لو أن .....(1)

[المطر]

[ السلام على الجميع
أول مشاركة مني للحبايب أرجو تقبلها
وهي عبارة عن تسالي نحاول من خلالها حل بعض المشاكل التي قد تواجه الكشاته
في مكشاتهم أبدأ بأول إفتراضيه
لو أن الجيب لا سمح الله انقلب عليك بالبر ومهنا إلا أنت وخويك بس وماحولك إلا
طعوس والجيب منسدح على جنبه وش الحل لهل مشكله ...


وتقبلو فائق إحترامي وأعجابي مقدما


المطر

[laith]

عاد مالقيت تسالي الا بانقلاب وحوادث ..:mad: :mad: :mad:

الله يدفع البلاء.

اجل لو كتبت مواضيع على محمل الجد وش راح تكتب..:what:

اقول الله يخلف..:hot:





لحظه لو سمحت:

لاتزعل تراني امزح وياك ..ومرحبا مليون..:D :D :D

ليث

[هاوي الصعب]

اخوي المطر
يامرحبا بك بين اخوانك
عادي احفر للسياره من احد الجوانب اليمنى او اليسرى لين تكون سهله الدف لقلبها الى الجهه
المحفوره بعد كذا الله لايهينك ولا يهين من يسمع نسم في الكفرات ثم اطلع في امان الله.

ثم لا عاد تعودها
كل التقدير والاحترام




-----------------------------------------------------------------------------
لا عــــــــــــــــــــــــــزلــــــــنــــــــــــ ـــــــا الا بــــــــــــــــــــــالاســـــــــــــــــــلام

[القماري]

حياك الله يالمطر جيت وجابك الله
وبخصوص مشكلة الأنقلاب في البر إذا كان على جنب وما تقدر تعدل وضع السيارة بحالك فالأفضل وبحسب ماسمعت أنك تحفر وتباعد الرمل عن الجهة إلي ودك تعدل السيارة فيها وتكون حذر وبعد ذلك تدفع السيارة لجهة الحفر وإن شاء الله تزبط الشغلة ( بصراحة لم أجربها وإن شاء الله ما تحصل معي ومع أحد آخر)

[راعي عنيزة]

كفانا الله وياكم شر القلبات وخصوصا اصحاب جيوب الربع لان اشوف قلباته كاثرة بالبر بشكل مهب طبيعي لدرجه ان واحد يذكرونه قلب على وجهه وهو مدحدر من النفود ! اعوذ بالله قواطي صلصه ذي مهب مواتر


وبالنسبه للتعديل اعتقد اخطر شي انك تدفه او تحفر له بايدك لانه ممكن تدفه همن يرجع عليك
لذلك اسلم وامن طريقه انك تربط واير او حبل بالجهه المرتفعه من الموتر وتسحب وانت بعيد

[المظهور]

السلام عليكم ورحمة الله وبركاته
سؤال جيد والاخوة ردودهم كذلك جيده ولاكنهم نسو حاجة ضرورية ان السيارة اذا انقلبت لازم تفك البواجي وتنضفها عن الزيت ولا ما تشتغل لان الزيت يمنع الشرارة النارية التي تحرق خليط البنزين والهواء .
وشكرا لكم

[عاشق النحم]

المشكلة اذا كان معك رظاعين بالسيارة أبلش بهم عاد
اللي يقول أبي أمي واللي ليتي ماجيت و أنت ياويلي بلش(ن) برويحك