أفضل أنواع الكفرات للـ لاند كروزر Gxr شارك برأيك الله يسلمك

[راعي الفورت]

مثل مافي العنوان


المطلوب رأيكم في أفضل أنواع الكفرات لللاند كروزر ؟

نريد آراؤكم وتجاربكم ومقترحاتكم

يا شباب لا يبخلون علينا...

الموضوع مهم والتجربه خير برهان

[عاشق النوكيا]

عليك باللي جا معها شد بلدها . دنلوب

[ابوعبدالهادي]

مشلان وبس
قوة بدون صوت

[الصمصام]

سلام عليكم
شف اخوي انا فريت اغلب المحلات
ولا حصلت غير نوعين من وجهت نظري انها الزينه

الاول مشلان وغير متوفر الا بعد شهرين هذا كلام الوكيل مقاس 17 اما 16 فموجود

الثاني نوع تويو ياباني وضمان سنة مكتوب علية 4x4واسمة كنتري وأهم ما عندك اذا جيت تاخذ كفرات عدة اشياء

1- سنة الصنع ويتبعها رقم من خانتين هو رقم الاسبوع الذي انتجت فيه مثل 38 او24 وكذ قسمها على اربعه يعطيك الشهر
الذي انتجت فية واحرص علئ ان يكون ماله اكثر من شهرين الى ثلاثة
2- درجة الحرارة temperature احرص على ان تكون بتقييم A لان ديرتنا وقت الصيف ماترحم خاصة اذا مسكت خط
3-السرعة كذالك احرص انها تكون عالية قدر الامكان من باب الحرص وليس التشجيع عليها ومثل ما حصلت في التويو مكتوب علية
440 وعلى الدنلوب 180 للفرنسي والياباني 220
4- الصوت وهذا يفيدك فية صاحب تجربة او البنشري وانا ركبت التويو من بعد الدنلوب والله فرق السماء عن الارض
يارجال تبغى تديور صوت الدنلوب يسمعونة هل الشارع كلة فضيحة والتويو صاااااااااااااامت

ملاحظة التويو فيه نوع مكتوب علية4X4 والثاني عادي وعلى ذمت صاحب المحل يقول4X4 هذا مخصص للي راعي بر ويقلل من استخدام الدبل
وانا جربتة في الطعوس فية فرق لاكن بسيط ولا بعد جربته في وعر

واخيرا تبقئ مشورة والله يعطيك خير ماتختار ويكفيك شرة

[مشغول]

هلا والله براعي الفورت

الله يحفظك انا جربت اربع انواع

جربت المشلان وهو يجي بالدرجة الأولى
وجربت التويو ممتاز ويجي بالدرجة الثانية
وجربت الدنلوب ممتاز ويجي بالدرجة الثالثة
وجربت اليوكوهاما تعبان ولا انصح به وقاسي وتوني مركبه الكفر 330 ومن القهر ودي ابيعه

وانا انصحك بالمشلان ..

وهلا بك

[.أبوعبدالرحمن]

اخوي والله منتب جاي ابخص من اغلب الناس ولا الوكالة دنلوب هو الافضل




وانا والله وماتكلمت الا من تجربة

[aziz2727]

دنلوب
وسلامتكم

[أبوطلال2007]

يا أخوان وين راح البرجستون ما تشوفون انه طيب ...

[راعي الفورت]

عليك باللي جا معها شد بلدها . دنلوب


تسلم يالغالي أن معك


إلنكرف شد بلدها وش يغير الواحد هل أرجع لنفس النوعيه

والله يحييك

[راعي الفورت]

مشلان وبس
قوة بدون صوت


حياك الله اخوي

احسنت وهذا النوع أثبت قوته ولكني لا أفضله بسبب القساوة

[الحر123]

دنلوب وبسسسسسسسسسسسسسسسسسسسسسسسسسسسسسسسسسسس
وعر+رمل+خطوط+تجربه اربع طقوم كفارات+ كلششششششششششششششششششششششششش
وسلمتكم
اخوكم المكشاتي:الحر123

