اسعار المواطير والمولدات وكيف تحسب الى تحتاجة من كهرباء ....

[ساروت]

بسم الله الرحمن الرحيم

جمعت يا شباب اغلب اسعار السوق وكيف تحسب الى تحتاجة من الكهرباء
طبعا الوكلاء والموزعين فى الرياض الوكلاء زى بقشان والعليان وهاشم تحصلهم فى امتداد شارع خريص كل واحد بجهه معينه
والموزعين فى شارع الريل عند الغرابي والمستعمل تحصله فى الصناعية القديمة والسلي والحراج ابن قاسم وشارع الامير سلمان وفى الجنادرية والثمامة

طبعا انصح باخذ الجديد من الموزع ارخص ولا فيه فرق
واذا تبغا 10 كيلو وتحت خذ مواطير وخذ اخو الجديد وبعد الفحص
اذا اخذت واحد رخيص ومكروف يتعبك بالخرابات
وانا انصح بينامر وروبن وهوندا والصيني لا يقربك
وتراها توفيق من رب العالمين تحصل بعض الشباب يشتري من الوكيل ينمار ويذبحك بالخرابات وتحصل واحد من الشباب شاري صيني وشغال معه زى الحلاوة
واذا تبى اكثر من 10 كيلو خذ مولدات الديزل ولا تاخذ الى من ورش صناعية السلى والصناعية القديمة ومعارض السلى وبعد الفحص باللود بانك

طبعا اذا جيت تبى تحسب الكهرباء الى تحتاجها تحبسها على الاساس هاذا
تجمع عدد الكيلوات او الواط وتحصلها مكتوبة على الكشافات او اللمبات والاجهزة الكهربائية بعامتها وهاذى معلومات عامة
كل 1000 واط 1 كيلو
القاطع الكهربائي كل 3 امبير 1 كيلو
يعنى 50 كيلو ضرب 3 تساوى 150 امبير قاطع
طبعا خط 220 يسحب 3 امبير
خط110 يسحب 6 امبير
معناتة 220 يوفر لك اكثر
واذا كان الكيبل ما هو قوي ومتين الى ينقص الكهرباء وليس عدد الكيلوت

طبعا غطاسات الموية تحسب كل 10 حصان تقريبا 7.5 كيلو
والمكيف الفريون يسحب 5 كيلو او ما تشغله وبعدها ينزل
والتبريد الهواء افضل فى المناطق الصحراوية المفتوحة
والمكاين المستعملة تجيب 75 % او 85% من قيمتها الاصلية


وهاذى اسعار السوق

طبعا اسعار الوكالة دايم غالية عندك الكومينز 50 كيلو صافية ضمان سنه من عند العليان سعرها 50 الف ريال سعودي

بقشان عنده دويتس 35 كيلو يمكن 37 الف 50 كيلو تقريبا ستين الف
الدويتس طبعا تبريد هواء طبعا ما نى متاكد من اسعار بقشان اسعار تقريبية

بيركنز 27 كيلو عند ابو نيان 37 الف ريال ضمان سنة
بيركنز عند ابو نيان 46 كيلو 43 الف ريال ضمان سنة
لستر عند العامودي 11 كيلو 27 الف ريال ضمان سنه
لستر عند العامودي 18 كيلو 31 الف ريال ضمان سنه
لستر عند العامودي 37 كيلو 40 الف ريال ضمان سنة

اسعار المستعمل نظيف مولدات كهرباء وتختلف من حيث نظافتها وكاتم صوت
دويتس 6 سلندر 50 كيلو 28 الف ريال
دويتس 3 سلندر 23 كيلو 14 الف ريال
دويتس 6 سلندر 45 كيلو 27 الف
دويتس 5 سلندر 35 كيلو 22 الف ريال
كومينز 4 روس 40 كيلو 22 الف ريال
دويتس 3 روس 20 كيلو 17 الف ريال
لستر 3 روس 13 كيلو 11 الف ريال
لستر 2 روس 10 كيلو 9 الف ريال
طبعا انصح الى يبي يتري مولد فيه كاتم انه ما يشترية من الوكالة لان اسعار الكاتم غالية فصلة فى الصناعية افضلك ومليان وش تفصل

