الحق ماتلحق رحله بريه لجميع اعضاء مكشات بقيادة (جده غير)ومساعدة (ابو شويشه) [الأرشيف]

ابو شويشه

19/02/2007, 12:09 AM

السلام عليكم ورحمة الله وبركاته

كيفكم وش أخباركم ومبروك عليكم الربيع والجو الزين

اولاً اتمنى من المشرف على هذه الخيمه انه مايحذف الموضوع (تكفى يمشرف لا تحذفه الله يرحم امك وابوك)

ثانيا اتمنى مشاركة جميع الأعضاء وخاصة (خالد العوض وبرق السناف ونعمان الفهمان وجبل مشرف وابو رهف ومطارد البروق وابو درع وفارس الشمال وطبعا قايد الرحله جده غير ) والكل طبعا لا احد يزعل بس ذولي هم الكبار علشان كذا عزمتهم كلن بسمه:) :) :d ;)
ثالثا انا رجال معجب بالعضو جده غير عشان كذا هو المدير

صراحه تعبنا من المواضيع الثانيه وادنا نريح عن انفسنا وتنتهي بعض الخلافات الناتجه عن وجهات النظر

وش رايكم بمناسبة ها الجو الحلو نطلع للبر

نطق الخيام ونجربع ونفقع ونضبب خخخخ ونطبخ المندي ونشرب حليب النوق
ونستانس ونسهر على الضو وشبته ونلعب ونمرح ونغني وطبعا نطعس ونركب دبابات ونفلها ونرفه عن نفسنا

ها وش قلتوا تر الوعد يوم الربوع والتجهيزات من اليوم

وبنطلع في 5 سيارات مبدئيا وانا جهزتها كل احد يدخل وياخذ مكان له من الحين ما نبي طقاق وهواش
واللي يتهاوشون بعلم عليهم العضو بركان يضربهم
السياره الاولى جيب لكزس أسود تويوتا

السياره الثانيه جيب تويوتا برادو

السياره الثالثه لاندكروز

السياره الرابعه مازده موديل اربع وثمانين

السياره الخامسه هايلكس مخصصه لأصحاب الهايلكسات

وأنا أخترت مكاني في الجيب الاسود قدام جنب السواق اي صح على طاري السواق يالله نبي ناس يسوقوا يعني لو يحصل أبو ريان(راعي بريده) يسوق بي وينكم ياعيال احجزوا مكانكم من الحين ,,,,,,

كل واحد يعطينا شغله بالطلعه وش يبي يسوي ومن اللي يبي يطبخ ومن اللي يبي يقطع البصل ومن ألأمام ومن المذن يالله الهمام

ابو شويشه

19/02/2007, 12:31 AM

وينكم شكل محد يبي يروح

ترا ابي امشي لحالى :)
اضحك ابي انتظركم بس بسرعه

بيتر

19/02/2007, 12:40 AM

انا ابجيب الملاس والمغرفه....واحجز لي في البرادو جنب السواق....قل تم

ابو شويشه

19/02/2007, 12:44 AM

حياك الله يابيتر بس ترا مايركبون قدام الا العوده يعني الناس اللي اعمارهم فوق الستين

الحايليـ93

19/02/2007, 12:57 AM

السلام عليكم

مساك الله بالخير يأبوشويشه

بصراحه لحست مخي انت وهالموضوع
مدري السالفه جد او مزح

عموما احجز لي مركب مع راعي الهايلوكس

وترا الولاعات علي

وسلامتك

ابوحماد

19/02/2007, 01:08 AM

غير المازده ماأركب مازده 29جنب السواق

بوراشد

19/02/2007, 01:32 AM

السلام عليكم ورحمة الله وبركاته

دع القيادة لنا واستمتع بالرحلة (حولنا طعوس؟؟؟)
بجيب خيمة 4x7 شراع لزوم القعدة والسوالف وسبع خياش فحم (بيحرق البر) والكاميرا تتشرف بصور الجماعة

صديقهم

19/02/2007, 03:14 AM

والله من جد لعبت براسي
عموما اذا الموضوع جد احجز لي مكان بالكروزر
وعلي رواق 6 متر مع المطرقه حقته وخمس فرشات 2x 4
ومتى الوقت بالضبط والى متى بالضبط
لاني كما تعلم (بزنز مان ) وراي كشتات ثانيه
بس فيه شي ما نبيه (( نغني ))

Algthami

19/02/2007, 03:40 AM

ههههههههههههههههههههههههههههههههههههههههههههههههه

احجزلي موقع كرسي درجة اولي انتظار

في اللكزس او الاند كروزر

اسويلكم الشاهي والقهوة وزين الفطور وشب النار

الا علي فكرة يااخوان ليش ماناخذ الموضوع بجديه نطلع مع بعض ونتعارف علي بعض اكثر
يعني الي في جدة يطلعون مع بعض او مع جميع الاعضاء اذا كانو قريبين مع بعض

فتى الدهناء

19/02/2007, 04:05 AM

مامعكم كورلا ...

