مواقف طريفه حصلت لكم في البر [الأرشيف]

الحر123

26/02/2007, 01:15 AM

الموقف الطريف هو:
مره من المرات ذهبنا الى الصمان لعيون الربيع والفقع وكنا نقوم مع صلاة الفجرونصلي وبعدالصلاة نشرب الحليب ثمين ندوج في البراري
وحنافي طريقنا نحو مطلبنا وجدنا ذودن من الأبل المغاتير الي عليها الكلام من زينها ماودك الأ تصور معها المهم حنا نسينا الفقع والربيع من
السبكه معاد نشوف قدامنا الأ الطياس الي مليانه من هاك الحليب وهاك الرغوه الي كأنها مزون متطابقه من رفعها وزي منت عارف طبيعي وقفنا
عنده وسلمنا عليه وهو ماقصر عزمنا ولزم بس حنا رفضنا ولكن أصر علينا أنا نصطبح وقلناله سم يعم وحلب لنا من اطيب ماعنده من البكار
وجاب لنا الحليب في طياس من السل الستيل وقال لنا ماعندكم بسكوت وكان معنا أخواني وعيال عمي توهم شباب قلو له إلأمعنا بسكوت
وتطامرو للسياره عشان يجيبون البسكوت وجابو البسكوت وقالو له خذ يعم هذا البسكوت الموجود عندنا وفجئه ضحك راعي الأبل ضحكن شديدأ حتى إنه دمعت عيونه من الضحك طبعن حنا صرنا نضحك معه ماندري وش السالفه وبعد ماوقف من الضحك قال لنا إن البسكوت
هو(السطل )أو (الإناء)الي يحطون فيه الحليب وبعد ما أتضح لنا إن البسكوت هو السطل خذنا الحليب منه ودعينا له وذهبنا إلى السياره
مسرعين من الفشيله وبعد ما ركبنا السياره ضحكنا ضحك على الموقف الي صار لنا ولكن صار موقف لن ينسى ابد .
اسفين على الإطاله ويعطيك الصحه والعافيه على الموضوع الجميل .
اخوك المكشاتي :الحر123

باث فاندر

26/02/2007, 01:23 AM

7ayat (http://www.mekshat.com/vb/member.php?u=46235)
شكرا لمرورك............... بس لازم تجيب لنا موقف طريف:good:

الحر123 (http://www.mekshat.com/vb/member.php?u=36569)
اجل بسكوت :D

وش بتسوي بتغطه في الحليب:D
شكرا لمروووورك
تسلم:good:

عاشق فجوج نجد

26/02/2007, 08:16 AM

مرة طلعنا من الفجر للبر ومشينا يمكن 50 كيلو صحراء وقفنا ضبطنا الكبدة والشاهي بس طلع خوينا الحفلة اللي معتمدين علية ناسي الفناجيل والخبز

شربنا ذاك اليوم القهوة بطاسة

باث فاندر

26/02/2007, 11:23 AM

عاشق فجوج نجد (http://www.mekshat.com/vb/member.php?u=43751)
اما قهوه بطاسه ماتجي:D
مادري شلون تحملتو وما جلتوه:)
بس الكبده وش صار فيه شكلكم اكلتوها بملعقه :confused:

شكرا لمرورك ومشاركتك معنا الموضوع انت....كذا:good:

باث فاندر

27/02/2007, 09:09 PM

معقوله محد صارله موقف طريف إلا إثنين

آمري يا كامري

27/02/2007, 11:22 PM

مره من المرات كنت طالع مع مجموعه من الشباب إلى
شعيب حريملاء المهم أخوكم كان المسؤول عن العزبه والأخوان ذهبوا للأحتطاب المهم

ونا مشغول عن العزبه إذ بمجموعه من الجمال تلتهم الخبز وبعد عناء تم طرد هذه الإبل ولكن بعد أن إلتهمت كل شيء
وآسف على الإطاله

باث فاندر

28/02/2007, 12:42 AM

آمري يا كامري (http://www.mekshat.com/vb/member.php?u=44793)

بعارين تفطر نواشف:eek:

زين ماجلدوك:D

كان حطيت للبعارين كبده:D

شكرا لك لمشاركتنا الموضوع

ونطلب من جميع الأعضاء والمشرفين
مشاركتنا الموضوع

طير سدير

28/02/2007, 12:59 AM

هههههههههههههههههههههههههههه تذكر موقف ايام كنا ماحولك احد

ما تقول كشتنا لوراط عام 1418 وكنا خمسه اشخاص ومعنا هايلوكس وكنا متفقين نقعد اربعه ايام لان ورانا دراسه

في الرياض مير يوم قعدنا الليله الاولي زانت الجلسه وااللي عقبها زانت اكثر وعلي هالنهج الين اتفقنا كلنا نمدد

يومين الا واحد معنا قال لازم ارجع ولا تضيقون صدري انا ودي ارجع وما ودي اخلي الجلسه يعني مايبينا نستانس

وهو مهوب معنا:) المهم حاولنافيه يقعد بس ماش مهوب خوينا. وفعلا راح الرجال. ايه جت الليه الخامسه اللي

المفروض نمشي فيها قبل قرار التمديد من اعضاء مجلس اداره الكشته_تري حنا ما نعرف امير ما امير نطلع سوا

ونرجع سوا وكل واحد قراره في يده_ المهم طبخنا وتعشينا ووسعنا الصدر وسمرنا وكالعاده السهره لين الفجر ق ثم

قام واحد من السهرانين يتمشي _ماودي اقول يطير الشراب الله يكرمكم_ وشوي يوم راجع ورافع ثوبه ما امداه

يتكتك اموره.. قال ما سمعتوا شي قلنا لا.. ليه وشفيك.. قال ياجماعه ما امداني اقعد ابزين اموري الا جتني

حصاه .. الرجال خايف قلنا تعوذ وماعليك ان شاءالله بصراحه انا خفت ..علي فكره كنا كاشتين في جبل وفيه غار

وحنا تحت الغار.. المهم قام الرجال ثانيه وما امداه يطلع من الخيمه الا رجع ثانيه وتقل لسانه مربط يقول

؛تلهثلخهلؤيهحؤلثصهل يعني كلام مهوب مفهوم يوم طلعنا ما شفنا شي ورجعنا له قال ياجماعه شفت شي اسود

يتحرك بسرعه... ان لله وش هالحظ ليتنا رايحين لدراستنا اصرف.. ونطلع حنا وياه شوي يوم جتنا كم حصاة من

فوق من جهة الغار وزول رجال يتحرك بس اسود كاحل ولا فيه ملامح ماتشوف الا شي اسود كنه الجن اللي يجون

في افلام كرتون يطيرون وشكلهم ابيض بس الفرق انه اسود وتشوف عيونه_ اعوذبكلمات الله التامات من شر ما

خلق_ اخوكم اللي هو انا ماعاد يدري وش يسوي جتني ام الركب واقعد ازاعق مشينا مشينا وخويي اللي اكتشفهم

حط رجله يجيب المفتاح وخوينا الثالث قعد يقرا المعوذات يوم قرا كم ايه وقم يالجني وصارخ في عز اليل اسكت اه

لا تقرون لا عاد اشوفكم في برنا وبصوت غريب كنه صوت حرمه قنا ما بدهاش انحش هو العمر بعزئه والا ايه

واقوم ابشغل السياره قال واحد من ربعنا والخيمه والعده قلت بناقصك انت بعد كان بتقعد لابو الخيمه لابو البر :)

ونركب الموتر ثلاثه وطبعا ربعنا الاولين قاموا واحد منهم بفنيله وصروال ههههههههههههههههههه وخوينا الرابع

