ياراعين البر والربيع والى عندهم الشور والعلم الغانم ( تكفون فزعه )

[خوي الامير]

السلام عليكم ورحمة الله وبركاته وبعد
الى كل من يحب المساعدة والفزعة والعونه وهبت الريح وخدمة الناس وعاصبة الراس ويصر الملفا والرجع والاساس ارجوه ثم ارجوه ثم ارجوه ثم ارجوه ثم ارجوه ثم ارجوه ثم ارجوه
انه يعطيني خبر الربيع ويدبره لي لاننا ان شاء الله نبي نخاوي الامير بعد العيد ان شاء الله في رحلته السنوية المعهوده ولذلك نبي المكان الزين علشان ننصاه على طول .
وانشاء الله اكون له شاكر ومقدر وان لقيت فقع وعراجين اوزي له معي .

[نايف]

أول شي وشتبي في خوة الأمير ثاني شي الربيع هالسنه من أم الجماجم ووراألين تاصل الحفر ولاتنسى الصمان وان كانك تنشد عن الفقع مافيه فقع الا بعد شهرين والله اعلم واعذرنا على القصور ... :confused: :confused: :) :o

[الخبير]

السلام عليكم
يا خوي الامير انا مع احترامي اعتب على كل واحد يعلمك بمواقع ربيع ، لاني ما قد عرفت امير و خوي امير راحوا لمناطق زينه إلا و خربوا و الديها . لا نظافه ولا اخلاق و مزاحمة الناس .
ثم لا خلصوا مكشاتهم و جو يبون يمشون يقطعون الربيع تفحيط رايح جاي لين معد تشتهي تجلس فيه البهم ( تكرمون ) وهذه حقيقة و اتوقع ان اغلب الشباب عاصروها .
لا تزعل لكن الحقيقه تضيق الصدر في بعض الاحيان

[راعي كيف]

والله وناسه فضايح :D :rolleyes: :rolleyes:

إرفقو على الرجال :)
نعنبو داركم الأمير مهب الى انتم تعرفونهم لا :p الأمير أمير قلبه امي محياه أمير عمره فكاك الأزمات قطاع ارقاب اليهود (ماله دخل) يمكن الأمير صديق يعز عليه ومسميه كذا او من هذا القبيل هههههههههههههه الله يهديكم بس الله يهديكم بس
:p :p :p قطعتو سبدي :cool: :D

[مكشات]

أخي العزيز خوي الأمير
وعليكم السلام ورحمة الله وبركاته
أولا أشكرك على تسجيلك في منتداك مكشات ، وكل عام وأنت بألف خير ...
متمنيا ان تفيد وتستفيد دائما وأبدا ...
أخي الفاضل :
ماوجد هذا المنتدى الا للمساعدة والفزعات ، وأهل البر من طبعهم الفزعات ....
كنت أتمنى إني طالع بعد هالأمطار والخيرات .. كان جبت لك علوم غانمة :(
لكن البركة ان شاء الله بإخواننا في هالمنتدى وإن شاء الله ماراح يقصرون ....
أتمنى من أي اخ طلع للبر من قريب يوافينا بالعلوم الطيبة ....
وكلنا شووق لمعرفة العلوم الجديدة ....
وكل طلعة وانتم بخير ....
أخيرا أتمنى لك التوفيق وطلعة بر حلوة وجميلة
تقبل تحياتي
أخوك
mekshat.com