قارن بين الهدد & الباترول

[ملك الجمس]

قارن ونشوف وش أفضل وكل واحد يعطين المميزات

[ابوعزيزm]

بدون منازع من رأيي . . . الهدد

[محمد الجويسر]

اكيد الهدد وبون منازع

تويوتا وبس

[ابوعبدالله 32]

الباترول
افضل وارخص
وخفيف ضل في البر والمدينه

[فتى الدهناء]

أشجّع الشباب ..


:)

[سلطان البر]

شف كل المواتر اللي قلتها أنت كلها زينه الهدد غالي وصبور ويتحمل
أما الباترول رخييص وخرابه واجد

[ع.ف.الدرويش]

ملك الجمس..:)

تفضل أخي الكريم هذه نتيجة المقارنة.. طبعاً كانت بين السفاري والهدد..

* نوع السيارة

نيسان باترول
تويوتا لاندكروزر

* موديل السيارة

الباترول 4.8
اللاند V6

* عدد السليندرات

الفئتين 6 سلندر

* سعة المحرك

الباترول 4.8 لتر
اللاند 4.5 لتر

* القوة الحصانية

الباترول 280 حصان
اللاند 240حصان

* سعة خزان الوقود

الباترول 142.8 لتر
اللاند 148.8 لتر

* نوع ناقل الحركة

الباترول 4/5 سرعات
اللاند 4/5 سرعات

* عدد الركاب

الباترول 8
اللاند 8

ببساطة هذا مالدي
وتفضيلي سيكون للباترول من واقع مشاهدة وتجربة..;)

أخوك..( أبو فهد )..

[Mr.Patrol]

الحمد لله
ملك الجمس ومقارنه بين اللاندكروزر والباترول شكلك تبي تشتري وتحب تعرف ايش الناس تفضل.
على العموم الموضوع تكلموا فيه كثير وماله اي حاجة انه ينفتح من جديد.
وفى المنتدي هذا لو تبحث راح تلقى الموضوع موجود بكثرة والكل مهتم بسيارته ويمدحه يعني نهاية الموضوع ماراح احد يستفيد ماغير شوية زعل وحقد على بعض وانتهينا.

[هاوي الله]

سعة خزان الوقود للاندكروزر :

تانكي كبير = 96 لتر

تانكي صغير = 45 لتر المجموع = 141 لتر

[شبح الصحراء]

الهدد أفضل ولكن غالي جداً يعني ما يستحق قيمته ابد بقيمته اشتري باترول جديد مع سيارة صغيرة جديدة للإستخدام في البلد أو ددسن شبه جديدة لأغراض التحميل والتنزيل وهذا هو أفضل رأي بالنسبة لي .

[بدوي جنوبي]

يا اخوان نبي مقارنة بين السيارتين من جميع النواحي

[عقاب نجد]

اكيد


بدووون مقارنه الهدد

__________________________________________________ ______________
__________________________________________________ _____________
__________________________________________________ ______________
__________________________________________________ ______________

[SE 3.5]

السلام عليكم ورحمة الله وبركاته
بالنسبة للمقارنة انا راح اقارن لك من ناحية القوة فقط
الهدد:
مكينته 4500 6سرندل
بالنسبه للحصان انا ماعرف الهدد كم باضبط بس الفكسار 228 حصان 8سرندل
الباترول:
انت ماحددت وش تقصد 4500 او 4800
4500=240 حصان 6 سرندل
4800=280 حصان 6 سرندل
وكذا الباترول متفوق من جهة القوة بكثيير عن الاند بشكل عام سواء الهدد او غيره من انواع الاند
وهذي وجهة نظري وارجو انها تكون صحيحة
وشكراً.

