المساعد الشخصي الرقمي

مشاهدة النسخة كاملة : كيف اذهب الى روضة الخفس؟؟؟؟؟؟؟؟؟؟؟؟؟؟؟؟؟؟


ابوفريح
12/02/2007, 04:22 PM
السلام عليكم ورحمة الله وبركاته

اخواني الاعزاء في اجمل منتدى

عقدنا العزم:D (حلوه عقدنا) انا والشلة بالذهاب الى روضة الخفس وخريم بعد الصور اللي شفت من

رحلة مشرفنا الغالي رسلان:)

واخوكم مايعرف الطريق بالضبط على حد علمي انها بعد مفرق الطوقي وتعرفون خويكم اهو الدليلة :confused:

وحبيت التأكد من اخوني عن الطريق حتى ما انطق بكرة اذا ضعنا:( !!!!!!!!!!!

وبعد الخفس بنتجه الى روضة خريم هل فيه طريق بينهم اقصر عن طريق البر

او لازم ارجع الى الاسفلت

تكفون يا اخوان لاتخلوني الرحلة الثلاثاء الفجر يعني بكرة

ولكم جزيل الشكر مقدما:cool:
علي الشهري
12/02/2007, 04:26 PM
هلا بالغالي
وأنت طالع من الرياض على طريق القصيم السريع يجيك مخرج 8أ الصمان - خذ يمين باتجاه الشرق وامش 20 كلم تقريباً وأول ما يجيك النفود على يمناك شف الروضة الجنوبية على يسراك والشمالية شمالها.

وصف آخر:

بعد ما تتعدى محطة خزام متجه شمالاً إذا جاك مفرق الطوقي وتنهات اتركه وخلك سيده بعد 3 كلم تقريباً تجيك الروضة على يمينك
أعـ ـرابـ ـي
12/02/2007, 05:06 PM
ماقصـر اخــوي التنـــهات عطــاك وصـــف صحيــــح

واذا كنــت تبــي تطلــع لـ خـريم بعـــدين

رح ياطــويـل العمـر مـع مفـرق الطـوقـي ورح لـين ترقـى الضلـــع بعـدين يجـــيك اجبـــاري يســـار

رح معــه ليــن يجــيك اول دوار .. بالمـاريه .. بيجـــيك فـيه محطــه ومسـجد

اذا جـــاك الدوار روح يمـــين بتمـر علـى الرمحيــه ليـن تطـب علـى رمــاح اذا وصلـت رمــاح اتجــه لغيـــلانـه وخـريم هـذا اقــرب طـريق بالنســـبه لـي





وانتظـر الاخـوان يمكــن يفيدونـــك
ابوفريح
12/02/2007, 05:25 PM
بيض الله وجيهكم اخوي التنهات واعرابي على هالوصف الدقيق

وهذا والله العشم بالاخوان في هذا المنتدى

سؤال اخواني كيف الربيع في المنطقة من الدوار الاول الى الرمحية

وما رائكم بالذهاب من عند الدوار الثاني حق التنهات الى جهت الصمان والنزول على الرفيعة

وشلون الربيع على هذا الطريق

ولكم الف شكر
خطاف321
12/02/2007, 06:37 PM
عفوا ( اخوى ابوفريج) والاى جاى من الدمام شلون يروحلها_____ حتى بعد ماننطق___ههههههههههههههه
ابوفريح
13/02/2007, 12:01 AM
عفوا ( اخوى ابوفريج) والاى جاى من الدمام شلون يروحلها_____ حتى بعد ماننطق___ههههههههههههههه


اخوي خطاف علشان ماتنطق :D

وانت جاي من الدمام اذا بغيت روضة خريم تطلع يمين مع مخرج رماح متجه لرماح وقبل رماح تقريبا بـ20كم

(تزيد او تنقص شوي)

تجيك لفة طريق خريم يمين تلف وتمشي حتى تشوف الروضة قدامك

واذا بغيت روضة الخفس لاتلف جهت رماح تتجه جهت الرياض وتطلع قبل الرياض يمين مع مخرج الجنادرية

وتتجه شمال (كنك رايح للجنادرية) وتتعدى الجنادرية ومضمار الفروسية وتروح مع الطريق لاتلف لايمين ولا يسار

حتى ما تنطق:p (الطريق طويل شوي في حدود 100كم تقريبا) وتجيك لوحة الطوقي والتنهات يمين(لاتلف)

تمشي قدام 3كم بعدها تنزل يمين والروضة تكون قدامك

تمشي لها شوي

ارجو ان يكون الشرح واضح ونسلم انا وانت من الطق بفضل الاخوان بعد فضل الله

اخوك ابو فريح
أعـ ـرابـ ـي
13/02/2007, 01:37 AM
واللــه ياخــوي ابو فريح انا اخر مره جيتـها بشهــر 11 ولا ادري اذا فيهآ شي والا لا اللحين


بس يوم جيـت بداية الامطار والارض للحين



والايام هـذي اغلــب المناطــق غنمــها تشبــع < متعلمــهآ مـن ابــوهـ اللــه يطول بعمـره


وبعـض المناطق ابلهــا ( بعآرينـهآ ) تشبـــع


ويالله بالربيع

واللــه يكتـب لنا اللـي فـيه خيـــر
ابوفريح
13/02/2007, 07:28 AM
الف شكر لك اخوي اعرابي مرة ثانية