لحين نجي للمواطير فيه شي سلف وفيه عادى ديزل وبنزين
الى في شارع الريل فى الرياض طبعا الموزيعن كثار
عندك الفاخري الى قبل الاشارة على اليمين اول اشارة فى الريال الشايب موزع معتمد وهاذى اسعاره

هوندا ياباني تجميع هندي ضمان 6 شهور فقط جديد بانزين عادي
1800 شمعة 1750 ريال سعودي
650 شمعة 1000 ريال سعودي
2200 شمعة 2000 ريال سعودي
3000 شمعة 2200 ريال سعودي
650 شمعة كاتم صوت 1150 ريال سعودي
ه ياباني اصلي تجميع وقطع
1400 شمعة 2000 ريال سعودي ضمان سنة

فيه الفاخري الى مقابل الفانوس
عنده هوندا يابانى تجميع الهند ضمان ست شهور بانزين تشغيل عادي
كاتم صوت 650 شمعة 1100 ريال سعودي
3 كيلو يعنى 3000 شمعة 2100 ريال

عنده كابوتا ياباني اصلي ضمان سنه
3800 شمعة 3500 ريال سعودي

عنده ياباني جيني 5600 شمعة 5000 ريال سعودي



الحين الفانوس
فيه واحد هندي من مدراس اسمه سيف الاسلام خوش ولد
عنده صيني ما عليه لا ضمان ولا قطع غيار ولا شي بيع وبس
فيه سونتوم 5 كيلو 2200 ريال
فيه كما 6.5 كيلو 3200 ريال

وفيه عنده ينمار ياباني تجميع تايلند ضمان 6 شهور تبريد موية ديزل مفتاح سلف
15 كيلو 17.500 ريال
10 كيلو 13.500 ريال
6.5 كيلو 10.500
5 كيلو 9000
3700 شمعة 5550 ريال

وعنده روبن ضمان 6 شهور ياباني اصلي بانزين تشغيل هندل عادي
2400 شمعة 1750 ريال
5.5 كيلو 3600
روبن عادي ديزل 5 كيلو 6000 ريال وفيه سلف يجي بعد طبعا اغلى شوي

وعنده هوندا 3 كيلو ياباني تجميع هندي سلف بانزين 2450 ريال عادي 2100 ريال

طبعا المعلومات هاذى ياشباب جمعتها لا ن شغلتى تشبة الشغلات هاذى

[أبو إيناس]

جزاك الله خيراً على هذا المجهود الطيب

[عبدالله الضويان]

الله يجزاك الف خير على المعلومات المفيده
وكنك عارف اني ابي لي ماطور ومحتار ما اعرف اسعارهن

[ساروت]

أبو إيناس
الله يعافيك ومشكور على الرد

[ساروت]

ابو المها
يلا عاد اشتر الماطور وهاذى اسعارهن
واكتب لنا الى شريتة ولو
تحط صورتة ازين بعد

[grdan]

جزاك الله خير على المعلومات القيمة

[البرق]

جزاك الله خيراً على هذا المجهود الطيب

[مخاوي قناص]

ياسلام عليك ياخوي ماقصرت بارك الله فيك ريحتنا ووفرت علينا البحث

[Avalanche]

الله يجزاك الف خير
على المعلومات المفيده


يعطيك العافية

[الغدير]

المعلومات جديدة علينا ووضحت لنا وما قصرت
بس سؤالي كيف احتسب احتياجي للتكييف على اساس الطن للمكيف الواحد ( على اساس كذا كيلو تكفي للطن الوحد) وهل المولد يعطي نفس المكتوب في كتيب المولد
وجزاك الله خير

[ضميان ابوحمد]

