ياهل الخبره / عندي شاص وابغي اجهزه للرحلات/يهمني رايكم

[وعر]

السلام عليكم ورحمة الله وبركاته

اولا اتمنى منكم ياهل الكشتات انكم تتفاعلون مع الموضوع وذلك لكي استفيد والكل يستفيد

الموضوع بأختصار عندي شاص موديل 96 ( للكشتات فقط وليس للأستعمال )

وكنت حاب اجهزه للكشتات

الموتر حاليا فيه

1- قارمن

2-جهاز

3- كشافين قدام لتقويه الأناره بالليل

4- كشافين ورى ( يطلون على الحوض )<<<< ينفعوني لاجيت انزل اغراض في مكان مظلم ولاجيت انزل الطراد في البحر او ارفعه بالليل

وابغي اركب عليه

3- ونش ( تنصحوني في اي نوع ؟ )

4- خزان ماي

5- جنوط (رنجات) عراض 10 انش او 12 انش<<< هذي طال عمركم احتاجها لأني اسحب في كارافان( كابينه ) واحيانا اغرز



اتمنى ان الكل يشاركني في الموضوع

واللي عنده شي لايبخل علينا بالفائده

[LAAHOOB]

اولا : الله يبارك لك في حلالك .
ثانيا : ركب ونش كهربا 4 طن امريكي ، و حط معاك بكرات عشان تضاعف قوة الونش اذا جيت تسحب .
ثالثا : خزان الماء ، ركب خزان ستانستيل 120 جالون و تسوي له فتحة من تحت البدي حق الولف .
رابعا : حط عليه رنجات 10 انش مقاس 16 و عليها تواير بالون نوع سيام 900 8 كنويس ، اذا تبي تروح خور لعديد .

وسلامتك

[نبض البوسنة]

الله يبارك لك فيه

أنا ما عندي خبره كثيره في التجهيزات ولكني شفت لي

شبك على الحوض ( طربال ) ممتاز وله أكثر من طريقة وفيه تجهيزات رائعة .

ولكن قيمته غالية ومتوفر باكثر من شكل يبداء من 2000 حتى 5000ريال

واسم المحل ( الاختيار ) 065355557 في عروس الشمال ديرة الطنايا حائل

وبالتوفيق أن شاء والله يستر عليك . عندي صور له ولكن لم أتمكن من عرضها .

[وعر]

افكاركم حلوه


مشكورين اخواني ولاهنتوا


ومازلت انتضر المزيد من المشاركات