المساعد الشخصي الرقمي

مشاهدة النسخة كاملة : مساعدات وياي ARB...oldman


Mohammad
15/02/2007, 11:38 PM
السلام عليكم

قريب لى قرر يركب 4 مساعدات و2 ياى خلفى على سيارته Gx 2001 ولكن متخوف ومحتار فارجو ان تنصحونا اذا هناك عيب او مشكله على الاسفلت او فى البر او مع السرعه...لم نجد اى خيار معروف الا الذى يبيعه محل الرمايه؟

بحثنا فى الموقع ولكن ليس هناك قناعه والمواضيع قديمه الى حد ما.

الهدف من التركيب هو زيادة الحموله فالسياره تنزل مع اغراض البر وكذلك المحافضه على تماسك السياره فى البر ومع المطبات وفى الرمال طلوع ونزول....

وما خاب من استشار وجزاكم الله عنا خيرا
مشراف
15/02/2007, 11:46 PM
خذ العلم من مجرب

ركب اللي بالرماية ولا تتحسف بعد تجربة طويلة مرت بي مع المساعدات واليايات

غير الياي الخلفي فقط وانس حمل على كيفك بالجيب مثل اخوك يرص الجي اكس ولا يسأل
Mohammad
15/02/2007, 11:54 PM
بارك الله فيك اخى مشراف ماذا عن المساعدات الاربع من الرمايه اللون اصفر
Mohammad
16/02/2007, 01:30 PM
افيدونا جزاكم الله خير

المساعدات اولد مان وشى علمها قبل ما يتورط الرجال تراها غاليه والرمايه يمدحون سلعتهم

وش القول ؟
shababi
16/02/2007, 04:05 PM
أنا ركبت مساعدات أولد مان الأسترالية على الباترول مساعدات الدركسون

أول ما ركبتها تمام بس مع الوقت خربت قلت يمكن معيوبة وركبت ثانية ونفس الشي مع الوقت ترج الموتر وتخرب بسرعة الحين أمشي على مساعدات الوكالة أبرك منها
هاوي الله
16/02/2007, 06:42 PM
بالنسبه للياي :

الياي حق الرمايه ممتاز جداً ويوجد له عدة مقاسات ( لا أذكرها حالياً ) .

المساعدات :

مساعد جبرين ممتاز وله ثلاث مستويات إختياريه في نفس المساعد .
Mohammad
17/02/2007, 03:14 PM
أنا ركبت مساعدات أولد مان الأسترالية على الباترول مساعدات الدركسون

أول ما ركبتها تمام بس مع الوقت خربت قلت يمكن معيوبة وركبت ثانية ونفس الشي مع الوقت ترج الموتر وتخرب بسرعة الحين أمشي على مساعدات الوكالة أبرك منها

بارك الله فيكم ومشكورين على المعلومه ...
Mohammad
17/02/2007, 03:18 PM
بالنسبه للياي :

الياي حق الرمايه ممتاز جداً ويوجد له عدة مقاسات ( لا أذكرها حالياً ) .

المساعدات :

مساعد جبرين ممتاز وله ثلاث مستويات إختياريه في نفس المساعد .

وانتم كذلك بارك الله فيكم ..يبدو ان الياى مع عليه غبار

بالنسبه للمساعدات بشيك جبرايل واشوف وياليت احد يعطينا تجربة مساعد اولدمان على اللاند


ننتظر افادات اضافيه عن المساعدات من الطيبين...
Mohammad
18/02/2007, 08:01 AM
يرفع عسى احد لديه تجربه مع مساعدات الرمايه اولدمان
aziz2727
18/02/2007, 08:09 AM
خذ العلم من مجرب
مع لاندكروزر 2004 شار علي احد الاعضاء بتركيب ياي ومساعدات
رحة للرمايه وشريت ياي خلفي ومساعدات خلفيه اولد مان
ولي ولله الحمد اكثر من سنه وان مرتاح منها ولا شفت ولله الحمد اي مشاكل بل بالعكس مريحتني مره
كان ذيك الايام الموتر ما يركب فيه واحد في المرتبه الخلفيه الا وينزل وفي الرمل تحك الاستبنه الخلفيه
بس الحين الامور زينه مره واحمل عليه ولا اخاف الا من رب العالمين
طبيعا" فيه ثلاث مقاسات من الياي
انا ماخذ المقاس الي يرفع السياره شي بسيط من الخلف بس ناسي كم المقاس اعتقد انه 1500 ما ني متأكد
خذ وتوكل على الله
ضرس العقل
18/02/2007, 08:13 AM
مساعدات الرماية أولد مان

ممتازة إلى أبعد مما تتصور إذا ركبت معها ياي رقم 3 قمة الجودة والأمان والراحة

غالية بس تستااااااهل
Mr.Patrol
18/02/2007, 08:24 AM
اخي (Mohammad)

رأي افضل لو تركب مساعدات الجبريال لان سعرها 330 الاربع طبعا بالمقارنه مع مساعدات الرمايه الواحد 295 وللعلم المساعدات ممتازه كما ذكر الاخوان يمكنك اختيار قوة ضغط المساعد من اللين الى القاسي والله اعلم.
Mohammad
18/02/2007, 09:34 AM
الاخ aziz2727 جز اكم الله خير على الافاده وبارك الله لكم سوف نذهب الى الرمايه ونشوف اش عندهم ..كذلك قرأت فى المنتدى عن مقاس 200 ولكن انا مثلك لا ارغب فى الرفع الواضح

الاخ ضرس العقل جز اكم الله خير على الافاده وبارك الله لكم سوف نذهب الى الرمايه ونشوف اش عندهم عززت كلام الاخ الفاضل

الاخ Mr.Patrol جز اكم الله خير على الافاده وبارك الله لكم بالنسبه لجبرايل مشهوره وسمعت فيها قبل ما اعرف اولدمان وسعرها رخيص جدا جدا مقارنه مع اولدمان ارجو ان لا يكون على حساب الجوده ما ادرى وش صناعتها؟

اخوكم
عرش السفاري
19/02/2007, 12:32 AM
وين يبيعون جبرايل؟؟


ودمـــــــــــــتم
الفردوس
19/02/2007, 12:55 PM
مساعدات جبريال في صناعية الخرج محل السبت
حمد808
19/02/2007, 02:21 PM
مسا عدات الشاص افضل من جبريال ومن مسا عدات الرماية
هاوي الله
25/04/2007, 09:27 AM
قبل يومين جيت محل السبت أبي 4 مساعدات جبرايل 2 خلفيه و 2 أماميه ولاكن ماحصلت الأماميه ! وشريت اللي خلف فقط * وللعلم إن المساعدات الخلفيه لايوجد لها مقاسات إختياريه .

لاندكروزر GX