بارك الله فيك على المعلومات القيمه أرجوا توضيح اهم الملاحظت او النقاط التي يجب الأهتمام بها عند شراء مكائن الكهرباء المستعمه + أرجو الحصول على معلومات أكثر عن مكائن ينمار من 6 10 كيلواط ديزل صناعت اليابان سلف ألأسعار الوكيل بالرياظ + الشرقيه و مهم جدا رأيك في هذا النوع + هل تنصح بالمستعمل و ماهيه أسعار المستعمل النضيف أنا كثرت في الأسفسار عن المعلومات المطلوبه ولكن طرحك للموظوع و الخبره لديك تجعل هذه الأسئله سهله بانسبه لك بارك الله فيك أخ ساروت

[ساروت]

grdan
وياك
الله مير يحيك ويسلمك ويطول بعمرك

البرق
وياك
الله مير يحيك ويسلمك ويطول بعمرك

مخاوي قناص
ويزيدك بركة
الله مير يحيك ويسلمك ويطول بعمرك

bo_3bood
وياك
ويعافيك يارب العالمين

[ساروت]

الغدير
شف الله يرحم والديك
المكيف طن ونص واحد كيلو
والمولد يعطى على حسب الكيلوات الكى في يعنى زي كذا
kva 15
kv 10
الكيلوات الى يعطيها عشرة الصافي واذا كنت تشغلها باليوم كامل ما تعطيك العشرة والمكينة لازم تريحها يعنى تسحب منها ثمانية وكل الامور عادية بس هاذا الافضل والمجرب فى السوق وايضا اذا كانت المكينة موظبة فتعطي 75% الى 85% من الصافى حقها وبعضهن يجيبن كامل
والله يحييك

[ساروت]

ضميان ابوحمد
شف اخوى رحم الله والديك
بالنسبة لنصايح تختلف اذا بغيت تشترى مستعمل تختلف بحسب الانواع والاحجام يعنى عندك العامود مخروط او لا عندك منظم الكهرباء تشوف سلندرها مشعور او لا فيها قطع مرهمه او لا التيربو واللديتر والطرمبة والغش وارد فيها والترهيم كذلك لاكن بالنسبة لك انت من 6 الى 10 كيلو
انا لو انى مكانك ما اشترى مستعمل الى اخو الجديد نظيف مره مره مره
او من واحد من ربعى

بالنسبة لينمار الوكيل قطع غيار غالى والوكيل هاشم المحدودة وانصحك تشترية من موزع ماتفرق الى اذا انت كاش موجود موزعين فى شارع الريل الرياض والشرقية فى الدمام بس ما اعرفه وين بالضبط
والى يميز الحين انهم نزلو انواع جديدة سلف وديزل وتبريد هواء وسعرها مناسب مهوب غالى مره طبعا يجي ياباني تجميع تايلند

وبالنسبة لرائي شف اخوى لو عندى احتياج ل 8 كيلو فرضا اشترى ينمار او هوندا او روبن بالدرجة الثانية واشترى من موزع معتمد من الوكيل جديد واشترى سلف وديزل وتبرد هواء واذا كنت ابى كاتم له ما اشترية كاتم افصلة كاتم بالصناعية او احطة بغرفة معزولة والصيني لو يعطنياه بلاش ما اخذه الى اذا فيه وكيل وقطع غيار بعد ترا فيه صيني ممتاز بس التجار يجيون الرخيص للفائدة
واهم شي انى ما اشترى مولد الى وانا عارف كم احتاج من كهرباء يعنى ما اشترى شي زائد او ناقص عن احتياجى