[ابوحمدdhd]

انا ارى الباترول بدون منازع

من ناحية قوة و تحمل

اما الاندكروزر موتر شخصية

وغالي وثقيل

ومن ناحيت الخرابات لو يجي الاندكرورز مثل الي يجي الباترول ما طلع من مكانه ولا تحمل ما يجيه

وكل الي جربو الاثنين

فضلو الباترول لخفته وسرعة تجاوبه

[الصاحب الغالي]

الهدد اكييييييييييييييييييييييييييييييييييد افضل
(وش جاب الكنز للعنز)
مع جل احترامي لأصحاب (الباترول)

[أبـو فـايـز]

انا ارى الباترول لأنه اقوى خصوصا القير التماتيك مافيه مقارنه
صحيح جودته اقل من الهدد بس الجودة على الاستخدام موب لازم يستدخمه استخدام صلب يلعن والديه
ارفق وتعيش السيارة

[قلب شاهين]

يا ابن الحلال بالشكل وبالقوة وبالعزم الجي أكس ولا بلاش ،،

[قناص الوعول]

الهدد افضل شكل واغلى سعر عند الشراء _ الباترول شكله مقبول وارخص عند الشراء ـــــــــــــــــــــــ الهدد عند البيع ما يطيح من سعره كثير _ اما الباترول عند البيع فهو يطيح في سعره كثير . هاذهي وجة نضري وشف السيارة التي يحبها الناس واشترها حتى لو نويت تبيع تجيب لك سعر طيب

[ملاعب الريح]

النقاش في هذا الموضوع بيزنطي ولا ينتهي وقد طرحت عدة مواضيع تناقش بين اللاند والباترل...........

[الذيب 30]

شباب ممكن احد يقولي ايشش هو اللاند

[كن كن]

يالربع انتم تتكلمون عن الهدد وقطره سعبولتي أنا لي شهر أدور هدد اللي عنده وألا يخبر يعلمني برساله خاصة الله يجزاكم خير تعبت وأنا أدور

[دحيم العبود]

اخي كن كن
لايقطر سعبولك ولا شي المعارض مليانه هدد

[لبيد بن ربيعة]

أنا اشجع الباترول لخفته وقوة عزمة وإن كان الهدد يتفوق عليه في التماسك:(

[.أبوعبدالرحمن]

الهدد افضل وفيه بعض المميزات افضل من الباترول الفل الكامل

[راجح]

أشكر أخوي ملك الجموس على الموضوع .. ولكن الموضوع طرح من قديييم ولو بحثت عنه وجدته فيه النتيجة وآراء الشباب وهواشهم :)
والنقاش في هذه المسألة يطول لأن [ كلن يمدح بقله ] ....

(( أتفق العرب على أن لايتفقوا )) .........................

[عبدالرحمن السالم]

كلهن جيوب وكلهن حقات بر وديره وكل شى .. بدون مقارنه كل شى له عيوب وكل شى له مميزات
ولحد يعيب شى وهو مايدري عنه بالاساس وترى كلام الناس لايقدم ويأخر .. ولولا اختلاف الاذواق لابارت السلع

أخوكم / دحيم

[نبض البوسنة]

أنا



من وجهة نظري القاصرة



ان الباترول طيب



ولكن لو عدلوا في الخلفية مثل الهدد كان أفضل .



وقوة الباترول الجديد أقوي شيء في الجيب .



ومن المميزات في الباترول .



1- خفيف الظل .



2- السرعة .







ولكن قلبي مع ( الهدد)



ما أدري ليش



وحاولت أكثر من مره أن أشتري الباترول



ولكن أقف



أمام الهدد :D



معجبنا .:p

[q.8]

والله ياجماعه انا بقول لكم هالكلام من واقع تجربه انا ابوي راعي مقانيص عنده باترول سلوقي موديل 2005 والصراحه الوالد يمدحه وانا عندي لاندكروزر موديل 2004 الصراحه من ناحيت الخرابات الباترول خرابه واجد عكس الهدد وبعدين الوالد بنفسه قالي ان النيسان خايس مع احترامي لاصحاب التبرول :> وفيه نقطه محد جاب طاريها لو جيت تبي تبيع الاند وجيت تبي تبيع البترول تلقى الاند سعره فيه عكس النيسان يطيح سعره وشكرا ..

[رآعي آلبآترول]

مساكم الله بالخير جميعا

الموضوع فيه وجهات نظر كثيره ..

كل واحد ووجهة نظره...

بالنسبه لي انا عندي باترول..ومن افضل مايكون في الرمل وفي الازفلت
خفيف وفيه مكينه اكبر منه..
وطريقة تصميمه مو مثل الاند كروزر كله قطعة واحد اذا غرس بلش بعمره
الباترول اذا غرس وقومته تحس الموتر يرتفع كأنه يرفع نفسه
اما الاند كروزر كله قطعه واحد ...

