سؤال عن جمس 79

[ولد روضة سدير]

السلام عليكم .....عندي وانيت جمس موديل 79 وابغي اوقفه بالصيف هل في مشاكل من الوقفه
وهو توايره بالون 900 وانه يعني كل 10 ايام اشغله شوي ...بس سؤالي هو هل في ضرر للمكينة او القير
.. وكم واحد من الشباب يقول موزين الكفرات البالون توقفها مده بعدين اطقطق وانت ماشي هل هذا صحيح ............افيدوني الله يجزاكم خير ......ولكم اجمل تحياتي................الحربي

[جــلــمــود]

السلام عليكم


الاخ ولد روضة سدير

البالون حتى وهي تستخدم تتلف سريعه فكيف بها وهي واقفه طول فترة الصيف بالرطوبه !!!

اذا كانت الكفرات الان ( نصف عمر ) وقف السياره وبعد الصيف اذا اردت اعادة استخدام السياره بدل الكفرات الاربعه فالبالون رخيص

اما اذا كانت جديده وترغب المحافظه عليها فقم بفكها هي وجنوطها وارفع السياره اذا كنت لا تستخدمها ابدا , وقم بتخزين الكفرات وهي مملوئه بالهواء في مخزن مكيف او على الاقل جيد التهويه مع اهمية تغطية الكفرات ببلاستك محكم حتى لاتتعرض لرطوبه ,

ومن ناحية المكينه فالوقفه طول فترة الصيف ليس لها تأثير طبعا مع مراعات تشغيل السياره كل اسبوع حتى لا تنشف الصوف والربلات والهوزات وكذلك حتى لا تفضي البطاريه .



جــلــمــود

[ولد روضة سدير]

تسلم اخوي جلمود ...................بس عندي كم سؤال...هل اذا خليت الكفرات وما فكيتها تتلف بالحر ولا
تصلح للأستعمال للشتاء القادم.....وانت تقول البالون رخيص ....كم سعره تقريبا ...انه اللي عندي دانلوب900
وماذا تنصح بكفرات اخري مناسبه للجنوط الشنابر العادية بس ابغي شي يرفع السياره ما ابيها تنزل ليش البالون رفيع يرفع السياره ؟؟؟؟؟


ولك اجمل تحياتي .....................الحربي

[جــلــمــود]

اهلا بك اخي

نعم تتأثر الكفرات من اثر الوقوف الطويل بالحراره والرطوبه

وسعر البالون الي عندك تقريبا 225 ريال ممكن اقل ممكن اكثر بحاجه بسيطه ويجي معاه التيوب الداخلي الاصلي

والكفرات البديله للبالون والتي انصحك بها هي الشاهين الكبير بحجم البالون الـ 900 بالضبط ونفس الارتفاع وادائه بالرمال ممتاز جدا وكذلك بالخط راسي ولين وبلا ضجيج عكس البالون الذي لا ينفع بالخط ابدا والشاهين يركب على الشمبر ولكن يحتاج الى تيوب اما بدون شمبر على اي جنط عادي فأنه يركب بلا تيوب بل بنظام التيوبلس

ومقاس الحجم الكبير من الشاهين الذي اتحدث عنه للأسف يتوفر بمقاس 15 فقط ( عندنا بالسعوديه )

ولكن لا اعرف اذا كان غير ذلك بالكويت او قطر او الامارات



جــلــمــود

[ولد روضة سدير]

شكرا اخوي جلمود ......ولكن اللي عندي التواير عاديه بدون تيوب داخلية ...وانه اذا بغيت اغيرهم ابغي
بدون تيوب وذلك افضل على ما اعتقد.....وتسلم وما قصرت على النصايح والمعلومات القيمه .....بيني وبيتك انه ودي ابيع الموتر...بس قبل الموسم الجاي ..احسن الاسعار ترتفع...



ولك اجمل تحياتي .....الاخ جلمود