قاعد يقرا بري السياره وكل ما قرا زود انهبل الجني وقام يصارخ ثم بدا ينزل من الجبل الين صار ما بينا وبينه يمكن

الا عشره متر وخوينا اللي ثابت يقرا صح انه ذارق وعرق في عز البرد بس ولو ثابت ونقعد نصارخ علي خوينا

اركب اركب وفعلا ركب الرجال ونجي بنحرك وينقز الجني علي كبوت السياره ويطامر ويرقص ويردد ان حركتوا

السياره قلبتكم انزلوا .. انا لله ننزل والا وش السواة ماعاد فينا حيل وادق الريوس يوم محط الجني علي الارض

وادعس قدام الا نور سياره في وجيهنا مهيب غريبه علينا تخص خوينا الاول جت من وري الجبل الله لا يعيده نصت

المخيم وحنا نصارخ انحش انحش فيه جن والرجال ما حولك احد وينصي المكان اللي طاح فيه الجني ويدعس ورانا

معه ونيت هو وحنا ندعس وهو ورانا داعس قلنا وحده من ثنتين يا ان الجني خطف خوينا وخذ سيارته والا تمثل

بسيارته والا ان خوينا كان راجع لمنا يوم سمعنا وشاف الجني لحقنا وخذ يا تحليلات من كل شنق وكله كوم ودعستنا

كوم نمشي حول ميه وعشرين في البر نبي الخط مع انه قريب بس مع الخوف صار كنه الف كيلو والحمد الله وصلنا

الخط وخوينا ورانا ونصينا محطه قريبه عشان نضمن اننا بخير اذا وقف ورانا هالجني اللي يسوق سياره خوينا

ونوقف وننزل مستاسدين المحطه فيها نور وفيها ناس يعني مافيه خوف :) وننزل الا خوينا بشحمه ولحمه يسوق

ومركب الجني:)

هههههههههههههههههههههههههههههههههههههههههههههههههه ههههههههههههههههههههههههههههههههههههه بس

هالمره ما خفنا لان الجني صار لابس عبايه ونقاب وخوينا ميت ضحك ... صار الهيس جايب معه واحد من ربعنا

عيار والا يقدر الامور وملبسه عبايه وعاني لمنا عشان يطلعنا من البر غصب

هههههههههههههههههههههههههههههههههههههههههههههههههه هه

ورغم ان السالفه كانت حاميه وشديده وضيقت صدورنا منه الا انها ذكري ما تنسي والحمد الله عدت علي خير

أبوسلامه

28/02/2007, 01:01 AM

الله لا يهينك اخوي باث فاندر على الموضوع الطيب ..:good:

وبأختصار شديد ..

هاذا سلمكم الله كنا طالعين وبالليل عطيت المفتاح واحد من الشباب ...
والحبيب حطه على السلف ..:no:
ويجي الثاني مسوي فيها شقردي ويقفل الباب على المفتاح :confused:

وقعدنا ست ساعات الين نقزنا السياره :p

باث فاندر

28/02/2007, 01:15 AM

طير سدير (http://www.mekshat.com/vb/member.php?u=27570)
,والله العضيم اني خفت الساعه الحين 1 الليل:(
ومافيه احد في البيت:confused:
وسوست:D
بس والله لأجلدهم جلت الين يشوفون الجن في الضهر:D
الله يعطيك العافيه على مشاركتنا الموضوع:good:

أبوسلام
انت كنك خوينا الي نسى مفتاحه وتقز سيارته بسيم وراح قص سبير للسيم عشان إذا قفل على سيارته ثانه:D

الله يعطيك العافيه على مشاركتنا الموضوع:good:

وين المزيد يأخوان

باث فاندر

04/03/2007, 10:39 PM

نطلب من جميع الأعضاء والمشرفين

مشاركتنا الموضوع

باث فاندر

07/03/2007, 02:16 PM

8
8
8
8
8
8

ذيب المحمية

07/03/2007, 05:11 PM

اطرف موقف مر علي

هو ان احد الشباب مسوي نفسه راعي بر بالغصب وهو طبعا ما عنده سالفه الله يذكره بالخير

المهم اتصل علي الظهر طبعا كنت بالدوام وقال لي انا اليوم عازمك على فنجال قهوه باحد الشعبان القريبه بعد الغداء

قلت انا تعبان واجي من الدوام متأخر فلزم علي الرجال وحلف الا امره ,, فقلت ابشر وين الموقع قال بالمكان الفلاني بس لا تتأخر

قلت تم تمممممممممممم ,,,, المهم مشيت بعد الغداء للموقع الا هذا الرجال توه ينزل العزبه سلمت عليه وجلست وشب النار وبدا بالمعاميل

يحوفهن وصراحه انا لاحظت ان العزبه جديده وتو الرجال شاريها , المهم سالفه ورا سالفه وخلصت القهوه والشاي ويقوم ويجيب التمر

شوي الا الرجال يوم صاح هاك الصيحه قلت خير يابو فلان وش السالفه قال نسيت الفناجيل والكاسات هههههههههههههههههههههههه

قلت له انت وش عرفك بطلعات البر خلك بيتكم تراه احسن ,,,,, المهم الرجال ناوي يقوم ويروح لاقرب محل يبي يشتري فقلت ابد ما تتحرك

من مكانك لكن ابي الصراحه انت تفقدت العزبه قبل تجي قال والله العظيم انه امس شريت هالعزبه ونويت اصير راعي مكاشيت

قلت لا هون عن البر تراك مانت من اهله والله العظيم لو ماني مستحي من بعض الامور لكسر هالعزبه على راسك يا شين

لا خليتني انام ولا قهويتني يالهيس الاربد ,,,,,,,, وانا اقوم معصب من عنده وزعلان بالحييييييييييييييل وانا امشي واخليه عند عزبته

الناقصه ,,,,, بعد صلاة المغرب مرني بالبيت ومعه واحد من الشباب جايبه يتوسط بينا المهم قلطو بالبيت وتقهوينا وبد يتعذر الرجال

واللي معه ما قدر يتكلم من الضحك طبعا فقلت له بشرط انك ما تقرب البر الا انت معزوم يعني لا تعزم انت للبر ابد والا اطلع وحداني

وجلسنا نضحك ونعلق على بعض بهالعزيمه اللي تاليها زوراااااااات ,,,,,,,,,,,,,,,,,,,,

واعذرونا عن الاطاله وحبينا نشارك معكم بهالسالفه الطريفه

طارق

07/03/2007, 06:43 PM

اولاً الشكر لصاحب الموضوع

موقفي بفيضة حسنا السبق العام الفائت بعد ما اصبحنا يوم الخميس ذهبت انا واحد الاخوه لشراء خروف
للغداء عليه وبعد التمشي وشراء الخروف عدنا للفيضه وربط زميلي الخروف ربطة مش حالك
وبديت الاتصال على الشباب بالكنود حتى يجتمعوا وننحر الخروف ونفطر على الكبده ونصلح الحميسه
واذا بي ارى الخروف يركض امامي هارباً وخويي يركض خلفه فقلت للشباب الخروف هج ورميت الكنود
وبدأت المطاردة بالفيضة خلف الخروف أنا وبعض الزملاء وساعدنا جميع من بالفيضة بالمطاردة
وكانت مطاردة ممتعة لإكتشاف مهارتنا بالجري وفزعة الرجاجيل وبالنهاية تم القبض عليه ونحره
واخيراً افطرنا على كبدته بعد ماطلع المر بكبودنا

وتقبلوا تحياتي اخوكم طارق

الشامخ!!