<< ماسكه معه يكشت بكورلا

:)

أثيثيه

19/02/2007, 04:20 AM

الله يوفقكم في هرحله

أثيثيه

19/02/2007, 04:22 AM

ماشاء الله

ماأقول ألا الله يوفقكم في هرحله

ابو شويشه

19/02/2007, 04:58 AM

الحايليـ93 :ماعاش من يلحس مخك
بعدين اخوي وين الكرم الحائلي http://www.q8boy.com/uploads/bb2e6032ab.gif (http://www.q8boy.com/) مايصير بس ولاعات الله لا يهينك نبي كرتونيين بيبسي دايت
للي فيهم سكر بعدين ترا حجزنا لك بالهايلوكس

ابوحماد:الله يهديك جاي ويدينك فاضيه مايصير نبي اعواد اسنان:) اذا مافيه احراج بعدين ياشيخ انت متواضع جداً والا تركب المازده والسيارات الثانيه واقفه

بوراشد :هلا والله باهل الكويت لا تنسى الجنجفه جيبها معك نبي اربعة ارجال وبالنسبه للفحم حاول ان الفحم يكون الفحم الأصلي بعدين اذا كنت تبي تسوق هد لا تسرع

صديقهم :تم الحجز لك وصراحه انك ماقصرت وبالنسبه للبزنز لا حقين عليه والغنى قصدي فيه الحدا والهجيني والخ
بعدين ياخي احس انك رجالن سبوق يعني الضب مايمغط ظهره الا كد جبته (ضميناك لمجموعة صيد الضبان)

Algthami :تم الحجز لك بنجاح بالجيب اللكزس عند الباب اللي ورا المعاوني يعني انا وياك على سيارتن وحده
وجيب معك مرزبه(مطرقه)

فتى الدهناء:هلا والله براعي الثوم نبيك الله لايهينك تجيب كيسين ثوم معك مدامك رجالن تحب الثوم اما بالنسبه لسؤلك عن الكورلا مافيه الا المازده شف ابو حماد يبي سواق فيه

أثيثيه :جزاك الله خير

أثيثيه:ياخوي قلنا لك جزاك الله خير بس تدري انت شكلك رجال لازم تنعزم لكن الله يحييك ونبيك تجيب لنا حمبص وفصفص مع الطريق

صراحة
ياليت هذا الشي يكون في احد الأيام حقيقه ويجتمعون اهل القصيم سوا واهل الرياض سواء والشرقيه سوا والغربيه سواوالشماليه سوا والجنوبيه سوا

صديقهم

19/02/2007, 05:16 AM

طيب وزجول مالهم نصيببببببببب

@ابونورة@

19/02/2007, 05:23 AM

وعليكم السلام

يالله ان تحييهم

يالله احجز لي معك في اللكزس الأسود هههههههههههههههههه

ويالله ان تسهل الأمور

شـهـاب

19/02/2007, 06:27 AM

ههههههههههههههه

احجزووو لي مع راعي المازدا

وابي اجيب معي (( حنيني )) تهبل :)

بوراشد

19/02/2007, 08:19 AM

صراحة

ياليت هذا الشي يكون في احد الأيام حقيقه ويجتمعون اهل القصيم سوا واهل الرياض سواء والشرقيه سوا والغربيه سواوالشماليه سوا والجنوبيه سوا

كنها تصريفة ولا انا أتوهم :mad:

بالنسبة للسواقة يا الله من فضلك وأنا منيشن على اللكزس (ثمانية سلندر) :D

تحذير لراعي اللاند والله ما تلقى مني غير الغبرة إن غرزت

ابو شويشه

19/02/2007, 09:55 AM

صديقهم : والله مدري وش تقصد بقولك زجوووول بس الضاهر من فرحت الطلعه يا انا ما افهم او انت تلخبط

@ابونورة@ :حياك يابو نوره ان احس من اسمك انك رجال معصقل وهذا مايميز طاردي الجرابيع لان الله يسلمك الجربوع كثيره روغاته لنا نبي الجربوع ليا راغ ولينك معه ماهو تسيد على وجهك (تمت اظافتك لمصطادي الجرابيع)

شـهـاب :ما شاء الله الله الله على التواضع على العموم المازده المسؤل عنها الأخ ابو حماد وجب لنا معك كرتون شطه
الطيب منهن