[راعي الفورت]

سلام عليكم
شف اخوي انا فريت اغلب المحلات
ولا حصلت غير نوعين من وجهت نظري انها الزينه

الاول مشلان وغير متوفر الا بعد شهرين هذا كلام الوكيل مقاس 17 اما 16 فموجود

الثاني نوع تويو ياباني وضمان سنة مكتوب علية 4x4واسمة كنتري وأهم ما عندك اذا جيت تاخذ كفرات عدة اشياء

1- سنة الصنع ويتبعها رقم من خانتين هو رقم الاسبوع الذي انتجت فيه مثل 38 او24 وكذ قسمها على اربعه يعطيك الشهر
الذي انتجت فية واحرص علئ ان يكون ماله اكثر من شهرين الى ثلاثة
2- درجة الحرارة temperature احرص على ان تكون بتقييم A لان ديرتنا وقت الصيف ماترحم خاصة اذا مسكت خط
3-السرعة كذالك احرص انها تكون عالية قدر الامكان من باب الحرص وليس التشجيع عليها ومثل ما حصلت في التويو مكتوب علية
440 وعلى الدنلوب 180 للفرنسي والياباني 220
4- الصوت وهذا يفيدك فية صاحب تجربة او البنشري وانا ركبت التويو من بعد الدنلوب والله فرق السماء عن الارض
يارجال تبغى تديور صوت الدنلوب يسمعونة هل الشارع كلة فضيحة والتويو صاااااااااااااامت

ملاحظة التويو فيه نوع مكتوب علية4X4 والثاني عادي وعلى ذمت صاحب المحل يقول4X4 هذا مخصص للي راعي بر ويقلل من استخدام الدبل
وانا جربتة في الطعوس فية فرق لاكن بسيط ولا بعد جربته في وعر

واخيرا تبقئ مشورة والله يعطيك خير ماتختار ويكفيك شرة


ما شاء الله عليك كفيت ووفيت والحقيقة مثل ما ذكرت في الملاحظات اللي تغيب عن بال الكثيرين

لكن التويو مهوب خفيف يعني ما يتحمل الوعر

وتسلم يالغالي

[راعي الفورت]

هلا والله براعي الفورت

الله يحفظك انا جربت اربع انواع

جربت المشلان وهو يجي بالدرجة الأولى
وجربت التويو ممتاز ويجي بالدرجة الثانية
وجربت الدنلوب ممتاز ويجي بالدرجة الثالثة
وجربت اليوكوهاما تعبان ولا انصح به وقاسي وتوني مركبه الكفر 330 ومن القهر ودي ابيعه

وانا انصحك بالمشلان ..

وهلا بك


حيا الله المشغول وشلون ترد وانت مشغول ههههههههههههه

واللي ذكرته من هالتصنيف ما هو غريب لأن التجربه خير برهان واللي يجرب أكثر من نوع هو اللي يحكم ويكون أقرب للصواب....

شاكر ومقدر مرورك

[راعي الفورت]

اخوي والله منتب جاي ابخص من اغلب الناس ولا الوكالة دنلوب هو الافضل




وانا والله وماتكلمت الا من تجربة



يا سلام عليك وانت أبخص لأن التجربه

مثل ما يقولون خير برهان

شاكر مرورك وردك الطيب

[راعي الفورت]

دنلوب
وسلامتكم



شكله كذا ما لها إلا دنلوب لأن الردود واضح منها الدنلوب أفضل

وتسلم يا عزيز

[راعي الفورت]

يا أخوان وين راح البرجستون ما تشوفون انه طيب ...


