vx-r قطعت 100000 كم

[البر- ديري]

وبدون ايه اعطال ولله الحمد 0 هل تنصحون ان اضيف مع الزيت ماده حمايه المحرك من التاكل المعروفه بالدعايات وموجوده لدى ساكو ايضا 0 اللي مجرب يفيدنا 0تحيه للجميع والسلام 0

[الخبير]

السلام عليكم ورحمة الله و بركاته
الله يبارك لك في موترك و يمد في عمره لين يقلب العداد أصفار من جديد.

كثرت أنواع المنظفات المعروضة ، يقولون لك هذا للبخاخات و هذا للكربريتر و هذا يمنع التآكل و أنت ماشي.
لكن يا الحبيب الوكالة بنفسها أو خلنا نقول المصنع نفسه ما نصح بإستخدامها أو حتى أشار لها.
لو ان لها ذيك الأهمية إنكان كل وكالة تلقى لها منتج خاص بسياراتها.
انا شخصياً أعرف 2 من الشباب جربوها ما استفادوا شئ إلا إن الكنداسة انشقت معهم ، ما ادري هو من سواقتهم ولا من إلي في العلبة؟؟؟
لكن خلك على قردك لا يجيك إلي أقرد منه

[العليمي]

اترك عنك هذي المواد التي تضاف مع الزيت او التي تضاف في تانكي البنزين .
و مادام سيارتك ماشاء الله تبارك الله ما فيها اي مشاكل فكل الي عليك هو الالتزام بالصيانه الدوريه للسياره فقط .....

[أيمن]

السلام عليكم ..
حياكم الله يالربع ..

لكن، إلى الآن ماهناك إجابة علمية صحيحة تفيدونا بها ..
كل كلامكم غير مبني على أساس أو تجارب بل على إحساسات داخلية:) "حلوة إحساسات داخلية" ..
نبي من كان لديه تجربة أو معرفة بهالمواد المنتشرة عند كل محطة بنزين، أن يدلي بدلوه ويفيدنا مأجورًا .

تحيتي

[Y&Y_4X4]

الصحيح يأخواني اني ما ادري عن هذه المواد ايجابا او سلبا ( مثقف ) لأنه ماورد لها ذكر في كتيب التشغيل والصيانة الفردية الي يجي مع السيارة مثل ما قال اخوي الخبير لاكن الي اعرفه، انه يجب علينا يعني بعد ال 100000 كم تغير الزيت انا انصح بزيت فوكس صحيح يتغير لونه بس مادته تبطي وهي زينه كل 3000 كم، والسيفون مع التغييرة الثالثة اصلي، فلتر البانزين كل 40000 كم سائل التبريد بعد 120000 كم تحتاج الى 3 جراكل من النوع الي يباع عند قطع غيار تايوتا وهو اصلي صناعة سعودية تصير 12 لتر تراه مبغوث جاهز والنقص زود ماء مقطر, زيت الدبل والدفرنسات بعد 120000 كم انتبه الدبل 90 والدفرنسات 140 والقير اذا هو عايدي بعد 90 ، واذا كان قير اتوماتيك تغير الزيت كل 20000 بدون فلتر حوالي 4.5 لتر مع الفحص و مع الفلتر بعد 40000 كم الى 6 لتر مع الفحص يعني ال 20000 كم الثانية ، ملاحظة اذا كان الموتر لاند كروزر 6 سلندر تستخدم زيت من نوع دايركسن3 واذا هو 8 سلندر لازم زيت القير يكون من الوكالة تراي اتكلم عن القير التماتيك يأخوان. وبعد فيه شي مهم بعد ال 120000 كم وهو سير التوقيت يعني بالعنقريزي نايمينج بلت TIMING BELT وهذا يحتاج الى فك صدر المكينة وانا انصح انه يعني الله لا يقدر علينا الا كل خير احتجت ان السيارة تدخل للورشة مثلا علشان طرمبة الماء او الأديتر او اي شي آخر خل الميكانيكي على دربه يغير السير هذا هو مثل الجنزير قديما بس انه سير بلاستيك واذا الله لايقدر حصل هذا حتى لو ان الموتر ما بعد مشى المسافة هذي ما يضر غيره احسن، التشحيم الا اخت ما اخت خل البنشري يشيك.

هذا ما لدي ودمتم ,,,,,,,,,,,,,

[القناص]

السلام عليكم

بصراحه مافيه مثل موبيل1 http://www.prod.mobil1.com/images/im_home_oil.gif (العلبه ب 27 ريال) كل 10.000 كم مع تغيير الفلتر

شوفوا ذا الموضوع ولو انه ما يجاوب على سؤال البر ديرتي

لكن طراه تغيير الزيوت

http://www.mekshat.com/vb/showthread.php?s=&threadid=4723&highlight=%E3%E6%C8%ED%E1:)