روضه رائعة تبعد عن الرياض 100 كم

[fimj2]

هذه اول مشاركه هديه لكم
http://www.mekshat.com/pix/upload/images27/mk37302_8.jpg

http://www.mekshat.com/pix/upload/images27/mk37302_4.jpg

وهذه روضه تبعد عن الاولا 5 كم
http://www.mekshat.com/pix/upload/images27/mk37302_6.jpg

http://www.mekshat.com/pix/upload/images27/mk37302_5.jpg

[حبيب الشعب]

حياك الله في بيتك



ياليت تذكر لنا اسم الروضة والوصف الله لا يهينك

وشكر لك على الصور الجميلة

[شد حزامك]

الله يحييك يالغالي

ومرحباً تراحيب المطر

طبعاً متوقع اني اسألك عن مكان الروضة صدقني ماراح اسألك لأنك بتعطينا التفاصيل من نفسك:p


اخوك/ ابوعبدالعزيز

[فال الخير]

ماشاء الله مكان جميل تسلم ايديك ياخوي بس هذي وين شوقتنا

[طارق]

ماشاء الله تبارك
الله يعافيك صور جميله
وبانتظار الوصف

[قرناس نجد]

وين المكان الله لا يهينك

[فهد1415]

روضة طيبة..بارك الله فيك

بس خريم والخفس والتهات غير..

[مسافر1]

ماشاء الله بداية قيمة وقوية .
تمنيت لو تم ذكر المكان مع الوصف والإحداثية .
وبإذن الله ننتظر القادم وهو بإذن الله أجمل .

[الهمر]

ماشاء الله

الله يحييك في اول مشاركة

[fimj2]

اريد من الشباب ان يتوقعوا وين مكانها

[كن كن]

مشكور اخوي صور جميلة

[الاوسط]

اتوقع تكون ام القطا

[بيرق العزة]

هذه الفيضه هي الخفس

[خطاف321]

حرررررررررررررام عليك يااخىىىىىىىىىىىى لاتعذبنا علمنا وبسسسسسسسسسسس

[فهد1415]

الله العالم انها في الغرب جهة ضرما ورغبة والبرة..ولا لا..؟؟؟؟؟؟؟؟؟؟

[fimj2]

اخي ناشد الخير روضة الخفس محبسه لايمكن ان تدخلها السيارات

[هاوي البر]

هذي الله يسلمكم روضة سمحان والله اعلم

[ابوعبدالله 32]

مشاء الله
والله يبيض وجهك

[الشاهين2004]

هذي والله اعلم روضة الخفس

[weather]

روضة ملهم أقرب منها 85 كيلو عن الرياض .
:j

[srk]

اخي ناشد الخير روضة الخفس محبسه لايمكن ان تدخلها السيارات

وش رايك تختصر المشوار بعد هالمحاوله ......

وتقول اسم الموقع ولك منا الدعاء يا لطيف ..........

[هنتر]

ياخوي عجل علينا قرب الويكند..!!

[icom 2006]

يالغالي وين موقع هالروضه حمستنا ؟؟؟؟؟؟؟؟؟؟؟؟؟؟؟؟؟؟

وإن ماخاب ظني فموقعها بعد ضرما والمنطقه هي الغزيز ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ابوفريح]

اخي الكريم علمنا اتوقع الشباب ما قصروا كلن توقع له مكان

و24 رد تكفي

[كن مع الله]

اخوي ممكن ماتعلمنا

[السفاري سابقا]

هاذي الله يسلمك فيضة تقع شمال مصفاة ارامكو اللي بالوسيع طريق الدمام صح والا لا:d

[ALYABIS 1]

حياك اخوي ومشكووورين على المشاركة...

[عاشق نجد]

الروضة الأولى : ام خفاس .
الروضة الثانية : الأحور .

لا تقول لا لان اهل مكه ادرى بشعابها .

تحياتي .

[الشقردي]

يامال العافيه...

أما مكان الروضة ي أما جهة الوسيع أو ضرما لأنك ما رديت على اللي قالولك .

وليتك يابعد حيي اذا دخلت الروضة تمشي على الجواد (الطرق) الاصليه اللي مطروقه واجد قدر الامكان ولا تمشي على الربيع لأنك تشوف اثر التخريب واضح للي ماشي قبلك ومديور من فترة.