وبقولك شي مهم ترا فيه قطع كهربائية تجارية فى السوق فيه هاذا اذا احتجت للصيانة بعدين فيه انواع فيه شي زين وفيه شي يضرب عليك الماطور وايضا مثلها لقطع المكيانيكا ولا توديها تصينها عند واحد ما يفهم
ودها عند واحد فاهم حتا لو اخذ زيادة لانة يمكن يدمر عليك مولدك ويزيد الطين بله
اعرف واحد عنده مكينة لحام ولفها بالصناعية فى الرياض عند شارع الامير سلمان ولفوها غلط وراحت عليه المكينة ومره انباعت مكينة وطاح من سعرها شي واجد علشان كهربتها فيها مشكلة
وجابها عندنا فى الورشة وفحصناها وطلع فيها قطعه صغيره بخمس ريال
حتى والله استحيت اخذ من فلوس على فيوز مع العلم انه شاريها يحسب النظام كامل خربان والنظام يكلف من 10 الى 15 الف ريال
فاحذروووو من العمالة الى فالسوق جالسين يتعلمون علينا
واذا فيه اي استفسار حاضر اخوى امرنى بس

[ابوحمزة]

السلام عليكم
عزيزي ..
صدقني انا لي سنين وانا اتصفح هالمنتدى بس موضوعك http://www.mekshat.com/vb/images/icons/icon14.gif..شجعني اسجل واشكرك على هالمشاركة الرائعة..
اخوك ابو حمزة

[ساروت]

ابوحمزة
وعليكم السلام ورحمة الله
الله يرضى عليك ويرحم والديك
احرجتنا بالرد يا مال العافيه
ولك منى توضيب مكينة اربعه سلندر شغل اليد مجاني
هات مكينة اذا عندك وامر بس واذا ما عندك اى شي
تبى اسئل ومالك الى العلم الغانم
اصلاااا هاذى معلومات وفى السوق اذا انا ما جاوبتك او علمتك تلقاها عند غيري صح ان فيه ناس ما تعلمك لانه تعب فى المعلومة ما حصلها سهله وفيه بعضهم تلقاه بفلوس علشان يعرف خسر وقت وفلوس وتعب وجهد والمعنى بطن الشاعر ;)

[طير شلوا]

مشكور كفيت ووفيت والله يعطيك العافيه

[ساروت]

طير شلوا
الله يعافايك ويحييك

[سهول نجد]

اخوي ساروت



ما رأيك بهذا المولد



هذا المولد لقيته عند السنيدي



1000 شمعة



كاتم للصوت



صناعة صينية





عليه عرض بقيمة 900 ريال سعودي





وحجمه صغير ومناسب جداً للحمل وشكله انسيابي



وانا يهمني الحجم وكتم الصوت



وهذه صورة له



http://www.q8boy.com/uploads/e94fc93439.jpg

[ralmarri]

الله يرحم والديك ويجزاك خير

[Magellan]

سهول نجد:
من المستحسن البحث عن ماطور مجرّب ومعروف مثل الهوندا والروبن واليانمار
مشكلة الصيني إنه يخوّف وغير معروف ...
والمشكلة الثانية لو خرّب يمكن ماتلقى له قطع بعكس الدارج بالسوق...
تعرف الوكلاء يستوردون عندنا من الصين (مشي حالك)..
والصيني كل يوم له شكل ولون ماعرفنا له إن فشلت ماركة طلعوا عشرة ،،
والتعب على الإستيكر الملزّق على البضاعة ياسهل مايغيرونه،،،

[الربذي]

السلام عليكم
عزيزي ..
صدقني انا لي سنين وانا اتصفح هالمنتدى بس موضوعك http://www.mekshat.com/vb/images/icons/icon14.gif..شجعني اسجل واشكرك على هالمشاركة الرائعة..
اخوك ابو حمزة

فعلا قلت المواهب ولكن دام عندنا امثال اخونا ساروت فالحمد لله وكله خير انه سبب بعد الله سبحانه في اضافه عضو فعال مثلا اخي ابو حمزه ويامرحبا بك تفيدنا ونستفيد

[بوليدى]

انا عندي غطاس ناشونال

وماني عارف كيف اشغله لان ما عندي كهربا

ودي اشتري مطور اومكينه

وابا شورك واذا فيه اي شي رخيص يكون افضل

[ساروت]

