افضل جنوط للهايلوكس؟؟؟؟؟؟

[الدستن]

السلام عليكم ورحمه الله وبركاته

اخواني اعضاء مكشات اهل الوجيه الطيبه . رجيت منكم المساعده ومن رجاكم ماخاب ..


حبيت اسئل عن افضل جنوط للهايلوكس انا عارف ان اكثركم بيقول جنوط الدوج بس انا لقيت جنوط

مرسيدس حديد ا سود مقاس 16 وعرضها 7 ونص انش عند راعي بنشر في الرياض وتحديدا في الدخل المحدود والله وشكل الجنوط جايزتلي وسعرها رخيص ب260 ريال .. وانا ماكتبت كل هالكلام الا اني ابغى المشوره والنصيحه منكم نفدا هالخشوم :what: :what: :what:

[أبوسليمان]

لالالا

هج عنهن لا تاخذهن لادامهن 16 بوصه
والله أنهن مايسون شي و260 كثيره عليهن

شف أذا كنت تبي الجنوط الزينه
خذ جنوط مرسيدس حديد سود 15 بوصه وعرضهن 7 أنش
تلقاهن بالغرابي الأربع على 600 ريال مخروطات وجاهزات للتركيب

وأخبر فيه ببريده بشارع الخبيب محل عنده الأربع 500 ريال مخروطات
ومصبوغات فضي فرن وجاهزات للتركيب

أنتبه !!!
فيه نوع نفس شكل الي قلتلك بس عرضه 6ونص أنش لا تاخذهن
لو قال بمية ريال لأنهن يحكن بالهوبات وأنت تطاعس

وهذي صورة الجنوط الي أقصدهن
http://www.mekshat.com/pix/upload/images/2002-1-1.jpg


تحياتي
أبوسليمان

[أيمن]

أنا شاري مثل هالجنوط بـ 50 ريال في الإمارات :)

[الدستن]

عز الله ماقصرت يابو سليمان مشكور والله يكثر من امثالك



اشوى اني ماشريتها ولا كانت ناشبه في حلقي . بس اقول انا اليوم لقيت جنوط دوج جدد ب300 ريال وعرضها 7ونص انش يعني اعرض من جنوط المرسيدس وارخص . بالنسبه للغرابي تقدر توصفلي مكان المحل اللي عنده جنوط المرسيدس

الله لايهينك واخيرا الف الف شكرا يابو سليمان

[أبوسليمان]

أخوي

أنا خبرتي بجنوط الدوج قليله
وزياده على هذا جنوط الدوج أنواع كثيره
لذلك ماقدر أقول هل الجنوط الي ذكرتهن زينات أو لا
وعلشان أسهلك شف الصوره ذي
http://www.mekshat.com/pix/upload/images/2233.jpg
هذي جنوط دوج مركب عليه طياس جمس
أذا كان هذولي هن الي تقصدهن فهن ممتازات
مع أني ماتوقع أن هذول هن الي تقصدهن لأن
سعر هذول بحدود 500 ريال

خلاصة الكلام
أذا كنت تبي جنوط ممتازات للهلوكس
ركب جنوط مرسيدس الي كلمتك عنهن قبل
أو جنوط دوج الي حطيتلك صورته الحين

المحل الي عنده جنوط مرسيدس:
والله ماهب محل واحد الي يبيعون
أنت رح لم الغرابي ورح لم حقين الكفرات والجنوط المستعمله
وأنشاءلله تلقى عندهم بس لا تروح لم الي عندهم جنوط فخمه تراك متب لاقي عندهم
والله يوفقك وتلقى الي أنت تبيه بأذن الله

تحياتي
أبوسليمان

[الدستن]

مشكور يابو سليمان وماقصرت والله يكثر من امثالك

[أبوسليمان]

ماسويانا الى الواجب

تحياتي
أبوسليمان

[أيمن]

أبو سليمان يا بعد حيي ..
أجب :D

- أفضل الجنوط اللي تركب على الهايلوكس هي 7 انش ؟
- اللي لقى جنوط المرسيدس السود، وبغى يصبغهن وين يصبغهن فيه ؟
- وهل فعلا تحتاج الجنوط لخرط ؟

تحيتي