أريد مكينة ديزل للسفاري

[سعد بن مطلق]

السلام عليكم ورحمة الله وبركاتة

الأخوة الأعزاء سؤالي بكل بساطة
أريد تركيب مكينة ديزل على سفاري 92
وين أقدر أحصلها مع التركيب والسعر أذا أمكن؟
شاكر ومقدر

[صقر]

اخوي معذب الغيد

السلام عليكم ورحمة الله وبركاته

غالي والطلب رخيص موجود كل اللي تبي

تبي مكينة عادية والا تيربو

حسب المنطقة اللي انا موجود انا فيها

العادية تكلفك 6000 ريال تقريبا
والتيربو تكلفك بس بالضبط مادري لكن ما يمدحونها الشباب (الحرارة دايم مرتفعة)

وانا اعرف في مدينة بريدة حسب علمي ثلاث ورشات كبيرة وتمتلك الخبرة المطلوبة لتركيب مكائن الديزل
ورشة الاحمد (انا مركب عندهم مكينة ونجحت العملية 100%)
ورشة الصمعاني
ورشة الغنيمان

[الحُمَيدِي]

السلام عليكم اخواني معذب الغيد , وصقر
وكل من قرأ كتابتي

وكلام اخوي صقر على متمه والحاقاََ له
انا اعرف ورش في الرياض اذا كانت الرياض اقرب لك يا معذب الغيد
والخير واجد لكن ابشر به
فعندك التشاليح اليابانية في الصناعية القديمة (شارع الامير سلمان) فيها واجد !!!
لكن انا أعرف ورشة في صناعية الخليج "مركز الثميري للدفع الرباعي"
رح لهم يا معذب الغيد وهم اما عطوك اللي انت تبغى والا يعطونك فكرة كاملة عنها ؟
فانت كسبان بإذن الله كسبان
وعلى فكرة ترى عندهم واحد او اثنين متخصصين الشيء ....

لكن عندي سؤال وانا اخوك اذا تسمح لي :

انت من سكان عنك ؟؟؟؟
والا مهاجر اليها لظروف عمل اوغيره ؟؟؟؟

آمل الرد لي صيد بذلك... :hot: :bounce: :hot:

[سعد بن مطلق]

الأخ / صقر
أشكرك من قلبي على ردك الوافي
والله لا يهينك
======================
الأخ / الحُمَيدِي

ماقصرت وتسلم على الأضافة الرائعة التي قربة المسافة علي

وبالنسبة لسؤالك نعم انا من أهالي عنك

=======================

وأتمنا أذا أحد يعرف ورشة بالشرقية أو حدى الدول الخليجية يفيدني

[الحُمَيدِي]

السلام عليكم .. ورحمة الله وبركاته ..........
سألتك هل أنت من سكان "عنك" ؟
وأنت كفيت ووفيت بإجابتك ,, الله لا يهينك ولا كل من قرأ ...

والسؤال وجهته لك لأني أعرف ناس هناك (مدرسين) من سكان الرياض أساساً
وقلت يمكن أنت منهم , الله يحفظك وكل من قرأ ...

فعلى العموم مشكور وما قصرت , وإن بغيت الورش مالك إلا تعطيني إشارة , وابشر بسعدك يالغالي
وتراي امس انا عند الورشة وبالضبط عند الفني اامختص بهذا الأمر ..

وتقبل خالص اشواقي ,,, وتحياتي :burnout2: :heart: :burnout2: