سؤال لخبراء الكفرات

[الـ ع ـارض]

السلام عليكم

اخواني

ما هو افضل نوع كفرات ينفع للمناطق الرمليه والصخريه وايضا مريح على الطريق ؟؟؟
وهل لو غيرت الجنوط والكفرات من مقاس 16 الى مقاس 18 تتأثر السيارة في البر ؟؟؟

للمعلومية السيارة يوكون 2000


نصيحتكم يا اخوان لا تبخلوا فيها :D

[بـــدر]

هلا اخوي،،، بالنسبة للكفرات انا اسمع عن( يوكوهاما) يقال انا الين شوي في الرمل و(البطناج)، بالنسبة لحجم الجنوط كل ما كبر قطر الجنط صار ازين يالخط فقط يعني في السرعات العاليه بس الضريبه انه مزعج جداه ويفكك البودي حق السياره وفي الرمل مايسوى ريال على النقيض مع الجنط الاصغر اذا تبي توضيح اكثر في الجنوط بذات انا جاهز ومن واقع تجربة

[دله وفنجال]

السلام عليكم يا الخوان.
انا اببدي رايي يا العارض .
شف انا من تجربتي بلكفرات ابقولك .
1: البالون التويو فيه رملي وفيه حجري وكلهن زينات ولينات ويخف المطب ولمطناج بلجلد وبنفود ما مثلهن يمشي الموتر لو انك اتدرج برجليك لاكن عيبهن انهن يتمسحن بسرعه ويبيلك تتفخهن بزفلت بعد عشان ماينعدمن .
2: التويو العادي الي زي الدنا لوب هذا ممتاز ولين بلجلد ولنفد ولاكن هذا النوع بذات ماجربته لاكن ماسمعت من الشباب .
3: الدنا لوب حلو وزين بنفود وبلحزوم لاكن عيبه لاراح نص عمره قام ينخول مره ينسم عليك ومره ينفصخ هذا اذا ستر الله عليك ما انفقع بلخط ولا انصلخ .
بس فيه انوع الجديد الي نزل مع التويوتا 2003 هذا ممتاز ممتاز ممتاز لاني خصيصن انا امجربه مع برادو 2003 ولين بحيث ان عيون البس ماتسمعله صوت ورجه بلموتر مثل القديم .
4: وفيه نوع جديد نزل يمكن له اكثر من 7 او 9 شهور بس ما ادري وش اسمه لاكن نقشت الكتابه الي برا عريضه وشبه ماليتن الكفر هذا الله يسلمك لين بلحيل وزين للتطعيس بس الظاهر ان ليونته ما تشفعله بلارض الحجريه .
5: المشلن ممتاز ويطول معك ييعني يقعد اكثر من السنتين بس انه لافرش على الطعس تظهرله زوايد مع الجوانب وسبب ان بطن الكفر قاسي مره وجوانبه لينه يعني ادنات شي يشق الكفر مع جنب . لاكن بلخطوط خذ كفر يعمر معك هذا بعد اذا ما ضاق صدرك منه وغيرته .
هذ والله الي عندي ومن واقع خبره مع الانوواع الي انا جربتهن لاكن ان كانك راعي مكاشيت واجد ولا تبي موترك يتفكك ركبلك سلق (كفرات انحاف) علشان ما ياكل مطناج وواجد ولا اجروف واجد .
ارجو اني افدتك ابشي وعذرنا عن القصور .

[الـ ع ـارض]

مشكووووووووووووورين يا شباب وما قصرتوا :D

طيب وش رأيكم بكفرات برجستون ؟؟؟؟

[ساري الجبل]

السلام عليكم ورحمة الله وبركاته

كيف الحال يا جماعة الخير

يا خوي العارض انا مجرب البرجستون الميجر بصراحة ما عليه كلام وممتاز بالمرة

وفي الطرق الجبلية ممتاز مثل البالون في الرمل
وانا استعمله للطرق الجبلية اكثر
وعسى اني قلت المفيد

وبدرب السلامة

[برقان]

يا جماعه وش احسن البالون ولا الشاهين ووش الفرق وهل اذا كان الموتر ما فيه اي بي اس ياثر البالون عليه ودمتم

[الامام والمؤذن]

كفرات التويو العاديه مو البالون افضل كفرات بعدين خفيفه الوزن عكس الشاهين اثقل من الثقيل

وعشان تتاكد انا كنت طالع للبر ومعى باترول اربعة ابواب م\88 وعنا ثلاث باترولات من \93 وباترول ربع المهم وقفنا عند طعس وتحدينا اللي يطلعه بالسياره الجيب الربع طلع بسرعه الجيوب الباقيه ماقدرت تطلع وموتري بالقوه طلع والجيوب الباقيه ماقدرت تطلع مع اني سقتها لكن ما قدرت اطلعها

[هذا الكلام]

ياحبيلك يا الإمام والمؤذن وحارس المسجد والجماعة (النك حقك :good: :good: )


ياخي الكفرات له علاقه بسالفك بس نسبيه جدا فالجيب الربع رقى لانه صغير وخفيف وجيبك يمكن انت معوده على المراقى والنفود وربعك الباقين يمكن اول مره تدخل سياراتهم النفود وبعدين هل انتم منسمين نفس الشي يعني كل كفراتكم به نفس الشي وهل كلكم نفس التحميل ويمكن كفراتك جدد وكفراتهم قدام ووو.......... فأتوقع ان الكفرات ماله هاك الدخل الكبير لأن فيه أشياء ثانيه لازم تناظره ويمكن تكون وجهة نظري خطأ


وبالنسبة للأخ العارض تسانك تبي كفرات 100% منتب لاقي مثل الميشلان وبالنسبه لكلام الاستبنه الحين فيه نوعين شي صخري وشي رملي والصخري لا فرش بالنفود اطرافه مب لينه بالحيل عكس الرملي وأنا الصدز انصحك بهن تسانك منتب تطلع البر كل نهاية اسبوع:) :)

[المنطلق]

والله انا ماعندي خبرة


بس موضوعكم ومشاراكاتكم ممتازة

لافاح........زله;) هههههههههههههه


والله حلوة