سهول نجد
هلا وسهلا اخوى
بالنسبة لصيني شف وانا اخوك اذا عنده وكيل وقطع غيار متوفرة وتعرف احد سبق وجربة يعنى لا يصير براسك وانت تجرب وبعدين تعطي نصايح
سعره رخيص وبالنسبة لشكل اغلب الى بالسوق اشكالها حلوه واحجامها مناسبة
انا اقولك

انت اعجبك السعر وتبى تشتري لاكن نصيحه لا تشتري الى شي معروف مثل الى ذكرناه فوق ولا تشتري الى عدد الشمعات والكهرباء الى تحتاج
الى فهمت انت تبى رائئي بصراحه حتى لو يزعلون على الصينيين ما اشتريه لانه ما فيه جودة اول شي ولاهو مجرب ولا قطع غيار ولا صيانة
انا ما احط شي بذمتى لاكن هاذا الى معروف فى السوق
فيه نوع يابانى نزل السوق وكيله عبدالله هاشم وبعدها صار الحمراني
كلها شركات كبار واخر شي طلع المولد ماهو كويس ونزلو موديل افضل منه ونفس الوكالة تسبه ولا تنصح فيه
وارجو انى افدتك

[ساروت]

ralmarri
ويرحم والديك
ويجزاك خيرررر

Magellan
يعطيك العافيه وكلام فعلااا صحيح
اشكركككككك

الربذي
الله يعافيك اخوى وان شاء الله
اكون افدت اخواني
والصحيح انا استفدنا من المنتدي بشكل خيالى
بالنسبة لى اشياء كثيرررررررة استفدتها

[ساروت]

بوليدى
هلا والله اخوى
بالنسبة لتشغيله لازم تعرف كم يبغا من كهرباء
شف كم فيه حصان واحسب على اساسها
كل 10 حصان تقريبا 7.5 كيلو
او اسئل راعى المحل الى اشتريت منه الغطاس اذا ما تعرف تطلع الحصان مع انه تحصله مكتوب على البليتة الى فى الغطاس
وبعدين اذا تبى تشغل معاه كهرباء ثانية علشان تزود لا تنسي

[سهول نجد]

سهول نجد


هلا وسهلا اخوى
بالنسبة لصيني شف وانا اخوك اذا عنده وكيل وقطع غيار متوفرة وتعرف احد سبق وجربة يعنى لا يصير براسك وانت تجرب وبعدين تعطي نصايح
سعره رخيص وبالنسبة لشكل اغلب الى بالسوق اشكالها حلوه واحجامها مناسبة
انا اقولك

انت اعجبك السعر وتبى تشتري لاكن نصيحه لا تشتري الى شي معروف مثل الى ذكرناه فوق ولا تشتري الى عدد الشمعات والكهرباء الى تحتاج
الى فهمت انت تبى رائئي بصراحه حتى لو يزعلون على الصينيين ما اشتريه لانه ما فيه جودة اول شي ولاهو مجرب ولا قطع غيار ولا صيانة
انا ما احط شي بذمتى لاكن هاذا الى معروف فى السوق
فيه نوع يابانى نزل السوق وكيله عبدالله هاشم وبعدها صار الحمراني
كلها شركات كبار واخر شي طلع المولد ماهو كويس ونزلو موديل افضل منه ونفس الوكالة تسبه ولا تنصح فيه
وارجو انى افدتك






كثر الله من أمثالك وبارك الله فيك

[صيادفاهم]

ماشاء ألله عليك كم من الوقت وانت تجمع المعلومات
جزاك الله خير على المعلومات القيمة

[رياض الصمان]

الله يعطيك الف عافية جهد رائع تشكر عليه

[قناص شدا]

افضل المواطير الكهربائية هي

ينمار
هوندا
روبن

وغيرها لاتدورون ولاتتعبون روحكم

ولكم تحياتي

[ضميان ابوحمد]

