المساعد الشخصي الرقمي

مشاهدة النسخة كاملة : استفسارعاجل ياكشاتة الصمان


الحسكولي
26/02/2007, 10:46 PM
اخواني المكشاتيين ناوي ان شاء الله نهاية الاسبوع اطلع للصمان وبالضبط الى ام المصران والمعترضة . ارجوا من الاخوان خبراء الصمان يدلوني على اقصر واحسن طريق لها . وسمعت ان طريق شوية زين لكن مادري من وين ووش اللى مسفلت منه ؟ الرجاء اللى عنده معلومات لايبخل علينا لاعدمتكم
الحسكولي
27/02/2007, 09:19 AM
44 قارئ للموضوع مهب معقول ولاواحد ماعنده اجابه لكن عمل المعروف قل هالايام حتى لوكان مايكلف شي .
سهيل واحد
27/02/2007, 09:39 AM
أخوي ... الحسكولي

ارجوا قبول عذري عن الاخوان ..

أطلع من رماح باتجاه شوية و اذا تعديت شوية (متجه للرفيعة على نفس خطك) يجيك عمدان كهرب وعليهن ردمية .. و عندهن لوحة صغيرة مكتوب عليه (ام عقلا) افرق يمين مع الردمية و امش لين تصير حول ام المصران و ترى الردمية تمر من شمال ام المصران ( أرجوا الافادة اذا ما معك GPS) .. و نفس الخط اقرب طريق للمعترضة.
المموه
27/02/2007, 09:41 AM
ابشر بالرد . تروح طال عمرك مع رماح من عند سوق الماشيه شمال رماح . ثم يمين شمال بأتجاه محطة بن غنيم . بعدها بحوليي 20 كلم تلف يمين ملف قبل شويه . هذا الطريق نهايته اكثر من محطه ويخلي شويه يمينك . تحصل على اليمين مسحية ابراج الكهرباء امسكها جنوب شرق مسافه وتكون ام المصران على يمينك .
سفير الصمان
27/02/2007, 09:53 AM
اطلع من رماح 90كيلو وتوصل شوية ادخل بوسط شوية وتجيك مطينات تودي لام المصران وحنا انشاء الله يوم الاربعاء وراكم
الحسكولي
27/02/2007, 10:32 AM
سهيل واحد مشكور على الرد و الوصف الواضح و كثر الله من امثالك . وافيدك ان معي قارمن لكني استفسر عن الطريق السهل والقصير وماقصرت وصفته لي واذا عندك اضافات ترى مانستغني . واذا ممكن لو ثقلت عليك تقولي كم المسافة غير المسفلتة . لاهنت
الحسكولي
27/02/2007, 10:45 AM
المموه جزاك الله خير على الرد وماقصر ت بس اني مافهمت الوصف زين تقول لف فبل شوية ثم تجيك شويه على اليمين اعتقد انك تقصد تجيك على اليسار الله يجزاك خير وضح تراي اول مره اروح ذيك المناطق و هل الطريق اللى تقول عليه اقصر واسهل طريق . وكم مسافة الغير مسفلت فيه ، لاهنت
الحسكولي
27/02/2007, 10:54 AM
مهاوش اسعدني مرورك وجزاك الله خير على الرد وماقصرت وان شاء الله رحلة موفقة وتنبسطون فيها والله يسر الاجواء الزينه .
سهيل واحد
27/02/2007, 05:05 PM
المموه جزاك الله خير على الرد وماقصر ت بس اني مافهمت الوصف زين تقول لف فبل شوية ثم تجيك شويه على اليمين اعتقد انك تقصد تجيك على اليسار الله يجزاك خير وضح تراي اول مره اروح ذيك المناطق و هل الطريق اللى تقول عليه اقصر واسهل طريق . وكم مسافة الغير مسفلت فيه ، لاهنت




لا هنت .. يالحسكولي

المسافة ما ادري بالضبط لكن الله و العالم انه فوق الاربعين كيلو ...

و الاضافة اللي افيدك فيها هي ان ام المصران و رديفتها مليانات ناس و مراعي للمواشي لكن خابر لك فيضة صغيرة و حلوة بالحيل و صادة عن الناس و المواشي و تراها ما تنشاف و انت على الخطوط الكبار.. موقعها حوالي من 6 الى 7 كم شمال غرب ام المصران .. و مع الاسف ما عندي لها احداثية لاني مريتها و الجهاز ما كان معي.

الله يوفقكم و يحفظكم

أخوك

سهيل واحد