والدليل ناس طلعوا للرمله وشهدوا بأن الباترول تفوق على الشاص الاحدث موديل منه في الرباضات والمناصق الصعبه

بس انا اذا بغيت اشخص اكيد راح اخذ الاند كروووووزر..

[الروض]

على رغم ما يبثه بعض الأخوة من تلميع للاند وتشويه للنيسان
أحب أقول الآتي
أنا ملكت جيب جي إكس آر 96 وكالة وكان فيه ثقل دم وخلصني الله منه
ثم شريت ربع باترول 99 وعز الله إنه موتر متماسك خفيف دم قليل أعطال
وليس فيه مثل مايقولون هربدة وتفكك ومن السلبيات فيه
صرفية البنزين الخزان يمشيني 400كم ممشى 130 وباقي يه عشرة لتر
الباب الخلي أحيانا يطلع صوت على الجلد
وناوي أشري باترول صالون إن شاء الله

[ابو ناصر2020]

الاند احسن من الباترول من موديل 1994 الى 1997 ومن بعد 1998 ماينبغا ولا بريال للجلد بلبر وتم التعويض بالباترول
وخصوصن من موديل 2002 الي هو يمتاز بمكينه 4800 وهاذا ماعندي .



مع العلم الباترول من 1994 الى 1997 البخاخ فقط خيال بعد .

[صقر حرب]

ما يحتاج (الفتك) بلا منازع :good:

[أبو أسامة]

شهادتي بالبترول مجروحه ...............

بالنسبه للي يقول البترول خرابات ............. هههههههه ......... كل شيء بالدنيا يخرب .......... لكن يعني التايوتا ما يخرب ..... ثم الدداسن من السبعينات الميلادية مازلت تستخدم وفكيف تصنع نفس الشركة سيارة كثيرة خرابات ....... خاصة أن البترول مناسب أكثر لمناطقتنا .......

البترول كثير خرابات ............هههههههههههههههههههههههههههههههههههههه هه ههههههههههههههههههههههههههههه ههههههههههههههه

ملاحظة :
البترول 4800 الفتك قوته 282 حصان ......... وتخفيضات عشان هل الكروزر ما يزعلون صارت 280 حصان .......
البترول 4500 قوته ليست 240 لا قوته 230 ........... هذا البخاخ ....
البترول 4500 كلبليتر 220 حصان .......... لكن البخاخ أنشط منه بالعزم بكثير ...

الاند كروزر 4700 قوته 230 حصان أيضاً جيب اللكزس إل أكس 470 قوته 230 .
الاند كروزر 4500 قوته 220 حصان فقط .

يا أهل التايوتا لا تطيرون قوة الاند إلى 250 لأنه بدري عليه أرجعوا لكتلوج وكالاتكم وأقروا .......... عشان تعرفون القوه الحقيقيه لجيوبكم .........

لكن أنا بطبعي أحترم الاند يعني لو مافيه بترول شريت لاند فقط ...........

والسلام عليكم ورحمة الله وبركاته

[bmw_07450]

طال الحديث في هذا الموضوع
ونرجع ونقول الباترول سفاري 4800 هو الأفضل
أو في أكس ار 8 سلندر اما الهدد ذا والله ماهضمته
موتر ثقيل ويرفع الضغط ولكن يحلونه باالدف لوف والونش
مع احترامي للجميع

[عاشق السيل]

كل واحد له مميزات وعيوب !!

الهدد بالبر أصبر والباترول أريح
الهدد بالبيع أفضل والباترول بالشراء أفضل
الهدد تجاوبه ثقيل طينه والباترول خفيفه نفسه
الهدد غاااالي على لا شي والباترول يوهقك بالخرابات
وعلى هذا المنوال ،،،

لكن أنا معي سوبر سفاري وأفضله على الهدد والجي إكس آر والفي إكس آر مع إعتذاري لتويوتا ...