يا هلا وغلا با بو طلال
ما ودي أرد لكنك طيب وأحب الرد على الطيبين

قاهرني يمسح بسرعه ولو تاطى عليه حجر انشق

[عاشق النوكيا]

تسلم يالغالي أن معك








إلنكرف شد بلدها وش يغير الواحد هل أرجع لنفس النوعيه


والله يحييك

الله مير يسلمك أنا غيرت الدنلوب مرتين ومرتاح معه علشانه شد بلاده ومثل ماقال أخوي الصمصام صوته مزعج لكن السؤال اللي يسدح نفسه هو إنت بتديور طول الوقت في الحاره؟ مالك إلا الدنلوب أنا نزلت الهواء مابين 10 و 20 ومشيت عليه من مفرق سعد حتي الشميسي في الرياض ولاجاه شي .

[aziz2727]

بس انتبه وانا اخوك
فيه وارد الامارات وفي وارد بن زقر
خذ طال عمرك وارد بن زقر وموقع بن زقر في شارع الضباب تعرف مطعم ماما نوره تخليه على يسارك وانت متجه لتقاطع خريص بتشوف المحل على يمينك
والله يوفقنا واياك وكل مسلم

[وين يبون بنا]

السلام عليكم ورحمة الله ..الاخ مشغول .. اتوقع اليوكوهاما فيه نقشتين .. نقشه جت على موديلات 2002 وهذي مزعجة جداً .. لكن فيه نقشة ثانية نزلت واشوف واحد من الربع ركبها وهادية مافيها ازعاج وزينه وليييينه ..

انا والله ركبت دنلوب طقمين وناوي على الثالث ورحت ليوكوهاما قالوا يبي يجي بعد اسبوعين .. الدنلوب مشكلته القساوه .. يكسر الظهر الصراحة ..

لكن السؤال يا أخوان .. ودي بكفرات اكبر شوي غير البالون .. عجزت لا احصل الا ميشلان مقاس كفرات اليوكون لكن عيبه انه 265/75/16 مرتفع وحلو لكن عيبه انحف شوي من العادي ولا لقيت 275/75/16 ياليت اللي جرب قبل او حصل مثل هالمقاسات ينورنا .. وسلامتكم .

[الدحبول]

ان كنت راعي ديره وخطوط ميشلان 275 \ 16 \ 70
الاسعار ميشلان ب 500 الاطار الواحد 500x4 = 2000
راعي بر دايم الدنلوب 275 \ 16 \ 70

ب380 380x4 = 1500

[ابو عاذر]

الدنلوب ممتاز وقوي ( عيبه أنه قاسي )ويعتمد عليه ولكن أحذر من الدنلوب المورد من الامارات دبي فهي غير جيدة وعليك بالدنلوب وراد بن زقر ضمان وأعتمادية ومواصفات مطابقة لمناخ المملكة .

وهنالك كفرات ممتازة وقوية ولينة وهي كفرات الهنكوك كوري أصلي ليس فيه تقليد أنا أستخدمتها قوية وعملية مستخدمها على جيب هدد مقاسها 245/85/16 نقشة شاهين جداً رائعة ووكيلها ممتاز في التعامل والاسعار والخدمة (( وكيلها بن شيهون لهم محل على طريق خريص وأنت متجه شرق بعد العليان ))

مع تحيات اخوك ابو عاذر

[راعي الفورت]

بس انتبه وانا اخوك
فيه وارد الامارات وفي وارد بن زقر
خذ طال عمرك وارد بن زقر وموقع بن زقر في شارع الضباب تعرف مطعم ماما نوره تخليه على يسارك وانت متجه لتقاطع خريص بتشوف المحل على يمينك
والله يوفقنا واياك وكل مسلم


صدقت

وتسلم والوصف واضح


والله لا يحرمنا من خيرك

[راعي الفورت]

السلام عليكم ورحمة الله ..الاخ مشغول .. اتوقع اليوكوهاما فيه نقشتين .. نقشه جت على موديلات 2002 وهذي مزعجة جداً .. لكن فيه نقشة ثانية نزلت واشوف واحد من الربع ركبها وهادية مافيها ازعاج وزينه وليييينه ..