انا ما يكدرني الى اذا شفت كشاته معهم ثلاث اربع سيارات داخلين الروضه وكل واحد يمشي في طريق على رايه !!!!!!!

[ذيب ساقان]

الروضة الأولى : ام خفاس .
الروضة الثانية : الأحور .

لا تقول لا لان اهل مكه ادرى بشعابها .

تحياتي .

أخوي عاشق نجد أم خفاس والأحور ماربعت هالسنه الله يحييك .:no:

[الكاشت للبر]

بسم الله الرحمن الرحيم

السلام عليكم ورحمة الله وبركاتة

هذي روضة ام الشقوق قرب الشعب و تمير

[fimj2]

الاخ السفاري الروضه الذي قلت روضة قرب المصفاة هي روضة مسعود وليس هذه
الاخ الشقردي شكرا على النصيحه لكن اضطرينا على المشي على الربيع لان الخط كان طين

[الســـاري]

هلا و حياك الله في مكشات

روضة نوره ؟...<<< نوره اكثر من 100 كم

الصياهد اللي بين الرمحيه و الحفنه ؟

[الخبوبي 200]

هالروضة اكتشاف حلو وين مكانها

[fimj2]

الاخ الكشات ليس الروضه هذه حول تمير
الاخ السامري ليست هذه روضة نوره لان روضة نوره تبعد عن الرياض حوالي 150 كم

[OtherProduct]

هذي في "الحلال الجنوبي" او "الحلال الشمالي" منطقة ابو جفان كاني صقر .

[خالد 27]

ياخوي الله يعطيك العافيه على الصور :good:

ويليت تعطينا موقع الروضة والا ترى الكشته الجاية بتكون في منتزه سلام على طريق الملك فهد في الرياض :j

[نجم حفرالباطن]

اخوي يعطيك العافيه على الصور
بس وين مكانها ماحددته لنا لو تكرمت تعلمنا

[الوافي88]

الله يعطيك العافيه

[شيخ تميم]

ياشين التغلي

[الجافي]

لاحول ولا قوة إلا بالله قضينا من ابو سعد 2007 وطحنا في هالحبيب وش سالفة المنتدى صار مانيب معلم مابي اقول توقعو انتم اسئلوني لازم يتدخل في هالمواضيع المشرفين ولا ترى الظاهره خطيره على المنتدى لنا خمس سنوات في المنتدى ما شفنا مثل هالمواضيع الي ماتجيب ثمره او ان هالمشاركات تنقل لخيمة الالغاز والي يبي يرمع يرمع ارجو التعليق من المشرفين للمصلحه العامه
والله يكتب الي فيه الخير للجميع

[srk]

لاحول ولا قوة إلا بالله قضينا من ابو سعد 2007 وطحنا في هالحبيب وش سالفة المنتدى صار مانيب معلم مابي اقول توقعو انتم اسئلوني لازم يتدخل في هالمواضيع المشرفين ولا ترى الظاهره خطيره على المنتدى لنا خمس سنوات في المنتدى ما شفنا مثل هالمواضيع الي ماتجيب ثمره او ان هالمشاركات تنقل لخيمة الالغاز والي يبي يرمع يرمع ارجو التعليق من المشرفين للمصلحه العامه
والله يكتب الي فيه الخير للجميع


اتمنى من المشرفين التدخل لوضع حد لمثل هذه المشاركات لانها تضيع الوقت !!!!!!!

فليس من المعقول ان اتابع موضوع لمدة يومين او اكثر حتى احصل على معلومة !!!!!!

اعتقد ان من يقف خلف هذه الشاشات هم رجال اهل مكاشيت واهل نخوه وعلوم غانمة لايبخلون على اعضاء المنتدى بالمعلومة فضلا عن موقعها ووصفها ....

ارجوا الا تكون ظاهره في هذا المنتدى ؟؟؟!!!