بوراشد :اولا ماهي تصريفه انت علامك يبن الحلال:) :p
ثانيا وين وين وين وش تنيشن جعل تنيشن عليك بنت ام خمس تعش انا بجنبك على الباب الأيمن وانا رجال حار حار حار الله لايوريك والسرعه ما ادانيها

نعمان الفهمان

19/02/2007, 10:01 AM

ابشر بالعشاااااااااء يوم الربوع يا ابو شويشة
وعفشي والم وابركب ورى ابوريان تكفى ابي الدريشة الي وراااااااااااة
http://www.alramay.com/up/02-2007/alramay_80767012.JPG

نعمان الفهمان

19/02/2007, 10:09 AM

اكفش

ابو شويشة الله يهديك حنا نبي نفتك منهن طالعين للبر وانت بتاخذهن معنا

اغديك تمسحة تكفى

خا1111111111ص

19/02/2007, 10:14 AM

الدعوه عزيمه ولا اخرتها بالباي لو بالباي معكم بس سيارتي معي و:no2: لا احد يقوم يحكحك جنوبه عند باب سيارتي

شفق

19/02/2007, 10:15 AM

ابشر بشاص مع كاملا العده وعندي خيام تكفي كل اعضاء مكشات بس انتم امروا وانا حاضر في اي وقت تحياتي

dr.mekshat

19/02/2007, 10:17 AM

انا اشوف يا شباب بما انه الموضوع طرح

انا من وجهه نضري ليه ما نحدد يوم معين ونتواعد في مكان ما

ويكون الوعد للشباب على احداثيات موقع معين يعني نتواعد اليوم الفلاني

مثلا في الصمان على الاحداثيات كذا وكذا

وتكون المشاركه مفتوحه للجميع كل من وده يشارك يجي

وبالنسبه للتنسيق يتولا الموضوع واحد من هالذيابه زملائنا

موضوع وفكره هي براسي من زمان وحبيت اطرحها بما ان الموضوع هذا طرح

وانا اتوقع ان اللي بيجون كثير كلنا ودنا نجلس مع اخواننا جلسه سمر وسواليف

وش رايكم يالربع

وتقبلوو تــــحـــــيـــــاتـــــي

راعي المعناء

19/02/2007, 11:25 AM

السلام عليكم ورحمة الله وبركاته
معكم يالربع ترآني والم وحجزلي معك يأبو شوشه بالجيب الأسود وبجيب معي الفاس والمسحات والسكاكين
والي تأمرون عليه أنا حاظر أهم شي أخوت الطيبين وراعين العلوم الطيبة

الوهـ قحطان ـاج

19/02/2007, 11:40 AM

اخوي ابو شويشه

والله فكره جداً حلوه وبنسبه لهل جده

اذا تبون نعزم على رحله ومنها نتعرف على بعضنا مافي اي مشكله عندي

لان المعرفه على رجال شرواكم نشتريها شرى

ومن الناحيه الثانيه ابشروا بالعزبه الي تبيض وجيهكم

وكل واحد قدر استطاعته

وانا بصراحه اتمنى اليوم هذا لكي نجتمع

وتحياتي لكم يالغالين

ولـد الدوادمي

19/02/2007, 11:52 AM

انا ابجيب فراشي والبجلي ؟

تبون شي غيره

مــاجــد

19/02/2007, 01:09 PM

يالله ياجماعه اخلصووعلينا وعجلوبها
حددواليوم والمكان وترا جاهزين ونبيها من زمان

ورجاء خاص للقائمين على المنتدي

المشاركه في التنضيم للرحله والتوجيه إن امكن

تحياتي لكم يالغالي

باث فاندر

19/02/2007, 01:18 PM

اسمع انا صامل بس علموني الكان
انا معي
القارمن
+
الكنود
+
عزبة الشاهي
+
ثلاجه
+
حطب
+
سياره رياضيه للتتعيس
بس عزمو

Swordfish

19/02/2007, 01:24 PM

راعي النفود

19/02/2007, 01:29 PM

ياشباب يصلح الشاص ومن اللي بيركب قدام ومن بالصندوق

المكحل/ابو

19/02/2007, 01:53 PM

يابو شويشة

الله اكبر تعزم احد او تترك البقية
ليش تخص ناس والبقية تقول انا خصيت الكبار
ماذا تقصد بالكبار
هم كبار بالسن حنا اكيبر منهم
كبار بالمناصب حنا اكبر منهم
كبار بالاجسام حنا اكبر منهم
يالله وجه لي دعوة
ثم حط الي لم يوخذ على
تحياتي
ابو فهد / المحكل

عاشق VXR

19/02/2007, 01:56 PM

ياغالي .,.
مشكور على الرحلة ...
ابشر بسعدك .,. انا علي الشاهي والقهوة والحليب والأذان .,.
ومكاني في قاهر الصحراء ( الاند كروزر ) ...