انا والله ركبت دنلوب طقمين وناوي على الثالث ورحت ليوكوهاما قالوا يبي يجي بعد اسبوعين .. الدنلوب مشكلته القساوه .. يكسر الظهر الصراحة ..

لكن السؤال يا أخوان .. ودي بكفرات اكبر شوي غير البالون .. عجزت لا احصل الا ميشلان مقاس كفرات اليوكون لكن عيبه انه 265/75/16 مرتفع وحلو لكن عيبه انحف شوي من العادي ولا لقيت 275/75/16 ياليت اللي جرب قبل او حصل مثل هالمقاسات ينورنا .. وسلامتكم .


حياك الله ونورت يا وين يبون بنا

والله اسمك حلو تبيعه هههههههههههههه

والدنلوب مثل ما قلت عيبه القساوه لكن يتحمل

وأتمنى من الاخوان اللي عنده خبر يفزع لك..

وين أخونا عبودكم ترا له تجربه مع الكفرات

الله يستر علينا وعليه

[راعي الفورت]

ان كنت راعي ديره وخطوط ميشلان 275 \ 16 \ 70
الاسعار ميشلان ب 500 الاطار الواحد 500x4 = 2000
راعي بر دايم الدنلوب 275 \ 16 \ 70

ب380 380x4 = 1500


هلا وغلا بك يالدحبول

راعي بر طال عمرك

والدنلوب مثل ما قلت هو اللي على البال

والله يسهل الأمور للجميع

[راعي الفورت]

الدنلوب ممتاز وقوي ( عيبه أنه قاسي )ويعتمد عليه ولكن أحذر من الدنلوب المورد من الامارات دبي فهي غير جيدة وعليك بالدنلوب وراد بن زقر ضمان وأعتمادية ومواصفات مطابقة لمناخ المملكة .

وهنالك كفرات ممتازة وقوية ولينة وهي كفرات الهنكوك كوري أصلي ليس فيه تقليد أنا أستخدمتها قوية وعملية مستخدمها على جيب هدد مقاسها 245/85/16 نقشة شاهين جداً رائعة ووكيلها ممتاز في التعامل والاسعار والخدمة (( وكيلها بن شيهون لهم محل على طريق خريص وأنت متجه شرق بعد العليان ))

مع تحيات اخوك ابو عاذر


حياك الله يا بو عاذر

أنا صممت على الدنلوب إن شاء الله

أما الهنكوك فهي مثل ما قلت ممتازه ولكن مشكلتها اللين بزود

[الكاسر23]

اخوي راعي الفورت
اذا تدور المقاس، فهو مذكور في داخل باب السواق.
اما اذا انك تدور النوع والماركة، فابدأ بالدنلوب بس لا تاخذه الا من عند وكيله، لان سوق الكفرات يخوف ، فيه من البلاوي ما فيه، كثير من الكفرات الجديدة معاد تصنيعها، ووكلاء تعبوا من هالكفرات المستخدمة المعاد تصنيع دعستها.
لذلك انتبه اذا شريت ان يكون الضمان شامل ضمان عدم انسلاخ الكفر مدى الحياة. لان هذا العبارة تؤكد لك انه كفر اصلي غير معاد تصنيعه، لان الكفرات المعاد تصنيعها تنسلغ دعستها من الحمل الزائد والحرارة الزائدة، وطبعا طبيعة الجو عندنا ثلج بالمرررررررة :)
والله يوفقك
اخوك
الكاسر23

[ابو عاذر]

حياك الله يا بو عاذر


أنا صممت على الدنلوب إن شاء الله

أما الهنكوك فهي مثل ما قلت ممتازه ولكن مشكلتها اللين بزود



أختيار مناسب وفقك الله

مع تحيات اخوك ابو عاذر

[راعي الفورت]