07/03/2007, 07:12 PM

اجل اسمعو هذا الموقف الأطرف:
وحنا بالبر كان معنا عمي وعمي ابن حلال مايرتاح بمكان واحد لازم نتنقل من مكان الى مكان المهم في ليلة من الليالي
كنا جالسين بخيمة صباحية عمود واحد طقت في راس عمي نقل الخيمه من مكانها الى مكان يبعد حول 50 متر قال ياشباب
وش رايكم تنقلون الخيمه للمكان الفلاني قلت ياعم : خله بكره قال : لا ألحين عاد ماودنا نعصاه.
المهم صعبه تفكك الخيمه وتطرقها ثم تروح 50 متر وتنصبها اقترحت ان كل واحد من الشباب يمسك زاويه وانا وواحد ثاني نمسك العمود ثم نرفعها ونمشي بها واذا تعبنا وقفنا وريحنا شوي (طبعًا هذا بعد مانفك الأطناي) عمي عاد جالس بالسياره ويبي يلحقنا
حنا نمشي ونريح ونمشي ونريح لأن الخيمه ثقيله وبالليل، مشينا حدود 20 متر بالخيمه شيييييييييل وحنا داخلها ثم وقفنا وريحنا
توقعو وش جاء بعدها عاد عمنا توه مالحقنا، جاء طرقي شاف الخيمه ثم وقف على انه بينزل وينادي اللي بالخيمه بيسألهم ويوم طفى
وجاء ينزل،،
الا والخيمه قامت وروحت ثم شوي ويشغل سيارته وصوت السلف بغى يقطع قلب المكينه (جغغغغغغغغغغغغغغغغغغغغغغغ جغغغغغغغغغغ)!!
ثم قحص وتل الموتر ، عاد حنا بداخل الخيمة ونسمع حنين الموتر ولاندري وش السالفه، وانا اخرج الا والغبره وعمي جاي وميت من الضحك
قلت وش السالفه وعلمني
الظاهر الرجال انهبل يوم شاف الخيمه قامت وروحت
وسلامتكم!!

قلب الداهيه

07/03/2007, 07:22 PM

السلام عليكم ورحمة الله وبركاته

قصتي يالربع والله مضحكة بالحيل كنت طالع العام الماضي لحفر الباطن يم جهة الفاو المهم وصلنا المنطقة المقصودة عند غياب الشمس
قمت وقاموا معاي الذيابه نبني الخيمة ونزلنا العفش والعزبة ونشب النار ونضبط ذيك القهوة ونحكر الشاي اللي اللي اللي كنه شاي المهم مالكم بالطويلة ههههههههههه :d
ومن جت حزت العشاء زبطنا ذاك الفول اللي يحبه قلبك وقلنا اذا جاء الصباح ندور لنا على خروف ونذبحه
قمنا الفجر وصلينا وعينا من الله خير وقمت أنا ألقط من الفقيعات والحمد لله لقيت لي كم فقعة وما دريت الا ثلاثة من خوياي
قاموا يبون يشترون الخروف راحوا الربع وجابوا الخروف وياليتهم ما جابوه جابوا الخروف مقطعينه ثلاجه وحطين اللحم باكياس واخبر ان اللي يبي يذبح خروف يملحه ويخليه على كبره ويقطع منه على قدر حاجته أما باكياس كثر منها
وقلتلهم يخلف الله على اللحم أكيد يبي يعففن علينا المهم طبخنا الغدا والعشاء منه وقمنا الصبح الا وهم معفن وقلتلهم ترا يمدحون
المعلبات وبس وهذي قصتي المضكة المحزنة بعض الشيء :) :( 00
آسف على الاطالة00

وافي السبيعي

07/03/2007, 07:50 PM

السلام عليكم

الصراحة الموضوع شيق

يوم من الايام طبعا بارك الله فيكم ناوين نطلع البر واخذنا كل شي من مستلزمات البر عارفين انتم
ذبيحه وماء وكبريت وملح وبهارات وسكين وصحون ويش باقي تتوقعون ورز
*
*
*
*
*
*
*
*
*
*
*
*
*
*
*
*
*
**
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*

انه القدر قدر الطبخ

لازم طبخ متفقين على ذلك

قبل الرحله

ويش وكيف الحل

واحد من الاخوان

قال الحل عندي

اخذ يلف

و

يلف

يعني يدور

وبعدين

الا وهو معه

علبه

نيدو

مقاس (ك)

وقام بغسله جيد

ثم اخذ اول شي اللحم

وقام

باحكام

العلبه

على النار ساعه

ثم قام باخراج اللحم

وتم تركيب الارز

صدقوني

ولا فيه اروع

من تلك الطبخه

باث فاندر

07/03/2007, 08:59 PM

ذيب المحمية (http://www.mekshat.com/vb/member.php?u=44448)
الله يعطيك العافيه
بس مفروض مافشلت الرجال تلقاه الحين محرم يطلع للبر:D
شكرا لمشاركتنا الموضوع........:good:

باث فاندر

07/03/2007, 09:02 PM

طارق (http://www.mekshat.com/vb/member.php?u=7670)

قلبتوها في الفيضه سباق الـ 100 يارده:D
+
قفز الحواجز

والله قد صارت لنا هذي السالفه لكن من قرادتنا كان الخروف نشيط
ولا وقفناه إلا بالشوزن:D

شكرا لمشاركتنا الموضوع.....................:good:

باث فاندر

07/03/2007, 09:06 PM

الشامخ!! (http://www.mekshat.com/vb/member.php?u=13910) http://www.mekshat.com/vb/images/statusicon/user_offline.gif
والله القراده وشوله محركين الخيمه:D
والله مالومه خيمه تمشي:confused:

بس اعجبني وصفك جغغغغغغغغغغغغغغغغغغغغغغغغغغغغ
القير;)

شكرا لمشاركتنا الموضوع..........................:good:

باث فاندر

07/03/2007, 09:11 PM

قلب الداهيه (http://www.mekshat.com/vb/member.php?u=33185)
اما مقطعينه في كيس:D

كان ملحت اخوياك:D

على قولك الله يخليلنا المعلبات:D

شكرا لمشاركتنا الموضوع.........................:good:

باث فاندر

07/03/2007, 09:15 PM

وافي السبيعي (http://www.mekshat.com/vb/member.php?u=40644) http://www.mekshat.com/vb/images/statusicon/user_offline.gif

اول شي اهنيكم على تفكيركم:good:

بس مالقيتو إلى القدر تنسونه:D

وانا بنفسي قد طبخت في علبه نيدو بس بدون رز
وسميتها طبخة النيودو:D

شكرا لمشاركتنا الموضوع........................:good:

محمد الحريقي

07/03/2007, 09:40 PM

من المواقف الطريفة
2 من الشباب تقابلوا على طريق مزدوج طبعا واحد منهم عرف سيارة خويه من بعيد وانبسط
قال في خاطره ابموه عليه :no2:
خويه فكر بنفس التفكير :j

تخيل وش حصل:confused: :confused: :confused: :confused:

:butt3: :butt3:

تصادموا...........!!!!!!!!!!!!!!!!!!!!!! :eek:

والحمد لله على السلامة ابشركم طيبين..

بس العبرة في ان السيارات يا اخوان مايمزح ولا يستهان بها مهما كان ....

ارجوا ان تعم الفائدة من هذا الموقف وشكرا......