باث فاندر

19/02/2007, 02:10 PM

اروح اطق الخيمه

http://www.mekshat.com/pix/upload/images28/mk45120_80000004.jpg

تنوم

19/02/2007, 02:10 PM

حددو المكان والزمان ووش نجيب معنا وصاحب الفكرة هو الامير ولهوب نقصان بحق احد لكن هذي هي السنه اتخاذ اميرا للرحلة وحنا زاهبين.

ابو شويشه

19/02/2007, 02:22 PM

نعمان الفهمان :\حيا الله راعي القمري وابشرك حجزنا لك المحل ورا ابو ريان بس اسمع لا اشوفك فاتح الدريشه وحنا مع الخط انا اذاني يعورني:( من الهواء ولا تنسى تجيب معك الشوزن والخرازه طبعا انت البواردي

طايع الله :ملاحظه جيده جداً بس المعذره ما اقدر امسحها (مال امها داعي)
بس انت وش قلت تبي تخاوينا والا لا ترى مانستغني عن اللي مثلك شكلك رجال نظامي ماتحب الخطا

نعمان الفهمان :ياليت والله اقدر امسح هالكتابه بس ما اقدر ويوم الله جابك لا تنسى تجيب معك كرتون صابون على الشرط بونكس

خا1111111111ص :تعال على سيارتك وجيب معك كرتونين دجاج ساديا واما بخصوص حكحكة الجنوب هذا يعود على سيارتك كانها والله زينه انا اول من يحكحك جنوبه عند الباب

شفق :مايامر عليك صعفق (واحد من اخواني):)
وبيض الله وجهك والله اني عارف اللي عند اعضاء مكشات الكرام وترى ضميناك للي يلقطون الفقع انت شكل عيونك كبار:eek: (الله لايضرك)

dr.mekshat :يامرحبا مليون ترحيبه بس ماقلت من تبي تركب معه ويش تبي تجيب معك

راعي المعناء : الله يحييك تراك بين نعمان الفهمان وAlgthami بس لا تهاوشون كل يبي يركب عند الباب وجيب معك مفك علب علشان علب الكرافت

الوهـــاج :الله يجمعنا وياك بجنات النعيم قل امين
تعال انت ومراسل جده واستاجروا لنا دبابين ابي اطعس انا وخالد العوض

ولـد الدوادمي :ابوي انت جيب فراش كبير يمكن ما اجيب افراش معي وبعدين وش البجلي وتراك من ضمن طرادي الجرابيع

مــاجــد : الله يجمعك بمن تحب بجنات النعيم
يالله حنا جاهزين وش تبي تجيب معك

باث فاندر : بيض الله وجهك تراك صديقي (راعي مصلحه):p علشان تركبني على السياره الرياضيه

Swordfish : ياولد انت حكيم كلامك سليم
شكلك ماتلعب البلوت الا علشان تشري حكم جيب معك بلوت ولا تنسى اوراق للتسجيل

راعي النفود : يصلح الشاص ليش مايصلح خاصة اذا جيت محمله 5 نعيميات واللي يركب معك قدام نار ابن عمار

ابوحميّـــــد

19/02/2007, 02:28 PM

السلام عليكم...........

وأهل ينبع مالهم مكان

ابو شويشه

19/02/2007, 03:07 PM

المكحل/ابو :
يامرحبا بك يالمكحل مرحبا ***عداد ماهل المطر والبرق لاح

ان شاء الله يكفيك هالبيت واتمنى انك ماتاخذ بخاطرك واللي خصيتهم بالعكس علشان كل واحد يعزم اهل المنطقه اللي هو فيها
وجيب معك كيسين بصل من المصري الطيب وترك تبي تركب بالبرادو

عاشق VXR : بيض الله وجهك وحجزنا لك بالاند بس ركز على الحليب اللي تبي تجيب نص كامل الدسم والنص الثاني قليل الدسم

باث فاندر : طق الله ضرس العدو انت ورا ماتركد خلنا نحدد المحل قبل لا والله تجيك الحدجه (نبته صحراويه تسمى الشري) من حيث لاتعلم :mad: :mad: :) :D :D امزح امزح

تنوم :حياك اخوي الأمير الله يحفظه (جده غير) وانا رجال حار ما اصلح مدير وترا عيناك مدير على اللي يصيدون الضبان

ابوحميّـــــد :ليتك صافقني ولا قلت هالكلمه :confused: :confused:
اهل ينبع المكان كله لهم بعدين تراي موصي راعي المدينه غريبه ماعزمكم لكن تعال انت وجهني خالص وجيبوا معكم سمك

ابو شويشه

19/02/2007, 10:24 PM

شكلكم هونتم وين الذيابه

صديقهم

19/02/2007, 10:42 PM

يالله وانا اخوك عجل علينا ترانى بنسبكم للمكان ونجهزه لكم
بس قل تم .........
وانا ارشحك يا ابو شويشة لقيادتنا
انت حدد المكان والزمان وابشر بسعدك .............

