المساعد الشخصي الرقمي

مشاهدة النسخة كاملة : طريق روضة نورة


هبت الريح
14/02/2007, 09:16 AM
يا اهل الفزعة

وش اقرب طريق لروضة نـــــــــــورة من الرياض


واسهـل طـريق للسيارات الصغـيـرة

والمسافة بين الزفلت والروضــــــة
yaso
14/02/2007, 09:47 AM
خذطريق القصيم حتى مخرج رويغب (يمكن فب حدود 100كم تقريبا ماني متاكد من المسافه)تفرق رايح لرويغب قبل تاصل رويغب بحدود 7 كم تجيك لوحات كثيره تؤشر روضه نوره يمين الخط بحدود 7كم طريق ممهد حتى هونداي اكسنت تروح
عاشق نجد
14/02/2007, 01:04 PM
حياك الله اخوي
خذ احسن وأسهل صف

اطلع من طريق القصيم ، اذا جاك المخرج رقم (9) الحسي ، لف معه يمين ، بعد ما تمشي كيلوين يجيك ملف الخاتلة يسار متجه شمال لف معه .

بعد ما تمشي مع ملف الخاتلة (18) كيلو تجيك لوحة صغيرة على اليسار لروضة نورة والطرق ممهدة ، طب معها وامش (14) كيلوا وانت في الروضة .

وبالمناسبة كل السيارات تروح لها .
وبالتوفيق .
سفير الحزن
14/02/2007, 01:48 PM
السلام عليكم ورحمة اله وبركاته

الشباب ما قصرو .

فيه طريق ثاني تطلع مع مخرج حفر العتش يمين يعني يصير وجهك شرق وسيده مسافه 25 الى 30 كيلو تجيك الروضه في وجهك .
بس نصيحه الروضه ما تصلح ربيعها لك عليه وانا من رايي تغير الوجهه انا كنت فيها امس 25/1/1428هـ وبصراحه المشكله انواع العج يعني طالع تشم غبار ما تشم هو .

وشكراً
سفير الحزن
14/02/2007, 01:50 PM
اضافة بسيطه
مخرج محطة حفر العتش الى علي طريق القصيم للتوضيح
رحـ R ـال
14/02/2007, 10:49 PM
طيب هل الربيع زين هناك ؟؟؟

ولكم الشكر