فاقد تبوك

08/03/2007, 12:04 AM

فكرة رائعة جدا ياباث فندر تشكر عليها
الموقف الطريف: نزلته بالصور قبل فترة لكن ماهي مشكلة نعيده هو حنا مامعانا إلا قدر واحد كاتم ونبي نضبط لنا غدا كبسة والشباب بنفس الوقت شبكت معهم غلط إنهم ياكلون ( تونة )- مادري وش طاريها - المهم مامعانا قدر ثاني نطبخ فيه التونة فكان الإقتراح أن نطبخ التونة
بـــــــــــ......

http://www.mekshat.com/pix/upload/images29/mk46871_111123.jpg

...........

http://www.mekshat.com/pix/upload/images29/mk46871_12478.jpg

........

مطر سهيل

08/03/2007, 01:34 AM

طلعنا اناوواحد من اخوياي معنا سلقه نبي نتصيد قريب ومعنا جيب ربع سفاري ونجي ونحط السلقه بالشنطه
المهم اننا ماشين بالخط ونسولف والامور زينه الين جتنا نقطة تفتيش وقفنا عنده ابعطي العسكري البطاقه ولكن جك السلقه ومع الدريشه تقعد تنابح والعسكري مندهش ويقول مير اسفط واسفط وخ\ تفتيش ونزل وحط والسلقه تنابح واخر اعت\رنا منهم
وسلامتكم

Laser

08/03/2007, 08:37 AM

قصتي قديمة شوي..

طلعنا قاصدين جبه بحائل.. 5 اشخاص

معنا جيب..
مع النفود قبل الزفلت..
المهم وحنا نمشي تعلق الموتر وطلعناه..
وبعد ما مشينا حول ال 10 كيلو بالنفود بعد التعليقه وتخبر ال10 بالنفود قال خوينا (لحمتنا) ماهي معنا شكلها طاحت يوم نتعلق..
والله رجعنا ولقيناها..
مشينا داخل النفود وعجزنا لا نمسك جادة زينه والصراحه تهنا بالنفود..
وقررنا نرجع .. بالطريق قرب المغرب قلنا ننزل نتعشى ونصبح ويكون خير...

وحنا نشوف الفنم على احد الطعوس..
قلنا احدنا نروح للراعي يساعدنا بالطريق (والبنزين) لأنه قرب يخلص..

وانا اروح صوب الغنم ..والوح بشماغي ياولد ياولد..
وصلت ادور الراعي مالقيته غنم تمشي وين الراعي اصوت ياولد ياولد..
ماحد جاوبنيي..
رجعت وقلت لربعي ؟؟؟قالوا لا تكون (جان)..!!

باقي القصة يتبع..!!

كن كن

08/03/2007, 01:42 PM

قصتي أنطقيت فيها طق أنا وأثنين معي
كنا في الصيف الماضي كاشتين في أبها أنا وثمانية من الشباب المهم عقب ما تغدينا أنسهلت أنا وأربعة من الشباب عقب الشبعه اللهم لك الحمد وجلسنا نتأمل في هاك الجبال اللي سبحان الله تجي كأنها مسطحة ما فيها ممسك يرقاها الواحد والمهم وحنا جالسين ألا اخويانا الباقين قالوا بنروح نرقى الجبل ونتمشى قلت ما تشوفون شر المهم يوم رقوا وجلست أسولف أنا وربعي الباقين ألا صادفت عيني لهم وهم فوق الجبل وهم أربعة أشخاص واحد منهم جلف جسمه كبير والباقين عايدين المهم جلست اضحك على الفرشة ضحك وقالوا وش فيك تضحك قلت شف خوينا كنه قرد تخبر عاد وقفته وشلون المهم يوم درينا ورى الثاني يطلع من تحت الحصاة ونضحك عليه لأن جلستهم نفس جلسة القرودة يوم درينا ورى الجلف توه يطلع من الحصاة يوم قال واحد من اللي معي في الفرشة شف أبوهم طلع من الغار ونجلس نضحك لو تشوف اشكالهم وهم فوق الجبل تجلس تضحك وأثر واحد من أخوياي اللي جالسين معه كاميرة فيديو وجالس يصورهم المهم يوم جو قال تعالوا أوريكم شيء والله بحق أخوياكم جالسين يشذبون فيكم وأنتم فوق الجبل يشبهونكم بالقرودة حنا جحدنا بس قال أنا أكذب يوم درينا يوم يفتح الكامير ويطلع الفضايح حنا قمطت وجيهنا وقالوا والله بحق قلنا ما لكم حق المهم كان معنا واحد قلنا أنت أحكم قال ربطوهم وربطونا ولحطونا وجانا طق يحبه قلبك وفي النهاية خذوا من كل واحد 100 ريال وعشيناهم مع أن واحد معنا زعل زعل بس الصراحة سالفة لا تنسى ابدا

نديم السهر

08/03/2007, 02:51 PM

يعطيكم العاافيه جميعآ..موضوع حلو

البر ابو المواقف الطريفه

المهم

مره من المراريت المبطيه سنه مدري كم المهم قديمه عام الف واربعميه وكم حطبه:D

طلعنا للنفود طبعآ مايصير للنفوذ وناخذ حطب

المهم وصلنا بليل ولازم حطب للزوم العشاء والسهره

حنا ثلاثه انا جلست انزل العزبه والشباب يجمعون حطب

واحد منهم يحطب من شجره غضا كبيره ولاهي يابسه حيل بها خضار والشجره كبيره ومتفرعه

المهم

مسك طرف وشاد بقوه بيكسرها كسرها شوي اصبع يده الثانيه صار مكان الكسر بمفرق الحطبتين وقفلت على ايده

يعني عضته الحطبه :D

ويتكلم بصوت عالي يدي عيت تطلع عيت تطلع

ونفزعله وحنا نضحك وفكيناه من عضة الشجره

وبعدها صرنا نعلق عليه يدي عيت تطلع:D

انتبهو الشجر يعض

وسلامتكم

باث فاندر

09/03/2007, 10:45 PM

السلع (http://www.mekshat.com/vb/member.php?u=46128)
طاش ماطاش:D

فاقد تبوك (http://www.mekshat.com/vb/member.php?u=46871)
كان زودتو المويه عشان تاكلونها في البيلات:D

سحابة سهيل (http://www.mekshat.com/vb/member.php?u=36558)
الحمد لله ماطلبوا بطاقه السلقه المدنيه:confused:

كن كن (http://www.mekshat.com/vb/member.php?u=18297)
احب التوثيق:mad:
شرير
اسعدني مشاركتكم في الموضوع........................................... :good:

باث فاندر

09/03/2007, 10:48 PM

نديم السهر (http://www.mekshat.com/vb/member.php?u=44233)
اما شجر يعض ...........................................:D

شكرا لمشاركتنا الموضوع........................................... :good:

شـهـاب

11/03/2007, 02:08 AM

والله مواقف مضحكه جدا هههههههههههههههههههههههههههههههههه

قبل مده كنا بالبر طبعاً انا نزلت لم المحطه

واحد من الشباب قال ابي اروح اكلم طبعاً الموتر هايلوكس اول ما مشاء جاء واحد ثاني

ونقز بالحوض وتغيب المهم الرجال يمشي يوم جئ لم الارسال وقف يبي يكلم

قام خوينا الي بالحوض خذا تراب ( طبعاً السالفه بالليل ) وزته على التنده الرجال قال طبيعي

غبار او شي ثاني المهم وتكرر السالفه هو نزل يبي يكلم الا والتراب يجي عليه

هو ركب السياره يبي يفرك رجع لمنا خوينا الي بالحوض فتح الباب وسكره

هذاك انخرع زياده ههههههههههههه المهم يوم هو بالطريق شاف خوينا في المراه

ورجع وهو خااااااااااااايف وميت من الظحك <<-- شلون تجي

باث فاندر

11/03/2007, 02:38 AM

شـهـاب (http://www.mekshat.com/vb/member.php?u=15430)
زين ماثور فيه:D
ولو اني مكانه كان قعت انطل لين ينهبل:mad:

شكرااااا لمشاركتنا الموضوع........................................... ...........:good:

otaisa0v

11/03/2007, 09:53 AM

السلام عليكم ورحمة الله وبركاته،،

القصة حصلت تقريباً قبل 5 سنوات وهي إن أخوي كان مسوي عزيمة في البر وهو صراحة راعي بر محترف ولكن بعض المرات يرتبش الواحد لسبب إنه مهتم إنه يبيض وجهه عند الرياجيل المهم سوو العشى وهو توه متزوج وبازن بالمدام المهم الرجال خلا الحرمة تطبخ العشاء وبعدين الحرمة لما تفتح القدر تلاحظ إن فيه رغوة وغير طبيعية كل ما فتحت على القدر ألا رغوة وبعد ماذاقو المرقة طلعت بطعم التايد والسبب إن أخوي كان مغسل الجركل بالصابون ونسى يغسله بالمويه.