ولـد الدوادمي

19/02/2007, 11:00 PM

البجلي كشااااف هههههههه خلاص منب جايبه ابجيب الكبس والسلق وابشرو بالجرابيع

weather

20/02/2007, 12:15 AM

ابشر بالعشاااااااااء يوم الربوع يا ابو شويشة
وعفشي والم وابركب ورى ابوريان تكفى ابي الدريشة الي وراااااااااااة
http://www.alramay.com/up/02-2007/alramay_80767012.JPG

الله الله حرام عليك وين حماية البيئة عنك قضيت على الطيور .
هههههههههه ضمنوا العشاء .

بوراشد

20/02/2007, 12:36 AM

بوراشد :اولا ماهي تصريفه انت علامك يبن الحلال:) :p
ثانيا وين وين وين وش تنيشن جعل تنيشن عليك بنت ام خمس تعش انا بجنبك على الباب الأيمن وانا رجال حار حار حار الله لايوريك والسرعه ما ادانيها

ما عاد تلحق ركبت أنا خلصت :redcar:
بعدين أنا خبير في التعامل مع الشيبان زي الحبيب اللي بجنبي وأبشر بس اللي يغرز موتره ماله فكاك :D
في التأني السلامة وفي العجلة الندامة (خير البر عاجله) ترى كل واحد له معنى يا عيال ;)

بوراشد

20/02/2007, 12:40 AM

باث فاندر

20/02/2007, 02:11 AM

شبااااااااااااااااااااااااااااااااااااااااااب
القطه جاهزه يله

http://www.mekshat.com/pix/upload/images28/mk45120_00000000004.jpg

ابو شويشه

20/02/2007, 02:23 AM

صديقهم :ما اقدر اصير مدير بعدين من يفكني من جده غير:) :( :mad:
والله العضيم لو القا قبول من الأعضاء اني اول من يطلع ونجتمع ونتعارف بس وين تقدر تجمع الأعضاء كل منشغل

ولـد الدوادمي :ههههههههههههههه ابك انا قلت البجلي هذا نوع من الجبن قلت يمكن جبنة عنز سليمان واثرك تقصد الكشاف الله يرجك بحدجه:)

weather : شكلك من حماية البيئه لا والله اللي راح فيها نعمان الفهمان :eek: :eek: :eek:
اقول خاونا بس ويبي الله يهاديك

بوراشد : انت اسرع وشف وش يبي يجيك انا معبي مخابي حصى:) ان اسرعت والله ماتدري من وين تجيك

باث فاندر

20/02/2007, 02:28 AM

http://www.mekshat.com/pix/upload/images28/mk45120_0000000065.jpg

والموتر جااااااااااااااااااااااااااااااااااااااااااهز

الصاحب الغالي

20/02/2007, 02:31 AM

انا بخاويكم تكفون وابجيب معي هاالموتر وعلما ترا فيه خزان المنيوم100 لتر
http://www.mekshat.com/pix/upload/images28/mk40925_m64sh.jpg

Swordfish

20/02/2007, 08:01 AM

نعمان الفهمان :\حيا الله راعي القمري وابشرك حجزنا لك المحل ورا ابو ريان بس
Swordfish : ياولد انت حكيم كلامك سليم
شكلك ماتلعب البلوت الا علشان تشري حكم جيب معك بلوت ولا تنسى اوراق للتسجيل

اول شي يا حبيبي انا ما العب بلوت الا عشان افوز وبعدين ما يحتاج اوراق تسجيل الي يسمعك يقول انك بتجيب بنط واحد معاي :D
وبعدين لا عاد تقول ولد لا اقطع اذانك تراني راعي بحار وامواج وعواصف انتبه
اخوك

http://www.mekshat.com/pix/upload/sign/images/mk39875.gif

(محمد العبري)

20/02/2007, 08:19 AM

انا ابجيب المركى وفراشي وبكفيكم تسدح ونوم وكان مافيه مكان ابجي على الديهاتسن 81حقتي :)

خشم الناقة

20/02/2007, 10:34 AM

رحلة موفقة ما شاء الله
==========
بس وشلون تخاطرون و ما معكم باجيرو ؟؟؟؟؟؟؟
==
=
=
=
=أمزح

عبدالرحمن السالم

20/02/2007, 11:27 AM

خوتكم والله تنشراء وحددو المكان وان شاء الله أننا معكم ..