اخوي راعي الفورت
اذا تدور المقاس، فهو مذكور في داخل باب السواق.
اما اذا انك تدور النوع والماركة، فابدأ بالدنلوب بس لا تاخذه الا من عند وكيله، لان سوق الكفرات يخوف ، فيه من البلاوي ما فيه، كثير من الكفرات الجديدة معاد تصنيعها، ووكلاء تعبوا من هالكفرات المستخدمة المعاد تصنيع دعستها.
لذلك انتبه اذا شريت ان يكون الضمان شامل ضمان عدم انسلاخ الكفر مدى الحياة. لان هذا العبارة تؤكد لك انه كفر اصلي غير معاد تصنيعه، لان الكفرات المعاد تصنيعها تنسلغ دعستها من الحمل الزائد والحرارة الزائدة، وطبعا طبيعة الجو عندنا ثلج بالمرررررررة :)
والله يوفقك
اخوك
الكاسر23


مشكور يالكاسر

والكلام اللي قلته صحيح

والحذر واجب والتفقد زين وعدم الاستعجال في تبديل الكفرات أحسن

[راعي الصواريخ]

ميشلان وبس اذا تبي مجرب لمدة 10 سنوات .. واخيرا رسيت علي مشلالالالالالالالان وبس

[بهار]

قمت باستبدال الإطارات بنفس الطراز وهو دنلوب ، علما أني أشتريت سيارتي GXR 2004 في 01/07/2004 ، أي بعد سنتين و نصف و الممشى 64000 كم ، و الهواء في الإطارات نتروجين بسعر 12 ريال للإطار الواحد.

مع ملاحظة أن الوكيل هو بن زقر

[الكاسر23]

اخوي بهار
وش مزايا النتروجين في الكفرات، والا توجد له مساوئ، خصوصا وانك تحتاج تنسيم الكفرات في البر احيانا.

بانتظار الرد .. لاني اول مرة اعلم عن تعبئة الكفرات بالنتروجين.
اخوك
الكاسر23

[عاشق النوكيا]

حياك الله يا بو عاذر


أنا صممت على الدنلوب إن شاء الله

أما الهنكوك فهي مثل ما قلت ممتازه ولكن مشكلتها اللين بزود

بالتوفيق إن شاء الله والله يعطيك من خيرها ويكفيك شرها .

[الجماجمي]

مشلان وبس
قوة بدون صوت
نعم مشلان قوية وممتازة وخفيفة الضوضاء ولكن غير مناسبة للطرق الرملية والطرق الوعرة وعليك بدنلوب شد بلدة فأهل مكة أدرى بشعابها ...... تحياتي

[أبن مصاول]

غريبه الناس قبل كم سنه يقولون مشلان.....ولا غيره !!!!

والآن وبسبب إرتفاع سعر دنلوب يقولون دنلوب والله اني أستخدمت النوعين وقوود يير وأقو ان الأخير أطلق من الأثنين أستخدمته سنتين وبعته في موتري...ولا احسن منه من ناحية الحراره والضوضاء والمطبابت والليونه ماعليه كلام.....

[aboali]

شد البلد دنلوب- يبقى الانسب - حسب التجربه

[مويثل]

اخوي السائل : قلي تضاريس ممشاك .. اقل لك نوع كفرك



اذا رمال وما شابه اعتقد اي كفر مناسب من الكفرات اللي ذكروها الاخوان قبلي

اذا انت ماتطلع من الزفلت ... مشلان مناسب جداً ( للقار )

اذا وعر ( حصى او غاذر يابس ) وهذا المهم في نظري ... فأنا مجرب برجستون ( اللي يجي على جيب الباترول شد بلد ) وهو يركب على جنط لاند كروزر جكسار .. لو لقيت شد بلد اصلي خذه ولا تشاور .. فانا احدثك من تجربة (شرسة جداً) :good:

[راعي الفورت]

الحقيقة إني شاكر للجميع توجيهاتهم ونصايحم ولعل الله ينفع بهالموضوع أخوكم وجميع المسلمين

والتجارب يا جماعة الخير هي أهم شي ولاهي من أول مرة ممكن تجربتين أو ثلاث تكون خبرة في أي مجال

