سيارة Tata [الأرشيف] - منتديات مكشات

مشاهدة النسخة كاملة : سيارة Tata

منتعش

20/02/2007, 06:00 PM

السلام عليكم ورحمة الله وبركاته
حي الله ربعي النشاما - كلن بأسمه -

أبي - الله يحفظكم ويرعاكم - اللي عنده خبره في السيارات النوع TATA يفيدني
وأتوقع أن صناعتها ( صينية )
لأن فيه دبل ودفرنسين وغمارتين وحوض
اللي منكم قد جربها أو يعرف أحد جربها يفيدني ويفيد الشباب .

وفمان الله

L I M I T E D

20/02/2007, 08:34 PM

..

..

الصدز اني ماقد جربتها ،، ولا ابي امسك مفتاحها

وترى صناعتها هنديه وليست صينيه ،،

الشركه في بداياتها ،، يعني اكيد فيها الكثير من العيوب

وجهت نظر مني انك تدور موتر ياباني مستعمل بقيمته اذا ماتقدر على الجديد

فتى الدهناء

20/02/2007, 08:45 PM

فرّ منها .. فرارك من ذاك ... << نسى المثل :p

هجّ وانا اخوك ..

السيّارة .. هنديّة وليست صينيّة ..

وأعرف واحد .. معه مثل هالنوع .. تاتا .. رصاصي :)

تخيّل 4 مرّات غيّر القير .. في سنتها ..!!

ويقول والله اني صرت عميل للصيانتهم .. يوميم السيارة معي .. ويومين السيارة .. منوّخه عندهم ..

وتدري ان صيانة الوكالة .. في ورشة .. غبيّة .. في الصناعية الجديدة ..:(

والمكيّف .. شكل وتحصيل حاصل ..:d

والمواد التي صنعت منها السيارة .. رديئة جدا ..

والله اني يوم ركبتها تقول راكب .. موتر موديله ( 475 ) ق.م :d

تحيّاتي

شليويح السر

20/02/2007, 08:51 PM

صناعتها هنديه وليست صينيه

sameer_1798

21/02/2007, 01:25 AM

هي الصناعة هندية وعلى كلام موظف المبيعات أنها ما تجي منها دفرنسين ,
وتراها موتر مرتفع ما غير شكل وهي بدون دبل . ( أنا أتكلم على الونيت )

عبدالرحمن

21/02/2007, 12:47 PM

ما جربتها و لكن اشوفها مع الشركات بنسبه مهيب بسيطه.

اعتقد فيه ونيت اسمه deer يمكن يكون اجود منه .

وجهت نظر عن غير تجربه

تحياتي للجميع

شبح الصحراء

22/02/2007, 02:54 AM

تاتا هندية وتأتي دفع رباعي (دبل) كما تأتي دفع خلفي وهي اربعة سلندر سعة المحرك 2 لتر كما يأتي منها محركات ديزل ولاحظتها كثير في بداية عمل طريق الجوف حائل السريع الذي يشق النفود الكبير عند شركة الخضري وبعدين اظن باعوها على طول لأني صرت اشوفها كثير في شوارع حائل وأكيد ان تاتا شركة تعبانة ولا ما تخلت عنها شركات حفر الطرق والاحظ الحين ان سيارات النقل الخفيف في شركة الخضري كلها صارت هايلكوسات دبل 2005! .

صور تاتا :

http://www.fmc.com.mt/img/tldouble_main.gif

http://www.fmc.com.mt/img/tl_inside.gif

أبن مصاول

22/02/2007, 03:25 AM

يقولون مقصاتها وأذرعتها تخرب على طول وهذا كلام واحد هندي سألته عنها وهو ادرى بها لأنها صناعة بلده..

وأما ديييييير فهي صناعه صينيه وتحاكي بها هايلوكس اليابانيه.....ويقولون الرجال (أشتر تبيع)

ولا انصح بها ....وهي منتشره لدى الشركات وللأمانه لم أرى منها سياره متعطله على كثرها في منطقتنا البتروليه!!tata أقصد

تحياتي

شامخ ألهيلا

22/02/2007, 05:45 AM

خذ ديرالصينيه ولا تاخذ تاتا الهندسه اما دفرنسين منها مافيه وانا سالت الوكاله وقالوا سوف تجي 4*4 في الموديلات القادمه ومحد مدحها اما دير يمدحونها اليمانيه لان بعض القطع الداخليه تويوتا والبدي يشبه تويوتا بس الديكورات صيني والبدي صيني يعني تجاري
ولا خذلك ددسن او هايلكس مستعمل اطيب من(( الكديش )) ذولي
وتقبل تحياتي

متألق دائما

22/02/2007, 06:41 AM

منتعش

25/02/2007, 12:21 AM

مراحب وهلا والله بالغالين
وعذراً على عدم الرد لوجود عطل في المنتدى الغالي

L I M I T E D
أشكرك على المعلومة الطيب
والله يوفقك

=============
فتى الدهناء
فرارك من الأسد ;)
الله يعطيك العافية وما قصرت

==============
شليويح السر
أشكرك على المعلومة
والله يرعاك

===============
sameer_1798
بورك فيك
والله يسعدك

===============
عبدالرحمن
وأشكرك على مرورك
ورأيك الموفق
والله يوفقك

منتعش

25/02/2007, 12:24 AM

أما أنت أخوي الغالي : شبح الصحراء
فعز الله إنك وفيت وكفيت
عشان كذا خليت لك رد خاص

منتعش

25/02/2007, 12:29 AM

مراحب بأخواني الشقردية :

أبن مصاول
والله يبيض وجهك على المعلومات القيمة
وبارك الله فيك

==============

محيميد2005
وأشكرك على رأيك باستخدام سيارة ( دير )
والله يسعدك

=============

متألق دائما
وأشكرك أنت أيضاً على المعلومات الغزيرة
والتي أستفدت منها الكثير
والله يرعاك

(سوبر بانلي)

25/02/2007, 04:41 PM

لاتاخذ تاتا تريد تاخذ خذ هايلكس وبس

منتعش

25/02/2007, 06:51 PM

حياك الله أخوي الغالي : ( سوبر بانلي )
,اشكرك على مرورك الطيب
وأبشر

شبح الصحراء

01/03/2007, 04:37 AM

أما أنت أخوي الغالي : شبح الصحراء
فعز الله إنك وفيت وكفيت
عشان كذا خليت لك رد خاص

بارك الله فيك اخوي حنا ما عملنا إلا الواجب وحنا في خدمة كل اعضاء مكشات الغالين وانت من المتميزين في المنتدى وانا متابع لكتاباتك المفيدة والشيقة :good: بارك الله فيك .

شبح الصحراء

01/03/2007, 04:44 AM

ياشباب ترى الــdeer مكينة + قير +دفرنس حقات الهايلوكس 2005 بخاخ ..

والباقي صيني ...وسعر قطع الغيار رخيص جدا ....

واحد من العيال طلع العام وحده غمارتين 2006 والله العظيم نشاطه مثل نشاط الهايلوكس 2005 ..

وبسعر قدره 33000 ريال سعودي من والوكالة {طبعا الوكيل هو ’ الرسام ’ } ..

والصيانة ماتكلف شي ..

حتى جربناه بالنفود ....تقول ذي هايلوكس ماشاء الله ...أنواع النوافير والمراقى ....:)

أكرر .. القير +المكينة + الدفرنس ...حقات هايلوكس ...

وأغلب القطع تركب في الهايلوكس

بالنسبة لوانيتات دير هل انت متأكد انها نفس محركات وقيور ودفرنس الهايلوكس؟!! :confused: :eek: يا ليت تتأكد من هذه المعلومة فأنا اشك في ذلك حسب وجهة نظري المتواضعة واحتمال انها مزودة بمحركات تقليد صيني لمحرك الهايلوكس واظن مستحيل يكون فيها نفس محركات الهايلوكس الأصلي لأن محرك الهايلوكس متطور وصعب تفرط فيه تويوتا لأنه مستخدم في الفورنتشر والبرادو الأربعة سيلندر بالإضافة للهايلوكس .

شبح الصحراء

01/03/2007, 04:54 AM

بالمصادفة كنت امر في احد الشوارع فوجدت وانيت تاتا هذا وتذكرت موضوع اخونا العزيز منتعش في مكشات عن سيارات تاتا فاخرجت الكاميرة من درج سيارتي والتقطت هذه الصورة على عجالة لأعرضها هنا لإثراء الموضوع .

http://www.mekshat.com/pix/upload/images28/mk23961_tata__help.jpg

وكما هو واضح هذه السيارة خاصة بخدمة الصيانة المتنقلة للشركة وهذه خطوة جيدة لخدمة عملاء الشركة ويا ليت لو كل وكلاء السيارات عندنا يفعِّلون خدمات ما بعد البيع لسياراتهم .

salehhd

01/03/2007, 12:48 PM

السلام عليكم
الي يقول deer نفس محرك الهايلوكس غلطان محرك الدير 2.3 لتر صناعة صينية وهو المحرك الوحيد الي تملكة الشركة ومركتبه على اغلب سياراتها وقوته ماتتعدى ال100 حصان
بالنسبة للتاتا بالفعل قبل فترة كان عليها عرض من الوكيل ب28 الف للغارتين وانتشرت انتشار رهيب لاكن الحين اختفت وقلت

ارى مثل ماقالو ا لشباب شوفلك هايلوكس ولا ددتس مستعمل افضل
بالتوفق

منتعش

03/03/2007, 07:38 PM

عذراً ... عذراً ...
أخوي المحب : شبح الصحراء
والله كنت مسافر وتوني راجع
يوم فتحت النت وأشوف ردودك ومشاركاتك الجميلة والمفيدة
والتي تنم على حرصك الشديد على إفادة الجميع
وأسأل الله أن يوفقك لكل خير وأن يبارك فيك

منتعش

03/03/2007, 07:39 PM

حي الله أخوي المحب : salehhd
وأشكرك على مرورك الطيب
ومشاركتك الجميلة
والله يوفقك