وموتري باثفيندر

بالتوفيق للجميع ،،،

نجم حفرالباطن

20/02/2007, 11:34 AM

اخوي الكريم تحديدك للاشخاص يخرجني من دائرة المهمين
يعني مكاني في الرحله اكيد في السله

بوراشد

20/02/2007, 12:21 PM

بوراشد : انت اسرع وشف وش يبي يجيك انا معبي مخابي حصى:) ان اسرعت والله ماتدري من وين تجيك

شف أنت حار قلنا معلش لكن إن سمعت صوتك لا أنزلك من السيارة :d (كبريت وبنزين الحبايب ويبون يكشتون سوا)

altheeeb79

20/02/2007, 12:24 PM

أبو شويشه الظاهر انه مالي مكان كل السيارات حجزت 00

وأقول الحمدلله أنه مالي مكان لاني لو رحت بيصير وحده من ثنتين:

1- أبرجع جنازه (ميت من الضحك)0

2- أبرجع وعلى طول لمستشفى شهار 0

لانه يبدو انك مقلع والروحه معك وناسه بزياده 00

باث فاندر

20/02/2007, 12:46 PM

شبااااااااااااااااااااااااااااااااااااااااااب
القطه جاهزه يله

http://www.mekshat.com/pix/upload/images28/mk45120_00000000004.jpg

بتطلعون ولا ارجع القطه

ابو شويشه

20/02/2007, 01:44 PM

باث فاندر :تراك صديقي انت احسن واحد اصلا ان كل ما سألوني اهلي وين رايح قلت رايح مع باث فاندر:cool:
وش الفلوس ايه هذي الناس الجزله قلي بس على اي سياره تبي تركب والا على الباث حقك (انت شنب)

الصاحب الغالي :بيض الله وجهك بس ما تشوف ان البنادق واجد على العموم تمت اضافتك الى نعمان الفهمان لصيادة القمري بس لا تصيدون اكثر من حاجتكم ترا طالع واحد معنا يشتغل بحماية البيئه:confused: يقالهweather

Swordfish :قال العب قال معك أ0 د0 ابوشويشه لتعليم لعب البلوت :) :) امزح امزح (خاف على اذانيه)
لاعاد انك شجيع نبي نضيفك (لقايمة مطاردي الضبان)

النقى :اي والله نبي مراكي زود وزوليه تركيه اذا ما فيه احراج
بعدين ترا ماعندنا تسدح ما عندنا الا شغل ونبي نسرحك بالنعيميات اللي جاب لنا راع الشاص الله يحفظه راعي النفود

خشم الناقة :الله يهديك ياخشم الناقه هالحين خمس مواتر ولا اعجبك منهن ولا واحد بعدين ترا حجزنا لك مع راعين المازده وجيب معك قدرين ومقرصه

دحيم آخر لفه :الله يسلمك يادحيم بعدين انا ابيك تركب مع راعين المازده ابيك تصير المدير ان اسرعوا او اي شي تدق علي

نجم حفرالباطن :لاتصفقني بها الكلام الله يهديك بعدين انا قايل لبو رهف يعزم اهل حفر الباطن وجيب لنا معك دلتين رسلان وتراك تبي تركب مع راعين الهايلوكس وضميناك لمطاردي الجرابيع

بوراشد : اعوذ بالله من اللي كربك (يعني شدك وبانت عروق حلقك وهو بليس الله يلعنه) تعوذ من الملعون هذا يبي يفرق بيني وبينك ان شاء الله مانتخالف

altheeeb79 :لا ان شاء الله لا تفاول على نفسك وبعدين لك محل ونص مع حقين البرادو
وتراي ابي اسلمك سلقه (وانتم بكرامه )للصيد انتبه لا تضيع منك

http://www.q8boy.com/uploads/14aa949536.jpg (http://www.q8boy.com/)
ماعليك الا انك تولع هالفتيله وشف وشلون تجيب الجرابيع (تحذير ممنوع شب الضوء بجانب هذا الجهاز)

باث فاندر :نبي نطلع نبي نطلع بس لا تزعل

باث فاندر

20/02/2007, 02:25 PM

اجيب الطير معي

http://www.mekshat.com/pix/upload/images28/mk45120_000000000.jpg

dr.mekshat

20/02/2007, 03:03 PM

يابو شويشه بالله عليك ما ودنا الموضوع يطلع عن مغزاه

حدد المكان والوقت والمهام

اسال الشباب من يبي يتولا مهمه وحدد لكل واحد مهمه منها المويه والفرشات والخيام

اذا ودكم بخيام واي شي تبونه حنا جاهزين

بس ما ودنا ان الموضوع يتغير من جدي الي سواليف

حنا جادين وكل الشباب جادين حددو الوقت والمكان والمهام

تحياتي الي كل مكشاتي :)

