تجى اتماتكيه وعاديه (ام اصبع )
بس عيبهن قطع الغيار صعب التحصيل ( بس ما تخرب الا بالشديد القوى باهمال التنظيف والتخرين السىء)
تراها بالرمى تنعش

كلام صحيح :good: :good: :good: :good: :good:

عاشق الفرينشي

03/11/2008, 01:03 PM

افضل خرازه هي الألمانية أم خدة القديمه تجي ام خمس بس عليها ركادة بالرمي شيء خيالي ولكن نادرة اللي معاه ما يفرط فيها بتاتاً

تحياتي

ابوجبر

03/11/2008, 10:49 PM

اخوي يالالمانيه
او البرنو الجااكور لاتتعدى

ابو بشت

14/12/2008, 04:27 PM

يا شباب اللي عنده برنو 98 جديد يراسلني على الخاص

بوشاهين2006

20/12/2008, 12:31 PM

عليك بالالمانية ام خد الصراحة ماعليها كلام

salimasq

20/12/2008, 03:33 PM

ياشباب اللي يخبر لي برنو 97 بالشرقية أو بالرياض أنا شراي

رويلي وافتخر

22/12/2008, 12:36 PM

نوع السلاح من المستخدم : انا خرازتي جيكي واتحدى تحدي فيها باللي تشوفه عيني مهما كانت مسافته وبدون دربيل .... بس بشرط ان الفشق مايكون بلغاري

المقلع 9

24/12/2008, 02:26 AM

ياشباب لاهنتوا كم اسعار البرنو بأنواعها الثلاثة ؟

ووين احصلها في الرياض ؟

لكم الشكر..

حايز الصيد

21/01/2009, 07:05 PM

انا عندي برنو موديل 89 اللي تجي الشعيره دائريه مثل الالمانيه القديمه ام خده مكتوب عليها الماركه تشيك سلوفاكيا وليست سلوفاكيا فقط زي المديلات الجديده ماشا الله عليها ماتحتر ولا تخطي

حايز الصيد

21/01/2009, 07:06 PM

عفون وليست تشيك

قانوص قديم

22/01/2009, 12:23 AM

1 - الساكو فنلنديه 2- وولتر ألمانيه 3 - آنشوتز مونت كارلو ألمانيه تعرف بأم خده 4 - كريكو ألمانيه 5- سي زد برنو تشيكيه - يجي منه نوع مافيه نياشين مصممه للدربيل فقط إحرص عليها - وطبعا هذيل كلهم أم أصبع أبعد عن التماتيك وطيب الخرازه بخف زندها وثقل سبطانتها - الساكو وبس بلا منازع

قانوص قديم

22/01/2009, 12:53 AM

عزيزي legend جرب الساكو havy barel تراني جربت كل الخراريز وأغلبهم عندي ومرخصين ولله الحمد مثل الساكو ماشفت دقه صناعه فخامه زند الأنشوتز أنواع الطيب منها المونت كارلو تحفه شكل وزن زند خشب فاخر بس مثل الساكو ماااااااافي للعلم مآ أحب التماتيك :no2:

القرم كوم

15/03/2009, 05:28 PM

وش رايكم في الخرازة الروسية من الي جربها منكم

القناص5555

16/03/2009, 01:42 AM

عليك بلبرنو من 93 وتحت علا ضمانتي

الشقروى

25/09/2009, 04:41 AM

ياشباب اللي يخبر لي برنو 97 بالرياض أنا شراي
بس اهم شي تكون نظيفة والسعر مانختلف عليه
اهم شى تكون جديدة اواخت الجديده

الدبلان 612

25/09/2009, 06:20 AM

مشكور على المعلومات

يس اخونا عاشق النحم يبي خرازة للصيد

واللي صاد فيها المزارع العراقي نوع من انواع البرنو بس ماهي الخرازة اللي عندنا

هذي نسميها عندنا بالمملكة (( شاخوفة ))حقت المزارع

وفشقها تقريبا يجي مثل طول فشق الرشاش الجثري

واللي يشوفها ما يقول هذي خرازة

واذا كان في كلامي اي خطأ ارجو تعديله

وانت يا عاشق النحم

ما اوصيك بالبرنو 97

تراها زينة وتتحمل معك اذا كنت محافظ عليه

وتروح مسافة ما بين 1000 متر _ الى 1500متر

وانا اعرف واحد من اخويايله سنة كاملة يرمي فيهاولا زيتها ولا شي والى الحين مضبوطة (( يدل على تحملها))

