استفسار عن موقع

[حفراوي 3]

السلام عليكم ورحمه الله وبركاته ، اخواني المكشاتية اللذين يجوبون البراري والقفار في الليالي الموحشة والمغابيش ، كنت انا وزميل لي خرجنا لرحلة صيد الضبان يوم 1438/8/7 وعند وصولنا لدوار حفر العتش ذهبنا الى جهة التنهات وصلنا الى شيب التنهات عبينا موية بالجراكل اللي معنا وانطلقنا خلف شيب التنهات يعني خلينا الشيب خلفنا بالضبط ورحنا بهالاراضي وصدنا عشر ضبان وبعد ماخلصنا وحنا راجعين للرياض ضيعنا الطريق فالبر وبالمارية مسكنا ردمية كلها نفود وعليها عواميد الكهرب ضغط عالي ونزلتنا على مكان كله عشب وقلنا بس وصلنا التنهات وهي مهي التنهات مشينا شوي قدام الارض صارت وعر بقوة خفنا على السيارة بس كملنا لين وصلنا الى شعيب مليان ماء وفاضي مافيه احد وكله شجر وجميل جدا جدا جلسنا شوي ومشينا ابي الافادة منكم هذا هذا شعيب الشوكي ولا شعيب ثاني لان سألنا كذا شخص وكل واحد يعطينا اسم وابيكم تفيدوني الله لايهينكم ،

[خالد الشمري20]

السلام عليكم ورحمة الله وبركاته

أول شي الحمد لله على سلامتكم

أخي في الله أوصيك خذ معك قارمن تراه مفيد جدا جدا جدا يدلك ويعلمك الدروب والشعبان والفياض والروضات والجبال وأسماء المناطق وأشياء غيرها كثيرة في أي مكان تكون فيه

ولو كان معك قارمن وقتها كان عرفت وين كنتم فيه

أتمنى لك التوفيق

[حفراوي 3]

السلام عليكم ورحمة الله وبركاته

أول شي الحمد لله على سلامتكم

أخي في الله أوصيك خذ معك قارمن تراه مفيد جدا جدا جدا يدلك ويعلمك الدروب والشعبان والفياض والروضات والجبال وأسماء المناطق وأشياء غيرها كثيرة في أي مكان تكون فيه

ولو كان معك قارمن وقتها كان عرفت وين كنتم فيه

أتمنى لك التوفيق

الله يسلمك يالذيب وانشهد القارمن مهم بس حنا مانعرف الى حط الشمس على حجاجك الفلاني وتوكل هههههههههههههههههههههههههههههه يعطيك العافية وشرفني مرورك يالسنعوسي .

[Al3rands]

سياره وحده وهذا شغلكم ستر الله عليكم الظاهر انه الشوكي ولا شعيب حفر العتش القارمن ولو غلا سعره حياتك اهم

[سهيل 990]

السلام عليكم
استاذ خالد اسمح لي بسؤال عن افضل قارمن للبر اولا ثم للمدن ابيه بشكل دقيق جدا كذالك الطرق غير المزفلته سواء ردميات والا قطع نفود وسهال
علما بأني جديد ولاسبق لي وجربت اي جهاز
وشكرا