ترهيمات الباثفيندر

[اسير الصمان]

سمعت عن بعض الترهيمات في الباثفيدر من ناحة اسلاك البواجي والبواجي وبعض الشغلات في الكهرباء يقولون انها تخلي الباث طياره ما ادري احد يعرف شي عنها واذا كان احد يعرف يدلني علي الموقع:what:

[القماري]

أسير الصمان
ولماذا تصير الباثفايندر طيارة ؟!! يا خوي اليابانين صنعوها حتى تكون سيارة وأنت ودك تلبسها ثوب مش لايق عليها.
معذرة أخوي ما عندي علم ولا موقع بهذا الخصوص .
المثل يقول ( ما طار طير وأرتفع ، إلا كما طار وقع )
http://www.truckworld.com/Shows-Events/02-bloomsburg/reverse-jump-video-01.gif

[ولد روضة سدير]

السلام عليكم ....اخوي انه اعرف واحد من الشباب مظبط الباثفايندر اللي عنده بس مو زود حاطله شوته
للمكينة ويقولون هذي تزيد عزم السياره 15 حصان تقريبا وقيمتها بحدود 20 \25 دينار
بالريال300\250ريال وفي عدة ماركات واللي مركبها K&Nهذا اسمها والشغله الثانيه تفتح اقزوز .شكمان ثاني بس مو شكل تفتحه من المكينة طبعا مع دبة الاقزوز او الشكمان يعني يصير بالسياره دبتيت وشكمانين وهذي مو شرط تركب جديد مستعمل وسعره بحدود 200ريال وهذي تزيد بحدود 10 حصان وصوت والشي الثالث البلاكات او وايرات البلاكات ...وما اعرف قيمتها بالضبط .............وانت اسأل اكثر من شخص عن الايجابيات والسلبيات والسعار وانه ما عندي باث فايندر عندي سفاري بس الشغلات هاذي واحد من الشباب مركبها وموديل اللي عنده 2002 وسأل مجرب ولا تسأل خبير.............................................. .....................................ولك اجمل تحياتي ...الحربي

[بـــدر]

مشكور اخوي ولد ؤزضة سدير ،،، والله موضوع شيق مره بس يالبيت توضح لي اكثر صراحه ولا تزعل مني وش معنى (شوته و بلاكات..) مافهمتها ياليت تفصل الموضوع اكثر او ان كان تدلنا على محل يزين هاشغلات في السعوديه انا سمعت عن محل بالإمارات بس صراحه ما رحت له ومشكور اخوي

[الشيخ]

الاخ بدر
للترجمة
الشوته هي فلتر الهوا
اما البلاكات هي البواجي
هي الموضوع الي قال عنه الاخ ولد روضة سدير
الشوته تعطيك 15 والبلاكات و ويراتهم تقريبا 20 الى 25 حصان
اما التعديل على الشكمان يزيد بين 20 وال30 حصان
يعني بأسوء الاحتمالات عندك قوة 55 حصان اضافية بعد هالشغلات الخفيفة
والميزة الحلوة ان هالشغلات مالها تأثير على المكينة بالعكس هي تساعد بإطالة عمر المكينة
وسعرها رخيص وتركيبها سهل وما يحتاج ترهيمات او شغل واجد
بس بكل صراحة ما جربت على سيارتي الباث لكن النية موجودة خلال هالاسبوعين ناوي على هالتعديلات
وسلامتك

[بـــدر]

مشكور أخوي الشيخ على هذه المعلومات القيمه والله يجزاك خير ،،، طيب أخوي المشكله وين أحصلها في السعودية.
بعدين ودي تراسلني على الخاص ألي استزيد معلومات اكثر بعدين ودي تعطينا النتيجة بعد ما تركبها في سيارتك انشاالله.:D

[الشيخ]

