المساعد الشخصي الرقمي

مشاهدة النسخة كاملة : الفزعة ... كاميرتي راحت وطي


نوبة جنون
19/02/2007, 11:18 AM
السلا م عليكم ورحمة الله وبركاته

يا شباب كمرتي باناسونيك DMC-TZ1


http://www.mekshat.com/pix/upload/images28/mk46294_dmc-tz1s.jpg


رحت البر وكان فيه عج كثير المهم انه دخل ذرات غبار تحت العدسة ويوم اطالع في الكميرا من الامام اشوف ذرات
الغبار تحت العدسه واضحة جدا
وصار يوم استخدم الزوم العدسة تطلع شوي وتصدم في ذرات الغبار اللي من داخل وترجع العدسة للداخل وتطلع رسالة تقول ازل غطاء العدسة .

رحت صيانة باناسونيك لقيت واحد باكستاني بس طالع فيها وقال تحتاج تغيير عدسة اقول له يا ابن الحلال
بس تحتاج تنضيف الغبار قال هذي ما تنفك لازم ترمي العدسة وتجيب وحده جديدة وتجلس الكميرا عندنا 45 يوم
حتى تجي العدسة من اليابان

اللي يعرف محل صيانه يقدر يفك الكميرا وينظف العدسة يفيدنا او سبق وان واجه مثل هذي المشكلة

شاكرا لكم
جنتلـ
19/02/2007, 12:01 PM
والله وانا اخوك مشكلتك مشكلة بصراحة

حرام انك تغير العدسة !! طيب ماسالتهم بكم سعر العدسة الجديدة
لان خوفي يكون سعرها قريب من سعر الكاميرا الجديدة كامله

ياليت اقدر افيدك بطريقة التنظيف او محل صيانة لكن ان شاء الله الشباب مايقصرون وياك
ألنشمي
19/02/2007, 12:11 PM
حاول تشغل وتطفي(خل العدسه تطلع وتدخل عدة مرات) ونفخ ونظف كل مره...عسى ولعل أن تصلح لأنها نجحت معي بكمرة سوني
أبــوريـــان
19/02/2007, 12:19 PM
حاول تشغل وتطفي(خل العدسه تطلع وتدخل عدة مرات) ونفخ ونظف كل مره...عسى ولعل أن تصلح لأنها نجحت معي بكمرة سوني

هلا اخي نوبة جنون

انا حصل معي نفس المشكلة وسويت نفس طريقة اخي النشمي

لكن استخدمة منفاخ هوء وخليت الكميرة تشتغل وتطفي وهي مقلوبة على شان يخرج منها ذرات الغبار
دكتور بر
19/02/2007, 01:13 PM
لا تقرب باناسونيك أكبر نصاب في الشرق الأوسط
صحيح أجهزتهم ما عليها
بس صيانة العيسائي أسوأ شيء
Abu Saad
19/02/2007, 01:45 PM
وين ضمانها ؟؟
هذا اولا ..
ثانيا عندي لك طريقة .. يابتزبط بعدها والا بتخرب زود :)
رح لأقرب بنشر:) .. واقلب الكميرا يعني خل العدسة تكون جهة الارض ..
وانفخها من حدر بلي الهواء ..
واتوقع انها راح تكون نظيفه وكأنها مطلعة من كرتونها ..
وترى نسبة المخاطرة عالية ... حطها آخر حل ..
والسلام عليكم..

ابوسعد
نوبة جنون
19/02/2007, 02:57 PM
اشهد انكم ذيابة واللي يدور غيركم غلطان

والله ما توقعت 5 ردود بهذي السرعة

بيض الله وجيهكم

اما الذيب اللي يسال عن الضمان فانا مشتري الكميرا من امريكا عن طريق امازون
كلفتني مع الشحن الى الرياض 1000 ريال علما انها كانت عند الوكيل وبست واكسترا ب 1600 ريال
1500
19/02/2007, 10:07 PM
الله يعينك تسد صارت لواحد اسالك عنه وش سوى
( برى بحرى)
20/02/2007, 02:16 AM
نصيحه لك

استمل منفاخ الهواء حتى لو تروح عند راعى البنشر يعنى هواء ضغط عالى

ونصيحه للكل اذا كان الجو به غبار او رطوبه لا تفكر تخرج الكامره لانها سوف تتلف بالمدى القريب جدا

والله يعوضك خير اذا الحل لم ينفع
(محمد العبري)
20/02/2007, 08:26 AM
اخوي نوبة جنون
لاتوديه لاحد خويي معه كميرا سوني وكانت لما يستخدم الزوم تدقر ثم تطفى وحنا بالكشته الأسبوع الي راح زهق من هالسالفة وقاله واحد من الربع هات اسويها لك بس ترا ياتزين يا تخرب مره قال خذها فداك المهم مادري وش سوافيها وزانت 100% بتقولي وش سوابه بقولك ؟؟؟ مادري بس اجيبلك العلم مالك هم
وبخصوص المحلات الي تصلح إذا كنت بالرياض ادلك واح ممتاز بالكميرات
تحياتي