وشكراً

باث فاندر

12/03/2007, 02:35 AM

otaisa0v (http://www.mekshat.com/vb/member.php?u=20711) )
جديييييييييييييييييييييييييييييييييييييييييييييييي يييييييييييييد:cool:

جرب الرز بنكه التايد:D

خله يغسل المعده:D

(والله مشكله لو ماهي عزيمه كان تهون بس والله انه احراج):(

شكرا لمشاركتنا الموضوع..................................:good:

تكفون

12/03/2007, 07:53 AM

السلام عليكم ورحمة الله

هذه ليست أحد مواقفي الطرفية ولكنها أحد الكلمات الطريفة التي ألقاها ابن أخي ..

مره من المرات جاء لمي ولد أخوي وأنا جالس أطبخ العشاء بالبر ..((طبعا العشاء ذاك اليوم ماكرونه)) ..

المهم يوم جيت أقلطهم على العشاء جاء لمي ولد أخوي ((عمره 15سنه)) وبدأ يمسح في يديه ((من شدة الجوع:))) ..وقال : تسلم والله

ياعم ..شكله نثريه طيبه :confused: ... وشو وانا عمك نثريه :p ..

مكرونه يقول نثريه ..

باث فاندر

12/03/2007, 11:07 PM

تكفون (http://www.mekshat.com/vb/member.php?u=35177)
مكرونه نثريــــــــــــــــــــــــــــــــــــــــــــــ ـــــــــــــــــــــــــــــــــــــــــــــــه

والله مالومه
شكلك مجوعهم:D
معد صار يشوف الضعيف:D

الله يعطيك العافيه على مشاركتنا الموضوع........................................... ......:good:

السابقي

13/03/2007, 09:38 AM

هذي والله المواقف المضحكه صحيح

مره من المراري كنا شباب طالعين طلعه للبر ومعنا خروفنا وبعد مانصبنا الخيمه وربطنا الخروف بحبل طويل علشان ياكل من خشاش الارض ومع السوالف وكنت متعهد الطبخ وهاك اليوم تعابا شوي قلت للشباب بريح شوي والساعه سبع قوموني اذبح الخروف واحد من مقرد الحاره درى انا رايحين وقال بلحقهم وهو صراحه من ثقال الدم ووجه مغسول بمرقه يوم جا جاني واحد من الشباب وقال خوينا جاء قلت الله لايحيه ادبلو كبده لين يروح وفعلا" الرجال خذا له فنجال ومشى بعد حوالي ساعه قمت وقلت ياعيال هاتو الخروف بنذبحه دور الخروف دور الخروف ماهو فيه ونروح بالسيارت نسوي جرد بالمنطقه مافيه فايده شوي الا واحد من الشباب يلمح جرة شي مسحوب ونتبعها لين وصلنا الخط الا خروفنا متقطع صاير" ماهوب ثلاجه الا لحم مفروم من السحب اثر ابو الشباب ساحبه بصدام الددسن معه والمقرود مقرود

....

باث فاندر

13/03/2007, 02:05 PM

السابقي (http://www.mekshat.com/vb/member.php?u=24887)
قطعت جنوبي من الضحك
والله القراده:D
ذا الي ساحب الخروف مادرا مشكله:D

شكرا لمشاركتنا الموضوع......................................:good :

عاشق VXR

13/03/2007, 02:58 PM

السلام عليكم ورحمة الله وبركاته .
مشكور على الموضوع الرائع ... :good:
الله يعطيك العافية ... جزاك الله خير ...
لا تحرمنا من جديدك .. :type:

تقبل تحياتي :
اخوك / عاشق vxr

ابو شويشه

13/03/2007, 09:51 PM

ياسبدي سبداه >>>>>>>>(ياكبدي كبداه):d

راجعلوكم مع قصه والله لتضحكون لين تقولون بس

باث فاندر

14/03/2007, 01:33 AM

عاشق VXR (http://www.mekshat.com/vb/member.php?u=23627)
شكرا لمرورك
بس كان ودي تحط لنا موقف ولو على السريع:good:

ومره ثانيه اقول اشكرك على مرورك............................................. ....:good:

باث فاندر

14/03/2007, 01:42 AM

ابو شويشه (http://www.mekshat.com/vb/member.php?u=34162)

ياهلا وسهلا
والله اني ضحكت
مع انك مابعد كتبت لنا
موقف طريف
بس نستنا
الموقف
:good:

والله انك ضحكتني
ذكرتني بالطلعه
الوهميه
الحق ماتلحق رحله بريه لجميع اعضاء مكشات بقيادة (جده غير)ومساعدة (ابو شويشه) (http://www.mekshat.com/vb/showthread.php?t=75321)

ننتضر منك الموقف
واسعدني مرورك
انت كذا........................:good:

غارب النملة

14/03/2007, 06:53 AM

مأمور

18/03/2007, 12:09 AM

يربع أقروا هالسالفة صارة على أخوكم المكشاتي الجديد منذمدة مبطي ونيف كان مع ددسن موديل 85 مدلع وبعد عليه شراع لمهم طلعنا أنا وثلاثه من الزملاء للبر وانا الرابع والمشكله أن مافيه غير هاددسن معنا مشينا الربوع العصر متوجهين ألى النفود ووصلنا بليل وبنينا الخيمة وسوينا عشناء وشبينا النار وتسامرنا وكان لزوم واحد يروح الصبح يجب الخبز والغداء من إقرب ديرة حولنا وكانمافية الا محاكيكم لاهو انا وبعد صلاة الفجر كانت السيارة وجهها للخيمه علشان الكوبس وعند النوم واحدمن الشباب حاط القدر والصحن والبريق وبوسطة اليالات تحت التانكي وخلف الكفر الأيمن الخلفي ونا الله يسلمكم بي شوي عجلة دقيت سلف وريوس سوي وماتسمع الأقربعت المواعين وتكسرها تحت الكفر بس ما وقفت الا بديرة أجيب مواعين من جديد وما رجعت الأ مع الظهر.