ابوحميّـــــد

20/02/2007, 04:11 PM

أبوشويشة أحس أنك راعي هرج وبس
الشباب ينتظرونك وانت جالس تسولف

بوراشد

20/02/2007, 05:51 PM

ما حولك إلا هرجة ودرجة والصامل كلامه بين يا بوحميد

ابو شويشه

20/02/2007, 09:55 PM

dr.mekshat ***ابوحميّـــــد ***بوراشد
ياحبي لكم

انتم عارفين ان الدعوى مزح في مزح حتى ان الأعضاء Algthami
dr.mekshat
Swordfish
تكلموا وقالوا ياليت الموضوع ينقلب جد وان اقول ياليت الموضوع ينقلب جد وانا اول من يحضر

هذا الموضوع انفتح وكان في اوله مزح وان شاء الله انه ينعمل بها الفكره ونطلع مع بعض جميعا او كل اهل منطقه مع بعض والسلام
اخوكم صالح محمد (ابو شويشه)

بوراشد

21/02/2007, 01:05 AM

والله يا الحبيب أني أتردد في الموضوع هذا من زود عن الثلاث سنين بسبب مسألة بسيطة ألا وهي:

قد أشق على الجماعة في هذه المسألة فقط لا غير ولا أنا عود من عرض حزمة

ابوحميّـــــد

21/02/2007, 02:13 AM

طيب أنا أنتظرك ياابوشويشة
نطلع سوى ماعليك من الباقين
بس عطني المكان
تعرف ماعندنا ربيع ومن زمان عن الكشتات

صديقهم

21/02/2007, 08:38 AM

س: الزبده بتطلعون ولا لاء؟
ج : لاء.
س : لييييييييييه؟
ج : علشان ابوشويشه مهوب جاد في كلامه.

والله اني اتمنى اني اطلع من جد ويالربع ما بقى شي على الربيع عجلوووووووووو
ويا ابوشويشه انت ماعليك الى:
1) كتابت المهام على المنتدى وكل واحد ياخذله شغله( وشباب المنتدى ماهم مقصرين ).
2) تحديد الموقع الاحداثيات.
3) تحديد الوقت من و الى.
وابشر بسعدك

ابو شويشه

21/02/2007, 03:10 PM

بوراشد : والله العالم اني ابتلشت لكن يبي الله يسهل
وان حقق الله صادقات المواعيد&&انا لنطلع ونتجمع على خير(تاليف وتجميع ابو شويشه:) :D :( :eek: )

ابوحميّـــــد :: الله يهديك كنك منت مصدقني
تراي اتشرف بمعرفتك وامر بس بالمكان اللي تبي انا من اهل الرس والربيع جنوب عنا طيب ولا بعد فيه فقع راسلني على الخاص بس وابشر باللي يسرك

صديقهم::الطلعه ياصديقي تبي لها امور واجد وان شاء الله تتحقق بعدين الموضوع هذا انفتح وكان في بداية مزح في مزح لكن نهايته اثمرت عن تفكيراغلب الأعضاء بطلعه جديه

الزبده

أولا::ياليت يفتح موضوع ثاني للتخطيط للطلعه وانا اول من يخطط للطلعه من يقول انا لها يالنشاما
ثانياً::الطلعه تبي ناس يقومون فيها لا يقل عددهم عن عشرة اشخاص لتحديد المكان وازمان مثلاًالمكان يحدد اما بجنوب القصيم او بمنطقة الرياض لأن اكثر الربيع بها المنطقتين والزمان مثلا يكون بتاريخ 19/2 يوافق يوم الخميس يعني بعد سبوعين والأهم الأهم المال وهذا يبي له قطه ويحدد رقم حساب مثلا رقم حساب مالك مكشات وتحدد القطه من ريال لا احد يضحك عدد الأعضاء 42000 الف مانبيهم يقطون كلهم انقول نصهم شوفوا كم يطلع(الله من واحد يبي يضحك علي)
ثالثا::لا احد يزعل مني بسبب الموضوع هذا بالعكس اثمر عن تخطيط لطلعه حقيقيه

أبورهف

21/02/2007, 06:56 PM

والله يا أخوي يا أبو شويشه ما دريت بموضوعك هذا إلا البارح لأني ما أدخل خيمة الرحلات البرية إلا نادر والسبب في دخولي للخيمة نقل موضوعي إليها

وأرجو منك أن تقبل اعتذاري

وأنا أول من يشارك بهالرحة وعندي المكان واختاروا المكان من هذا الرابط

http://www.mekshat.com/vb/showthread.php?t=75456

باث فاندر

21/02/2007, 11:50 PM

لا احد:no2: يسحب علي وتطلعون وتخلوني:(
اذا عزموتوا على الطلعه
ارسلولنا ايميل بالرابط:mad:
تكفى يابو شويشه:(
لاتروح وتخليني:(

