ياليت يا إخوان مساعدة بخصوص الكونيكا مينولتا z3

[ابو شكاع]

السلام عليكم ورحمة الله وبركاته
إخواني ..عندي كاميرة كونيكا مينولتا z3
وأبي أعرف طريقة التصوير الذاتي اللي يعد عد تنازلي ...ويصور من روحه ... حاولت يمين يسار فوق تحت
جبت الكتالوج وقلبته وقعدت اترجم مفرداته ببرنامج الوافي واكتب فوقهن عشان أفهم ..ما قدرت أوصل لشي ...
فياليت من يقدر يفيدن عن الطريقة ...
أنا سويت مسح ضوئي للصفحة اللي أعتقد انها الخاصة بالميزة اللي أنا أبيها بالكاميرة ...وجبت لكم الصورة لعل أحد يعرف عنقليزي ويفهمن وش لون اسوي تصوير ذاتي وله الأجر
وبما إن الصورة بالماسح الضوئي ..وحجمها واحد ميقا وشوي ..فأنا أبحط رابطها وأنتم إقروا الكتلوج وعلمون وش لون الطريقة لاهنتوا

http://up20.net/download.php?filename=a666c91883.jpg

[الفردوس]

الخيار الثاني اللي هو سلف تايمر هو ما يخص المؤقت الذاتي

[عيناوي]

هلا بك اخوي

انا اعرف عنقليزي على قولتك ههههه..
باترجمهم لك جميع وش رايك..بكذا تضرب عصورين بحجر..

الاولى:
التقاط صوره واحد فقط
الثانيه:
لتأخير ترك الشتر(الغالق)..يعني وانت ضاغط على الغالق وتركته ما يفصل معك بسرعه..يتأخر شوي..وهالطريقه تستخدمها كما هو مكتوب في صور البورتريه الذاتيه ..اضغط على self-portraits في حال رغبت بهالاسلوب وعقب اضغط على هالخاصيه.
الثالثه:
لتصوير صور مستمره في حال الضغط وترك الضغط على الغالق.
الرابعه:
لالتقاط خمسين صوره من قياس 960*1280عند الضغط واستمرار الضغط على الغالق.
الخامسه:
هالخاصيه تقوم بتوليد مجموعه صور لك وانت في حال رفعت يدك عن الغالق وتلقائيا يتم حفظ الصور الاخيره.
السادسه:
لحفظ مستمر لخمسين صوره من القياس السابق عند ترك زر الغالق.
الاخيره:
لالتقاط ثلاث صور بتعرضات مختلفه.

وعساني وفقت في الترجمه بإذن الله
واي طلب والا حاجه..انا تحت امرك

فالك ما يخيب ان شاء الله
:)

[ابو شكاع]

الخيار الثاني اللي هو سلف تايمر هو ما يخص المؤقت الذاتي

أهلا وسهلا بك الفردوس ...
ياليت اخوي تعلمنا وش المقصود من السلف تايمر ...
ووين ألاقي التصوير الذاتي
مشكور وماقصرت
* الرابط يبدو انه ما يعمل ..

[ابو شكاع]

هلا بك اخوي




انا اعرف عنقليزي على قولتك ههههه..
باترجمهم لك جميع وش رايك..بكذا تضرب عصورين بحجر..

الاولى:
التقاط صوره واحد فقط
الثانيه:
لتأخير ترك الشتر(الغالق)..يعني وانت ضاغط على الغالق وتركته ما يفصل معك بسرعه..يتأخر شوي..وهالطريقه تستخدمها كما هو مكتوب في صور البورتريه الذاتيه ..اضغط على self-portraits في حال رغبت بهالاسلوب وعقب اضغط على هالخاصيه.
الثالثه:
لتصوير صور مستمره في حال الضغط وترك الضغط على الغالق.
الرابعه:
لالتقاط خمسين صوره من قياس 960*1280عند الضغط واستمرار الضغط على الغالق.
الخامسه:
هالخاصيه تقوم بتوليد مجموعه صور لك وانت في حال رفعت يدك عن الغالق وتلقائيا يتم حفظ الصور الاخيره.
السادسه:
لحفظ مستمر لخمسين صوره من القياس السابق عند ترك زر الغالق.
الاخيره:
لالتقاط ثلاث صور بتعرضات مختلفه.

