المساعد الشخصي الرقمي

مشاهدة النسخة كاملة : رش السيارة بالبوية من جديد ( دهان )


فتى الوادي
25/02/2007, 07:17 AM
السلام عليكم ...
أريد أن أعيد دهان سيارتي من جديد .. لكن محتار بين أمرين :

1- دهان نفس اللون الأول
2- دهان لون جديد ؟!

وما هو الأفلضل ؟ وهل يتم إزالة الدهان البوية الأولى ؟ أو تكون الرشة الجديدة على الأولى ؟

وما هي أفضل الورش في الرياض ؟ وكم التكلفة

ملاحظة ( السيارة لا ند كروزر )

وجزاكم الله خيرا ...
بدوي جنوبي
25/02/2007, 07:30 PM
عليكم السلام

علي حسب موديل السياره لان الموديلات الجديده طلعت الوان امكن ما تضبط علي الموديلات الاقدم

بالتوفيق اخي
فتى الوادي
26/02/2007, 11:27 AM
موديل السيارة 2000


لون السيارة ذهبي بني

أريد تغييره إلى الأبيض .
بدوي جنوبي
26/02/2007, 07:12 PM
حلو الابيض علي الموديل

لانه ملك الالوان
فتى الوادي
09/03/2007, 05:22 PM
أحسن ورشة بالرياض للبوية ؟
نمر بن حثلين
09/03/2007, 05:28 PM
ما انصحك ترش موترك بويه الا اذا كنت مظطر جدا

لان الرش ينقص من قيمة السيارة كثير وعند البيع يشكون في ان التغيير كان نتيجة لحادث قوي وشمل اجزاء كبيره من السياره
هاوي البر
09/03/2007, 05:36 PM
ما انصحك ترش موترك بويه الا اذا كنت مظطر جدا

لان الرش ينقص من قيمة السيارة كثير وعند البيع يشكون في ان التغيير كان نتيجة لحادث قوي وشمل اجزاء كبيره من السياره
كلام سليم كما قال اخونا نمر بن حثلين لا ترش بويه الا اذا كنت مظطر جدا
الربذي
09/03/2007, 10:03 PM
اخوي فتى الوادي هل تعلم انه ينزل من قيمة السياره الى 15 الف ريال لاوبعد يمكن ماتلقى الصامل
قبل شوي العصر لقيت بالمعارض باث الفين واربعه نظيف مره وماشي 48 الف فقط طبعا قيمته معروفه من 62الى 66 ولقيته يقول ب49000 الف وعلمته ان السعر مو سعره وتنهد وقال حسبي الله على من غشني قبل اسبوعين مشتريه صيده بزعمي ب58 الف واثريه مغير لونه من البرتقالي الى الفضي ولا نظيف تصدق ريحة الوكاله فيه لكن عيبه مغير صبغه لكن اشوف لو تبيعه احسن عشان ماتخسر بلوشي
هاوي قصيده
09/03/2007, 10:58 PM
انصحك ياخوي ..

دخله تلميع ..

يطلع اخو الجديد واذا به دقشات لقطهن عند سمكري زين

اما الرش كاامل لااااااااااااااااااااا


خذها نصيحه خوي ..

اما اذا انت تبي تستخدم ومنت بايع ..

ما نقول شي ..

حلالك ..وانت حرر فيه ..

بس اهم شي ..لازم يحرقون البويه ويعطونها اساس ..

وبعدين يصبغونها فرن
بواسامه
09/03/2007, 11:08 PM
اياني واياك انك ترشه
بعه باللي يجيب بالسوق وزد على قيمته قيمة الرش الح 3000 الى 5000
وخذ موتر شد بلده
وفقك الله