عاشـقhttp://www.mekshat.com/pix/upload/sign/images/mk49539.gifالسيل

[ظبي]

والله أنا ياخوان شاري سفاري رقم 1 وعقب كم شهر تغير الموتر علي مهب الي قبل كم شهر البيبان تلعب ورجه والمكينه 4800 طبعا ,وصراحه تحسفت اني شاريه والموتر مابعد تم سنه ولوي شاري GX 2006 كان افتكيت من الغثاء مع انه مامشى الا 18454كم وممشى ديره وانا ودي ابيعه وابشوف كم يسوىhttp://www.mekshat.com/pix/upload/sign/images/mk3761.gif

[المميـز]

الله يعطيهم العافيه الشبااااااااااااب ماقصروا معك اعطوك مميزات وايجابيات وسلبيات كل موتر





وانا ما ازيد عليهم شيء



انا اقول غير البــــــــــــــــــــــــــــــــاترول لاتركب:good:

[#الفارس#]

وبدون مقارنة البترول افضل من ناحيت القوة والعزم والنفود ما يعوق معة بعد توفيق الله

ومن ناحيت الخرابات لو يجي الهدد مثل ما يجب البترول كان تفكك مثلة لامن تلقا الواحد شاري هدد ونادر

يطلع للبر ويقول الهدد ما يتفكك وبعدين اسئلو سلاح الحدود وشف وش يقولون عن البترول



http://www.mekshat.com/pix/upload/images34/mk18134_img_0045.jpg


http://www.mekshat.com/pix/upload/images34/mk18134_cb.jpg

[ابو عاذر]

وبدون مقارنة البترول افضل من ناحيت القوة والعزم والنفود ما يعوق معة بعد توفيق الله

ومن ناحيت الخرابات لو يجي الهدد مثل ما يجب البترول كان تفكك مثلة لامن تلقا الواحد شاري هدد ونادر

يطلع للبر ويقول الهدد ما يتفكك وبعدين اسئلو سلاح الحدود وشف وش يقولون عن البترول




حلوة اخوي # الفارس # يعني ( تلقا الواحد شاري هدد ونادر يطلع للبر ويقول الهدد ما يتفكك ) أذن صار كامري أو مكسيما .
عزيزي أنا أحد العاملين بشركات البترول قبل سنتين كان موقع عملي أحد حقول البترول جنوب الخرج بمسافة 150 كلم صحراء وكان طريق الوصول عن طريق ردمية و كان نظام العمل شفت 16 ساعة متواصلة ثم راحة 48 ساعة وكنت أطقها مشاور 300كلم ردمية روحة وجية ( بغض النظر عن عن مسافة الزفلت بين الخرج والرياض ) في الاسبوع مرتين على الاقل ( يعني 600كلم ردمية في الاسبوع ) ولمدة سنة كاملة تقريباً ومعرف الردمية أنواع الرقلات والمطانيج والسيارة لم تتفكك والسيارة هدد 2005 في المقابل احد الزملاء معه باترول 2004 معي على نفس النمط وهو من سكان الاحساء يشتكي منه انواع الاصوات والغبار داخل السيارة وقرقرة قزاز السيارة الجانبي الامامي أذا فتحها ولرجة الباترول ألي أنتم عارفينها بلأضافة أنه مرتين غير مساعد الدركسيون وذراعه لدرجة صرت أنتظره في الخرج ونطلع سوى على سيارتي وقول أزعجتني هذه الاصوات ما أرتاح في السواقه
أحب أن احيطكم علم أن بدو الربع الخالي يفضلون الجيوب التويوتا الشاص والصالون على جيوب النيسان ولو تروحون إلى الخرخير تجدون أن ما نسبته 95 % من سيارات كلها جيوب تويوتا ،،،،،،،،،، لأن التويوتا اقوى تحمل وصبر وجلد من النيسان .
أما بخصوص الصور التي في مشاركتك فعندنا وعندك خير
هذا ما حبيت أوضحه من تجربة وأنا من محبين النيسان وقد أستخدمته قرابة عشر سنوات ( موديلات / 94 /97/99 ) عانيت منه الكثير وثم استخدمت التويوتا فرق كبير جداً وهي في صالح التويوتا والأن معي فتك 2007 لتجربته ولمدح الناس له وخاصة في هذا المنتدى انه تطور للأفضل نسأل الله أن يكتب لنا ولكم الخير وعذراً على الاطالة

مع تحيات اخوكم ابو عاذر

[OoOo PRO oOoO]

بصراحه كلامي مجروح للباترول؟
شف وانا اخوك
كان عندي ناترول ماشي"540000"وحالته منيحه موديل1991م
يراقي مراقى خيالي مستخدمينه 15سنة
*الباترل خفيف في البر
*وانشط (بالنسبه لي)
*هو و اللاند بصراحه يعيشون عمر طويل .
ولكم جزيل الشكر.............................................

[فتااااكي]

غيـــر الفتكـ لا تركـــب ..

الفتك : 280 (حصان)

الاستاندر : 215 (حصان)

~::::::::::::::::::::::::::::::::::::::::::::::::: : :::::::::::::::::::::::::::::~

الفتك : 4800 لتر (حجم المحرك)

الاستاندر : 4500 لتر (حجم المحرك)

~::::::::::::::::::::::::::::::::::::::::::::::::: : :::::::::::::::::::::::::::::~

الفتك : الإنطلاق من الصفر إلى 100 (خلال 8 ثواني)
وأنا بنفسي أعرف واحد معه باترول يجيب من 0 - 100 خلال 4 ونصف ..

الاستاندر : الإنطلاق من الصفر إلى 100 (خلال 11 و نص ثانيه)

~::::::::::::::::::::::::::::::::::::::::::::::::: : :::::::::::::::::::::::::::::~

الفتك : السبب في التفوق هو ان نظام المحرك رياضي
اللي هو (vtc ) اللي يعطي اداء رياضي
لذالك الفتك يصرف اكثر من الستاندر بترول

الاستاندر : نظام المحرك نظام عادي وليس رياضي
لذالك صرف البترول اقل و بتالي اداء اضعف

~::::::::::::::::::::::::::::::::::::::::::::::::: : :::::::::::::::::::::::::::::~

الفتك ( توكام ) : تصل سرعته إلى 210 او 205 (صافي)

الاستاندر : تصل سرعته إلى 190 او 185 (صافي)

~::::::::::::::::::::::::::::::::::::::::::::::::: : :::::::::::::::::::::::::::::~

[ساري 111]

والله شف يااخوي حسب دراهمك ..

اذا انت تطول الهدد لاتترد .. (موتر كل مكان وزمان ومايخونك او ينكبك بعد اذن الله)

واذا ميزانيتك وسط ودراهمك شويه ترى الباترول يقوم بالواجب ومهب شين

ولايغرك من ناحيه النشاط واللي يتكلمون فيه تعال للواقع وهو يثبت لك

بصراحه احس نيسان نصابين بالارقام الباترول 280 حصان والجيب 250 حصان مع ذالك مافيه فرق بينهم مع ان الجيب وزنه اكبر من الباترول فهو ممسك حديد صح
والغريب ان أداء الجيب 250 حصان بالنفود ومطاليعه اطيب من الباترول280 حصان

لكن نصيحه اللي يبي يحفظ دراهمه ويريح راسه لايقارن الهدد بالباترول لأن الفرق بينهم كبير لصالح الهدد ..

الهدد تشريه بـ 130 وعقب سنه تبيعه 125
الباترول تشريه 100 وعقب سنه تبيعه بـ 75

[شاص2006]

الهدد اكييييييييييييييييييييييييييييييييييد افضل
(وش جاب الكنز للعنز)
مع جل احترامي لأصحاب (الباترول)


اؤيدك وبقوه مافيه اي وجه للمقارنه

[العنابي 616]

محرك بنزين 4,7 لتر (2UZ-FE)

النوع 8 سلندرات 32 صمام DOHC مع VVT-i
إزاحة المكبس سم3 4664
الخرج الأقصى (صافي SAE) د.د / حصان 271/5400
قصى عزم دوران (صافي SAE) د.د / كجم – م 41,8/3400
نظام الوقود حقن الكتروني للوقود


نوع المحرك 4.5 l (1FZ-FE

عدد السلندرات 6
عدد الصمامات 24
زاحة المكبس سم3 4500
لخرج الأقصى حصان/د.د 240/4600
أقصى عزم دوران كجم/د.د 40.7/3600


وزن السيارة فارغة (كجم) 2615
vxr فل



اما النيسان

Max. Power: 280 hp/4,800 rpm ( SAE Gross). Max. Torque: 46.0kg-m/3,600 rpm (SAE Gross)

4500
230 حصان
العزم 38.5

4200
135 حصان
العزم 28.5

وزن السيارة فارغة 2414
سوبر سفاري فل


هذي المعلومات من مواقع الشركات نفسها وتكفون يا جماعة اللي بيقارن
يقارن 4500 مع 4500
و4700 مع 4800
والربع مع الربع