باث فاندر

18/03/2007, 12:19 AM

مأمور (http://www.mekshat.com/vb/member.php?u=46522)
و الله المقرود ذا الي حاط المواعين تحت الكفر:p
بس اشو عدلت وجبت لهم مواعين
تلقاهم يحترونك ناوين يجلدونك :D
يوم جيت انت حولت المواعين قبلك عشان مايمحطونك:D

شكرا لمشاركتنا الموضوع........................................... ............:good:

باث فاندر

18/03/2007, 12:29 AM

Laser (http://www.mekshat.com/vb/member.php?u=25704)
تراك قطعت قلبي كل يوم ادخل ابغا التكمله

انا ما احب الحلقات:D

ننتضر البقيه:good:

عندك يابعدي

18/03/2007, 12:45 AM

ليلة الجمعة نمت أنا والربع الشوالتية بالبرقرب التنهات بالعراء يعني بدون خيمة ولاحتى رواق نمنا ولاعندنا خلاف حتى صارت السعاعةثلاث حنا ثلاثة فقط انشطنا هو الي نام بالوسط ومحدثكم بالطرف وش توقعون جانا يوم صار الليل ليلين جني لا أسد لا ذيب لا انا خفيف نومي سمعت مخابط على الأرض وصوت كل ماله يقرب بكل شجاعة فكيت سحاب المنام التنزاني واخذت الوسادة وإذا الي جاينا بعير هايج قولوا الحمدلله على سلامك اكمل يالربع ..............من الخوف عجزت اكمل ايلا هديت كملت....حطوا عليها ماقف ...والي يبين اكل يعلمن.....وتراي ماخليت الربع بدون صور للتنهات شوفوا الصور الرائعة من عدسة عندك يابعدي وان اعجبكم علمون اكمل؟؟؟؟؟؟؟؟؟؟؟؟؟؟

باث فاندر

18/03/2007, 01:51 AM

عندك يابعدي (http://www.mekshat.com/vb/member.php?u=32963)
لا ترفع ضغطي تراني ما احب الحلقات:D

علمنا بقيت السالفه الله لايهينك

نستنا :good:

هدد97

18/03/2007, 03:46 AM

ياجماعة بعض الناس عرضتهم والله قشرة هذي السالفة قبل كم يوم اتفقنا انا وكم واحد من الشباب نقنص بسوريا "وبيني وبينكم هذي اول مرة نقنص خارج الحدود " المهم مشينا بعد ما كملنا العزبة وشيكنا ع السيارة وانطلقنا في رحلتنا مابين المنافذ وريحنا اول يوم بحمص وثاني يوم اتجهنا لموقع الصيد حيث انا امواعدين حدا القناصين السوريين اهناك وصلنا الرجال وتقهوينا عندة واخذنا اعلومة الطيبة الصيد واجد على كلامة من كدري وارانب وونسة المهم قررنا باليل نتقنص ارانب "">لحد الحين الامور طيبة بس والله يا الربع ان قلبي نا غزني من واحد من اللي معنا من الشباب حيث انة يقنص معي بالسعودية ولا عمري توفقت معاة بصيد بالعربي وجة نكبة لا كن خوي؟؟ ههههههههههه"" <,,,,,
المهم يوم جت الساعة 9 باليل اخنا الشوازن والفشق وتوكلنا ع الله ومشينا تقريبا 50 كلم من بيت الرجال لديرة يقولك الارانب تقل نمل "وللمعلومية يالربع ترا جانا مطر قبل المغرب " ,,,بعد ما قطعنا المسافة ميلنا مع لنا مسحية وحنا ما شين معاها اعترضنا شعيب ما فية نقطة ماء واخذنا شوي هناااااااك إلا و المسحية تقل بحر ولا تقدر لا تروح لا يمين ولا يسار والراي يالربع مالنا الا نرجع ونروح مكان ثاني نتقنص بة والله اتفقنا ع كذا والله وانا اخذ فوق تحت وارجع مع طريقي وعندك عندك يوم رجعت إلا والشعيب الي اول ما عترضني يمشي ع كبرة !!!!!!! جاء نقل ياسبحان الله با لسرعة وتخبرون محنا بديرتنا ولا معانا قارمن مخزنين القار وخوينا السوري لا يدل لا مع طريقة هههههههههههههههه؟؟المهم قلت ابي اباري الشعيب بسرعة عساي اوصل لمكان ما بعد وصلة والله وانا اعطي الجيب حقة وادز يوم اخذت لا والمنزال والشعيب هذاك يمشي مروح شوف العين وبسرعة وانا اقطعة وربك انقذنا افيييييييييية !!!! تونا ارتحنا قلنا نبي نروح مكان ثاني اخاف الله يرزقنا لحد الحين ما طابت النفس هههههههههههه والله نتجه يسار القار تقريبا 20 كلم ونتقنص حول ساعتين ما لقينا شي؟؟؟والارض قفر ما بها اثر السيارة يعني غريبة " الشعرة الطيبة جالس بجنبي " يوم اخذنا إلا والضوء الي يكبس لنا من بعيد تجاهلناة اول شي محنا متاكدين انة صوبنا إلا مهي سالفة النور يقرب وماشي بسرعة وهدينا نبي نشوف وش السالفة قربة السيارة واضرب النور العالي عليهم إلا اطلعت سيارة المخابرات وتعرفون الصيد ممنوع عندهم ولو امسكونا راح يصير س و ج قت ما سلم لحيتي للرجال وانا ولد ابوي "الدعوة خربانة خربانة" معاي لي جيب 97 لاند عطية الله ودعس وعندك عندك الي قهرني معاهم وانيت بانزين ملعون علية ممشى موا صاحي وطايرين جرف ياخذنا وجرف يجيبنا وانا انزل مع هكا الفرع واطفي النوركلة واشغل لي كشافات صغير نورها يادوب يقديك الطريق وامشي لي مشوار واضيعهم ومن بعيد اشوفهم يحوسون بالمكان الي ضيعوني فية ,,,,,,, والله ياجماعة ما جاكم لا الصحيح من زود الحض طابت النفس من المقناص ومسكنا القار قلنا بلا مقناص بلا هم نبي نرجع لبيت خوينا بالقرية وحنا بنص الطريق إلا وحرارت الجيب ترتفع وانزل افتح الكبوت لا الرديتر انشق وماحولنا احد بالمقطعة !!!!معنا شوي مي صبيناه بالسيارة وشوي شوي ياما وصلنا لبيت الرجال ونمرح عندة وثاني يوم نصلح السيارة تصليح عدوك لا ورشة متسنعة ولا شي ,,,,,,, يوم خلصنا قلت ياالربع اتكلنا ع الله ما بين اعيوني لا لسعودية الله لا يحرمنا من ترابها وبنفس اليوم وحنا عند اهلنا,,,,,,,,,,,,وهذ اول رحلة خارج الحدود واخر رحلة

فراس1

18/03/2007, 10:08 PM

ضعنا باليل بالصمان وقررنا المبيت من شدة التعب المفاجاة بالصبح لقينا طاقين الخيمة في مراح غنم

فراس1

18/03/2007, 10:18 PM

دلوني ياالربع على احسن كفرات للجمس قطع 15 دبل 2001 تعيش مدة وتصلح للخطوط والبر

راع الابل

18/03/2007, 10:18 PM

بسم الله بما ان الدعوة قصص فابشرواا في بعض ما عندي

طلعنا حنا حوالي سبع سيارات وحوالي 23 شخص ما بين عم وخال وبنيخي المهم اتجاهنا الحيانية ومنها الى عذفاء وجينا الحيانية بالليل والمشكلة ان الليل ما له عين المهم ان الربع نشيطين وقالوا نبي نسري بالليل وللاسف معنا ماجلان اول ما طلعن الماجلانات ويجي صاحبنا اللي يرمج الاحداثيات ويحط احداثية عذفاء وعطانا الاتجاه وتبعد حوالي عنا 150كم وقال الشقردية سرينا وحنا نمشي يوم جت الساعة وحدة ونصف الا وحنا نحصل الديرة ويوم وصلنا البيوت الا والله ما هي عذفاء ديرة الظاهر ان اسمها الذيبة وحنا نمسك اللي معه الماجلان ونحطة مع العفش بالشاصي ونحط الاحداثية الصحيحة وتصير عنا حوالي 90كم والها خربانه خربانه والشقردية ما فيهم نوم وحنا نتجه لها ونوصل بالسلامه الساعة ثلاث وشوي من الدقايق والسالفة قبل المسحيات يعني كلها قطوع
تحياتي