[ثرمداوي نت]

طيب واللي بيجاوب صح وش بتعطية؟؟
ياخوي قل لنا وينهي فيه ترى فيه ناس معطلة وتبي تستغل الوقت بارك الله فيك

**** بلاش تسحيب دخيل الله ***

[حندقوق]

شعبان الحلال تقع في شرق الرياض مع الخط القديم قبل محطه او شركة خضراء فيه جواد تروح جنوب سيده معها لين تجي سكة القطار روح الله يستر عليك اقل من 7 كيلو تلاقي شعبان الحلال

[ذيب الغداري 1]

لاحول ولا قوة إلا بالله قضينا من ابو سعد 2007 وطحنا في هالحبيب وش سالفة المنتدى صار مانيب معلم مابي اقول توقعو انتم اسئلوني لازم يتدخل في هالمواضيع المشرفين ولا ترى الظاهره خطيره على المنتدى لنا خمس سنوات في المنتدى ما شفنا مثل هالمواضيع الي ماتجيب ثمره او ان هالمشاركات تنقل لخيمة الالغاز والي يبي يرمع يرمع ارجو التعليق من المشرفين للمصلحه العامه
والله يكتب الي فيه الخير للجميع

فعلاً كلام :good: منطقي الله يجزاك خير

[ذيب الغداري 1]

اتمنى من المشرفين التدخل لوضع حد لمثل هذه المشاركات لانها تضيع الوقت !!!!!!!

فليس من المعقول ان اتابع موضوع لمدة يومين او اكثر حتى احصل على معلومة !!!!!!

اعتقد ان من يقف خلف هذه الشاشات هم رجال اهل مكاشيت واهل نخوه وعلوم غانمة لايبخلون على اعضاء المنتدى بالمعلومة فضلا عن موقعها ووصفها ....

ارجوا الا تكون ظاهره في هذا المنتدى ؟؟؟!!!



- - - - - - - - - - - - - - - - - - - - - - - - - - -

[ziada99]

ماله داعي هذا الاسلوب اعرض ماعندك ....طبعاً هذة روضة نورة

[طوقي]

الأخ الغالي صاحب الموضوع
أتمنى منك إفادة إخوانك وعدم البخل عليهم بالمعلومة لكي تعم الفائدة وهذا هو الهدف من هذا المنتدى
لأن في هذا الأسلوب إضاعة للوقت

ولك فائق التقدير

[مهلي1]

الاخوان / المشرفين بارك الله فيكم
انا اضم صوتي للاخوان الذين يعترضون علي هذا الاسلوب في طرح المواضيع لما في ذلك من اضاعت الوقت وشيىء من التمنن في المعلومه:hot: وهذا ما لم نعهده بين اعضاء هذا المنتدي:no2:

[باب هداج]

ماشاء الله تبارك

[الســـاري]

يا اخوان وشفيكم على الرجال ؟؟؟؟

عندكم الف موضوع يتكلم عن الربيع في كل مكان ...ضاقت الا هالموضوع !!!!

الربيع و الحمد لله منتشر في كل مكان و الخير واجد هالسنه ... ما اشوف له داعي التعصب و التشدد عشان بقعة ارض صغيره ما عرفتوا وين مكانها .... ويمكن لو يقولكم مكانها كان قلتوا هذي نعرفها

فلا تضيق صدوركم و لا تضيقون صدر خويكم و البر واسع والربيع و الخير في كل مكان بفضل الله

[سكتون]

اسلوب غير مرغوب فيه بالمنتدي انت عضو جديد من المفترض ان تبدء بالعلوم الزينه وليس اسلوب الالغاز الخير كثير يالطيب هالسنه في الارض الي قدام بيتنا مربعه ولله الحمد

[مزن الوسم]

سبحان الله تمن بفضل الله على عباده . لكن الحمد لله الفياض كثيرة والربيع واجد . المنتدى معجب فيه جدا جدا إلا مثل هالمواضيع . لقيت ربيع وماني معلمكم وين مكانه ... ولقيت فقع وماني معلمكم مكانه . ولكن حب لغيرك ماتحب لنفسك .

[fimj2]

اعجبني كلام الاخ الساري فهذه قطعة ارض خضراء جعلت الكثير يسأل عن مكانها وطريقها ...... فكيف بجنة عرضها السموات والارض اعدت للمتقين لاتبلى ولا تزول اكلها دائم وظلها فنسأل الله الجنه ونعوذ به من النار
؟؟؟ أما المكان يا أخوان فهو جنوب شرق روضة خريم
أما الاحداثيه فليست متوفره الان