اما انا فسيارتي لندكروزر 95 كربريتر ما في مكان ما رحته

[أبوحمد 505]

أقول أحسن شي الأكسنت :)

[شاص1988]

[quote=العنابي 616;2841374]محرك بنزين 4,7 لتر (2UZ-FE)

النوع 8 سلندرات 32 صمام DOHC مع VVT-i
إزاحة المكبس سم3 4664
الخرج الأقصى (صافي SAE) د.د / حصان 271/5400
قصى عزم دوران (صافي SAE) د.د / كجم – م 41,8/3400
نظام الوقود حقن الكتروني للوقود


نوع المحرك 4.5 l (1FZ-FE

عدد السلندرات 6
عدد الصمامات 24
زاحة المكبس سم3 4500
لخرج الأقصى حصان/د.د 240/4600
أقصى عزم دوران كجم/د.د 40.7/3600


وزن السيارة فارغة (كجم) 2615
vxr فل



اما النيسان

Max. Power: 280 hp/4,800 rpm ( SAE Gross). Max. Torque: 46.0kg-m/3,600 rpm (SAE Gross)

4500
230 حصان
العزم 38.5

4200
135 حصان
العزم 28.5

وزن السيارة فارغة 2414
سوبر سفاري فل


هذي المعلومات من مواقع الشركات نفسها وتكفون يا جماعة اللي بيقارن
يقارن 4500 مع 4500
و4700 مع 4800
والربع مع الربع

اما انا فسيارتي لندكروزر 95 كربريتر ما في مكان ما رحه
الرجل قال قارن بين الهدد والباترول وانت تقارن الفكس ار بستاندر النيسان
ثاني شي الفتك يكفي انك لو صرت واقف عند اشاره وجيت تبي تقومه خشمه يفز مهب مثل التايوتا جحش لقومته كنك مقوم بغل وان بكرامه ويكفي انه دفرنش امامي وليس عكس امامي وبعدين انتو ليش متعبين عمركم وجايبين موضوع مسكر لبقيت تقارن قارن بينك وبين نفسك قل ان ماكينه الفتك4800 وماكينة الهددالجحش :mad: 4500 مافي اي وجه للمقارنه بعدين يكفي الفضايح الي نسمعه عن تويوتا كل اشوي قالو ان لاندكروزر مصنع في استرالي ولي قال انه في تايلند ولي مادري وين قال الفتك شد بلاده :o اليابان

[قناص متقاعد]

اشجع الهلال

[المتميز07]

السلام عليكم
لوسمحتم وقفوا السب في المواتر ولفرق بين الهدد
والباترل انا شركة التايوتا ميطيح سعرها اما شركة النيسان يطيح سعرها فففففففففففففيييي بعض السيارات اما انا اذا سالتوني بئيدهم الاثنين :director: الاثنين ولا الخميس:D وشكرا تحيات
المتميز07

[محمدالعريني]

والله انا الصراحه في التويوتا اؤايد ال في اكس ار v8 والهدد بقره
والفتك الصراحه موتر خفيف نفس بالنفود وفي الشعبان مسكت افضله عن التويوتا وبالنسبه للتفككك كل سنه ربطه ب 2000 يرجع جديد احسن من الجديد

[مدمن فتك]

انا بقول رايي :واسال مجرب ولاتسأل طبيب
انا جربت التويوتا وجربت الفتك
التويوتا افضل من ناحية التحمل والبيع فقط
اما الفتك انشط واخف ومايرده شي ماشاء الله واكثر اناقه من التويوتا المجمع بمصانع عبداللطيف ..
بصراحه النيسان صديق الانسان واخيرا ترا الدعوى حديد وكلن ينام على جنبه اللي يريحه..

[الرعد99]

الهدد مافي اي شك ويكفيه انه من صنع تويوتا

[مدمن فتك]

ياشباب اللي مجرب الموترين يتكلم مهب الدعوى خراص

[مخاوي البر9]

* السلام عليكم جميعاً...........................اخواني
كلٍ له محاسنه ومساؤه خصوصاً أنا مجرب الإثنين ولاكن
مال قلبي للباترول أكثر لأنه أمتع في الطرق أ وفي البر
وخصوصاً في المناورات أثناء الطرد

[سعود27]

أنا عندي الهدد موتر لتلميع وأنك توقفه بشارع دوران وتستب الكفرات خذ الرجال ولكن للبر والمقناص وشعبان بصراحه الباترول وشفوا مقانيص الأمارات والقطر وتعرفون الفرق بين الهدد حق الدوران والباترول حق البران

[المكشات]

يكفيك الباترول انه لا يزال دفرنس امامي و دبل عصا


ياخي قرم هالبترول قرم

من تشوف خشمه يفز للدعسه مثل قرم العيال

[فارس العمور]

الباترل اخف ةارخص

التويوتا ثوووووووووور

[ساري 111]

التويوتا ثوووووووووور




الهددالجحش


؟؟؟

وش هالالفاظ الله يصلحكم ؟؟

لكن

اللي مايطول العنب يقول حااامض

[ابوفرايديز]

السلام عليكم ورحمة الله وبركاته
بالنسبة للمقارنة انا راح اقارن لك من ناحية القوة فقط
الهدد:
مكينته 4500 6سرندل
بالنسبه للحصان انا ماعرف الهدد كم باضبط بس الفكسار 228 حصان 8سرندل
الباترول:
انت ماحددت وش تقصد 4500 او 4800
4500=240 حصان 6 سرندل
4800=280 حصان 6 سرندل
وكذا الباترول متفوق من جهة القوة بكثيير عن الاند بشكل عام سواء الهدد او غيره من انواع الاند
وهذي وجهة نظري وارجو انها تكون صحيحة
وشكراً.
الحين الباترول 4500 يكون 240 حصان والفكس ار 8 سرندل 228 عيب عليك الخرابيط اللي ماتدخل العقل لاتتعصب للباترول مع ان الباترول معي ونعم الموتر لكن الفكس ار 250 حصان اصحح لك المعلومه

[ساري 111]

ابو فرايدز .. لاتحرق دمك ..

الفكس ار 270 حصان

النيسان اذا قالو لك 300 حصان اخصم ثلثه يعني 200حصان
خراطين ياشيخ انا ماادري وشولون مكينه الباترول 12 بلف صارت 4500 وهي مايفرقه عن المكينه الاوله 4200 الا لون راس المكينه صار اسود ؟؟


الأمر اللي احب الفت انتباه الجميع له ان التويوتا عزمه مايتغير تجيب واااحد ماشي 1000 او 100000 تلقى العزم واااحد ..

اما الباترول دامه جديد ماعليه لكن اذا وصل 50 الف يبدا يطيح عزمه بشكل ملحوظ

فاقع مخي ماادري ليه وماادري وين يروح عزمه ؟؟؟

[فارس اجا]

الجمس والتايوت والفرد الأخرق
كله مع البترول خاقن وخقيا


4800

[naaser]

.................................................. .......

والله مادري وش اقول الشباب حمسوني بكلامهم بالباترول شكلي اببيع الهدد واشري فتك وباقي فلوس الهدد ابشريبه ارض ..

[النادر نايف]

برأيي الفتك أفضل بواجد
يكفي أن الدبل حقه ترس مو فريول
بالنسبه لي ماشريت اللاند وفيه فتك

[Abu Saad]

انا بقول رايي :واسال مجرب ولاتسأل طبيب
انا جربت التويوتا وجربت الفتك
التويوتا افضل من ناحية التحمل والبيع فقط
اما الفتك انشط واخف ومايرده شي

نفس التجربه..ونفس النتيجة.
وتبقى مواتر يابانية ماعليها كلام ..
وعموما المسالة رغبات وميول ياجماعة ..
كل واحد يشتري مايرغب وماتهواه نفسه وماترتاح له ..
ونرتقي عن التعصب ومصادرة آراء الغير ..
وبالتوفيق

[قناص قطري]

ياربع غير التويوتا لا تأخذ موتر . . .

وخاصه الاند الكروزر القديم الي هو الجيب . . .

vx.r 97 هذا هو الموتر من وجهة نظري . . .

تحياتي لكم . . .