بارك الله فيك ياساروت

[مخرب طلعات]

ممكن أستفسر عن مواطير الياماها الياباني يقولون إنه زييييييين وتشغله لو شهر بدون تقطيع مايخرب أويحترق


معلومات الماطور : 1000 واط (8ونص أمبير)
صورة الماطور
http://www.yamaha-motor.com/assets/products/gen/general/media_content_unit0127158182.jpg
-
-
وهذا واحد ثاني أقوى منه بس الحجم صغير
معلومات: 2400 واط (16.7أمبير)
صورة الماطور
http://www.yamaha-motor.com/assets/products/gen/general/media_content_unit01322b5fc8.jpg
-
-
وهذا أقوى ماطور موجود بشركة ياماها وأحسنها
معلومات : 12 ألف واط أي 12كيلو واط (50 أمبير) 120 فولت (120\240)فولت
صورة الماطور
http://www.yamaha-motor.com/assets/products/gen/general/media_content_unit01279fbee2.jpg

طبعا ً مثل ما أنتوا ملاحظين الماطورين الأولين خفيفين جدا ً خاصة بو 1000 واط

وغير كذا جميع ماطورات ياماها كاتمة للصوت
-
-
اللي ودنا منكم النصيحه وووو سعر ماطورات ياماها وأين يقع محلها بالخبر خاصة وبالشرقية

وأكيــد بالرياض:j

[ابوليالي]

:rolleyes: ألأخ/ساروت
عندي عدت أسئله:
1-ماهي أفضل أنواع المواطيرالديزل من ناحية الكرف وشغل بدون تقطيع
2-ماهي أطول في مدة التشغيل تبريد الماء أوتبريد مروحه في المواطير
3-المشكله ان جميع المواطيرمتوفره فيها110 v وحناعندنا في اليمن خط220 v فقط
4-المشكله الثانيه إلي لحضتها ماطورينمار5كيلو مافيه إلا 22أمبير لي 220 v فهل 22أمبير يكفي لي 4000واط فإذاكان لايكفي فماالحل؟
5-أبي ماطور5كيلو 50 60 سير بس لايكون فيه خط 110 v جديد من الوكيل أو مستخدم نظيف جدان
6-ألأمبيرالواحد كم يأخذ واط؟؟؟
7-مرئيك في مواطير ينمارإلي عندالفانوس يقول بأنها100%يباني ولي عندعبدالله هاشم تجميع إندونوسي مارئيك في المواطيرإليتجي تجميع؟؟؟؟
ولك مني جزيل الشكروالتقدير
وللمعلومه ما سجلة وشاركة في منتديات مكشات إلا لكي أستفيد من خبرتك؟:j

[ابوليالي]

:rolleyes: أخوي ساروت
عندي عدت أسئله وأرجومنكم لوسمحتم أن تجيبوعلى أسئلتي:
1-ماهي أفضل أنواع المواطيرالديزل من ناحية الكرف وشغلو وبدون تقطيع
2-ماهي أطول في مدة التشغيل تبريد الماء أوتبريد مروحه في المواطير
3-المشكله ان جميع المواطيرمتوفره فيها110 v وحناعندنا في اليمن خط220 v فقط
4-المشكله الثانيه إلي لحضتها ماطورينمار5كيلو مافيه إلا 22أمبير لي 220 v فهل 22أمبير يكفي لي 4000واط فإذاكان لايكفي فماالحل؟
5-أبي ماطور5كيلو 50 60 سير بس لايكون فيه خط 110 v جديد من الوكيل أو مستخدم نظيف جدان وأريده على معرفتك الشخصيه
6-ألأمبيرالواحد كم يأخذ واط؟؟؟
7-مرئيك في مواطير ينمارإلي عندالفانوس يقول بأنها100%يباني ولي عندعبدالله هاشم تجميع إندونوسي
مارئيك في المواطيرإليتجي تجميع؟؟؟؟
ولك مني جزيل الشكروالتقدير
هذي المشاركه الثانيه لي ولم تردعلينا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟:j

[عزيزو]

السلام عليكم

غندي سوال كم كيلو المكيف الصحراوي نص حصان

والله يعطيك العافيه وماقصرت

[رجل كريم]

جزاك الله خيرا اخي الكريم ..

