أفزعوا للقراند شروكي صوت الدفرنس الامامي مسوى رجه ليش كذا ؟؟؟؟؟

[sari sami]

الفزعة ياشبات القراند شروكي مارايكم ..الدفرنس الامامي مسوي لي رجه ....
والسيارة قراند شروكي مديل 2001 ،، 8 سلندر
السيارة ممتازه بشكل عام ...ولكن بس فيها ها لمشكلة في الدفرنس هل أكتفي بتغيير الكرونه ,, او احد يدلنى على حل أو دفرنس .
ترى الصوت ازعجنى مره .

[ال معلى]

sari sami (http://www.mekshat.com/vb/member.php?u=39471) vbmenu_register("postmenu_719236", true);

اخوي اذا ماتعرف وش المشكله او تخاف انك تحوس بالموتر دخله الوكاله وسو له فحص شامل وشف وش المشكله واذا

تبي تصلحها بالوكاله او تصلحها براء اهم شي تعرف وش المشكله ب
300 ريال احسن من انك تخسر فلوس على افاضي

وتقبل تحياتي

[sari sami]

الوكالة سلاخين يا أخي الكريم ...

[العطة]

السلام عليكم ورحمة الله وبركاتة

الوكالة تفحص السيارة فحص كامل 280 ريال تقريبا

وبعدها يعطونك تقرير عن السيارة وصلاح السيارة في اي ورشة تعجبك

* تاكد من الصلبان العمدان الدبل الامامي والخلفي


ابوعبدالاله

[بدوي جنوبي]

انت ذكرت ان السياره فيها رجه

الرجه لها اكثر من سبب ترصيص او كفر محبل او وزن اذرعه او او او الخ

الكرونه ما تطلع رجه يطلع منها صوت مثل تروس او ونه وانت تمشي

حاول تشخص العطل وين بالضبط ..... لا تتهور وتغير الكرونه لان المشكله امكن تتضاعف اكثر

عموما رح اطرف ورشه وخلهم يشوفوا العطل وين بالضبط ...... انت لا تقول الكرونه لانهم نصابين بيقول ايه الكرونه عطلانه

وهي سليمه عشان يحصل علي اكثر مبلغ .......... كثرو النصابين بالذات في الورش

المهم انت لا تستعجل ورح لااكثر من ورشه
هذا رأي

تحياتي لك

[لبيد بن ربيعة]

أخي الكريم
لا تستعجل في موضوع السيارة وإصلاحها إلا بعد التحري والبحث والسؤال وانتبه من أهالي الورش الكبيرة الذين يدعون المعرفة في الجيب الجراند شيروكي ، لأن دفرنسه الأمامي يصعب ضبط وزنه بعد فكه وقد تدخل في متاهات أشد وأصعب
وقد مررت بتجربة مريرة في هذا المجال حيث كان معي جراند شيروكي 2000 ليمتد اشتريته جديد بـ 125000 ريال وبعد ثلاث سنوات من الاستخدام مشى معي فيها 150 الف كلم زي العسل بعدها صار فيه صوت في الدفرنس الأمامي بعد قيامي بسحب سيارتين من تغريزه قويه -الله لا يعيد الشر- وتوهقت في ورشة قاموا بتغيير الكرونة من التشليح وكلفني كامل الإصلاح 3500 ريال
والمشكلة أن الصوت زاد وزادت الرجة ، فاضطررت إلى بيع السيارة وكسر قيمتها مع شدة حبي لها وتعلقي الشديد بها والحمد لله
ولما سألت الوكالة أخبروني أن سعر الدفرنس كامل بعشرة آلاف وخمسمائة ريال فندمت على أنني لم أقم بشرائه وتركيبه .
نصيحتي لك أخي
أولا افحص الأجزاء الخارجية المتحركة من السيارة : الكفرات ، المقصات ، الأذرع ، المساعدات ، كراسي المكينة والقير ، شدادات الدفرنس ، عمود الدبل ، ...إلخ
إذا كانت جميع هذه القطع سليمة فلا يبقى إلا الدفرنس فإذ كانت السيارة نظيفة وغالية عندك ومتمسك بها وليس لك رغبة في بيعها ، فنصيحتي لك أن تقوم بتركيب دفرنس كامل من التشليح بشرط أن يفكونه من السيارة أمامك ، أو تقوم بتركيب دفرنس جديد من الوكالة
ولا أنصحك بتركيب كرونة جديدة على نفس الدفرنس لأنها ما راح تضبط معك على المدى البعيد

وفقك الله أخي

[sari sami]

اخي العزيز محمود
اشكرك من اعماق قلبي لهذه النصيحة التى في محلها ، لاننى كنت اراود نفسي بتغيير الكرونة . مع ان صوت الكرونة في هذه الايام صاير زايد مره خاصة عند رفع رجلي عن البنزين تحن حنين ما هوطبيعى مسوي رجه مره . لكنى بخليها الين يفرجها صاحب الفرج انه جواد كريم .
يمكن احصل دفرنس كامل نظيف في التشليح ولله يستر
وجزاك الله خير