[التعـ King ـديل]

انا بكلمك من واقع تجربه للباترول من موديل 89 الى 2005

الباترول قطع غياره حلوة ورخيصه وخراباته معروفه وكلا يعرفها صرفيه البنزين فيه مثل رصيد البنك تحط فيه ب 20 يزرك ب20 تحط ب 50 يرزك ب 50

انا جربت الباترول بصراحه سيارات لايعلى عليها سواء خط او بر او داخل الديره خفيفه مقارنه بالهدد او الاند بشكل عام انا مااقولك الاند سيئ لكن ثقيل طينه

وتحس انه عجيز وسط الديره وغثيث بالحركه وانا اتكلم عن الجيكسار فل كامل 2003 جربته وجاب لي الهم وضيقه الصدر مع انه بريمي فل كامل اللي يعتبر

من افضل الانواع وافخمها على موديله .. ومع ذلك رجعت للباترول ومازلت متمسك فيه ويشهد الله انه افضل موتر جربته بحياتي

[المتميز07]

السلام عليكم


انا عارف ليش الباترل يخرب وبوظحلكم من كلام لاخو ............



وبدون مقارنة البترول افضل من ناحيت القوة والعزم والنفود ما يعوق معة بعد توفيق الله

ومن ناحيت الخرابات لو يجي الهدد مثل ما يجب البترول كان تفكك مثلة لامن تلقا الواحد شاري هدد ونادر

يطلع للبر ويقول الهدد ما يتفكك وبعدين اسئلو سلاح الحدود وشف وش يقولون عن البترول



http://www.mekshat.com/pix/upload/images34/mk18134_img_0045.jpg


http://www.mekshat.com/pix/upload/images34/mk18134_cb.jpg

[لاح البرق]

لولا اختلاف الأذواق لبارت السلع

[تفتفة هدد]

الهدد بدون منازع ..
الباترول أنت وحظك يا يجيك ممتاز ولا كل يوم بورشه !!

[مفتون الشمال]

كل واحد له مميزات وعيوب !!

الهدد بالبر أصبر والباترول أريح
الهدد بالبيع أفضل والباترول بالشراء أفضل
الهدد تجاوبه ثقيل طينه والباترول خفيفه نفسه
الهدد غاااالي على لا شي والباترول يوهقك بالخرابات
وعلى هذا المنوال ،،،

لكن أنا معي سوبر سفاري وأفضله على الهدد والجي إكس آر والفي إكس آر مع إعتذاري لتويوتا ...




عاشـقhttp://www.mekshat.com/pix/upload/sign/images/mk49539.gifالسيل

أنا أؤيد كلام أخوي عاشق السيل وبالنسبة لي معي هدد 2001 له سنة معي كديته الشتاء كدة مافيه مكان ماجيته بعد مقناص الشتاء وبعد ماخلص القميري حطيت فيه 3000 ريال من مساعدات ووووو يعني حق الأستعمال وطلع جديد ....... أشكركم على الأراء أخوكم مفتون الشمال

[البرقاووي]

الباااترووول وبس

[طير شوى]

افضل الباترول

[«نجم الخير»]

الي مايطول العنب يقول حامض

[سيف الظفير]

ملك الجمس..:)

تفضل أخي الكريم هذه نتيجة المقارنة.. طبعاً كانت بين السفاري والهدد..

* نوع السيارة

نيسان باترول
تويوتا لاندكروزر

* موديل السيارة

الباترول 4.8
اللاند V6

* عدد السليندرات

الفئتين 6 سلندر

* سعة المحرك

الباترول 4.8 لتر
اللاند 4.5 لتر

* القوة الحصانية

الباترول 280 حصان
اللاند 240حصان

* سعة خزان الوقود

الباترول 142.8 لتر
اللاند 148.8 لتر

* نوع ناقل الحركة

الباترول 4/5 سرعات
اللاند 4/5 سرعات

* عدد الركاب

الباترول 8
اللاند 8

ببساطة هذا مالدي
وتفضيلي سيكون للباترول من واقع مشاهدة وتجربة..;)

أخوك..( أبو فهد )..




يا بعد حيي كل الاثنين 140 لتر

95 الخزان الكبير والصغير 45

[راعي المستوي]

السلام عليكم
انا مشاركتي بالموضوع ليست بالمقارنة بين السيارتين...وانما...
تعصب البعض وكأن له اسهم في تيوتا او نيسان
كلها سيارات وكل ن يركب السيارة اللي يرتاح لها
ياخي انا اعرف واحد من الشباب معه ديهاتسو حوض و مبسوط
اهم شي انك تحدد الاشياء اللي تبيها من السيارة ومن خلالها تختار ما يناسبك

بصراحة بعض المواضيع مالها داعي!!!!!!