وانا والله صامل على الطلعه لو اطلع انا وياك:j

ولا

هانو الربع:o
الربع ولا الشاص:D

جمران

22/02/2007, 03:07 PM

تشكر يبو شويشة على روحك المرحة التي أدخلت السرور علينا جميعاً :) :)
وأجدها فرصة للتذكير بتعميم الادارة على منع الرحلات المنظمة لأعضاء المنتدى
على صفحاته لما لها من ملاحظات كثيرة تحسب على الأعضاء قبل الادارة
فالمجال مفتوحاً للجميع للإجتماع والانس مع بعضهم عن طريق أي وسيلة تخصهم
حتى على الخاص,,,,,
أسأل الله أن يجمعنا جميعاً في دار كرامته
تشكر يبو شويشة مرة أخرى والشكر للجميع على حرصة لجمع إخوانه
تحيتي للجميع

abu_anas_h

22/02/2007, 03:34 PM

يا شباب كلكم من أولكم إلى آخركم جزاكم الله ألف خير ونتشرف اننا نتعرف عليكم أكثر

أنا ومعي خمسة من أعضاء مكشات لنا لقاء شبه اسبوعي من قبل الحج وكان تعرفنا في البداية عن طريق الماسنجر

قبل اسبوعين طلعنا ثلاث أيام وقريبا كشتتنا في موضوع

الأمر الثاني لو قلنا بكشته فهذا يمكن يكون صعب على بعض الشباب وحنا نبي أكبر عدد ممكن من الشباب

ولكن لو قلنا نبدأ بالرياض والقصيم في استراحة قبل الكشتة وفي الاستراحة يتم التخطيط لكشتة

الكثير يعرف منتديات المعالي الان لهم سنة يجتمعون شبه شهري كل منطقة لحالهم وانا حضرت اجتماع في الغربية واجتماعين في الرياض

ايضا الكشتة صعبة تخليها يوم واحد وكونك تخليها اكثر من يوم يبي يكون العدد الي يجي عدد قليل

هذا بعض الاقتراحات وانا معكم ان شاء الله على اي شي تقولونه

أبو أنس : abu_anas_h@hotmail.com

عبادي العامري

22/02/2007, 06:08 PM

اخوي وقلبي ابو شويشه
تكفى ابروح معكم وللمكان اللي تبونوه وانا علي العده كامله عدة شاهي وعدة طبخ وابصير الطباخ والقهوجي واقسم بالله ماراح تنسون طبخاتي وخصوصا كبسة الهرفي المهم انا قلت العده علي وبس بدون اي شي يشرب او يوكل واذا نقص من عدتي شي ركبوني حق
هاااااااااااه وش قلتو ياجماعه الاربعاء القادم مناسب لكم
والمكان نسأل حبيبنا واخونا خالد سعود المبدل صاحب كتاب المنتزهات البريه في منطقة الرياض وهو بيدلنا على احسن واروع مكان
قولو تم يامااااال الغنيمه

ابو شويشه

27/02/2007, 03:11 AM

أولاً::مبروك عودة المنتدى

وأسف على تأخري بالرد

أبورهف:: بيض الله وجهك يابو رهف ولا هنا خلاف ان شاء الله

باث فاندر :: انت شخص دخلت مزاجي ليش مدري علشان كذا ابي اعطيك ايميلي:) :D

جمران ::أولاً اشكرك على مرورك ومرورك على الموضوع يعتبر شرف لي
ثانياً مانقول مع الإداره شي بس الموضوع مزح ونبي نفتك من الجديه بالمواضيع وياليت يتقفل الموضوع لأنه اخذ اكثر من حقه واشكرك على مرورك مره ثانيه

abu_anas_h ::الله لايفرقكم و كلامك سليم ميه بالميه

عبادي العامري :: ياحبيلك انت والله لو نطلع اول من يروح انت علشان نجرب طبخاتك السحريه:)

باث فاندر

27/02/2007, 09:01 PM

http://www.mekshat.com/vb/images/avatars/11.gif (http://www.mekshat.com/vb/member.php?u=34162)ابو شويشه (http://www.mekshat.com/vb/member.php?u=34162) http://www.mekshat.com/vb/images/statusicon/user_offline.gif
عضو مكشاتي

ابو شويشه
والله العضيم نفس الشعور انت خاش مزاجي:good:
حتا اني حاط زي صورتك :D
احب الناس الزاحفين:cool:
ولا هانو :no2: اعضاء مكشات

انا خوي الليل والذيب اخاويه
لا ماحسبت دروبها مع خطرها:no: