المساعد الشخصي الرقمي

مشاهدة النسخة كاملة : كفرات للددسن..وش تنصحوني فيه؟؟


ابو نجود
12/02/2007, 02:13 AM
الاخوة الاعزاء..عندي ددسن 95 استخدمه غالبا داخل الديرة والمشاوير القريبة..وابي اركب له كفرات..ولقيت البريدجستون الاصلي ب 240 ريال والبريدجستون الاندونيسي ب 185 ..والهنكوك ب 190 ريال..وش رايكم؟
وجزاكم الله خير..
ابو نجود..
.أبوعبدالرحمن
12/02/2007, 10:13 AM
السلام عليكم ورحمة الله وبركاته



اخوي ابو نجود ما هو مقاس الجنط 14 او 15


اذا كان 15 ركب دنلوب 225/70/15



واذاكان 14 ركب يوكوهاما 205/75/14


واتمنى اني افدتك والشباب ان شاء الله يفيدونك
ابو نجود
14/02/2007, 11:59 AM
اخوي عبد الرحمن....مقاس الجنط 14..ولقيت مقاس 185 للموديلات القديمة ومقاس195 للجديدة..ولقيت تويو ياباني ب230 ..وجزاك الله خيرا..
ابو نجود,,,
العنبري1
14/02/2007, 12:06 PM
واذاكان 14 ركب يوكوهاما 205/75/14

من واقع التجربة ولمدة طويلة

يوكوهاما 205/75/14 خط اذا كنت ماترغب في الخط خله داخل

بس لازم تنتبه للتاريخ

تقبل تحياتي
أبو محمود
14/02/2007, 09:30 PM
السلام عليكم ورحمة الله وبركاته..









معي ددسن 2001 ومن يوم شريته قبل أكثر من سنة ونصف وفيه كفرات ميشلان خط (لكني قالبها)...







والواحد بـ 250 أو 240 ريال تقريباً.



وعليها ظمان سنة من المحل اللي مشريَّة منه..









وهي عريضة شوي...











لكنها ولا أروع...









وفي الطعوس ممتاااااازة...









وعن نفسي ما راح أركب غيرها...











وبإمكانك تشوف صورة الكفر مع الجنط في الموضوع التالي





7

7

7











جولة لخريم وغدير الوسيع وحادث يعوق مواصلتها (يوم السبت 8/1)!!!!! (http://www.mekshat.com/vb/showthread.php?t=72051&highlight=%CC%E6%E1%C9+%E1%CE%D1%ED%E3) ( http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=72051&page=1&highlight=%CC%E6%E1%C9+%E1%CE%D1%ED%E3) 2 (http://www.mekshat.com/vb/showthread.php?t=72051&page=2&highlight=%CC%E6%E1%C9+%E1%CE%D1%ED%E3) 3 (http://www.mekshat.com/vb/showthread.php?t=72051&page=3&highlight=%CC%E6%E1%C9+%E1%CE%D1%ED%E3) 4 (http://www.mekshat.com/vb/showthread.php?t=72051&page=4&highlight=%CC%E6%E1%C9+%E1%CE%D1%ED%E3) 5 (http://www.mekshat.com/vb/showthread.php?t=72051&page=5&highlight=%CC%E6%E1%C9+%E1%CE%D1%ED%E3) ... آخر صفحة (http://www.mekshat.com/vb/showthread.php?t=72051&goto=lastpost&highlight=%CC%E6%E1%C9+%E1%CE%D1%ED%E3) )

أبو محمود
قناص مطور
14/02/2007, 10:00 PM
السلام عليكم ورحمة اللة وبركاتة

والله وانا اخوك انصحك نصيحه
انكت تبي تسال اسال اهل البناشر
اما تسالنا عن كفر اعزكم الله
فان اقول انك فاضي
وماقدرت هالرياجيل اللي في المنتدى
هدانا وهداك الله

((بدون زعل )) :d
سيد النشاما..
15/02/2007, 01:42 AM
السلام عليكم ورحمة الله

عندي سؤال وأتمنى الجواب عاجلا ً

بالنسبة في تركيب جنوط 15 على الددسن 90, 92 , 95 , 97 الخ..

معروف أنه يثقل على السيارة شوي ويصرف بنزين أكثر لكن السؤال هنا ...................>>>>>>

هل الكفر كلما كبر يطوي (( ياخذ خطوة كبيرة ))؟؟؟؟؟

يعني مثلا ً العداد يعطي ممشاي 120 ك/م ويكون ممشاي الحقيقي 130 تقريبا ((((((حيث الكفر كبير)))))))؟؟؟؟

بمعنى آخر ددسنين موديل 95 يتجاكرن (( يتساقطن ))
الأول الكفرات والجنوط شد بلد 14 يمشي 180 ك/م طبلونه
والثاني الكفرات والجنوط 15 ويا الله يالله يجيب 170 ك/م

هل السرعة كليهما سواء أو يكون الأول أسرع الذي ممشاه 180 ك/م ؟؟؟؟؟؟؟؟؟؟؟؟؟
شامخ ألهيلا
15/02/2007, 06:23 AM
من واقع التجربة ولمدة طويلة

يوكوهاما 205/75/14 خط اذا كنت ماترغب في الخط خله داخل

بس لازم تنتبه للتاريخ

تقبل تحياتي

كلام الشباب مضبوط انا مجربها في ددسن 93 و 99 وماشيه معي زي الحلاوه حلو في البر وعر ولا نفود والخط تعجبك وسعرها تراه رخيص
ابو نجود
15/02/2007, 12:07 PM
[ قناص مطور]السلام عليكم ورحمة اللة وبركاتة

والله وانا اخوك انصحك نصيحه
انكت تبي تسال اسال اهل البناشر
اما تسالنا عن كفر اعزكم الله
فان اقول انك فاضي
وماقدرت هالرياجيل اللي في المنتدى
هدانا وهداك الله

((بدون زعل ))
الاخ قناص..
يا خوي ترانا في منتدى السيارات!!! وبعدين وش دخل التقدير من عدمه في سؤالي؟؟ والمنتدى وضع للاستفادة وتبادل الخبرات بين الاخوان..واذا كنت ترى في سؤالي اساءة للك لاترد!!!وعلى كلامك ان كل واحد يسأل فهو فاضي فجميع اللي يكتبون في المنتديات فاضين ولا يقدرون الرياجيل !!(الا اذا كان لك قصد ثاني)
واشكر جميع الاخوة اللي افدوني بردودهم..
ابو نجود
شامخ ألهيلا
16/02/2007, 03:29 PM
قناص مطور
كيف حالك
وسع صدرك وخل الرسميات كلنا شباب ومنتدى مفتوح لتبادل الرأي والافكار والتجارب وكلن يحط رايه وانا اخوك

وتقبل تحياتي اخوك محمدالروقـــــــي
ألشاكي
16/02/2007, 04:28 PM
ابو نجــــــــــــــــــــــــــــــــــــــــــــــود

قناص مطور على باله في الديره شكله جديد في المنتديات مسوي رسميات وسع صدرك هنا فد واستفيد

ياخوي تبي نصيحتي ركب مشلان وربي لتدعيلي