اعطني لو سمحت اسم ماطور يشغل مكيف طن ونص ولمبتين 60 شمعة ويكون ارخص الموجود في السوق وطبعا جديد ..



تحياتي ..

[سلفر]

السلام عليكم ورحمة الله وبركاته

الله يجزاك بالخير على المعلومات الوافيه والقيمه

اخوي عندي استفسار

عندي ماطور هوندا جديد قوته 7كيلو بس اذا شغلت عليه المكيف اول مايشغل المكيف وش زينه بس خمس دقايق ويفصل الفريون ولا عاد يشتغل الفريون ولا عليه لمبات بس مكيف وتلفزيون

من رايك وشهو السبب ؟

تقبل تحياتي

[محب الرمنغتون]

مكائن ينمار ديزل اليابانية

[الشاهين2004]

تسلم على المعلومات القيمة

[ابوليالي]

السلام عليكم ورحمةألله وبركاته
أخوي عندي سؤال:
ويش أفضل فيمكائن ينمارتجميع تيلند أوتجميع إندوسي
ولكم جزيل الشكر

[kind_heart_sa]

حياكم الله
انا مشتري ٢ مولدات من شركة الكتبي للمعدات البترولية في شارع الريل وتراها امريكية وزينة وسعرها معقول

[المداء]

بارك الله فيك اخي ساروت وجزاك الله خير لقد افدتنا كثيرا في مجال المولدات الكهربائية وكثرالله من امثالك وجعلها الله في موازين حسناتك.


تقبل مروري وتحيتي

[ابوليالي]

حياكم الله
انا مشتري ٢ مولدات من شركة الكتبي للمعدات البترولية في شارع الريل وتراها امريكية وزينة وسعرها معقول
kind_heart_sa (http://www.mekshat.com/vb/member.php?u=45317)
هل من الممكن يخوي ألله يعافيك تفيدنابأسعارها وصورلهاإذا أمكن
وكم سعر مكينه 5كيلو تبريدمأ وتشغيل سيلف وهندل و50و60سير
أرجوألئفاده ألله يجزاك خير:j

[القصبي]

غريبة مااحد رد خاصة اني احب اتعلم وش المواطير الزينة

[سعودالدمام]

اخبارك اخوي ساروت يليت لو ترسلي رقم جوالك اذا ممكن

[ساروت]

slaaam 3leekuum

sorry guys i`m not aavailable as wll as that i`m not in suaudi
sorry

[ام سويره]

لافض فوك اخونا الكريم ساروت من زمان وانا ادور هالمعلومات ,عندنا ماطور قديم حتى اسمه انمحى وحنا شارينه مستعمل من مقاول بناء ديزل لكنه بليه يشغل فوق 10 لمبات الصفر ورسيفرين وتلفزيونين وسوني لكن قل الخبره دمرته بعد كشتتنا حطيناه في المستودع بديزله وجلس فوق خمس سنوات وبعدها من علينا وعيا يشتغل والميكانيكي يقول ارميه واشتري جديد وانا مو هاين علي واخاف اني ماأطيح في مثل جودته وشاالرأي

[ابو غصن503]

أخي العزيز ساروت
عندى استفسار الاجابة عليه _عاجلاً_

ابي اشترى مولد كهربائي كاتم اوغير كاتم < واسعار الثنين

عندى 3مكيفات فريون و7 كبوس و30 لمبة وتلفزيون ورسيفر

وش النوع والحجم اللى يصلح لي من المستعمل ووين احصلها بالرياض مع الافادة بالاسعار لا هنت

انتظر ردك باسرع وقت برسالة على الجوال 0543330702 ولك اجمل تحية

اخوك ابو غصن

[البتار2011]

ابو غصن الموضوع قديم الله يصلحك.. ما اتوقع صاحب الموضوع حولك .. ..شف تاريخ بداية الموضوع ... وشف متى صاحب الموضوع مسجل وكم مشاركاته ..واضح انه ما يدخل كثير للمنتدى ..والعلم عند الله

[monsixnet]

جزاك الله خيراً

[الثويرات]

يامل العافيه والله على المعلومات الرائعه.......