الاخ بدر
هلا والله فيك
اهل مكة ادرى بشعابها

انشالله اول ما اركب هالقطع على سيارتي اعلمكم بالنتايج لتعم الفائدة
بس انت ما ذكرت انت من أي منطقة في السعودية يعني على الاقل يمكن يفيدونك الشباب اما انا والله ما اعرف اي محلات تبيع هالاغراض بالسعودية وكم موديل سيارتك وكم حجم المكينة
بس الي اقدر افيدك فيه ان القيمة الاجمالية للقطع مع تركيبها تقريبا 1000 ريال اي 80 دينار كويتي
اما عن فلتر الهوا هو يجي من عدة ماركات عالمية مشهورة ومن افضلها اللي ذكرها الاخ ولد روضة سدير جزاه الله خير وهي K&N
وهذا عنوان الشركة المذكورة
http://www.knfilters.com/
اما البلاكات ( البواجي ) الي ترسل شرارتين تكون دبل العادية يعني تعطيك ضمان لاحتراق البنزين وتحسن عملية الاحتراق الداخلي ولو اني اسمع عنها انها تضر المكينة لكني ما ادري هل هو صحيح ولا لأ
وايرات البواجي والديلكو والكويل طقم وايرات لونهم اصفر من ماركة ACCEL وتجي بقوة 8.8 وهي تزيد قوة توصيل الكهرباء
وهذا عنوان رسمي يجمع كم شركة من الشركات المختصة بالفلاتر والوايرات
http://www.mrgasket.com/
عندك انواع ثانية منها وهي الي تجي بلون ازرق و تسمى وايرات الفحم مدري ليش وهي بقوة 10.1
اما الشكمان مافي شي جاهز مثل الهدرز او الدبات بس محتاج فنان يعرف شلون يمدد لك تمديدات جديدة بحيث تكون المكينة مرتاحة اكثر بتصريف الهوا بس بدون اصوات مزعجة

هذا الي عندي واشكر الاخ ولد روضة سدير على معلوماته

[راعي عنيزة]

شباب لا تتوهقون باشياء قد تخرب سياراتكم

الفلتر الرياضي حسب ما اسمع انه لو ما تنظفه بشكل اسبوعي يدخل غبار للمكينه ويحوسها

وياليت الاخ ابو الريم يعطينا وجهة نظره

[بـــدر]

دخلت موقع شركة بوش لإشمعات الاحتراق وفعلا عندهم شمعات(بواجي) تعطي قوه شرارة، تقريبا احتراق اسرع ومن ثم عزم اقوى ولا توثر على نظام الاحتراق لسياره وهاذ موقعهم بس المشكله انه في امريكا يعني ماظن تجي الطلبيه لسعوديه الا بشق الإنفس.
http://www.boschusa.com/AutoParts/SparkPlugs/PlatinumPlus4/

[الشيخ]

الاخ راعي عنيزة
اولا مبروك لتجاوز مشاركاتك الالف
ام بالنسبة للفلتر الرياضي فعلا هو محتاج تنظيف دوري لانه بدون غطاء بلاستيكي
بس يجي بكفالة 10.000 كيلو متر للاستخدام اما بالنسبة للتنظيف مثل ما ذكرت محتاج تنظيف دوري

----------------------------------------



الاخ بدر
والله ما اعرف اسم البواجي المقصودة بالظبط بس انها تجي من النوع الي يعطي شرارتين
بس احاول اجيب لك الاسم بالقريب العاجل

[بـــدر]

أخوي الشيخ الله يجزاك خير على اهتمامك
بس حبيت اعرف الترهيم الي تقول عنه يصلح للموديل الجديد 3.5 ماكينه، باثفايندر 2003 لان المكينه تخلفت شوي عن الموديل الي قبله يعني مافي اسلاك بواجي صار مباشره الكويل فوق البوجي زي نظام الجيب في إكس ار فهل له ترهيم:what:

بعدين رداً على سوالك انا ساكن منطقه الرياض بالسعودية :D

[الشيخ]

الاخ العزيز بدر
انا متأكد تماما من ان الشغل الي نتكلم عنه يمشي مع الموديلات القديمة 2002 وانت نازل الى 98
اما الجديد ما شفت شكل مكينته ولا اعرف احد شراه :D

اما بخصوص سكنك بالرياض كنت اقصد يمكن احد من الشباب يعرف الوكيل للماركات الي ذكرناها او محل يبيع القطع المذكورة