وعساني وفقت في الترجمه بإذن الله
واي طلب والا حاجه..انا تحت امرك

فالك ما يخيب ان شاء الله
:)







عيناوي ... مالك علي يمين يوم أحط المشاركة توقعتك كعاتدك تشمر عن ساعديك وتساعدني مثل ماتحب تساعد الجميع على فهم ما يجهلونه
الله يرفع قدرك ...
أخوي بالنسبة للصفحة اليسار ...مهيب هي المطلوبة
المطلوب شرح الصفحة اليمين الله يسلمك
وهنا الصورة مرة اخرى
http://www.9q9q.org/index.php?image=rAGRtQA97yywwu (http://www.9q9q.org/index.php?image=Z1YQPOffdxv)

[عيناوي]

هلا بك اخوي


انا اعرف عنقليزي على قولتك ههههه..
باترجمهم لك جميع وش رايك..بكذا تضرب عصورين بحجر..

الاولى:
التقاط صوره واحد فقط
الثانيه:
لتأخير ترك الشتر(الغالق)..يعني وانت ضاغط على الغالق وتركته ما يفصل معك بسرعه..يتأخر شوي..وهالطريقه تستخدمها كما هو مكتوب في صور البورتريه الذاتيه ..اضغط على self-portraits في حال رغبت بهالاسلوب وعقب اضغط على هالخاصيه.
الثالثه:
لتصوير صور مستمره في حال الضغط وترك الضغط على الغالق.
الرابعه:
لالتقاط خمسين صوره من قياس 960*1280عند الضغط واستمرار الضغط على الغالق.
الخامسه:
هالخاصيه تقوم بتوليد مجموعه صور لك وانت في حال رفعت يدك عن الغالق وتلقائيا يتم حفظ الصور الاخيره.
السادسه:
لحفظ مستمر لخمسين صوره من القياس السابق عند ترك زر الغالق.
الاخيره:
لالتقاط ثلاث صور بتعرضات مختلفه.

وعساني وفقت في الترجمه بإذن الله
واي طلب والا حاجه..انا تحت امرك

فالك ما يخيب ان شاء الله
:)

حياك يا غالي
ما عليك زود..وانا تحت امرك وامر مكشات والله يقدرني

بالنسبه لردي السابق..اخطيت بشغله..خمسين صوره ترجمتها غلط..والصحيح هي 15 صوره
العتب على الارق الي صايبني هاليومين ومجهدني:(
وانتم لا شفتوا مني شي غلط او استنكرتوا شي..قولوا لي
تراي منب كامل

وابشر ان شاء الله بالترجمه للصفحه اليمنى..
لكن صبرك علي ياخوك..مشغول شوي

فالك طيب بإذن الله
:)

[ابو شكاع]

الله يعافيك من الأرق يارب

ولك الوقت كله ... يقولون ماعلى كريم تشرط

[علقم]

الاخ ابو شكاع ولايهونون الربع صل على النبي

اول شي لتجعل الكامره تاخذ لك صوره من نفسها يعني انت تقعد قدامها والكامره راح اتعد للعشر وبعدين اتصور
اولا اضغط على زر التصوير لغاية النص الي ان تعمل الكامره فوكس وتاخذ وضعها للتصوير ثم وانت مازلت ضاغط اضغط بعد الزر للاخير راح يشتغل عندك التصوير الذاتي وراح يظهر لك ليت من الامام وتبدا الكامره بالعد ارجو ان اكون وفقت للشرح وشكرا

[عيناوي]

هلا بك يالغالي

انا جيت ومعاي الترجمه المرجوه وعساني اكون وفقت فيها
بسم الله

الفقره الاولى: يستخدم للتصوير الذاتي.التوقيت الذاتي سوف يؤخر ترك زر الغالق لحوالي عشر ثواني بعد الضغط على زر ترك الغالق.ارجع للصفحه44من اجل التوقيت الذاتي.

الفقره الثانيه:حين تكون الكاميرا على الحامل الثلاثي..عدل وضعيه الهدف حتى يصبح في مربع الفوكس او التركيز..اضغط على زر ترك الغالق ولكن لا تضغطه كله..فقط الى النصف..من اجل تثبيت الفوكس والتعرض..(كما هو في رقم 1) الحين اضغط عليه كله حتى يبدأ العد التنازلي..(رقم 2)..

الفقره الثالثه:بحكم ان الفوكس والتعرض تم تحديدهم مسبقا حين تم الضغط على ترك الغالق..لا تقف امام الكاميرا حين تاخذ صوره توقيت ذاتي..دائما تأكد من الفوكس مع اشارات الفوكس قبل البدء بالعد التنازلي(راجع صفحه25)..

الفقره الرابعه:يتم الان العد التنازلي على الشاشه..في هذه الاثناء ..لمبه التوقيت الذاتي تبدا تأشر(رقم 3) يصحبها اشارت صوت..ثواني قليله قبل التعرض..تبدا اللمبه بالاضاءه بشكل غير منتظم..عقب..اللمبه قبل لا يغلق الغالق بتاشر بشكل منتظم..لو بغيت توقف العد التنازلي..اضغط على الزوم يمين او يسار..تلقائيا التوقيت الذاتي بيتحول الى وضعيه الصوره المفرده المتقدمه بعد التعرض..الي هي شرحتها بالترجمه السابقه(الاولى-اذا تحب ارجع لها)..تقدر تنهي الاشارات الصوتيه في القسم3 عبر الرجوع للقائمه (صفحه93)..وتقدر بعد تغير تغيير التوقيت الذاتي لمدة ثانيتين في القسم 4 صفحه95 من القائمه..

الفقره الاخيره..نصائح تصوير:يستخدم التوقيت الذاتي لتقليل الاهتزاز مع التعرض الطويل..حين تستعمل الكاميرا على حامل ثلاثي..تقدر تصور مناظر طبيعيه او اهداف مجرده او عناصر قريبه..جميعها تقدر تصورها بالمؤقت الذاتي/التوقيت الذاتي..بحكم عدم وجود أي اتصال مع الكاميرا حين التعرض..طبعا هذا غير مؤذي او مجازفه من قِبل المصور/المُشغل..بهالحاله او بهالطريقه..التوقيت الذاتي على ثانيتين جدا مناسب



واخيرا وصلنا للنهايه

هههههههههههههه

تصدق عاد!!
انا امس ترجمتها لك ويوم جيت اسوي اعتماد للرد حصل خلل وانمسحت كلها..
تحطمت يا شيخ هههههههههه و قلت بكرا ابدا بها من جديد
وسهلها ربك

اهم شي يرضيك المجهود؟؟


وان احتجت شي لاتقول كلفت عليك..بذمتك
فالك ما يخيب يا بعدي ان شاء الله
:)

[علقم]

الاخ عيناوي العزيز انا سبقتك هاهاهاه ياخوي ترى شرحك لاهنت عقد الرجال هاهاهاهاهاه انا بسطتها له بالرد اللي فبل ردك والله يعطيك العافيه

[عيناوي]

حياك يا غالي
شرحك زين على زين لكن انا قلت للرجال باترجمها له كلها ومهيب من سلوم الرجال قول شي و عدم فعله
انا باحط بيده كل هالصفحه وهو يهيم فيها على هواه
ههههههههههههههه

سلمت و جهدك تشكر عليك
فالك ما يخيب ان شاء الله
:)

[ابو شكاع]

علقم

وعيناوي ..
ما أعتقد إن فيه أحسن من أقول
الله يجزاكم الجنة ووالديكم على هالشرح
طريقة علقم أذكر إني أسويه بس ماتضبط ... كنت أقول شكلي ما عرفت الطريقة الصحيحة يوم كنت أتهجى الكتالوج
لكن أنا ابحاول مرة ثانية
وألف شكر لكم أثنينكم
أبجرب وأرد ليكم النتيجة قريبا

[عيناوي]

وياك وجميع المسلمين يا غالي

في انتظار تجربتك

فالك ما يخيب ان شاء الله
:)

[علقم]

موفق يالغالي
اخوي عيناوي ترى امزح معك ياخوي :p

[ابو شكاع]

الغاليان علقم وعيناوي

ابشركم اني عرفت ألتقط صور بنظام السلف تايمر

الغريب في الأمر أنه فيه إعداد كان لابد منه قبل تطبيق الخطوات السابقة الموجودة في الكتالوج واللي ماقصرتوا شرحتوها لي
كان لابد من التعديل في مود التصوير من السيت أب
مع إني أذكر إني حست به ولا لقيت شي
الشكر والتقدير التام والكامل لكما إخواني

[عيناوي]

عجيب!!
طيب وين الصور
هههههههههههههه والا ما نستاهل؟؟

واذا محتاج شي..انا حاضر لك يا بعدي

فالك مايخيب ان شاء الله
:)

[علقم]

اخوي ابو شكاع
ماسوينا شي ياخوك احنا انعين ونعاون المهم انك عرفت اشلون تستخدم الكاميره