[ولد شقرا]

اخوي تبي العلم الصحيح
انا معي مثل موتر 8 سلندر كان فيه صوت ونــــــــــه من الدفرنس الامامي وقلت ياولد ليه الخساير ورحت فكيت عامود الدبل فكته ولا ب 20 ريال ومشى معي الموتر مضبوط ولذا جيت اطلع البر ركبته وخذ الشور وانا اخوك ولا تكلف نفسك بشراء من التشليح ولا من الوكاله
دمت بود

[ابو درع]

الرجة الله لعالم انها من الصلبان

اذكر معي شروكي توني شارية .. ولا اعرف اي شي عن الشروكي توني مجربة

سافرت به من القصيم وبعد وصولي الي الرياض وتنزيل الحمولة التي فية ظهرت رجة عند سرعة معينه .. قلت اكيد ترصيص

وكلمالها تزيد .. ذهبت الي الصناعية .. وقرر راعي ورشة سوري:mad: حسبي الله علية توضيب القير

وبعد زيارتي الاكثر من ورشة .. اطلع علية فني وقال لي ايش المشكلة بزبط وايش سبب الرجة

قلت ابداً كنت مسافر ومعي حمولة من التمر زائدة .. وحينما انزلت الحمولة ظهرت الرجة

قال بس هذ بسبب العمود انحل احد الصلبان ،،غير الصليب ودعيلي .. وكما ذكر انحلت المشكلة ( الرجة )

تحياتي لك

[عاشق خلا]

عندي لك حل راح يعجبك ان شاء الله
من المعلوم ان دبل القراند شيركي شابك على طول عشان كذا يطلع صوت الدفرنس الامامي لذا يلزمك تغيير الدبل الحالي بدبل شيروكي عادي حتى تتمكن من التحكم بالدبل وفصله واذا فصلت الدبل فلن يظهر صوت الدفرنس الامامي وبهذا تنحل المشكله.
دعواتك الطيبه ياغالي

[sari sami]

اشكرك . ولكن الصوت من داخل الدفرنس حتى لو فصلت الدبل يطلع له صوت

[مخايل سحاب]

سلام عليكم اخوي
انا معي مثل موترك قراند ٩٩ ليمتد ٨ سلندر
وعندي صوت متوسط في الدفرنس الامامي
وهي مشكله يشكو منها الكثير من اصحاب القراند شروكي
رحت وفحصت الموتر عند كذا ورشه وكل واحد منهم قالي انه صعب يعرف اذا المشكله في الكرونه فقط او في الجرم كله، واذا المشكله في الكرونه هل سيكمن اصلاحها او اني ابحتاج الى كرونه جديده
طبعا في كل الاحوال بيحتاجون الى فك الدفرنس وفحصه وهذا شغل يده مكلف جدا
فيوم اني شفت ان المشكله بتكلفني الكثير والصوت مهوب مزعج جدا قررت اني ما اصلحه حتى يخرب او يوصل الصوت الى حد ما اتحمله، حينها اشتري لي دفرنس مستعمل في حدود ال ٤٠٠٠ ريال وافتك من قضيه المغامره في فكه

نصيحتي لك هي كالتالي:
ان تفك عمود الدبل
ثم تشيك على القطع الخارجيه اولا وخاصة رمانات فرنجه (او فلنجه) عند ميكانيكي فاهم
اذا تاكدت انهن سليمات وان المشكله هي داخل الدفرنس،
غير زيت الدفرنس الامامي الى زيت لزوجته ١٤٠ حيث ان الزيت الموجود في دفرنسك هو زيت وكاله لزوجته ٩٠ (خفيف)
لا تنسى ان تضيف علبة المعالج (تجدها في محلات قطع الشروكيات) قيمتها حول ١٥ ريال
بامكانك التشحيم ايضا.
اذا الصوت ما راح فشوف لك دفرنس نظيف

انا افضل لك الخطوات اللي فوق من انك تغامر وتغير الكرونه ثم تكتشف ان المشكله في العمود كله او في مكان اخر.
اهم شي تعطينا اخر تجاربك واخبارك فهي بتفيدنا وتفيد الكثير

نصيحه عامه لاصحاب الشروكيات:
لا تمشي على الجيب اكثر من ٦٠ كم وانت حاطه على الدبل الثقيل، هذا قد يضر بالدفرنسات.
وانا اعتقد ان اللي خرب دفرنسك يا محمود هو ان الدفرنسات عندك قامت تدور في محلها وان تسحب المغرزين بسرعه اكثر من ٦٠ كم.

وشكرا للجميع
اخوكم مخايل سحاب