ولا هو عيب إن الواحد يطب ويبلش لكن العيب إنك تجلس تفرج على نفسك بمراية السياره وما تدري وش السواة

عاش الجميع والله لا يحرمنا منكم دنيا وآخرة



محبكم راعي الفرت

[أعـ ـرابـ ـي]

مشــلأان حلووو بس غالي



لان واحد من الشباب جاء بيركبه على باثفيندر قاله صاحب المحل فيه نوعين

واحد بـ 630 الكفر الواحد وواحد ب 530 على ماظن بس المشلان حلو



والدنلوب حلو ماعليه

[بهار]

اخوي بهار
وش مزايا النتروجين في الكفرات، والا توجد له مساوئ، خصوصا وانك تحتاج تنسيم الكفرات في البر احيانا.

بانتظار الرد .. لاني اول مرة اعلم عن تعبئة الكفرات بالنتروجين.
اخوك
الكاسر23

النتروجين معروف أنه يستخدم في التبريد ، بل أنه في صفته النقية ثلج و لو لا مسه أحد مباشرة لاحترق جلده ، و ميزته حسب ما سمعت أنه يحافظ على برودة الكفر ، و يزيد من عمره بإذن الله ، و ميزة أخرى لاحظتها هو أنك تجد راحة في السيارة عند الممشى حتى على الطرق الوعرة ( أي نعومة في القيادة ).

[الكاسر23]

مشكور أخوي بهار على هالمعلومة الجديدة

والله يصلح للكفرات في السفر.

بس تدري وش مشكلتنا .. التنسيم اذا دخلنا رملة.

لكن ما عمري سمعت عن محلات تعبئة النتروجين في الرياض .. اكيد انها بوكلات الكفرات.

تحياتي لك اخوي بهار
اخوك
الكاسر23

[صقر البر]

حلووووووووووووووووووووومره

[صقر البر]

:o برجستون بس

[راعي الفورت]

مشــلأان حلووو بس غالي



لان واحد من الشباب جاء بيركبه على باثفيندر قاله صاحب المحل فيه نوعين

واحد بـ 630 الكفر الواحد وواحد ب 530 على ماظن بس المشلان حلو



والدنلوب حلو ماعليه


تسلم اخوي اعرابي والله السعر غالي بالحيل وصعب الواحد يركب طقم بالهسعر جنان

ومثل ما قلت الدنلوب حلو وما عليه

[راعي الفورت]

حلووووووووووووووووووووومره



وش اللي حلووووووووووووووووومره ؟

[starmoon]

الدنلوب وبس...

[راجح]

الدنلوب تمام ...
البرجستون جربته قاسي جدا ...

[ععععههه]

السلام عليكم
اخوي اختيارك للكفر على حسب استخدامك انت راعي خطوط والا طلعات بر والا راعي طعوس والا في الديره وبس ان كانك في الديره عليك بشد البلد دنلوب وان كانك راعي طعوس يبيلك كفرات لينه اما بالون او هانكوك وان كنت راعي طلعات فلازم كفرات لينه ومريحه عشان ماتكسر الموتر وظهرك لان جنط الاند بثر 17انش كفره كاسي مررررررررررره ويفكك الموتر وان كانك راعي خطوط فحقت بلدها دنلوب تتحمل كلش لاكن قاسيه ولك حرية الاختيار

[aflaj12]

أنا جربت الميشلان صراحة كفرات لايعلى عليها بس عذروبها ماتساعدك في الرمال وجربت التويو صراحة في الرمال ممتاز جدا لكن يذكرون ضعف جوانبه بحيث يسهل انه ينثقب والله يوفق الجميع

[هاوي الله]

أنا جربت البرجستون وممتاز 16/70/275 لكن في البر ( الحدب ) رقلته قاسيه شوي

[عريدان]