باث فاندر

20/03/2007, 02:34 AM

هدد97 (http://www.mekshat.com/vb/member.php?u=44403)
والله تنفع فلم:D

بس كفو زبنت:good:

وخويك ذا:no2: لاعاد يقنص معك

شكرا لمشاركتنا الموضوع..............................:good:

باث فاندر

20/03/2007, 02:36 AM

فراس1 (http://www.mekshat.com/vb/member.php?u=44594)
مراح غنم:D

هذا الي يواصل:rolleyes:

شكرا لمشاركتنا الموضوع..........................................: good:

باث فاندر

20/03/2007, 02:38 AM

راع الابل (http://www.mekshat.com/vb/member.php?u=31679)
والله انكم طيبين

لو انه انا لاربطه في شبك السياره:D

شكرا لمشاركتنا الموضوع..................................:good:

باث فاندر

20/03/2007, 03:30 AM

دلوني ياالربع على احسن كفرات للجمس قطع 15 دبل 2001 تعيش مدة وتصلح للخطوط والبر

خيمة البيع والشراء والمفقودات (http://www.mekshat.com/vb/forumdisplay.php?f=75)

لا تعليق

باث فاندر

04/06/2007, 01:06 PM

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ

سلطان العوني

04/06/2007, 10:22 PM

احيي صاحب الموضوع
واحب اشارك في قصه ظريفه في البر
مره مخيمين في البر المهمحنا تقريبا ثلاث مواتر
اتصل علينا شايب وقال وصفولي مكانكم ابي اتقهوى عندكم المهم وصفتا له المكان وقبل ما ينزل عن الزفلت اتصل علينا وقال انا نازل من الزفلت تبون شي من البقاله قلنا لا سلامتك
المهم نبعد عن الزفلت تقريبا 8كيلو بعد اتصال الرجال قمنا نقش اغراضنا مسوين فيها نظيفين المهم واحد من المواتر قريب من شية النار علشان النور واسلاكه وكان الكفر على الاخير جهة اليسار ومعاميل القهوة والشاهي مجهزه على النار
المهم نقز واحد من الشباب اللي عليهم نصف عقل وشغل الموتر ودردب بوسط الشبه واعدم المعاميل كلها بعدين ما نزل من الموتر على طول حرك للرياض بسيارة خوينا الثاني وقفل جواله
هذي قصتي

عروق الدهنا

06/06/2007, 09:34 AM

اخوي احييك علىالموضوع الطريف والرائع
هذي قصه لربعن لي كانو كاشتين بصعافيق
المهم دخلو النفود وعزبتهم كامله والكامل وجه الله
مرو من عند حلال غنم وكل واحد يلتفت على خويه قال واحد وش رايكم ياشباب ماتبون ناخذ ذبيحه ازين من الدجاج اللي فقع تسبودنا
قالو عزالله انك جبته اخذو لهم ذبيحه وش حليله
ويوم وصلو المكان اللي هم يبونه كل واحد يقول ان اللي ابذبحه وخذ لك هواش
المهم اتفقو على هذا عليه الذبح وهذا عليه الصلخ وهذا عليه التقطيع الخ......
اميرهم قال يله ياشباب جيبو السكاكين والساطور واكياس اللحم الخ...
والشباب تقل اول مره يشوفون ذبيحه متحمسين لدرجه ماتصورون قالو يله نظف عدتنا ونعد علشان نشوف شغلنا مع الذبيح
وقامو الشباب اللي معه ساطور واللي معه سكين واللي معه اكياس لحم واركبو بصندوق الشاص وابعدو عن خيمتهم 500 متر تقريبا
واخر شي طلعو ناسين الذبيحه عند الخيمه
ههههههه

هذا والله اعلم
اخوكم ابوسلامه
خيمة الصيد بالسلق

hbobnjd

20/06/2007, 09:06 PM

موقف حصلى كنت موقف تحت طلحة ونزل العفش وحط الرواق كن فى هواء وشب النار كنت وحدى وسوى القهوة والشاهى وشب على الغدا وحط الوسادة ابا انام شى وسمع حركة عند ضهرى توقعت ان الهواء يحرك الاغراض وشوى ولى يلمس ضهرى واناكنت نايم على جنبى توقعت انها حية وانا معاد اتحرك ولاادرى وش اسوى اخاف اتحرك وتقرصنى وشى يوم لى طمرنى وش كان كان ورر يجى طولة متر وانااقوم ابا انحاش بس صار هو اخوف ونحاش من وسلامتكم

باث فاندر

03/07/2007, 04:15 PM

اشكر الجميع على مشاركاتهم

عاشق الGXR

04/07/2007, 02:57 AM

مره من المرارير كنا ناقزين يم الدهنا وصلنا حوالي الساعه 11ليلاً وقفنا في مكان مرتفع في النفود وتعشيناوجلسنا الى حدود الساعه الثانيه فجراً ثم نمنا الى الى طلوع الشمس ثم قمنا وصلينا ثم شبينا النار وجهزنا الفطور وبعدها جلسنا نسولف حتى الساعه التاسعه صباحاً ثم قررنا نغير المكان شلنا فرشحنا والعزبه ثم شغلنا السياره نبي نمشي الى مايعشق القير أثاري علبة الكلدش فيها تهريب وفاضيه من الزيت ،،، والاخ الكريم خوينا صاحب السياره مامعه زيت ؟؟؟؟؟ تداركنا الموضوع وطلع فينا واحد ذكي قال نأخذ من علبة الفرامل شوي زيت ونضعه في علبة الكلدش حتى نصل المحطه ،،،، وبالفعل سوينا التجربه هذه ونجحت ووصلنا الى هجره وتم شراء الزيت وأكملنا رحلتنا تلك ..... ،،،، عساء ماطولت عليكم ،،،، وسامحنا أخوي باث فاندر ،،، على القصور ،، والله يحفظك...

winchester

06/07/2007, 05:14 AM

سنـه من السنين كنـا قـانصين ( مطلع قصيده ) للمدينـه المنوره وصلنـا المكان المقصود حزت العصر لقينـا حجله وفروخهـا وقضينـا عليهم وصـل المسـاء وجلسـنا عند غدير وذبحنـا ثلاث (غطاطات) الظاهر كذا تكتـب طبعـاً الغطاط نوع من أنواع (القطـا للي مايعرفه) بعدهـا حدود الساعه 12:00 قنـصنا أرانب وصدنـا وحده وقفـنا حدود الساعه 02:30 علشـان نسوي العشاء نمت أنـا وأخوي واللي يسوي العشـاء الوالد (الله يحفظه) معنـا (3 من أقربانا) لما جهز العشاء صحانا الوالد علشان نتعشى أنـا وأخوي غسلنا وجلست علشان أكل أخوي شبه نـايم سئله الوالد قـال أنت تأكل قال أيه . شووووي الا صوت تكسير بفمه ومستمر بالاكل والعيون طافيه كان الصحن على الارض بدون سفره ( طلع المسكين من غلط النوم يأكل تراب الله يكرمكم) وراحت كميه لابأس بها الا بطنه من التراب...

