ماطور ( أبوجمل ) لايخفى على الجميع ....

[راجح]

السلام عليكم ورحمة الله وبركاته ....

::
::
::
::
::
::
::
::
::
::
::


أعزائي أعضاء وقراء مكشات ....
عندي ماطور أبو جمل أتوقع انه معروف ماطور لتعبئة الإطارات ( تحسون إني مثقف ) :D
المهم الماطور من أحسن مايكون له عندي حوالي ثلاث سنين زي القشطة
( للي يحبون القشطة ) ;)
وبعدين له فترة هالحين من حوالي شهرين ضعيف مرّة يعني يالله يتفخ الكفرات ببطء .. وإذا صار الكفر منسم على الجنط أو منفصخ ( يعني طالع ) مايقدر يعبيه أو يرفعه .. ما أدري وش بلاه .. أتوقع المروحه أو خلافه ...
رحت لم محلات المكاين والمواطير بالصناعية القديمة بالرياض .. اللي بعد دوار الخرج وكلهم قالوا مانعرف لمواطير السيارات ....
ما أدري إذا أحد يعرف وش السالفة أو يعرف مهندس فنان .. يصلحه لي ... أو .. أو .. أو .. أو ....
يعرف ماطور زين الشكوى لله أطق لي واحد جديد وأحيل أبوجمل والجمايل للتقاعد:rolleyes:

وصاحب أجمل رأي له جائزة يستلمها من مجلس إدارة مكشات :j

[ابوعبدالله9999]

عمره ولى زين انه جمّل ثلاث سنين.............((الكبر شين)) .

[LAAHOOB]

حوله الى التقاعد

[راجح]

والله ياجماعه أنا مقدّر عمره وان الكبر شين لكن ( الطّفره ) أشين ...
واحد من الشباب يقول الماطور قعد عنده 5 سنوات ولا فيه أي مشكلة ..
فإذا كانت المشكلة بسيطة صلحته وإذا كان مشكلته الهرم فالشيب وقااار .... لازم نوقره ونبروزه بالمستودع :)
شاكر للأخوان مرورهم ...........

[ابو رتاج]

أخوي راجح
تأكد من الفلتر يمكن يكون يبي له تغيير ...!!!!
لأنه أحياناً يكون الغبار متجمع في الفلتر ويسبب ضعف للماطور وإرتفاع درجة الحراره أثناء تعبئة الكفر .
والله أعلم ،،،

[راشد الحربي]

أتوقع والله العالم .. انه يحتاج تغيير فلاتر .. انت ودي لواحد فني ..كويس كتير .. هو فيه صلح إن شاءالله ..

[ندمان]

إذا فكيت الجزء العلوي للماطور تلقى لهات حديد اللي تتحكم في الهواء يمكن تكون منكسرة

[جي اكس أر 3]

السلام عليكم
اخي الفاظل انا كان لدي ماطور ابو جمل واستخدمته قرابه السنتين وبعد هذه المده تلاشت قوته واذا عبيت اكثر من سياره احتر الماطور وانظرب الي الخاص فيه من عند القفيز الخاص بلماطور وهذا بحكم تجربتي اخي الكريم ، ذهبت الي الغرابي واشتريت ماطور استرالي 980 ريال ويشهد الله لي اكثر من سنه ولم الاحظ عليه اي شئ وجربته في نفخ اكثر من ثلاث سيارات وما شاء الله تبارك الله ماطور لك ولزمن وجميع القطع الخاصه فيه موجوده هذا بحكم تجربتي ،، وفق الله الجميع

[راجح]

أبو رتاج _ _ _ _ _
وين مكان الفلتر وكيف أنظفه ؟؟ إذا عندك خلفية الله لايهينك ..

^
^

راشد الحربي _ _ _ _ _ _
وهو وين الفني بس ؟؟ لو لقيته ماشفتني مقابلك هنا :)

^
^
^
^

ندمان _ _ _ _ _

وإذا منكسرة وش الحل ؟؟ لها حل أو نفرغ مكان بالمستودع :)

^
^
^
^
^

جي اكس آر 3

وااااو 980 !!!!!! أشتري لي 5 من ابوجمل كل واحد يمشيني 3 سنوات هذي 15 سنة .......... ونبدا نكشت بهيلكوبترات !!!!

[كل القصيد]

جي اكس آر 3

وااااو 980 !!!!!! أشتري لي 5 من ابوجمل كل واحد يمشيني 3 سنوات هذي 15 سنة .......... ونبدا نكشت بهيلكوبترات !!!!
:d :d :d لاااااا تعليق

[هاوي الله]

إذا فكيت الجزء العلوي للماطور تلقى لهات حديد اللي تتحكم في الهواء يمكن تكون منكسرة

حيالله اخوي راجح راااعي القشطه :D

ياهلا والله ومرحبا . أنا مثلك عندي ماطور فالكون صيني ولكنه ممتاز وماقصر له 4 سنوات وهو يتنهد :D:D لين قام يفلت :D وأنا السبب لأن آخر كفر تم تعبئته بنجاح هو كفر حراثه زراعيه :( وبعدها وهو يشتغل على الفاضي ولا حتى نسمة هوا خفيفه :no:

المهم يعلمني واحد من الربع يقول خرب ماطوره ولقاه خرابه بسيط من اللهات اللي تنظم شفط وضغط الهوا طلعت مكسوره كما ذكر الأخ ندمان ( جعله مايندم في مقبلات الليالي ) . ومدري ذلحين هو علمني إنه صلحها ولا لا ( نسيت ) لكن بكلمه في أقرب فرصه وبستفسر عن كل شي وبطاااااااامر :D وبرد لك خبر .

تحياتي للجميع

[راجح]

[QUOTE=هاوي هدد]حيالله اخوي راجح راااعي القشطه :D

ياهلا والله ومرحبا . أنا مثلك عندي ماطور فالكون صيني ولكنه ممتاز وماقصر له 4 سنوات وهو يتنهد :D:D لين قام يفلت :D وأنا السبب لأن آخر كفر تم تعبئته بنجاح هو كفر حراثه زراعيه :( ]

____________________________

:: الله لايجعلني ماطور عندك :( ..
لكن كفو والله اللي ما خيب ظنك في كفر الحراثة :good: ...

على العموم بانتظار ردك انت وابو رتاج :) ....
ودمتم لمن يحبكم ::::



.

[عبدالرحمن السالم]

انا حولك والله بس اللى عندي ابو حصان وش حليله وش زينه

وماش من تالي بدأ يخرف ما ادري وشبه بعض الاحيان مايطلع هوا
وبعض الاحيان مايشتغل خير شر
وبعض الاحيان يصير وش زينه

مالنا الا نغيره بس .. ورحت كم محل وقالو مانصلحه
لكن ابو جمل بسألك والله اخبر واحد من اخوياي معه
بنشده واردلك بأذن الله

[نمر بن حثلين]

ورا ما تمر وكيله مؤسسة الشراع بشارع الغرابي
يمكن له تصليح

[راجح]

دحيم آخر لفة

شكل التغيير بنا بنا .. لكن نجعل آخر العلاج الكي :)


^
^
^
^
^
^

نمر بن حثلين

والله صدقت أذكر واحد من الشباب يقول ان الشراع وكيله .. بس أخاف يصلخنا بسعر مهب معقول .....
ومشكلة دحيم معه أبو حصان وش الحل نفس الوكيل ولا يختلف ؟؟ ( عشان نتخاوى جميع ) :)

[سالم بن سالم]

انا عندي ماطور ابو جمل له تقريباً سنتين ممتاز ولكنه في الفترة الاخيرة بدء يضعف واعتقد ان السبب الرمل ويحتاج إلى تنظيف وانشاء الله عندما انتهي من تنظيفه سوف اخبرك طريقة التنظيف والفك والربط وما الى ذلك تراي محترف تصليح مواطير الهواء ولكن الايام الاخيرة انشغلت عنها والمطور الي عندي ماشي وماقصر وما احتجت لتصليحه .

اما اهم اسباب ضعف وخراب الماطور فهي كالاتي :
1 ـ تعبئه اكثر من سيارة (هذا يرهق الماطورويجعله يسخن كثير )
2 ـ تعبئة الكفر اكثر من 30 ( وهذا يسبب ضغط للبستم ومع الايام يضعف الشنبر )
3 ـ دخول الاتربة والرمال للماطور واغلاق منافذ الهواء

[salehhd]

السلام عليكم

ماعندي زود عن كلام الاخوان

لاكن تسجيل للمتاعبة ان شاء الله نستفيد

[راجح]

ماااا قصرتوا وبإنتظار جديدكم ....
وبقية الإخوان ...

[سفاري نجد]

السلام عليكم ،،،

شريت السفاري أخو ابو جمل وحطيته بالبيت ،،، طقه الغبار ،،، ضايقني فيه حراره العاليه ،،،

اعطاني واحد من الشباب ماطور يجي مع جيب التيوتا ويجي كل سيارات التيوتا حتى الكورلا والكامري ،،،

صغير حجمه تحت المرتبه ما يضيع له مكان ويعبي الكفرات وانت مرتاح ومعه عيار مدمج معه ما فيه اي مشاكل ،،،

والحمدلله له 4 سنوات ولا فيه مشاكل انصح فيه يكون احتياط ويباع عند العليان ،،،

[اسهيل]

وانا اخوك شف فك محل البستم حق المطور وشف الشنبر كان فيه شنبر وان كان فيه شنبر وخربان رح اشرله من صناعية العويضه شنابر تلقى ناس تبيع شنابر متخصصه فيها وفي الوجيه وغيرها

ومنتب خسران اذا فكيته انت حالته حالته واذا مالقيت فيه شي صنفره وركبه ثانيه

[راجح]

مشكور اخوي اسهيل على المشاركة ...
أبا أشغل مخي لو شوي وافكفكه واعلمكم بالنتيجة ...