لاكن اين اجد--650 شمعة كاتم صوت 1150 ريال سعودي

ياليت انا ادور الماطور ذا من زمان.

[درب الصحراء]

الله يعطيك العافيه على هذي المعلومات

وعندي استفسارات

# ودي اعرف افضل ماطور صغير للرحلات

يعني شغلة تلفزيون وسوني وكم لمبه

# وايهما افضل البنزبن ام الديزل

# وما هي اقصى مدة يمكن يشتغل فيها الماطور

وياليت ما تتاخر بارد

[الصقار بدر]

ابي قيمة 700ريال موجد هذا رقمي 0548993554

[طاش]

ممكن ترسل لي رقم المحل ولا عليك امر لاني بقيت(روبن عادي ديزل 5 كيلو 6000 ريال وفيه سلف يجي بعد طبعا اغلى شوي) وانتضر ردك

[dokfleeed]

ابي النصيحة بخصوص مولد يشغل تلفزيون ودش وريسيفر وكم لمبة واذا يشغل مكيف واحد طن فريون يكون افضل

بس اهم شي يكون ماله صوت وغير مزعج وخراباته قليله وسهل الحمل والتشغيل

وجزا الله خير كل من ينصحني

[فراس الدوسي]

شكرا لك اخوي ساروت موضوع رائع وصحيح ان الاسعار اختلفت من عام 2007

ولكن يكفي المعلومات القيمه بالموضوع شكرا لك

[نفح البرادي]

السلام عليكم

ياجماعة الخير .. هلا فعلا احتاج لمولد بطاقة 6500 واط
لتشغيل مكيف فريون صغير متحرك ؟
للعلم المكيف يحتاج ل 800 واط تقريبا

وجزاكم الله خير

[انوثة امرأة]

كل مايخص المعدات والآليات تجده في
مجلة عالم المعدات

[السكب 1]

جزاك الله خير على المعلومات القيمة

[سلمان الرحال]

أهم شي يكون هناك ضمان على الماطور حتى لو قالك المحل أنه ياباني أصلي

إذا خرب بعد شهر ما ينفعك إلا الضمان

كل المولدات اليابانية مثل الهوندا والروبن ما عادت مثل أول .. وكلها تصنع حالياً في الصين

نصيحة أحرصوا على الضمان

[وجعين]

الروبن يجي الان ثلاث انواع روبن تقليد يعني ماله دخل بشركة روبن صيني وروبن تجميع هندي وروبن اصلي يابانياخذت امس ٢٤٠٠ شمعه من محل الشايع الي ببريدة ٢٤٠٠ ب ٢١٠٠ وعارف انه مغلي سعره يعني ممكن احصله بالرياض ب ١٨٠٠ بس الشكوى لله هي هي لو اضرب مشوار لرياض صرفت ال٣٠٠ بالخط الروبن الياباني يعيش سنوات حسب تجربه سابقه لي مع نفس الماطور بشرط يغير زيته شهريا الصيني لاحد يتوهق شريت واحد بقرطاسه من حراج ابن قاسم الماطور مايشيله الا اربع ارجال سلف وخبط بنفس الليله

[ابراهيم419]

السلام عليكم ورحمة الله وبركاته اخوي ساروت ودي اتواصل معك الله لايهينك ويرحم والديك اذا ممكن وفيه مجال للموضوع هذا رقمي واتشرف تكلمن بالوتس اب ولك كل الشكر والتقدير 0541210133