دمتم بود

هاوي الشمال11

19/01/2010, 06:33 PM

سنه من السنين وانا طالع لاالبر انا وثالثه من الاصدقاء انا في موتري معاي اخوي وهم في موترهم
المهم وانا في الطريق ويحتر على الموتر نزلت اشوف وش الي صار الاوالخرطوش حق المويه منقطع
ولاحولنا ورشه ولا شي المهم صديق وقف وقال لي وش رايك نرجع لقرب ديره حولنا قلت له توكل على الله لقيت ورشه دورت عن الخرطوش ماحصلت نفس الي انا ابغاه رحت انا مع معاهم قالو نرجع لرياض قلت لهم لا ماني مخرب الكشته السيارة لاحق على تصليحه كملنا الكشته ورجعت للبيت
اليوم الثاني رحت يم السيارة بعد ماشريت القطعه المهم ابغ افتح السيارة ولا المفتاح ناسيه في البيت والله وارجع للبيت مسافة 180 كيلو

وسلامتكم وعذروني على الاطالة

سحب ممطرة

04/03/2015, 08:40 AM

أشكركم على الموضوع الرائع

نسناس ليل

04/03/2015, 11:15 AM

موقف قديم جدا قبل الجوالات ..
وكان هالموقف في شعيب الحيسية شمال غرب الرياض .. كنا كاتبين ورقة فيها بعض الاغراض الغير ضروريه ومعطينها واحد من الشباب لما يخلص من الدوام يجيبها معاه

اخر شي مكتوب بالورقة - ( طيران ) .. المهم ابو الشباب نشوف سيارته من بعيد على المسفلت طااااااااير ونزل الشعيب مغير عجعجته تسبقه . الحبيب وصل وقلنا له عما عما وشفيك طاير قال انتم كاتبين بالورقه طيران وقتها فطسنا ضحك قال وشفيكم تضحكون قلنا نقصد طيران يعني طبول ههههههه:):) موقف لاينسى

شاهد عيان

04/03/2015, 01:51 PM

طلعت أنا ورفيقي للبر لحالنا وما معنا أحد ... ورفيقي هذا ميكانيكي ويحب الميكانيكا مرررررررره ..

جلسنا بمكان هاااااااادي واللي ما تسمع فيه أي صوت هدووووء
ونضبط أنا وياه الرز مع اللحيمة وفرشنا السفرة وسمينا وبدينا بالأكل ..
والمنطقة هدوووووء مررررررة

وحنا ناكل ... ومير نسمع صوت ( وزززززززززززز ) ؟؟؟؟
ومصدر الصوت ذباب البر الكبير ! اللي يجي منه ألوان ههههههه أكرمكم الله ..

سمع رفيقي الميكانيكي صوت هالذباب .... وقال لي شكل مروحة الأديتر عنده شابكة وما فصلت !! :D

الدوسري2010

04/03/2015, 02:36 PM

السلام عليكم ورحمه الله وبركاته اما انا فالمواقف اللي صارت لي واجد منها ليله من الليالي قبل 10 سنوات تقريباً كاشتين جنوب الرياض 200 كم تقريباً المهم جانا الليل وحنا بين جبال تروع تعشينا وبعد العشا قام واحد من الورعان الله يصلحه واخذ باقي الاكل بالسفره وراح يمكن مسافه 15 متر فقط وحطه ورا شمعه المهم هب هوا يمكن الساعه 10 بالليل وحنا كلن بفراشه وقامت السفره وتعلقت بالشمه وقام لها وشيم مثل صوت الحيه ام جنيب (( يالييل)) وكل واحد يقول قم انت ههههههههه المهم مانمنا الا بعد ما اسفر الصبح واكتشفنا ان الصوت من السفره لا داب ولا شي ونوووووم الى الساعه 11 تقريباً

awn050

05/03/2015, 04:26 AM

زانت سوالفكم

قديم كشتنا ومعنا واحد ما عمره رقد بالبر ويوم شافنا نمنا قام يسولف علي واحد يمون عليه ما يبيه ينام المهم ما درينا غير بصياح اخر اليل يقول الذيب جاكم الذيب جاكم ونقوم الى المسكين شاصب ومتشنج وما تسمع الى هشيم بكاء وش العلم يا ولد قال الذيب جاكم قلنا وينه قال اسمعو اسمعو ومير نتسمع الي صوت دبكي بالأرض ونكشف الي كرتون مسريه الهواء واذا طاح طرفه بلأرض طلع صوت دبكه
مالكم بالطويله الصبح رفيقنا يقطع الكبده سهران ووديناه يتغداء مع أهله وليومك يصلي معي بنفس المسجد ما يسلم علي ولا كأنه يعرفني

كهربان

05/03/2015, 05:05 PM

طير سدير .. الله يقطع شيطانك انت وخويانك .. فطستني من الضحك مغير اتخيلكم واضحك .. الحقيقه موقف يحبه قلبك ..وخويكم ذا الجني المصرقع سلملي عليه ..

مراويح السحاب

06/03/2015, 12:37 PM

طلعت انا واهلي للبر يم روضة ملهم او العاذريه
وانا طير هاك اليوم وشقردي مامثلي
المهم الا هاك الذود مجاهيم جايتنا تمخطر
واقوم من رداة الحظ وادخل بينهن يعنني راعي نياق
وكلهم يقولون اتركها يابن الحلال وتعوذ من ابليس
مادروا الا انا طالع لهم شايلني القعود بفمه عاض ثوبي من ورا
وذابني قدام الحرمه والعيال
ولاعادة من مرجله ومهايط هههههه
وسلامتكم
وسلامتكم

لازم التسجيل

07/03/2015, 08:24 AM

حياكم الله يالربع وش حالكم وماجورين والسلامة
هالموقف صار لي مع ربع شراويكم :D عام 1416 هـ وكنا خمسة انفار المهم رحنا صوب الصمان وصلنا عصير وقررنا نجلس ونخيم في هاك المكان الزين شرواكم :good2: ولاهوب بعيد منا قطيع نعيم يالله تمشي من الشحم والعافية وربعي قرروا ياخذون نعيمي هرفي يحبه بطنك ورحنا لراعي الغنم وهو من سكان حفر الباطن ويخت على الحلال ختات شرينا المبروك ورجعنا لخيمتنا وذبحنا الخروف وتعشينا وسوالف وسوالف الين نمنا يوم جا الصبح طلعت الشمس وأسفرت الدنيا ويوم جا الضحى حول الساعت تسع وحول قالو الربع ودنا نروح لهجرة كيت وكيت نسيت اسمها وهي قريبة منا ما هي بعيدة ومشينا كلاتنا الخمسة نفرات وتمشينا ووسعنا الصدر وسوالف وعلوم طيبة شرواكم :D وقررنا نرد لمخيمنا وهو خيمة عمود واحد هههههههه ونرجع وموترنا ددسن ونمشي ونمشي ......ونمشي ....
أذن الظهر وانا نمشي ......ونمشي ...أذن العصر ونمشي ونمشي .......وخفنا يطلع وقت العصر ونزلنا وصلينا الظهر والعصر ثم مشينا ومشينا .....ونمشي ......ونمشي وقرب المغرب يذن او أذن
وانا على ما يقال نفوسنا واصلة حدها وطفشانين وجوعانين ولكن ما دام رب السماوات والأرض معنا والله ما حنا ضايعين - وانا على حالنا نمشي الا ويطلع لنا ذاك الجمس الحمر وصار خوينا اللي شرينا منه الخروف ونوقفه وننزل له من الفرحة حتى هو مستغرب وقلنا له تكفى ودنا لخيمتنا من الصبح وانا ضايعين والرجال ما قصر رجعنا لمكانا وهو تقل حول ساعة الا ربع او نصف ساعة من مكان اللي حصلناه فيه -- جعله ووالديه وزوجته وعياله في جنات النعيم - وانا يوم وصلنا ارتحنا وصلينا وصلحنا عشانا والحمد لله رب العالمين