الاطارات لها أهمية بالغه وهي تصنع الفرق في أداء السياره على كل أنواع الطرق لدرجة أن إختلاف وزن الهواء بالاطارات كالنقص أو الزيادة قد يسبب مشاكل وصعوبه في القياده.مع عدم الاحساس بالراحة والتوازن. وللإطارات أنواع ومقاسات تتناسب مع مهماتها والسرعات المتوقع السير بها بهذه الاطارات ( وهنا يأتي سر زيادة مقاس الجنط).
لذا إذا كنت تتوقع أنك ممن يستخدمون السيارة باستمرار وبشكل يومي على طرق سريعه وسرعات عاليه تتجاوز 140 إلى 180 كم/س وبشكل مستمر فيجب تغيير إطارات سيارتك بمشلان أو بريللي أو دنلوب جنط 17.
وإذا كنت ممن يستخدم السيارة فقط للرحلات والسير على طرق صحراويه ومعبده بسرعات لا تتعدى غالباً140 كم/س فيمكن أستخدام إطارات دنلوب أو بريدجستون أو تويو جنط 16.
إذا أنت مخصص تلك السياره للرحلات فقط والسير بها خلال طرق رمليه أو وعره و خطوط معبده بسرعات (لاتتجاوز) 140 كم/س فيمكن تغيير الجنط إلى مقاس 15 لتحصل على أسعار منخفضه وأنواع أكثر راحة لكون إطارات مقاس 15 تتسم بالمرونه تجاه خفض أو زيادة ضغط الاطارات ويمكن تغييرها بشكل سنوي. مثل البالون الماكسيس والسيام والقوديير أو الراديال مثل الفايرستون والبردجستون والهنكوك وكلها لا تجاوز 270 ريال للاطار الواحد .
وهناك مهمات خاصه وطرق معينه أثناء الصيد أو التنقيب أو البحث عن مكان أو أثار وهنا يجب تجهيز أطقم مخصصة مناسبه لها :good: لأي إستشاره أنا جاهز وأتمنى ذلك فلا تتردد

[العزيز]

وش رايكم في السيام 900 جنط 16 ؟

[ابو نجود]

انا ركبت طقم بيرللي سعر الواحدة 530 ريال من احد الموزعين بشارع الضباب قبل 4 ايام..لكن للاسف ضرب واحد منها في نفس اليوم اللي ركبته فيه وانا على طريق الشرقية .لكن الحمد لله ما حصل شيء الا خسارة الكفر..والبنشري يقول انك وطيت لك شيء حاد..وانا ما ادري هل كلامه صحيح او لا..لكن لقيت شق في اعلى جانب الكفر..
ابو نجود..

[mds99922]

السلام عليكم ورحمة الله وبركاته أخوي راعي الفورت انا مجرب الدنلوب وهو اللي يتحمل جميع الضروف وتقبل مرووووري

[رقم صفر]

أنا جربت دنلوب .. من عام 2002 .. وقبل أربعة أشهر غيرت إلى ميشلان...

اكتشفت إني كنت ضايع من عام 2002 !!

الكفرات مريحه السيارة ... ولينة بالبر .. وقوية .. وعمرها طويل كما يقول لي أكثر من واحد ...

ولا يغركم إن الوكالة تركب دنلوب .. لأنها تدور الرخيص ...

[Al3a9e]

السلام عليكم ورحمه الله وبركاته
ويــــــــــن راح الشاهين يالربع ماله ذكر والله اني جربت كل الي ذكرتوه ولا لقيت افضل من الشاهين اذا تدور الراحه لك ولموترك سواء حوض ولا غيره والله ماله مثيل بالراحه
واذا جيت بالطعوس يبرد كبدك ويريح موترك حتى الدفرنش ماتحتاجه

وكل الي ذكرتم ماعليهم خلاق لكن مو واقع تجربه الشاهين خفيف وزن على الموتر لكن الباقي فيهم ثقل على غير سنع ويكفيك انه ياباني وعليك بالي تارخه جديد والحق ربعك

وسلامتك