اتمنى اني اكون افدتك

في اكس ار

25/09/2009, 07:20 AM

تصدقون اني انقهرت

ياخي ما افيه احد جاب طاري للـبرنو التشيكه مديل 96 الطويله
والله ان وزنها ووزن الفايروخ الـ 35 واحد ما فيه الافرق بسيط

وانا شاريها من حوالي 8 سنوات جديده ما شاء ولله الحمد ما ضيقت صدري الا مره وحده حطيت فيها فشق فلبيني وانفجر في البندق وخرب السعفه وصلحتها بس

مقناص العتيبي

25/09/2009, 09:06 AM

افضل خرازه برنو ولادور غيرها نصيحه مني

الساطع

25/09/2009, 10:46 AM

على فكره بالنسبه لبندق البرنو لايوجد فرق بين موديل 97أوموديل 2001 أوموديل 2005أنا جربت عدة موديلات ولم أجد فرق في الجوده وفي دقة التصويب كلها ممتازه وضني الإخوان ركزو على موديل 97 وكلها دعايه فقط جميع الموديلات تصنع في مصنع واحد ومن شركه واحده كيف شركه عريقة في صناعة الأسلحة تنجح في صناعة موديل وتفشل في صناعة موديل بعدين الموديل 97 خاص بسنة الإنتاج فقط وليس له علاقة بموديل البندق وفهم يافهيم

سعدالعلي

25/09/2009, 11:15 PM

اذا فلوسك واجده عليك بلمارلين الامريكيه ام سبع طلقات و16 لولب والله ان تدعي لي ونا اتحدي اي واحد يقارنها باي خرازه واسئل اهل الصنف

ابو رائد نت

25/09/2009, 11:21 PM

النصيحه اليوم بلاش وبكره بفلوس والله اني احبلك مثل ماحب لنفسي عليك بالبرنو من موديل 94الي99وتوكل على الله

PATROL

26/09/2009, 04:15 PM

السلام عليكم ورحمة الله وبركاته
يااخوان من خلال تجربتي افضل شي وبالترتيب كالتالي:
1-ام خده الالمانيه : دقه في التصويب-تسوق اكثر من غيرها-ماتحتر الماصوره ولايتغير رميها مع كثرة الرمي ولكنها اثقل وزن من البرنو التشيكيه يعني بالعربي يبي لها واحد متزن ويثبت البارود صح وايضا سعرها غالي جدا.
2-البرنو التشيكيه من موديل 90 الى 97: ممتازه جدا دقه في التصويب لدرجة اني احطها بعين الضب من بعيد واحسن شي يميزها انها خفيفه الوزن مقارنه في غيرها ويسهل تثبيتها وسعرها ارخص بكثير من ام خده الالمانيه ولكن انتبه لاتاخذ موديل 98 وطالع لاني جربتهن وماينفعن بريال وذلك بسبب عدم الدقه في الاصابه مثل الموديلات القديمه اضافتا الى انها مع كثر الرمي تحتر ويتغير رميها.
يعني نصيحتي اللي يبي يشتري ياخذ برنو تشيكيه موديل 90 الى 97 لانها ممتازه ورخيصه.

سعودأبوفهد

26/09/2009, 06:23 PM

ام خده الالمانيه كركا 71

خوي الجيب

26/09/2009, 10:54 PM

السلام عليكم ورحمة الله وبركاته
وش رأيكم في خرازة 2008 برنو جديدة .

مطارد القمري

19/04/2010, 01:25 PM

السلام عليكم ورحمة الله وبركاته
اخواني ابي افضل دربيل خرازه لئني ان شاء الله بكرى او بعده ابي اشتري من القصيم والي خابر من اهل القصيم
دربيل زين عند المحلات ليبخل علي تكفون ابي الرد بسرعه

أبوجهاد التبوكي

13/01/2011, 12:48 AM

أفدتوني الله يجزاكم خير...

اخو سعود

13/01/2011, 03:20 PM

غباااااااااار 2003

Faisal_1

13/01/2011, 04:09 PM

انا وعن تجربه عندي ونشستر صناعه 1948 م بس ماشاء الله ماعليها كلام وجربت عليها انواع الفشق نفس التصويب ماشاء الله وهذا رابط لها
7J-OBL0_SnY

ولا اعرف بالحقيقه ترتيبها بين الخرازات لان هي الوحيده الي جربتها :good2: