المساعد الشخصي الرقمي

مشاهدة النسخة كاملة : تكفون الفزععة ،،،،،،،،،،،،،


asa39
21/02/2007, 10:44 PM
الاخوة الاعزاء السلام عليكم

احب اطلب منكم طلب وهو انا عندي زياره للرياض وعندي فرصة يوم واحد من الصبح للمساء واحب الخروج للبر ويذكرون ربيع على طريق القصيم وآخر على طريق الثمامة ، ايهم اقرب للرياض علما ان السيارة اللي معي كابرس
وآسف للازعاج غصب غشيم ههههههههه ويحب الفرجه شكرا لكم
الجامح66
22/02/2007, 01:33 AM
افضل شي لك خريم


كنك رايح للشرقية طبعاً طريق الرياض الشرقية السريع

متوجه الى الشرق

تمشي الين يجيك كبرى رماح حوالى 15 كيلو من اول محطة على الطريق

ترقى الكبري وتتوجه شمال متجه ناحية رماح

تمشي مع الخط حوالي 70 كيلو الين تجيك لوحه على اليمين روضة خريم ادخل معها يمين باتجاه الشرق الين يوقف الخط وهاذى الروضة قدامك


سهلة وصفها واضح جداً


وبتنبسك ان شاء الله





المسافه من الرياض الى روضة خريم حوالي 95-100 كيلو
صديقهم
22/02/2007, 02:51 AM
السلام عليكم
اخوي عندك ايضا روضة المسعودي على طريق الدمام ممتازه ما شاء الله
وتقدر تدخلها بكل سهوله وهي تبعد عن الرياض حوالي 90 كيلو الى داخل الروضه
ووصفها سهل وواضح
امش في طريق الدمام الى مفرق سعد خذ يسار واول لفه يمين يجيك T خذ يمينوامش الى ان تجيك لوحه تبع ارامكوا المضخه 3 ياخذ يسار
ثم امش الى ان يجيك السور خله يسارك الى ان تجيك الروضه
وتروح وترجع بالسلامه ...........
فهد1415
22/02/2007, 04:22 AM
بامكان ايضا الذهاب للخفس

طريق الثمامة المجمعة...بعد مفرق الطوقي والصمان وانت متجه للمجمعة تلقى الروضة على يمينك..بعد حوالي 4 كلم من المخرج ...

هذه صورة لخريم
http://www.s966.info/up/uploads/919894846a.jpg

وهذي للخفس

http://www.lahdah.com/up/uploads70/lahdah-b944067873.jpg
asa39
22/02/2007, 06:36 AM
شكرا لكل من تفاعل مع طلبي ولي طلب يا أخ فهد 1415 من الوصف الدقيق من بداية الطريق وجزا الله الجميع خيرا
الهزبر9
22/02/2007, 07:35 AM
رحلة موفقة ..
فهد1415
22/02/2007, 04:26 PM
يالغالي...

تروح الثمامة وتخلي مبني الجنادرية على يمينك..وتواصل بتجيك محطة خزام على يسارك خلها ورح سيده

يجيك نقطة تفتيش عدها ورح سيده...

بعد حوالي 30 كلم بيجيك مفرق الصمان والطوقي والتنهات..لا تلف معاه بل واصل سيده ...

بعد المخرج بحوالي 4 كلم افرق يمين مع الطرق الممهدة..واتجه يم الجبال اللي تشوفها علي يسارك وبتلقى الروضة قبلك على طول..

ملحوظة: اذا واجهت سور الروضة ..عندك عدة خيارات ..

تجلس بالروضة...

او تلف على الروضة وتخلي شبكها على يسارك..ومن ثم تتجه شمالا وتخلي الروضة خلفك..بتجيك مناطق حلوة وكلها خزامي

بعد الروضة بحوالي خمسة كلم ..شمالا..هناك روضة اخرى ورائعة وقليلة الزحمة وهي الخفس الشمالي

اذا صملت يالغالي..وناوي..على الكشته..واحتجت مساعدة فارسل لي رقم جوالك على الخاص وسوف ادلك زيك..

تحياااااااااااااااااااتي لك...
عبادي العامري
22/02/2007, 06:26 PM
اقول يارقم 39 فيه مكان يحبوه قلبك على طريق القصيم الرياض السريع فيه محطتين ساسكو اختر اللي تبي منهن ولا محطة عشيره اسرع علشان فيها سطحات لو اخربت سيارك ولا غرزت بالردميه
اقول الله يرحم مزنة الحفيتي جاي من القصيم وكسرة كابرس ومن الصبح للعصر ويقول ابكشت وبي مكان زين وربيع زين
لاحول ولا قوة الا بالله
asa39
25/02/2007, 06:58 AM
شكرا لك يا أخ فهد 1415والله يجزاك خير